ဗီယက်နမ်မှ ပိန္နဲသီးများအား တရုတ်ဈေးကွက်သို့ တင်ပို့နိုင်ရေးအတွက် တင်ပို့မှုဆိုင်ရာ လုပ်ထုံးလုပ်နည်းစနစ် အခြေပြစာချုပ်ကို ဗီယက်နမ်နှင့် တရုတ်နှစ်နိုင်ငံကြား ချုပ်ဆိုထားကြောင်း စိုက်ပျိုးရေးနှင့် သဘာဝပတ်ဝန်းကျင်ဝန်ကြီးဌာန၏ ကြေညာချက်အရ သိရှိရပါသည်။
အခြေပြစာချုပ် လက်မှတ်ရေးထိုးခြင်းကို နိုဝင်ဘာလ ၂၇ ရက်နေ့၌ ပြုလုပ်ခဲ့သည့် ဗီယက် နမ်နိုင်ငံ၊ စိုက်ပျိုးရေးနှင့် သဘာဝပတ်ဝန်းကျင်ဝန်ကြီး Tran Duc Thang နှင့် တရုတ် ပြည်သူ့ သမ္မတနိုင်ငံ၊ အကောက်ခွန်အထွေထွေအုပ်ချုပ်မှု အာဏာပိုင်အဖွဲ့၊ ဒုတိယညွှန်ကြားရေးမှူး Zhao Zenglian တို့၏ ဆွေးနွေးမှုအစီအစဉ်တွင် ဆောင်ရွက်ခဲ့ခြင်းဖြစ်ကြောင်းသိရှိရပါသည်။
ယခုအစီအစဉ်သည် ငရုတ်၊ ပင်မှည့်၊ ဖွဲနုနှင့် သဘာဝငှက်သိုက် စသော တင်ပို့မှုဆိုင်ရာ လုပ်ထုံးလုပ်နည်းစနစ် အခြေပြစာချုပ်များပြီးလျှင် ယခုနှစ်အတွက် လယ်ယာထွက်ကုန်ဆိုင်ရာ နှစ်နိုင်ငံကုန်သွယ်မှု၏ မှတ်တိုင်အသစ်တစ်ခုဖြစ်ကြောင်း သိရှိရပါသည်။ ဗီယက်နမ်သည် လယ်ယာ စိုက်ပျိုးရေးနှင့် သဘာဝပတ်ဝန်းကျင်ကဏ္ဍတို့တွင် ပူးပေါင်းဆောင်ရွက်မှု မြှင့်တင်ရန် ဦးတည် ဆောင်ရွက်လျက်ရှိရာ တရုတ်နိုင်ငံအနေဖြင့်လည်း ဗီယက်နမ်၏ အရည်အသွေးမြင့် လယ်ယာထွက် ကုန်များအား တရုတ်နိုင်ငံဈေးကွက်သို့ တင်ပို့နိုင်ရေး ဈေးကွက်ဖွင့်ခြင်းကို အထူးအလေးထား ဆောင်ရွက်လျက်ရှိကြောင်း သိရှိရပါသည်။
ကုန်သွယ်မှုဆုံးရှုံးနိုင်ခြေများ၊ တင်းကျပ်သည့် အရည်အသွေးစံချိန်စံညွှန်းများအား လျော့ချ ခြင်းနှင့် ကောင်းမွန်သည့် စိုက်ပျိုးရေးဆိုင်ရာအလေ့အထများနှင့်အညီ ပိန္နဲသီးစိုက်ပျိုးမှုအား တိုးချဲ့ ရန် ထောက်ပံ့ပေးခြင်းတို့ကြောင့် တရုတ်နိုင်ငံသို့ အစဉ်အလာအရ တင်ပို့လျက်ရှိသည့် ဗီယက်နမ် ပိန္နဲသီးသည် ယခုအခါ တင်ပို့မှုဆိုင်ရာလုပ်ထုံးလုပ်နည်းစနစ် အခြေပြစာချုပ်အောက်တွင် စံသတ် မှတ်ချက်နှင့်ကိုက်ညီသည့် သီးနှံတစ်ခု ဖြစ်လာကြောင်းသိရှိရပါသည်။
ဗီယက်နမ်၏ သစ်သီးဝလံနှင့် ဟင်းသီးဟင်းရွက်တင်ပို့မှု တန်ဖိုးသည် ၂၀၂၅ ခုနှစ်၊ ပထမ ၁၀ လတွင် ဒေါ်လာ ၇.၁ ဘီလီယံ နီးပါးရောက်ရှိပြီး၊ နှစ်စဉ် ၁၅.၁ ရာခိုင်နှုန်းမြင့်တက်လျက်ရှိရာ တရုတ် ဈေးကွက်၏ ဈေးကွက်ဝေစု ၆၂.၉ ရာခိုင်နှုန်းကို ပိုင်ဆိုင်ထားကြောင်းသိရှိရပါသည်။ ပိန္နဲသီး တင်ပို့မှု ဆိုင်ရာ လုပ်ထုံးလုပ်နည်းစနစ် အခြေပြစာချုပ်ကြောင့် တစ်နှစ်ပတ်လုံး ပို့ကုန်ရည်မှန်းချက် ဒေါ်လာ ၈.၅ ဘီလီယံ ရောက်ရှိအောင် ဆောင်ရွက်နိုင်မည်ဟု မျှော်မှန်းထားကြောင်းသိရှိရပါသည်။
Source: Vietnam Plus, 27/11/2025(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)