သတင်းနှင့် လှုပ်ရှားမှုများ

      စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှု၊  ပခုက္ကူခရိုင်ဦးစီးမှူး၏ ကြီးကြပ်မှုဖြင့် ခရိုင်ဦးစီးမှူးရုံးမှ စားသုံးသူရေးရာဌာနခွဲတာဝန်ခံ ဒု-ဦးစီးမှူး ဒေါ်နွယ်နွယ်အေးနှင့် ဝန်ထမ်းတစ်ဦးသည် (၂၄.၁၀.၂၀၂၅)ရက်နေ့၊ နံနက် (၁၀:၀၀)အချိန်တွင် ဒေသတွင်းထုတ်လုပ်လျက်ရှိသော “အောင်ပြည့်စုံ”မြေပဲဆုံဆီ လုပ်ငန်းရှင်ထံ သို့ သွားရောက်၍ အသိပညာပေးဆွေးနွေးခဲ့ကြောင်း သိရသည်။

          စားသုံးတာဝန်ခံက ဆွေးနွေးရာတွင် စီးပွားရေးလုပ်ငန်းရှင်များ လိုက်နာရမည့် စားသုံးသူ ကာကွယ်ရေးဥပဒေပါ ကုန်အညွှန်းအမှတ်အသားဖော်ပြခြင်းနှင့်ပတ်သက်၍ ပုဒ်မ(၄၁) ပါ အချက် အလက်များအား ရှင်းလင်းဆွေးနွေးခြင်းနှင့် ၎င်းအချက်အလက်များမှ ပုဒ်မခွဲ(ခ)ပါ ကုန်စည် ၏အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှုအညွှန်း ၊ သုံးစွဲပုံနည်းလမ်းနှင့် ပုဒ်မခွဲ(ဆ)ပါ ကျန်းမာရေးဆိုင်ရာဘေးထွက်ဆိုးကျိုး(သို့)ဓာတ်မတည့်ကြောင်း ဖော်ပြချက် နှင့် ကြိုတင်သတိပေးချက်တို့အား မြန်မာဘာသာဖြင့်ဖြစ်စေ၊ မြန်မာဘာသာနှင့် အခြား ဘာသာတစ်ခု(သို့)တစ်ခုထက်ပို၍ တွဲလျက်ဖြစ်စေ ထည့်သွင်းဖော်ပြရမည်ဖြစ်ပြီး စီးပွားရေးလုပ်ငန်း ရှင်များဘက်မှလည်း ကုန်စည်အမျိုးအစားအလိုက် သတ်မှတ်ထားသည့်ဥပဒေညွှန်ကြားချက်များ အား လိုက်နာဆောင်ရွက်ရန် လိုအပ်ကြောင်း၊ မြေပဲ တွင် အာဖလာတောက်ဆင်မှိုဆိပ်ပါနိုင်၍ အထူး သတိပြုစေလိုကြောင်း ဆွေးနွေးခဲ့ပြီး စားသုံးသူကာကွယ်ရေးဥပဒေပါ လက်ကမ်းစာစောင်များ အား ဖြန့်ဝေခဲ့ကြောင်း သိရှိရပါသည်။

DOCA(မကွေး)

    ကျုံပျော်မြိုု့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံသည် ဝန်ထမ်းများနှင့်အတူ ၂၅.၁၀.၂၅ ရက်နေ့၊ နေ့လည် (၁၃း၀၀) အချိန်တွင် ရေစခန်းကျေးရွာရှိ မိသားစုများသို့  စားအုန်းဆီဝယ်ယူခွင့် စာအုပ်ဖြင့် (၁၀) ရက်တစ်ကြိမ် ရောင်းချပေးလျက်ရှိသော ကုန်မျိုးစုံဆိုင်များသို့ သွားရောက်၍ လက်ကားဆီဆိုင်မှ သတ်မှတ်ပေးသော ရောင်းဈေးအတိုင်း ရောင်းချပေးရန်၊ ရက်ချိန်းမှန်၊ အရည်အသွေးမှန်၊ အလေးချိန်မှန်၊ ရောင်းချပေးရန်၊ ရောင်းချပေးသည့်အတိုင်း ဆီဝယ်ယူခွင့် စာအုပ်တွင် စနစ်တကျ ရေးသွင်းထားရှိရန်များမှာကြာပြီး ကျေးရွာအတွင်းပြည်သူများ၏ ဆီဝယ်ယူခွင့်စာအုပ်များအား ကျေးရွာအုပ်ချုပ်ရေးမှူးနှင့်အတူ ကွင်းဆင်းစစ်ဆေးဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

          မန္တလေးတိုင်းဒေသကြီး၊ပြည်ကြီးတံခွန်မြို့နယ်၊စက်မှုဇုန်(၂)၊၁၃၉ (A)လမ်း၊၄၆လမ်းနှင့် ၄၇ လမ်းကြားရှိ အောင်ကျော်ဟိန်းဝါစေ့ဆီစက်လုပ်ငန်းသို့  နိုင်ငံ့စီးပွားမြှင့်တင်ရေးရန်ပုံငွေမှ ဆီစက် ချေးငွေရရှိရေးအတွက် မဟာအောင်မြေခရိုင်ဆီစက်ချေးငွေလုပ်ငန်းအကဲဖြတ်စိစစ်ရေးအဖွဲ့ဝင်များပါဝင်သည့်ဌာနစုံပူးပေါင်းကွင်းဆင်းရေးအဖွဲ့များဖြင့်  ၃၁.၁၀.၂၀၂၅ ရက်နေ့နေ့လည်(၁၄:၀၀)နာရီ အချိန်တွင် ကွင်းဆင်းစစ်ဆေးခဲ့ပါသည်။ အဆိုပါ မဟာအောင်မြေခရိုင် ဆီစက်ချေးငွေရရှိရေးအဖွဲ့ တွင် စက်မှုကြီးကြပ်ရေးနှင့် စစ်ဆေးရေးဦးစီးဌာန၊မြို့နယ်အထွေထွေအုပ်ချုပ်ရေးဦးစီးဌာန၊စိုက်ပျိုးရေးဦးစီးဌာန၊မြန်မာ့လယ်ယာဖွံ့ဖြိုးရေးဘဏ်၊မြန်မာ့စီးပွားရေးဘဏ်(၂)၊ဆီစက်ပိုင်ရှင်များအသင်း၊ဆီကုန် သည်နှင့်ဆီလုပ်ငန်းရှင်များအသင်းတို့နှင့်အတူ  မန္တလေးတိုင်းဒေသကြီး၊ စားသုံးသူ ရေးရာဦးစီးဌာနမှဒေါ်ယဉ်ယဉ်ရွှေ၊ ဦးစီးအရာရှိတို့ပါဝင်သည့်ပူးပေါင်းအဖွဲ့များဖြင့်အောင်ကျော်ဟိန်း ဝါစေ့ဆီစက်လုပ်ငန်းသို့ ကွင်းဆင်းစစ်ဆေး၍ ဆီစက်ချေးငွေရရှိရေး ပဏာမကွင်းဆင်း စစ်ဆေးတင်ပြခဲ့ပါကြောင်း သိရှိရပါသည်။

DOCA(မန္တလေး)      

      စားသုံးသူရေးရာဦးစီးဌာန၊ သတင်းအချက်အလက်နည်းပညာနှင့် အရည်အသွေးစီမံခန့်ခွဲ ရေးဌာနခွဲ၊ ကုန်ပစ္စည်းစမ်းသပ်စစ်ဆေးရေးနှင့် အရည်အသွေးစီမံခန့်ခွဲမှုဌာနစု (လှည်းကူး) ၏ ဓာတ်ခွဲခန်းများမှ ၂၀၂၅ ခုနှစ်၊ အောက်တိုဘာလအတွင်း လုပ်ငန်းရှင် ၆၇ ဦးက အပ်နှံလာသော သီးနှံ အမျိုးအစား ၂၀ မျိုး၊ စုစုပေါင်းနမူနာအရေအတွက် ၁၇၃ ခု၊ ဓာတ်ခွဲစမ်းသပ်မှုပေါင်း ၄၉၉ ခုကို ဓာတ်ခွဲစမ်းသပ်စစ်ဆေးခြင်းများ ဆောင်ရွက်နိုင်ခဲ့ပါသည်။

      ၂၀၂၅ ခုနှစ်၊ အောက်တိုဘာလအတွင်း လယ်ယာထွက်ကုန်ပို့ကုန်များအား တရုတ်၊ ဂျပန်၊ ထိုင်ဝမ်၊ ပိုလန်နှင့် ဘူဂေးရီးယား နိုင်ငံများသို့ တင်ပို့နိုင်ရေးအတွက် ဆန်ဖြူ၊ ဆန်ကွဲ၊ နှမ်းနက် သိပ္ပံ၊ နှမ်းနက်ရိုးရိုး၊ နှမ်းညို၊ နှမ်းဖြူ၊ မတ်ပဲ၊ ပဲလွန်း၊ ပဲစဉ်းငုံဖြူ၊ ပဲထောပတ်၊ ပဲပိစပ်ဖတ်၊ ပဲယင်းနီ၊ မတ်ပဲအခွံချွတ်ခွဲခြမ်း၊ မတ်ပဲအခွံချွတ်နှင့် ဘိုကိတ်ပဲတို့တွင် ပိုးသတ်ဆေးဓာတ်ကြွင်းပါရှိမှု၊ မှိုဆိပ် ပါရှိမှု၊ သီးနှံဓာတုအရည်အသွေးနှင့် သီးနှံရူပအရည်အသွေး စသည့် ဓာတ်ခွဲစမ်းသပ်စစ်ဆေးခြင်း၊ အင်ဒိုနီးရှားနိုင်ငံမှ တင်သွင်းလာသည့် စားအုန်းဆီများ၏ အရည်အသွေးများကို  ဓာတ်ခွဲစမ်းသပ် ခြင်းများ ဆောင်ရွက်ခဲ့ပါသည်။

      ဓာတ်ခွဲခန်းအလိုက် ဓာတ်ခွဲစမ်းသပ်မှုအနေဖြင့် ပိုးသတ်ဆေးဓာတ်ကြွင်းဓာတ်ခွဲခန်းမှ ၉၁ ခု၊  မှိုဆိပ်ဓာတ်ခွဲခန်းမှ ၁၀ ခု၊ ဆီနှင့်ဆီထွက်သီးနှံဓာတ်ခွဲခန်းမှ ၃၆၇ ခု၊ သီးနှံဓာတု ဓာတ်ခွဲခန်း မှ ၂၆ ခု၊ သီးနှံရူပဓာတ်ခွဲခန်းမှ ၅ ခု၊ စုစုပေါင်းဓာတ်ခွဲစမ်းသပ်မှု ၄၉၉ ခု ဆောင်ရွက်နိုင်ခဲ့ပါသည်။

          စားသုံးသူရေးရာဦးစီးဌာန၊ ရန်ကုန်တောင်ပိုင်းခရိုင်ဦးစီးမှူးရုံး၏ ညွှန်ကြားချက်နှင့်အညီ ခရမ်းမြို့နယ်တာဝန်ခံ ဒေါ်ကျော့ကေခိုင်သည် မြို့နယ်စည်ပင်သာယာရေးအဖွဲ့မှ ဈေးတာဝန်ခံတို့နှင့် ပူးပေါင်း၍ ခရမ်းမြို့နယ် စည်ပင်သာယာမြို့မဈေးအတွင်း စားအုန်းဆီ လက်လီအရောင်းဆိုင်များအား နိုဝင်ဘာလ(၅)ရက်နေ့၊ နေ့လယ် (၁၄:၀၀)နာရီအချိန်တွင် ကွင်းဆင်းစစ်ဆေးခဲ့ကြောင်း သိရှိရပါသည်။

          ထိုသို့ ကွင်းဆင်းစစ်ဆေးရာတွင် မြို့မဈေးအတွင်းရှိ စားအုန်းဆီ လက်လီအရောင်းဆိုင်များတွင် အိမ်ထောင်စုအလိုက် ဆီထုတ်စာအုပ်စနစ်ဖြင့် စားအုန်းဆီများ ရောင်းချရာတွင် စားသုံးသူ၏ လက်ဝယ်သို့ရောက်ရှိမှုရှိ/ မရှိ၊ သတ်မှတ်ရည်ညွှန်းဈေးများနှင့် ရောင်းချနေမှုရှိ/ မရှိနှင့် အလေးချိန်ပြည့်ဝမှုရှိ/ မရှိတို့အား စစ်ဆေးခဲ့ကြပြီး သတ်မှတ်ရည်ညွှန်းဈေးထက် ကျော်လွန်ရောင်းချခြင်း၊ စားအုန်းဆီများအား ဈေးကစားရန်ရည်ရွယ်၍ သိုလှောင်ထားခြင်းများရှိပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူနိုင်ကြောင်းအား ဈေးဆိုင်ပိုင်ရှင်များအား မြို့နယ်တာဝန်ခံက ရှင်းလင်းအသိပေးခဲ့ကြောင်း သိရှိရပါသည်။

DOCA(ရန်ကုန်)