၂၃.၁၀.၂၀၂၅ ရက်နေ့ နံနက် (၁၀း၀၀) နာရီအချိန်တွင် စားသုံးသူရေးရာဦးစီးဌာန၊ မွန်ပြည်နယ်၊ ကျိုက်ထိုခရိုင်၊ ခရိုင်တာဝန်ခံနှင့် ကျိုက်ထိုမြို့နယ်တာဝန်ခံတို့သည် ကျိုက်ထို မြို့နယ်၊ အမှတ် (၆၉) အိုးဖိုပိုင်း၊ ကျိုက်ပိကျေးရွာရှိ ဦးကြည်စိုး၏ အမေ့အိမ်အမှတ်တံဆိပ် ပဲကြော်လုပ်ငန်းသို့ သွားရောက်၍ ကုန်အညွှန်းအမှတ်အသားအတည်ပြုချက်ရယူနိုင်ရေး ကွင်းဆင်းစစ်ဆေးခဲ့ကြပါသည်။
ထိုသို့ ကွင်းဆင်းရာတွင် ပဲကြော်အမျိုးမျိုးတို့ ထုတ်လုပ်ရာတွင် ကုန်အညွှန်းအမှတ် အသားများ ပြည့်စုံမှန်ကန်မှု ရှိ/မရှိ စစ်ဆေးခဲ့ပြီး ပဲကြော်တစ်မျိုးချင်းစီအလိုက် ဘေးအန္တရာယ်ဖြစ်နိုင်မှုမရှိစေရေး အလေးထားဆောင်ရွက်ရန် ကုန်အညွှန်းအမှတ်အသား မပြည့်စုံမှုနှင့် ကြိုတင်သတိပေးထားချက်မရှိသော ပဲကြော်အမျိုးမျိုးတို့အား ရောင်းချခြင်း မပြုရန်နှင့် ပဲကြော်လုပ်ငန်းအတွက် ကုန်ကြမ်းများသိုလှောင်ထားရှိမှု၊ ကုန်ချောထုတ်လုပ် နိုင်မှုအခြေအနေများ တွေ့ဆုံဆွေးနွေးခဲ့ပါကြောင်း သိရှိရပါသည်။
DOCA (မွန်)