ရှမ်းပြည်နယ်(မြောက်ပိုင်း)၊ လားရှိုးမြို့ပေါ်ရှိ စတိုး, ကုန်စုံဆိုင်နှင့် Mini Mart လုပ်ငန်းရှင်များအား စားသုံးကာကွယ်ရေးဥပဒေပြဌာန်းချက်ပါ စီးပွားရေးလုပ်ငန်းရှင်များ လိုက်နာရမည့်တာဝန်များကို သိရှိစေရန် (၈.၁၀.၂၀၂၅) ရက်နေ့၊ နံနက်(၁၀:၀၀) နာရီအချိန်တွင် စားသုံးသူရေးရာဦးစီးဌာန၊ ဒုတိယပြည်ဦးစီးမှူးရုံး၌ အသိပညာပေး ဟောပြောပွဲကျင်းပခဲ့ပါသည်။
အဆိုပါ ဟောပြောပွဲတွင် စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးမှ စားသုံးသူ ကာကွယ်ရေးဥပဒေ ၂၀၁၉၊ အခန်း(၁၀) ပါ စီးပွားရေးလုပ်ငန်းရှင်များ၏ တာဝန်များအား ရှင်းလင်းဟောပြောခဲ့ပါသည်။ ထို့အပြင် ဒုတိယပြည်နယ်ဦးစီးမှူးသည် စတိုး၊ ကုန်စုံဆိုင်နှင့် Mini Mart လုပ်ငန်းရှင်များအား အခန်း(၁၈)ပါ ကုန်စည်များပေါ်တွင် ပါရှိရမည့် ကုန်ညွှန်းအမှတ် အသားဖော်ပြခြင်းနှင့် စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ-၁၄၊ ပုဒ်မခွဲ(ခ)နှင့် (ဆ) တို့ပါ ကုန်ညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့မဟုတ်) တစ်ခုထပ်ပို၍ဖြစ်စေ တွဲလျက်ရေးသားဖော်ပြရမည်ဖြစ်ပါ ကြောင်း၊ စားသုံးသူတို့၏ အခွင့်အရေးအား အထူးအလေးထားလိုက်နာရန် လိုအပ်ပါကြောင်း အသိပညာပေး ဟောပြောခဲ့ပါသည်။
DOCA(ရှမ်း)