ကမ္ဘောဒီးယားနိုင်ငံ၊ ခရီးသွားလုပ်ငန်းဝန်ကြီး (MoT) ၏ဝန်ကြီး Huot Hak သည် ဂျပန်-ကမ္ဘောဒီးယားအသင်း (JCA) ၏ ဥက္ကဋ္ဌ Takashi Fumiaki နှင့် လုပ်ဖော်ကိုင်ဖက်များအားခရီးသွားလုပ်ငန်းဝန်ကြီးဌာန၏ ရုံးချုပ်တွင် တွေ့ဆုံဆွေးနွေးမှုများ ပြုလုပ်ခဲ့သည်။ (JCA) ၏ ဥက္ကဋ္ဌ Takashi Fumiaki သည် အဓိကဂျပန်ရင်းနှီးမြှုပ်နှံသူများ၏ကိုယ်စားလှယ်အဖွဲ့ကို ဦးဆောင်၍ ကမ္ဘောဒီးယားတွင် ခရီးသွားလုပ်ငန်းအလားအလာနှင့် ရင်းနှီးမြှုပ်နှံမှုအခွင့်အလမ်းများကို စူးစမ်းလေ့လာသွားမည်ဖြစ်ပြီး ဂျပန်နှင့် နိုင်ငံတကာ ခရီးသွားများကို ကမ္ဘောဒီးယားသို့ ပိုမိုဆွဲဆောင်နိုင်ရန် ကမ္ဘောဒီးယား၏ ခရီးသွားလုပ်ငန်း အလားအလာ များကို ဂျပန်ပြည်သူများထံ ကျယ်ကျယ်ပြန့်ပြန့် မြှင့်တင်ပေးသွားမည် ဖြစ်ကြောင်း ကတိပြုခဲ့သည်။ တွေ့ဆုံမှုအတွင်း နှစ်နိုင်ငံလုံးသည် ဂျပန်နိုင်ငံ၏ ဧည့်ဝတ်ကျေပွန်မှု သင်တန်းတစ်ခု စီစဉ်နိုင်မှုကို စစ်ဆေးခြင်းနှင့် ကမ္ဘောဒီးယားရှိ ခရီးသွား လုပ်ငန်းနှင့် ဧည့်ဝတ်ကျေပွန်မှု ကဏ္ဍ များတွင် အရည်အသွေးမြင့် အမှတ်တရ လက်ဆောင်ပစ္စည်းများ ထုတ်လုပ်ရာတွင် ရင်းနှီးမြှုပ်နှံရန် ဂျပန်ရင်းနှီးမြှုပ်နှံသူများ ဆွဲဆောင် နိုင်မှုကို မြှင့်တင်ပေးခြင်းဖြင့် ပူးပေါင်းဆောင်ရွက်မှုကို ထူထောင်ရန် သဘောတူညီခဲ့ ကြသည်။
DOCA(ရန်ကုန်)