ဗီယက်နမ်နှင့် ကူဝိတ်တို့သည် ဆက်ဆံရေးကို မဟာဗျူဟာမြောက် မိတ်ဖက်ဆက်ဆံရေးသို့ မြှင့်တင်ခဲ့ကြ

        ဗီယက်နမ်ဝန်ကြီးချုပ် Pham Minh Chinh ၏ အရှေ့အလယ်ပိုင်းနိုင်ငံသို့ မကြာသေးမီက လာရောက်လည်ပတ်စဉ်အတွင်း ဗီယက်နမ်နှင့် ကူဝိတ်တို့သည် နှစ်နိုင်ငံဆက်ဆံရေးကို မဟာဗျူဟာမြောက် မိတ်ဖက်ဆက်ဆံရေးအဖြစ် မြှင့်တင်ခဲ့ကြောင်း ဗီယက်နမ်သတင်းအေဂျင်စီကနိုဝင်ဘာလ ၁၉ ရက်နေ့တွင် ဖော်ပြခဲ့သည်။ Chinh သည် တနင်္ဂနွေနေ့မှ အင်္ဂါနေ့အထိ ကူဝိတ် နိုင်ငံသို့ ၎င်း၏ ပထမဆုံး တရားဝင်ခရီးစဉ်အဖြစ် သွားရောက်ခဲ့သည်ဟု ဆိုသည်။

       ထွန်းသစ်စနည်းပညာများ၊ ဒစ်ဂျစ်တယ်မီဒီယာ၊ ဉာဏ်ရည်တုနှင့် စားနပ်ရိက္ခာဖူလုံရေး၊ ထောက်ပံ့ရေးကွင်းဆက်များ၊ ထုတ်လုပ်မှုနှင့် သိုလှောင်မှုဆိုင်ရာ ပူးတွဲပရောဂျက်များအပါအဝင် နယ်ပယ်အသီးသီးကို လွှမ်းခြုံသည့် ကျယ်ကျယ်ပြန့်ပြန့် ပူးပေါင်းဆောင်ရွက်ရေး အစီအစဉ်များမှ တစ်ဆင့် နှစ်နိုင်ငံပူးပေါင်းဆောင်ရွက်မှု နယ်ပယ်ကို ချဲ့ထွင်သွားမည်ဟု ပူးတွဲကြေညာချက်တွင် ဖော်ပြထားသည်။ ဗီယက်နမ်နှင့် ကူဝိတ်နိုင်ငံတို့သည် ၁၉၇၆ ခုနှစ်တွင် သံတမန်ဆက်ဆံရေး စတင်ထူထောင်ခဲ့သည်။

DOCA(ရန်ကုန်)