အိမ်ဖြူတော်သည် ဘရာဇီးနိုင်ငံမှ လယ်ယာထွက်ကုန်အချို့အပေါ် ဒဏ်ခတ်အခွန်စည်းကြပ်မှု ဖယ်ရှားရန် အမှုဆောင်အမိန့်ကို နိုဝင်ဘာလ ၂၀ ရက်နေ့တွင် ထုတ်ပြန်ခဲ့သည်။ ဧပြီလ ၁၃ ရက် နေ့မှစတင်၍ ကောက်ခံရရှိသည့် အခွန်ငွေများကို အမေရိကန်အကောက်ခွန်နှင့် နယ်စပ်ကာကွယ်ရေးက ကိုင်တွယ်မည်ဖြစ်သည်။ အသစ်ထပ်ထည့်ထားသော ကင်းလွတ်ခွင့်စာရင်းတွင် ကော်ဖီ၊ အသား၊ ခရမ်းချဉ်သီး၊ လက်ဖက်ရည်၊ ဟင်းခတ်အမွှေးအကြိုင်များ၊ အသီးအနှံများနှင့် အခွံမာသီးများအပါအဝင် အမေရိကန်ပြည်ထောင်စု၏ Harmonized Tariff Schedule ၏ အမျိုးအစား ၂၅၀ ခန့် ပါဝင်သည်။ အမေရိကန်နိုင်ငံ၏ လုံခြုံရေးနှင့် စီးပွားရေးကို ခြိမ်းခြောက်မှုအဖြစ် ဘရာဇီးလ်နိုင်ငံမှ ကုန်ပစ္စည်းများအပေါ် ဒဏ်ခတ်ပိတ်ဆို့မှု ၄၀ ရာခိုင်နှုန်းအထိ စည်းကြပ်ခွန်ကောက်ခံရန် အမေရိကန်သမ္မတ Donald Trump က ဇူလိုင် ၃၀ ရက်တွင် လက်မှတ်ရေးထိုးခဲ့ ခြင်းဖြစ်သည်။ အကျပ်အတည်းများကြားတွင် အိမ်ဖြူတော်သည် မကြာသေးမီက လယ်ယာ ထွက်ကုန် အချို့အပေါ် အပြန်အလှန်အခွန်စည်းကြပ်မှုလျှော့ချရန် အမှုဆောင်အမိန့်ကို ထုတ်ပြန်ခဲ့သည်။ နိုဝင်ဘာလ ၂၀ ရက်နေ့တွင် ထုတ်ပြန်ခဲ့သော နောက်ဆုံးထုတ် Fox News Poll အရ အမေရိကန် မဲဆန္ဒရှင်များသည် အခွန်ကောက်ခံမှုအပေါ် ကျယ်ကျယ်ပြန့်ပြန့် ဝေဖန်ခဲ့ကြပြီး ဖြေဆိုသူ ၆၃ ရာခိုင်နှုန်းက ၎င်းတို့အား Trump အစိုးရက ကိုင်တွယ်ပုံကို သဘောမတူကြောင်း ပြောဆိုခဲ့ကြောင်း သိရှိရပါသည်။
Source : Xinhua
DOCA(ရန်ကုန်)