သတင်းနှင့် လှုပ်ရှားမှုများ

         စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ ညွှန်ကြားချက်အရ အသင်းမှသတ်မှတ်ထားသည့် ဆန်ဈေးထက် အပြင်ဈေးမြင့်တက်နေဆဲ သတင်းနှင့်ပတ်သက်၍ ဆန်စပါးထွက်ရှိမှုအခြေအနေ၊ ဆန်စပါးဈေးကွက်၊ ဈေးနှုန်းအခြေအနေတို့စိစစ်သုံးသပ်ပြီး ဆန်ဈေးနှုန်းများစစ်ဆေးရန်အတွက် (၂၀-၁၁-၂၀၂၄)ရက်နေ့တွင် အရှေပိုင်းခရိုင်၊ စားသုံးသူ ရေးရာဦးစီးဌာနမှ တာဝန်ရှိဝန်ထမ်းများသည် ဈေးစည်ပင်သာယာရေးကော်မတီရုံးမှ တာဝန်ခံတို့နှင့်တွေ့ဆုံပြီး ဆန်ဈေးနှုန်းများကောက်ယူနိုင်ရေး ပူးပေါင်းဆောင်ရွက်ပေးရန် တွေ့ဆုံ ညှိနှိုင်းဆောင်ရွက်ခဲ့ကြကြောင်းသိရှိရပါသည်။

DOCA(ရန်ကုန်)

     စားသုံးသူရေးရာဦးစီးဌာန၊ မကွေးတိုင်းဒေသကြီး၊ ဂန့်ဂေါခရိုင်ဦးစီးမှူးရုံးမှ ဒုတိယဦးစီးမှူး ဒေါ်ဇာဇာချိုဦးနှင့်ဝန်ထမ်းသည် သက်ဆိုင်ရာမိတ်ဖက်ဌာနများနှင့်ပူးပေါင်း၍ (၁၉.၁၁.၂၀၂၄) ရက်နေ့၊ နံနက်(၀၇:၃၀)အချိန်တွင် ဈေးကွက်အတွင်းရှိ ဘေးအန္တရာယ်ရှိသော ကုန်စည်များ ပပျောက်စေရေးနှင့် ကုန်စည်ပေါ်တွင် ကုန်အညွှန်းအမှတ်အသားပြည့်စုံစွာပါရှိသော ကုန်စည်များ ရောင်းချစေရေးအတွက် ရည်ရွယ်၍ ဂန့်ဂေါမြို့ပေါ်ရှိ ကုန်မျိုးစုံရောင်းဝယ်ရေးဆိုင်များသို့ မြို့နယ်စည်ပင်သာယာရေးအဖွဲ့နှင့် ပူးပေါင်း၍ ဈေးကွက်စောင့်ကြည့်စစ်ဆေးခဲ့ကြောင်း သိရသည်။

    ကုန်မျိုးစုံရောင်းဝယ်ရေးဆိုင်များတွင် ရောင်းချလျက်ရှိသော စားသောက်ကုန်ပစ္စည်းများတွင် ဓါတုဆေးဝါးပစ္စည်းများ ပါဝင်မှုရှိ/မရှိ၊ ကုန်အညွှန်းအမှတ်အသား ပြည့်စုံစွာပါဝင်ခြင်း ရှိ/မရှိနှင့် သက်တမ်းလွန်ပစ္စည်းများ ရောင်းချခြင်းရှိ/မရှိ ဈေးကွက်စစ်ဆေးခဲ့ရာတွင် ကုန်အညွှန်းအမှတ် အသားပြည့်စုံစွာပါရှိပြီး သက်တမ်းလွန်ခြင်းမရှိသော ကုန်စည်များကို ရောင်းချလျက်ရှိကြောင်း သိရှိရပါသည်။         

DOCA(မကွေး)

                စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မိတ္ထီလာခရိုင်၊ ဦးစီးမှူးရုံးအနေဖြင့် စားသုံးသူကာကွယ်ရေးအသိပညာပေးဟောပြောပွဲများ၊ စီးပွားရေးလုပ်ငန်းရှင်များနှင့် တွေ့ဆုံပြီး ဥပဒေ၊ အမိန့်နှင့်ညွှန်ကြားချက်များအားရှင်းလင်းဆွေးနွေးခြင်းများ ဆောင်ရွက်လျက်ရာ စားသုံးသူရေးရာဦးစီးဌာန၊ မိတ္ထီလာခရိုင်ဦးစီးမှူး၏ လမ်းညွှန်ချက်ဖြင့် (၁၉.၁၁.၂၀၂၄) ရက်နေ့၊ နံနက် (၁၀:၀၀)နာရီအချိန်တွင် အထွေထွေအုပ်ချုပ်ရေးဦးစီးဌာန မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍သာစည်မြို့နယ်အတွင်းရှိ ဆန်ဆိုင် (၅) ဆိုင်အား ဆန်လက်ကျန်အခြေအနေ၊ ဆန်သိုလှောင်ထားရှိမှုအခြေအနေ၊ ဆန်ဈေးနှုန်းဈေးကွက်၊ ဈေးနှုန်းမကြီးမြှင့်စေရေးအတွက် ကွင်းဆင်းစစ်ဆေးဆောင်ရွက်ခဲ့ပါသည်။

              ကွင်းဆင်းစစ်ဆေးဆောင်ရွက်ရာတွင် ဆန်ရောင်းချသူလုပ်ငန်းရှင်များကို မြို့နယ်တာဝန်ခံက စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် တိုင်းဒေသကြီး/ ပြည်နယ်များအတွင်းရှိ ဆန်အပါအဝင် အခြေခံစားသောက်ကုန်ပစ္စည်းများ ပြတ်လပ်မှုမရှိစေရေးနှင့် ဈေးနှုန်းများတည်ငြိမ်စေရေးအတွက် မြို့နယ်အလိုက် ကုန်ဈေးနှုန်းတည်ငြိမ်ရေးအဖွဲ့နှင့်ပူးပေါင်း၍ ကြပ်မတ်ဆောင်ရွက်လျက်ရှိကြာင်း၊  ဆန်ဂိုဒေါင်၊ ဆန်ဆိုင်ကြီးများအား ဆန်ပြတ်လပ်မှုမရှိစေရေး၊ ဆန်လက်ကျန်နှင့်ဈေးနှုန်းကြီးမြှင့်မှုမရှိစေရေး၊ ဆန်ဈေးနှုန်းမြင့်တက်ရောင်းချခြင်းရှိ/ မရှိနှင့် ဆန်များကိုသိုလှောင်ခြင်း၊ ဖြန့်ဖြူးရောင်းချမှုရှိ/ မရှိ ဆန်ဈေးနှုန်းမြင့်တင်ရောင်းချမှုမပြုလုပ်ရန် ပူးပေါင်းအဖွဲ့ဖြင့် ကွင်းဆင်းစစ်ဆေးဆောင်ရွက်ခဲ့ကြောင်း သိရှိရပါသည်။

DOCA(မန္တလေး)

       စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ  ဦးသိန်းထွန်း(ဌာနခွဲစာရေး)နှင့် ဝန်ထမ်းများသည် နိုဝင်ဘာလအတွက် သင့်တင့်မျှတသော ဆန်ဈေးကွက်ဈေးနှုန်းဖြင့်  ပြည်တွင်းစားသုံးသည့် ဆန်ဈေးနှုန်းများသည် မြန်မာနိုင်ငံဆန်စပါးအသင်းချုပ် MRF မှသတ်မှတ်ထုတ်ပြန်ထားသည့် ဈေးနှုန်းများအပေါ် ဈေးနှုန်းမြှင့်တင်ရောင်းချမှုရှိ/မရှိ ကွင်းဆင်းစစ်ဆေးခဲ့ကြောင်းသိရှိရပါသည်၊၊

     ထိုသို့ကွင်းဆင်းစစ်ဆေးဆောင်ရွက်ရာ၌ ၁၉-၁၁-၂၀၂၄ ရက်နေ့တွင် သင်္ဃန်းကျွန်းခရိုင်၊ သင်္ဃန်းကျွန်းမြို့နယ်၊ သင်္ဃန်းကျွန်းဈေးရှိ‌ ဒေါ်ရှိန်မိသားစုဆန်ဆိုင်နှင့် မြဆန်ဆိုင်တို့ရှိ ရွှေဘိုပေါ်ဆန်း၊ ရက်(၉၀)၊ ပေါ်ဆန်း(ရိုးရိုး)၊ မနောသုခ၊ တောင်ပျံ စသည့်ဆန်ဈေးနှုန်းများကို  အသင်းမှသတ်မှတ်ထားသည့် ဈေးနှုန်းများအပေါ် ဈေးမြှင့်တင်ရောင်းချခြင်းရှိ/မရှိကိုကွင်းဆင်းစစ်ဆေးခဲ့ပြီး တာဝန်ရှိသူများအား စားသုံးသူပြည်သူများသို့ ဆန်များရောင်းချရာတွင် ဈေးနှုန်းမြှင့်တင်ရောင်းချခြင်းမပြုရန်နှင့် သင့်တင့်မျှတသော ဈေးနှုန်းဖြင့်သာရောင်းချပေးရန် အသိ ပညာပေးပြောကြားခဲ့ကြောင်းသိရှိရပါသည်။

DOCA(ရန်ကုန်)

              စားသုံးသူရေးရာဦးစီးဌာန ၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံး၊ ခရိုင်ဦးစီးမှူး၏လမ်းညွှန်မှုဖြင့်  မိတ္ထီလာခရိုင်ဦးစီးမှူးရုံးမှ စစ်ဆေးရေးအရာရှိနှင့် ဝန်ထမ်းများသည် အထွေထွေအုပ်ချုပ်ရေးဦးစီးဌာန၊ ပြည်သူ့ကျန်းမာရေးဦးစီးဌာန၊ မြို့နယ်စည်ပင်သာယာ‌‌ရေးအဖွဲ့တို့နှင့်ပူးပေါင်း၍  စျေးကွက်အတွင်း လတ်တလောကာလတွင် ဖြစ်ပေါ်နေသောဝမ်းပျက်ဝမ်းလျောရောဂါနှင့်ပတ်သက်ပြီး ဆေးဝါးများပြတ်လပ်မှုရှိ/ မရှိကို ၂၀၂၄ ခုနှစ်၊ နိုဝင်ဘာလ ၂၁ ရက်နေ့တွင် နံနက် (၀၉း၃၀) နာရှိအချိန်တွင် မလှိုင်မြို့ပေါ်ရှိ ဆေးဆိုင် (၅) ဆိုင်အား စျေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

            ထိုသို့ကွင်းဆင်းစစ်ဆေးခဲ့ရာတွင် ပြည်တွင်း၌ စားနပ်ရိက္ခာဖူလုံစေရေးနှင့် အခြေခံစားကုန်များ ဆေးဝါးဈေးနှုန်းတည်ငြိမ်ရေး၊ ဈေးကွက်အတွင်းပစ္စည်းပြတ်လပ်မှုမရှိစေရေးကိုလည်း အလေးထားဆောင်ရွက်လျက်ရှိရာ ဈေးကွက်အတွင်း ဝမ်းရောဂါကာကွယ်မှုဆိုင်ရာ ဆေးနှင့် ဆေးပစ္စည်းများပြတ်လပ်မှုရှိ/ မရှိကို စစ်ဆေးရာ ဈေးကွက်အတွင်း ဝမ်းရောဂါကာကွယ်မှုဆိုင်ရာ ဆေးနှင့်ဆေးပစ္စည်းများ ပြတ်လပ်မှုမရှိကြောင်း သိရှိရပါသည်။

DOCA(မန္တ‌လေး)