နယူးဇီလန်နိုင်ငံ၏ နေ့စဉ် ဆေးလိပ်သောက်နှုန်းသည် ယခင်နှစ်တွင် ၆.၉ ရာခိုင်နှုန်းထက် အနည်းငယ်ကျဆင်းသွားပြီး မကြာသေးမီနှစ်များအတွင်း သိသာထင်ရှားသော တိုးတက်မှုကို ထင် ဟပ်စေကြောင်း နိုဝင်ဘာလ ၁၉ ရက်နေ့တွင် ထုတ်ပြန်ခဲ့သည့် နောက်ဆုံးပေါ် နယူးဇီလန် ကျန်းမာရေး စစ်တမ်းအရ သိရသည်။ ၂၀၂၄/၂၅ ခုနှစ် ဇူလိုင်လမှ ၂၀၂၅ ခုနှစ် ဇူလိုင်လအတွင်း ဒေတာစုဆောင်းမှုပြီးစီးခဲ့သော စစ်တမ်းတွင် နယူးဇီလန်နိုင်ငံ၏ အရွယ်ရောက်ပြီးသူ ၆.၈ ရာခိုင် နှုန်းသည် နေ့စဉ်ဆေးလိပ်သောက်သူများဖြစ်ပြီး ၂၀၁၁/၁၂ က စစ်တမ်းကောက်ယူထားသော ၁၆.၄ ရာခိုင်နှုန်းမှ သိသိသာသာ ကျဆင်းသွားသည်ကို တွေ့ရှိခဲ့သည်။ "နေ့စဉ် ဆေးလိပ်သောက် သူဦးရေ ၂၀၁၁/၁၂ ခုနှစ်ကတည်းက ထက်ဝက်နီးပါး ကျဆင်းသွားခဲ့ပြီး ယခုအခါ နယူးဇီလန်တွင် နေ့စဉ် ဆေးလိပ်သောက်သူ ၂၇၈၀၀၀ လျော့နည်းသွားပြီဖြစ်ကြောင်း စစ်တမ်းအရ သိရသည်။ နောက်ဆုံးအချက်အလက်များအရ ကလေးငယ်များ၏ အိမ်တွင်းမီးခိုးငွေ့ထိတွေ့မှုသည် ၂၀၁၅/ ၁၆ ခုနှစ်၏ ၃.၃ ရာခိုင်နှုန်းမှ ၂၀၂၄/၂၅ ခုနှစ်တွင် ၁.၃ ရာခိုင်နှုန်းသို့ ကျဆင်းသွားကြောင်း နောက် ဆုံးရ အချက်အလက်များအရသိရသည်။ လူငယ်များ ဆေးလိပ်သောက်နှုန်းသည် အချိန်ကြာလာ သည်နှင့်အမျှ ကျဆင်းလာကြောင်း စစ်တမ်းက ဖော်ပြခဲ့ပြီး အသက် ၁၅ နှစ်မှ ၂၄ နှစ်ကြား လူငယ်များအတွက် နေ့စဉ် ဆေးလိပ်သောက်နှုန်းသည် စစ်တမ်းစတင်သည့် လွန်ခဲ့သည့် ၁၃ နှစ်ကရှိခဲ့သော ၁၉.၂ ရာခိုင်နှုန်းထက် ယခု ၃.၂ ရာခိုင်နှုန်းသို့ ကျဆင်းသွားကြောင်း စစ်တမ်းအရ သိရသည်။ သို့သော် နေ့စဉ် vaping ပျံ့နှံ့မှုမှာ ၂၀၁၅/၁၆ တွင် ၀.၉ ရာခိုင်နှုန်းသာရှိခဲ့ပြီး ၂၀၂၄/၂၅ တွင် ၁၁.၇ ရာခိုင်နှုန်းအထိတိုးလာကြောင်း စာရင်းဇယားများအရ သိရသည်။ တွဲဖက်ကျန်းမာရေး ဝန်ကြီး Casey Costello က ယခုစိန်ခေါ်မှုသည် သက်ကြီးရွယ်အိုများနှင့်လူငယ်များအား ရေရှည် ဆေးလိပ်ဖြတ်ရန် ကူညီပေးနိုင်ကြောင်း ပြောကြားခဲ့သည်။
DOCA(ရန်ကုန်)