စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်ခင်စန်းအေးနှင့် ဝန်ထမ်းတို့သည် ၂၀၂၅ ခုနှစ်၊ အောက်တိုဘာလ (၃၀) ရက်နေ့၊ နံနက် (၁၀:၀၀) နာရီအချိန်တွင် သဇင်ကုန်းကျေးရွာ နှင့် ညီနောင်ဝကျေးရွာအုပ်ချုပ်ရေးမှူးအပါအဝင် ကော်မတီအဖွဲ့ဝင်များ လက်ဝယ်သို့ စားအုန်းဆီ ဝယ်ယူခွင့်စာအုပ် (၁၂၀၀) အုပ်အား ခွဲဝေဖြန့်ဖြူးပေးခဲ့ပါသည်။
စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်ခင်စန်းအေးက အုပ်ချုပ်ရေးမှူးနှင့် ကော်မတီအဖွဲ့ဝင်များအား သတ်မှတ်ထားသော စည်းမျဉ်းစည်းကမ်းများနှင့်အညီ အများပြည်သူ များလက်ဝယ်သို့ ဆီစာအုပ်များကို စနစ်တကျ ဖြန့်ဖြူးပေးနိုင်ရေးအတွက် လိုအပ်သည်များကို မှာကြားခဲ့ကြောင်း သတင်းရရှိပါသည်။
(Doca ဧရာဝတီ)