သတင်းနှင့် လှုပ်ရှားမှုများ

             ရန်ရန်ကင်းမြို့နယ်၊ ရန်ကင်းစင်တာရှိ အလှကုန်ပစ္စည်းများတွင် ကုန်အညွှန်းအမှတ်အသားများပါဝင်မှုရှိ/မရှိစစ်ဆေးခြင်းကုန်တိုင်းဒေသကြီး၊ စားသုံးသူရေးရာဦးစီးဌာန အရှေ့ပိုင်းခရိုင်ဦးစီးမှူးရုံးမှ ဒေါ်အေးအေးမော်နှင့်ဝန်ထမ်းများသည် ၃-၉-၂၀၂၅ ရက်နေ့၊ နေ့လယ်(၁၄:၀၀) နာရီအချိန်တွင် ရန်ကင်း မြို့နယ်၊ ရန်ကင်းစင်တာရှိ တာဝန်ခံများနှင့်တွေ့ဆုံ၍  အလှကုန်ပစ္စည်းများတွင် ကုန်အညွှန်းအ မှတ်အသားများ မြန်မာဘာသာဖြင့်ရေးသားဖော်ပြထားခြင်းရှိ/မရှိ ဈေးကွက်စောင့်ကြည့်စစ်ဆေး ခဲ့ကြောင်း သိရသည်။

           ထိုသို့ ဈေးကွက်စောင့်ကြည့်စစ်ဆေးရာတွင် အလှကုန်ပစ္စည်းများဖြစ်သော Clear ခေါင်း လျှော်ရည် ၊  head& shoulder ရေချိုးဆပ်ပြာ၊ bubble ရေချိုးဆပ်ပြာ ၊ Palmolive ခေါင်းလျှော် ရည်၊ Bella မျက်နှာသစ်ဆေး၊  Goat Milk ရေချိုးဆပ်ပြာ ၊ White Spa Lotion စသည့်ပစ္စည်း များတွင် အမျိုးအမည်၊ ကြိုတင်သတိပေးချက်၊ ထားသိုသိမ်းဆည်းမှုအညွှန်း စသည့်ကုန်အညွှန်း အမှတ်အသားပြည်စုံစွာဖော်ပြထားသည်ကိုတွေ့ရှိခဲ့ပြီး စီးပွားရေးနှင့်ကူးသန်းရောင်းဝယ်ရေးဝန် ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေ၂၀၁၉ပါ ပြဌာန်းချက်များမှ အခန်း (၁၈ )ရှိကုန်ညွှန်းအမှတ် အသားဖော်ပြခြင်းနှင့်စပ်လျဉ်၍ မည်သည့်စီးပွားရေးလုပ်ငန်းရှင်မဆို ပုဒ်မခွဲ (ခ)နှင့်(ဆ)တို့ပါ ကုန်အညွှန်းအမှတ်သားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာ ဘာသာနှင့် အခြားဘာသာတစ်ခု(သို့)တစ်ခုထက်ပို၍တွဲလျက်ဖြစ်စေ ရေးသားဖော်ပြထားသည့် အလှကုန်ပစ္စည်းများကိုသာ ဝယ်ယူရောင်းချရမည်ဖြစ်ကြောင်း အသိပညာပေးပြောကြားခဲ့ ကြောင်းသိရှိရပါသည်။

DOCA (ရန်ကုန်)

               စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဒေါ်မိုးမိုးကြည်(စစ်ဆေး ရေးအရာရှိ)နှင့် ဝန်ထမ်း (၂)ဦး သည် တောင်ဥက္ကလာပမြို့နယ်၊ ဝေဇယန္တာ City Mart ရှိအလှ ကုန်ပစ္စည်းအရောင်းဆိုင်များအား ၃.၉.၂၀၂၅ ရက်နေ့၊ နေ့လယ်(၁၂:၀၀) နာရီအချိန်တွင် ဈေးကွက် စောင့်ကြည့် စစ်ဆေးခဲ့ကြောင်း သိရှိရပါသည်။

          အဆိုပါ အလှကုန်ပစ္စည်းအရောင်းဆိုင်များအား စစ်ဆေးရာတွင် စားသုံးသူကာကွယ်ရေး ဥပဒေပါ အခန်း(၁၈)တွင်ပါရှိသည့် ကုန်အညွှန်းအမှတ်အသားဖော်ပြချက်များနှင့် စပ်လျဉ်းပြီး (၁၀) ဂရမ်အထက် အလှကုန်ပစ္စည်းအမျိုးမျိုးတွင် အမျိုးအမည်၊ အသားတင်ပမာဏ၊ သုံးစွဲပုံ နည်းလမ်း၊ ထားသိုသိမ်းဆည်းမှုအညွှန်း၊ ဓာတ်မတည့်ကြောင်းဖော်ပြချက်တို့ ပါရှိခြင်းရှိ/မရှိ၊ (၁၀)ဂရမ်အထက် အလှကုန်ပစ္စည်းအမျိုးမျိုးတွင် အမျိုးအမည်၊ အသားတင်ပမာဏ၊ သုံးစွဲပုံ နည်းလမ်းပါရှိခြင်း ရှိ/ မရှိ စစ်ဆေးခဲ့ပြီး၊ စားသုံးသူကာကွယ်ရေးဥပဒေ အခန်း(၁၀)ပါ စီးပွားရေး လုပ်ငန်းရှင်၏ တာဝန်များ၊ ဥပဒေအခန်း(၁၁)ပါ ကုန်စည်နှင့်စပ်လျဉ်း၍ အာမခံချက်ပေးခြင်း ဆိုင်ရာ အချက်အလက်များကို ‌ရှင်းလင်းပြောကြားခဲ့ကြောင်း သတင်းရရှိပါသည်။

DOCA (ရန်ကုန်)

    စားသုံးသူရေးရာဦးစီးဌာန၊ မကွေးခရိုင်၊ မကွေးခရိုင်တာဝန်ခံနှင့် ဝန်ထမ်းသည် ( ၄.၉.၂၀၂၅) ရက်နေ့၊ နံနက် (၀၉:၀၀)အချိန်တွင် မကွေးမြို့၊ ရန်ပယ်ဈေး၌ရောင်းချလျက်ရှိသော ကုန်စည်များအား နမူနာဝယ်ယူ၍ Mobile Lab Van ဖြင့် ရှောင်တခင်စစ်ဆေးခြင်းကို အစားအသောက်နှင့်ဆေးဝါးကွပ်ကဲရေးဦးစီးဌာန၊ စည်ပင်သာယာရေးအဖွဲ့နှင့် ကျန်းမာရေးဦးစီးဌာနတို့ဖြင့်ပူးပေါင်းဆောင်ရွက်ခဲ့ကြောင်း သိရသည်။

     ထိုသို့ နမူနာဝယ်ယူစစ်ဆေးခဲ့သော ငရုတ်သီးမှုန့်၊ အ‌ရောင်တင်မှုန့်၊ ပဲပြား (S/ K)၊ မုန့်ဟင်း ခါးဖတ်၊ ချင်းပေါက်၊ ငပိ၊ ဆားပုဇွန်၊ လက်ဖက်၊ ကွမ်းသီးစိပ်၊ ခေါက်ဆွဲခြောက်၊ ပုဇွန်ချဉ်၊ မျှစ်အနီ၊ ကြက်အူချောင်းတို့၌ အစားအစာများတွင်သုံးစွဲရန်မသင့်သော ချွတ်ဆေးများ၊ တာရှည်ခံဆေးများ သုံးစွဲထားခြင်း ရှိ/ မရှိ  Mobile Lab Van  ဖြင့် ချက်ချင်းစစ်ဆေးခဲ့ရာ ပဲပြား (S) ၌ ခွင့်မပြုတာရှည်ခံ ဆေးသုံးစွဲထားကြောင်း စစ်ဆေးတွေ့ရှိရသဖြင့်  ပဲပြား (S) ထုတ်လုပ်ဖြန့်ဖြူးရောင်းချသည့်လုပ်ငန်းရှင် အား ဆက်လက်ရောင်းချခြင်းမပြုရန် အဖွဲ့စုံရှေ့တွင် ဝန်ခံကတိလက်မှတ်ရေးထိုးစေခြင်းနှင့် သုံးစွဲရန် ခွင့်မပြုတာရှည်ခံဆေးသုံးစွဲထားသော ပဲပြား(S)အား ဖျက်ဆီး၍ မြို့ရှောင်လမ်းရှိ အမှိုက်စွန့်ပစ်နယ်မြေသို့ သွားရောက်ပြီး မြေမြှုပ်ခြင်းများ ဆောင်ရွက်ခဲ့ကြောင်း သိရှိရပါသည်။

DOCA(မကွေး)

              ၂. ၉. ၂၀၂၅)ရက်နေ့၊ နံနက် (၁၀:၀၀)အချိန်တွင် စားသုံးသူရေးရာဦးစီးဌာန၊ ရန်ကုန် အရှေ့ပိုင်းခရိုင်ဦးစီးမှူးရုံးမှ ဦးသိန်းထွန်း (စစ်ဆေးရေးအရာရှိ)နှင့်ဝန်ထမ်းများသည် အထူးစုံစမ်း စစ်ဆေးရေးဦးစီးဌာန၊ ပုဇွန်တောင်ဈေးတာဝန်ခံတို့နှင့်ပူးပေါင်း၍ ပုဇွန်တောင်မြို့နယ်၊ ပုဇွန် တောင်ဈေးသို့ ကုန်စုံဆိုင်များတွင် ကုန်မျိးစုံဆိုင်ပိုင်ရှင်များအား စီးပွားရေးနှင့်ကူးသန်းရောင်း ဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေ၂၀၁၉ပါ ပြဌာန်းချက် များမှ အခန်း(၁၈)ပါ ကုန်ညွှန်း အမှတ်အသားဖော်ပြခြင်းနှင့်စပ်လျဉ်း၍ မည်သည့်စီးပွားရေး လုပ်ငန်းရှင်မဆို ပုဒ်မ၄၁ ပုဒ်မခွဲ(ခ) နှင့်(ဆ)တို့ပါ ကုန်ညွှန်းအမှတ်အသားဖော်ပြရာတွင် မြန်မာ ဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု (သို့)တစ်ခုထက်ပို၍ တွဲလျက်ဖြစ် စေရေးသားဖော်ပြရမည်ဖြစ်ပြီး၊ စီးပွားရေးလုပ်ငန်းရှင်များအနေဖြင့်ကုန်စည်အမျိုးအစားအလိုက် သတ်မှတ်ထားသည့် ဥပဒေညွှန်ကြားချက်များအား လိုက်နာဆောင်ရွက်ကြရန် ဈေးကွက်အတွင်းရောင်းချနေသောကုန်စည်များတွင်ကုန်အညွှန်အမှတ်အသားပြည့်စုံစွာဖော်ပြထားခြင်း ရှိ/မရှိ နှင့်ကုန်ဈေးနှုန်းအတက်အကျရှိ/မရှိ တို့ကို ကွင်းဆင်းစစ်ဆေးခဲ့ကြောင်းသိရှိရပါသည်။

DOCA (ရန်ကုန်)

    စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်တာဝန်ခံနှင့် ဝန်ထမ်းသည် ( ၃.၉. ၂၀၂၅)ရက်နေ့၊ နံနက်(၀၇:၃၀)အချိန်တွင် မကွေးမြို့၊ ကန်သာဈေး၌ ရောင်းချလျက်ရှိသော ကုန်စည် များအား နမူနာဝယ်ယူ၍ Mobile Lab Van ဖြင့် ရှောင်တခင်စစ်ဆေးခြင်းကို အစားအသောက်နှင့် ဆေးဝါးကွပ်ကဲ ရေးဦးစီးဌာန၊ စည်ပင်သာယာရေးအဖွဲ့နှင့် ကျန်းမာရေးဦးစီးဌာနတို့ဖြင့် ပူးပေါင်းဆောင် ရွက်ခဲ့ကြောင်း သိရသည်။

      ထိုသို့ နမူနာဝယ်ယူစစ်ဆေးခဲ့သော ပိတ်ဆွယ်၊ ပဲသွေး၊ ငပိ၊ မျှစ်(အနီရောင်၊ အဖြူရောင်၊ အဝါရောင်)၊ ပဲပြား (S/ K)၊ ငါးဘတ်ခြောက်၊ အသားတု၊ ခေါက်ဆွဲ၊ ကြက်အူချောင်း၊ ချင်းပေါက်၊ လက်ဖက်၊ အမဲသွေးခဲတို့၌ အစားအစာများတွင်သုံးစွဲရန်မသင့်သော ချွတ်ဆေးများ၊ တာရှည်ခံဆေးများ သုံးစွဲထားခြင်း ရှိ/ မရှိ  Mobile Lab Van     ဖြင့် ချက်ချင်းစစ်ဆေးခဲ့ရာ ပဲသွေး၌ ခွင့်မပြုတာရှည်ခံဆေး သုံးစွဲထားကြောင်း စစ်ဆေးတွေ့ရှိရသဖြင့်  ပဲသွေးရောင်းချသည့်စျေးသည်အား စျေးတာဝန်ခံရုံးသို့ ‌ခေါ်ယူ၍ ဆက်လက်ရောင်းချခြင်းမပြုရန် အဖွဲ့စုံရှေ့တွင် ဝန်ခံကတိလက်မှတ် ရေးထိုးစေခြင်းနှင့် သုံးစွဲရန်ခွင့်မပြုတာရှည်ခံဆေးသုံးစွဲထားသော ပဲသွေးအား ဖျက်ဆီး၍ စျေးတာဝန်ခံရုံးရှိ အမှိုက်ပုံးထဲသို့ စွန့်ပစ်ခြင်းများ ဆောင်ရွက်ခဲ့ကြောင်း သိရသည်။

DOCA(မကွေး)