သတင်းနှင့် လှုပ်ရှားမှုများ

          (၅.၁၁.၂၀၂၅) ရက်နေ့၊ နံနက် (၁၁:၃၀ ) နာရီအချိန်တွင် စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ ဦးဇော်မင်းလတ်(ခရိုင်ဦးစီးမှူး)နှင့်ဝန်ထမ်းများ၊ အထူးစုံစမ်းစစ်ဆေးရေးဦးစီးဌာန၊ အထွေထွေအုပ်ချုပ်ရေးဦးစီးဌာန၊ ဈေးစည်ပင်သာယာရေးကော်မတီတို့နှင့်အတူ ပုဇွန်တောင်မြို့နယ်၊ ပုဇွန်တောင်ဈေးအတွင်း/ ပြင်ပရှိ စားအုန်းဆီလက်လီအရောင်းဆိုင်များသို့ ကွင်းဆင်းစစ်ဆေးခြင်းများ ဆောင်ရွက်ခဲ့ကြကြောင်း သိရှိရပါသည်။

          ထိုသို့ဆောင်ရွက်ခဲ့ရာတွင် ပုဇွန်တောင်မြို့နယ် ပုဇွန်တောင်ဈေးအတွင်း/ ပြင်ပရှိ စားအုန်းဆီအရောင်းဆိုင်တို့အား ဝင်ရောက်စစ်ဆေးခဲ့ရာ စားအုန်းဆီများရောင်းချရာတွင် ရောင်းချမှုလက် ခံစာအုပ်များထားရှိခြင်း၊  သတ်မှတ်ရည်ညွှန်းစျေးအတိုင်းရောင်းချရန်၊ အလေးချိန်ပြည့်မီစေရန်၊ အရည်အသွေးပြည့်ဝမှန်ကန်စွာရောင်းချရန်၊ အခြားမသမာသောနည်းလမ်းများသုံး၍ ရောင်းချမှုမရှိစေရန်နှင့် စားသုံးသူပြည်သူများ ပွင့်လင်းမြင်သာစွာရှိစေရေးအတွက် သတ်မှတ်ဗီနိုင်းချိတ်ဆွဲ ရောင်းချမှုရှိ/ မရှိကို ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

             မအူပင်ခရိုင်၊ စားသုံးသူရေးရာဦးစီးဌာနသည် စားသုံးသူများ ဘေးအန္တရာယ်ကင်းရှင်း စေရေး၊ စားသုံးသူများ မိမိအခွင့်အရေးအပြည့်အဝရရှိနိုင်စေရန်အတွက် စားသုံးသူကာကွယ်ရေး အသိပညာပေး ဟောပြောဆွေးနွေးပွဲများကျင်းပခြင်းနှင့် စျေးကွက်စောင့်ကြည့်စစ်ဆေးခြင်းလုပ်ငန်း၊ မြေပြင်ကွင်းဆင်းစစ် ဆေးခြင်းလုပ်ငန်းများ တို့ကို စဉ်ဆက် မပြတ်ဆောင်ရွက်လျှက်ရှိရာ  မအူပင်မြို့ အမှတ်(၁) ရပ်ကွက်၌ မအူပင်ခရိုင်ဦးစီးမှူးရုံး၌ စားသုံးသူကာကွယ်ရေးအသိပညာပေး ဟောပြောဆွေးနွေးပွဲ ကျင်းပြုလုပ်ခဲ့ပါသည်။

                 ဟောပြောဆွေးနွေးပွဲတွင် မအူပင်ခရိုင် စားသုံးသူရေးရာဦးစီးဌာနမှ ဒုခရိုင်ဦးစီးမှူး  ဦး‌အောင်ဇော်ဦး က တက်ရောက်လာသည့် ရပ်ကွက်သူ/ရပ်ကွက်သားများအား စားသုံးသူ ကာကွယ်ရေးဥပဒေ၏ ရည်ရွယ်ချက်များ၊စားသုံးသူကာကွယ်ရေး ဥပဒေပါအချက်များဖြစ်သည့် စားသုံးသူများ၏ အခွင့်အရေးနှင့် တာဝန်များ ၊ စီးပွားရေးလုပ်ငန်းရှင်များ လိုက်နာရမည့်တာဝန်များ၊ ကုန်စည်ဝန်ဆောင်မှုနှင့် စပ်လျဉ်း၍ အာမခံပေးထားမှုအပေါ် စားသုံးသူကတောင်းဆိုနိုင်သည့် အခွင့်အရေးများနှင့် စားသုံးသူ များနစ်နာဆုံးရှုံးမှုများဖြစ်ပေါ်ပါက တိုင်းဒေသကြီး / ပြည်နယ် များရှိ Consumer Information & Complaint Center (CICC)များ နှင့် Consumer Call Center ဖြစ်သည့်(1535)သို့ ခေါ်ဆိုတိုင်ကြား နိုင်သည့်အပြင် စားသုံးသူရေးရာဦးစီးဌာန၏ Website ဖြစ်သော www.doca.gov.mm ထဲသို့ဝင်‌ရောက်ပြီး တိုင်ကြားနိုင်ပါ ကြောင်း ဆွေးနွေးပြောကြားခဲ့ပြီး အသိပညာပေးဟောပြောဆွေးနွေးပွဲသို့ ရပ်ကွက်သူ/ ရပ်ကွက်သားများ စုစုပေါင်း(၁၅)ဦး တက်ရောက် ခဲ့ကြပြီး တက်‌ရောက်လာသော ရပ်ကွက်သူ/ရပ်ကွက်သားများအား စားသုံးသူအသိပညာပေး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(ဧရာဝတီ)

                 ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ် စားသုံးသူရေးရာဦးစီးဌာန နှင့် ဆက်စပ်ဌာနများဖြစ်သော ထွေအုပ်၊ စိုက်ပျိုးရေး၊ စည်ပင်၊ ပူးပေါင်း၍ ကွင်းဆင်းစိစစ်ဆောင်ရွက်ခြင်းများအား ၃၀-၁၀-၂၀၂၅ ရက်နေ့  နံနက်(၀၉:၃၀) နာရီအချိန်တွင် စိုက်ပျိုးရေးဦးစီးဌာနမှ ဦးဆောင်သော ဓာတ်မြေ ဩဇာဆိုင်များ စစ်ဆေးရာတွင် ပူးပေါင်း၍ ကွင်းဆင်းစိစစ်ခဲ့ကြောင်း သိရှိရသည်။

              ထိုသို့ ကွင်းဆင်းစိစစ်ခြင်းများ ဆောင်ရွက်ရာတွင် မြို့နယ်အထွေထွေအုပ်ချုပ်ရေးဦးစီး ဌာန ၊ မြို့နယ်စိုက်ပျိုးရေးဦးစီးဌာန၊ မြို့နယ်စား သုံးသူရေးဦးစီးဌာန မှ စစ်ဆေးရေားအရာရှိ ဦးအောင်ဇော်ဦး တို့ ပါဝင်သောပူးပေါင်းအဖွဲ့သည် မြို့နယ်အတွင်း ဓာတ်မြေဩဇာ ရောင်းချသည့် ဆိုင်များဖြစ်သည့် ဓါတ်မြေဩဇာ တက်နေဝန်း၊ မိဘမေတ္တာ၊ မွန်းလိုက် ဓာတ်မြေဩဇာ၊ ပိုးသတ်ဆေးနှင့်စိုက်ပျိုးရေးပစ္စည်းအမျိုးမျိုး အရောင်းဆိုင်များတွင် ယူရီးယား ဓာတ်မြေဩဇာ၊ တီစူပါ(သံကွင်း) ဓာတ်မြေဩဇာ၊ ပိုတက် ဓာတ်မြေဩဇာနှင့် ကွန်ပေါင်းဓာတ်မြေဩဇာများ၏ ရောင်းချသည့် ဈေးနှုန်းဈေးကွက်ကို မေးမြန်းခြင်း၊ သီးနှံစိုက်ပျိုးချိန် ဓါတ်မြေဩဇာတောင်သူရောင်းချမှု အခြေအနေများကို မေးမြန်းခြင်း၊ ဆိုင်အတွင်း ကျန်၇ှိသော ဓါတ်မြေဩဇာများကို ကုန်အညွှန်အမှတ်အသားဖော်ပြပါဝင်မှု ရှိမရှိစစ်ဆေးခြင်း၊ သက်ဆိုင်ရာခွင့်ပြုချက်ပါသော အမှတ်များကို စစ်ဆေးခြင်း၊ တာရားမဝင်ကုန်စည်များ ရောနှောရောင်းချမှု ရှိမရှိစစ်ဆေးခြင်း၊ လက်ရှိရောင်းချနေသော ဈေးနှုန်း မြှင့်တက်မှုရှိ/မရှိ၊ အလေးချိန်ပြည့်ဝမှုရှိ/မရှိ၊ ပစ္စည်းပြတ်လပ်မှုရှိ/မရှိ ကွင်းဆင်းစိစစ်ခဲ့ကြောင်း သိရှိရသည်။

DOCA(ဧရာဝတီ)

         မအူပင်ခရိုင်၊ စားသုံးသူရေးရာဦးစီးဌာနမှ ဒုခရိုင်ဦးစီးမှူးနှင့် မအူပင်ခရိုင် စားအုန်းဆီလက်ကားကိုယ်စားလှဘ် ၂ဦး နှင့် ခရိုင်ဦးစီးမှူးရုံးတွင် တွေ့ဆုံ၍ စားအုန်းဆီ ဖြန့်ဝေရောင်းချမှုနှင့် စပ်လျဉ်း၍ အသိပညာပေး ဆွေးနွေးခဲ့ကြောင်း သိရသည်။

        မအူပင်ခရိုင် စားအုန်းဆီလက်ကားကိုယ်စားလှယ် ဦးသက်ဦး၊ ဦးဝေလင်း နှင့် မအူပင်ခရိုင်ဒုခရိုင်ဦးစီးမှူးတို့သည် ၃၀-၁၀-၂၀၂၅ ရက်နေ့ နံနက် ၁၁နာရီအချိန်က တွေ့ဆုံခဲ့ကြပြီး မအူပင်ခရိုင်အတွက် ရရှိသော စားအုန်းဆီရောင်းချမှုပေပါ၊ လုပ်ငန်းသုံးဆီခွဲတမ်းရရှိမှုများကို စနစ်တကျစီစစ်ဆောင်ရွက်ပြီး သတ်မှတ်နေရာများသို့ အမှန်တကယ်ရောက်ရှိရေး ဆောင်ရွက်ရန်၊ သာရေး၊ နာရေးဆီများ၊ ဝန်ထမ်းဌာနဆိုင်ရာဆီများ၊ ရပ်ကွက်ပြည်သူများ သီးသန့်ရောင်းချသောဆီများကိုလည်း စာရင်းဖြည့်သွင်းပြီး စီးဆင်းမှု အမှန်တကယ်စာရင်းများရှိပါက ကွာခြားချက်များ ဖြစ်ပေါ်မည်မဟုတ်ပဲ၊ သက်ဆိုင်ရာများမှ လာရောက်စစ်ဆေးသည့်အခါ အမှန်တကယ်ဆောင်ရွက်ထားရှိမှု စာရင်းများ ပြသနိုင်ပါက အလေအလွင့်မရှိပဲ အလွဲသုံးစားပြုမှု မရှိနိုင်ကြောင်း၊ စတင်ထုတ်ယူခြင်းမှ တဆင့် စတင်ခွဲဝေမှုပေပါ၊ ပိဿာ၊ ခွဲဈေပေးသည့် ခေါင်းစဉ်အမှန်များကို စာရင်းပြုစုထားရန် အဓိကဖြစ်ကြောင်း၊ နှုတ်တစ်ရာ စာတစ်လုံးဖြစ်၍ ပေါ့ဆမှု မရှိစေရန်၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှလည်း နည်းမှန်လမ်းမှန်ဖြင့် ပြည်သူများ လက်ဝယ်ရောက်ရှိရေး၊ မှန် ၆ မှန်ဖြင့် စားအုန်းဆီဖြန့်ဖြူးမှု မှတ်တမ်းဖြင့် ဆောင်ရွက်နိုင်ရေး ဆောင်ရွက်လျက်ရှိကြောင်း နွေးဆွေးအသိပညာပေးခဲ့သည်ဟု သိရသည်။

DOCA(ဧရာဝတီ)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသ ကြီး၊ ရွှေဘိုခရိုင်ဦးစီးမှူးရုံးအနေဖြင့် ထုတ်ကုန်များလုံခြုံစိတ်ချရမှုရှိစေရေး၊ ကုန်စည်များတွင် ကုန်အညွှန်း အမှတ်အသားများ ပြည့်စုံစွာထည့်သွင်းဖော်ပြထားခြင်းရှိ/မရှိနှင့် အထက်ဌာန၏ လမ်းညွှန်ချက်များအရ ဈေးကွက်စောင့်ကြည့်စစ်ဆေးခြင်းများ ဆောင်ရွက်လျက်ရှိပါသည်။ ဈေးကွက်စောင့်ကြည့်စစ်ဆေးခြင်း များဆောင်ရွက်ရာတွင် မိတ်ဘက်ဌာနဆိုင်ရာများနှင့်ပူးပေါင်း၍ သော်လည်းကောင်း၊ စားသုံးသူကာကွယ်ရေးဥပဒေအရ ခန့်အပ်ထားသော စစ်ဆေးရေးအရာရှိများက ဦးဆောင်၍သော်လည်းကောင်း ဆောင်ရွက်လျက်ရှိပါသည်။

     ရွှေဘိုခရိုင်အနေဖြင့်(၁၀/၂၀၂၅)လအတွင်း ဒု-ခရိုင်ဦးစီးမှူးမှဦးဆောင်၍ ရွှေဘိုမြို့နယ်တာဝန်ခံ၊ စားသုံးသူရေးရာဌာနခွဲတာဝန်ခံနှင့် ထုတ်ကုန်လုံခြုံစိတ်ချရမှုဌာနခွဲတာဝန်ခံတို့သည် ဈေးကွက်ရောက်ပြီး ကုန်စည်များ ဈေးကွက်စောင့်ကြည့်စစ်ဆေးခြင်းကို ရွှေဘိုမြို့၊ အမှတ်(၁၀)ရပ်ကွက်ရှိ မွတ္တား(၃)ဆေးဆိုင် နှင့်ပိုင်ပိုင်ချမ်းမြေ့ဆေးဆိုင်အားလည်ကောင်း၊ အမှတ်(၁၀)ရပ်ကွက်ရှိ ကောင်းပြည့်လျှံကုန်စုံဆိုင်အား လည်းကောင်း၊ အမှတ်(၆)ရပ်ကွက်ရှိ ဦးတိုးကုန်စုံဆိုင်အားလည်းကောင်း ဆောင်ရွက်ခဲ့ပြီး ဈေးကွက် မရောက်မီကုန်စည်များ ဈေးကွက်စောင့်ကြည့်စစ်ဆေးခြင်းကို ရွှေဘိုမြို့၊ အမှတ်(၇)ရပ်ကွက်ရှိ မြကေသီ အမှတ်တံဆိပ် မုန့်မျိုးစုံထုတ်လုပ်ဖြန့်ဖြူရောင်းချသည့် လုပ်ငန်းအားလည်းကောင်း ဆောင်ရွက်ခဲ့ကြသည့် အပြင် ရွှေဘိုမြို့၊ အမှတ်(၆)ရပ်ကွက်ရှိ ATOM ဆက်သွယ်ရေးဝန်ဆောင်မှုလုပ်ငန်းမှ တာဝန်ရှိသူများအား စစ်ဆေးခြင်းများဆောင်ရွက်ခဲ့ကြပြီး ဌာန၏ ဥပဒေ၊ အမိန့်နှင့်ညွှန်ကြားချက်ပါ အကြောင်းအရာများကို အသိပညာပေးဆွေးနွေးခြင်းများ ဆောင်ရွက်ခဲ့ကြကြောင်း သတင်းရရှိပါသည်။

DOCA(စစ်ကိုင်း)