၂၀၂၆ ခုနှစ် အစောပိုင်းတွင် ကျင်းပရန် စီစဉ်ထားသည့် တတိယအကြိမ်မြောက် ကမ္ဘော ဒီးယား-UK ပူးတွဲကုန်သွယ်ရေးနှင့် ရင်းနှီးမြှုပ်နှံမှုဖိုရမ် (JTIF) တွင် ကမ္ဘောဒီးယား နိုင်ငံ သည် UK နှင့် စီးပွားရေးပူးပေါင်းဆောင်ရွက်မှုကို နက်ရှိုင်းစေရန် ကတိပြုထားကြောင်း ကမ္ဘောဒီးယားနိုင်ငံ၊ စီးပွားရေးနှင့်ကူးသန်းရောင်းဝယ်ရေးဝန်ကြီး Cham Nimul က ပြောကြားခဲ့သည်။ ဖနွမ်းပင်မြို့ တွင် ကျင်းပသော Unilever (Cambodia) Limited ၏ ၂၂ နှစ်မြောက် နှစ်ပတ်လည်နေ့တွင် မိန့်ခွန်းပြောကြားရာတွင် Nimul က (JTIF) ဖိုရမ်သည် အလားအလာမြင့်မားသော ကဏ္ဍများစွာ တွင် အတွေ့အကြုံအသစ်များကို စူးစမ်းလေ့လာရန် နှစ်နိုင်ငံလုံးအတွက် အရေးကြီးသော နေရာ တစ်ခု ဖြစ်လာမည်ဟု အလေးပေးပြောကြားခဲ့ သည်။ ၂၀၂၆ ခုနှစ် အစောပိုင်းတွင် ကျင်းပမည့် တတိယအကြိမ်မြောက် ကမ္ဘောဒီးယား-UK ပူးတွဲကုန်သွယ်ရေးနှင့် ရင်းနှီးမြှုပ်နှံမှုဖိုရမ် (JTIF) မှတစ်ဆင့် နှစ်ဖက်စလုံးသည် အခြေခံအဆောက်အအုံစီမံကိန်းများအတွက် ရင်းနှီးမြှုပ်နှံမှု ငွေကြေးထောက်ပံ့မှု၊ စိုက်ပျိုးရေး၊ ကုန်သွယ်မှုနှင့် ပို့ကုန်လွယ်ကူချောမွေ့မှုကဲ့သို့သော နယ်ပယ် များစွာတွင် ပူးပေါင်း ဆောင်ရွက်မှုများကို တိုချဲ့ရန် အလားအလာကို ဆက်လက်ရှာဖွေသွား ပါမည်ဖြစ်ကြောင်း ဆက်လက်ပြောကြားခဲ့သည်။ ကမ္ဘောဒီးယားနိုင်ငံ၊ အကောက်ခွန်နှင့် အခွန် ကြီးကြပ်မှုဦးစီး ဌာနမှ တရားဝင်စာရင်းအချက်အလက်များအရ ၂၀၂၅ ခုနှစ်၊ ဇန်နဝါရီလမှ အောက်တိုဘာလ အတွင်း ကမ္ဘောဒီးယားနှင့် UK အကြား နှစ်နိုင်ငံ ကုန်သွယ်မှုသည် ၇.၁ ရာခိုင် နှုန်း မြင့်တက်လာပြီး အမေရိကန်ဒေါ်လာ ၉၁၁ သန်း ရှိခဲ့သည်။
DOCA(ရန်ကုန်)