၂၀၂၅ ခုနှစ်၊အောက်တိုဘာလ(၁၀)ရက်နေ့တွင် စားသုံးသူရေးရာဦးစီးဌာန၊ စားသုံးသူရေးရာဌာနခွဲမှ ဦးစီးအရာရှိဒေါ်ဇင်မာဦးနှင့်ဒု-ဦးစီးမှူးဒေါ်ခင်သူဇာတို့သည် အောင်မြေသာစံခရိုင်၊ အောင်မြေသာစံမြို့နယ်အတွင်းရှိ KYဆေးနှင့် ဆေးပစ္စည်းအရောင်းဆိုင်နှင့် ဆေးသိုလှောင်သို့ မြို့နယ်ကျန်းမာရေးဦးစီးဌာန၊ မြို့နယ်ထွေအုပ်၊ မြို့နယ်စည်ပင်သာယာရေးကော်မတီနှင့် မြန်မာနိုင်ငံရဲတပ်ဖွဲ့တို့နှင့်ပူးပေါင်း၍ ဆေးဝါးပြတ်လပ်မှုရှိ/မရှိနှင့် ဈေးနှုန်းမြှင့်တင်ရောင်းချမှုရှိ/မရှိ တို့ကို ဈေးကွက်စောင့်ကြည့်ကွင်းဆင်း စစ်ဆေးခြင်းများ ပြုလုပ်ခဲ့ပါသည်။
ထိုသို့ ဈေးကွက်စောင့်ကြည့်စစ်ဆေးရာတွင် ဈေးကွက်အတွင်း ရောင်းချနေသော ဆေးအရောင်း ဆိုင်နှင့်ဆေးသိုလှောင်ရုံတွင်ဆေးဝါးများပြတ်လပ်မှုမရှိကြောင်းနှင့် ဈေးနှုန်းမြှင့်တင်ရောင်းချမှု မရှိသည်ကို စစ်ဆေးတွေ့ရှိရကြောင်းသိရှိရပါသည်။ ထို့နောက် ဆိုင်တာဝန်ခံအား ဆေးဝါးများကို ဈေးနှုန်းအဆမတန်မြှင့်တင်ရောင်းချပါကအရေးကြီးကုန်စည်နှင့် ဝန်ဆောင်မှုဥပဒေအရ အရေး ယူခြင်းခံရမည်ဖြစ်ကြောင်းနှင့် ပြစ်မှု၊ ပြစ်ဒဏ်များအား သိရှိလိုက်နာ ဆောင်ရွက်ရန်လိုအပ် ကြောင်းအသိပညာပေးဆွေးနွေး၍ လိုက်နာမှုမရှိပါက အရေးယူဆောင်ရွက်သွားမည့် အခြေအနေ များအား အသိပညာပေးခဲ့ကာ လက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။
DOCA(မန္တလေး)