ထိုင်းနိုင်ငံ၏ ပုဇွန်တင်ပို့မှုများ ၂၀၂၆ ခုနှစ်တွင် ဦးမော့လာရန် ခန့်မှန်း

       ထိုင်းနိုင်ငံ၏ ပုဇွန်တင်ပို့မှုသည် ပြိုင်ဘက်များကို အားနည်းစေသည့် အမေရိကန်၏ အခွန်ခများကြောင့် ၂၀၂၆ ခုနှစ်တွင် တန်ချိန် ၄၀၀၀၀၀ ပြန်လည်မြင့်တက်လာမည်ဟု ခန့်မှန်ထားကျသည်။ ထိုင်းနိုင်ငံ၏ ပုဇွန်လုပ်ငန်း ဥက္ကဌ Ekapoj Yodpinit က အမေရိကန်သည် ထိုင်းပုဇွန်တင်ပို့မှုအပေါ် ၁၉ ရာခိုင်နှုန်း အခွန်စည်းကြပ်ထားပြီး အဓိကပြိုင်ဘက်ဖြစ်သည့် ဗီယက်နမ်အ‌ပေါ် ၂၀ ရာခိုင်နှုန်းနှင့် အင်ဒိုနီးရှားအပေါ် ၁၉ ရာခိုင်နှုန်း အခွန်စည်းကြပ်ထားရာ အမေရိကန်ဈေးကွက်တွင် ထိုင်းနိုင်ငံ၏ ယှဉ်ပြိုင်နိုင်စွမ်းကို ထိန်းသိမ်းထားနိုင်ကြောင်း ပြောကြားခဲ့သည်။

         အမေရိကန်ဈေးကွက်ဝေစု ၃၀% ကျော် (ခန့်မှန်းခြေတန်ချိန် ၃၀၀၀၀၀) ပိုင်ဆိုင်ထားသော အိန္ဒိယသည် ယခုအခါ စုစုပေါင်း ပျှမ်းမျှ ၆၀ ကျော်ရှိသော အခွန်များကို ရင်ဆိုင်နေရသောကြောင့် အိန္ဒိယ၏ ယှဉ်ပြိုင်နိုင်စွမ်းကိုထိခိုက်စေပါသည်။ ထိုင်းနိုင်ငံအနေဖြင့် ထုတ်လုပ်မှုကို တိုးမြှင့်နိုင်ပါက လိုအပ်ချက်ကို ဖြည့်ဆည်းပေးနိုင်မည်ဖြစ်ပါသည်။

      ထိုင်းနိုင်ငံသည် လက်ရှိတွင် တစ်နှစ်လျှင် ပုဇွန်တန်ချိန် ၂၇၀၀၀၀ ခန့် ထုတ်လုပ်လျက်ရှိပါသည်။ ထိုင်း - အီးယူ လွတ်လပ်သော သဘောတူညီချက်စာချုပ် ဆွေးနွေးပွဲများ ပြီးဆုံးပါက ထိုင်းနိုင်ငံအနေဖြင့် ဈေးကွက်သို့နောက်ထပ် တန်ချိန် ၆၀၀၀၀ တင်ပို့နိုင်မည်ဖြစ်ပါသည်။

        ၂၀၂၅ ခုနှစ် ဇန်နဝါရီလမှ အောက်တိုဘာလအထိ ထိုင်းပုဇွန် တင်ပို့မှုသည် ပမာဏနှင့် တန်ဖိုးနှစ်ခုလုံးတွင် ယခင်နှစ်အလားတူအချိန်တွင် တန်ချိန် ၁၁၂၀၀၀ ရှိခဲ့ပြီး ၆ ရာခိုင်နှုန်း ကျဆင်းခဲ့သည်။

        ဂျပန်၊ တရုတ်နှင့် အမေရိကန်တို့အပါအတွင် အဓိက ဈေးကွက်များကို ထိခိုက်စေသော ကမ္ဘာ့စီးပွားရေးနှေးကွေးမှုကြောင့် စုစုပေါင်း တစ်နှစ်တာတင်ပို့မှုသည် ခန့်မှန်းချေဘတ်ငွေ ဘီလီယံ ၃၀ တန်ဖိုးရှိသော တန်ချိန် ၁၂၆၀၀၀ သို့ ရောက်ရှိရန်မှော်မှန်းထားပြီး ၄.၅ ရာခိုင်နှုန်း ကျဆင်းသွားခဲ့ကြောင်း သိရှိရပါသည်။

Source : Xinhua                                                                                 

DOCA (ရန်ကုန်)