သတင်းနှင့် လှုပ်ရှားမှုများ

       ၂၀၂၅ ခုနှစ်၊ မေလ ၂၀ ရက်နေ့ ၊ နံနက် ၁၀း၃၀ နာရီအချိန်တွင် စားသုံးသူရေးရာဦးစီးဌာန၊ တနင်္သာရီတိုင်းဒေသကြီး၊ ထားဝယ်မြို့မှ စစ်ဆေးရေးအရာရှိနှင့် ဝန်ထမ်းများသည် ဦးစားပေး ဈေးကွက်စောင့်ကြည့်စစ်ဆေးရမည့် ဝန်ဆောင်မှုကဏ္ဍ ၃ ရပ်နှင့်စပ်လျဉ်း၍ စစ်ဆေးရမည့် အစား အသောက်ရောင်းချသည့်ဝန်ဆောင်မှုများနှင့်ပတ်သက်၍ ထားဝယ်မြို့ပေါ်ရှိ စားမန်းဂီး စားသောက်ဆိုင်အား အစားအသောက်နှင့်ဆေးဝါးကွပ်ကဲရေးဦးစီးဌာန၊ ပြည်သူ့ကျန်းမာရေးဦးစီးဌာန၊ စည်ပင် သာယာရေးအဖွဲ့တို့နှင့်ပူးပေါင်း၍ စစ်ဆေးဆောင်ရွက်ခဲ့ပါသည်။   

          အဆိုပါ စစ်ဆေးရာတွင် အစားအသောက်ပြုပြင်ရောင်းချသည့်နေရာများ သန့်ရှင်းသပ်ရပ်မှု ရှိ/မရှိ၊ စားသောက်ဆိုင်ဝန်ထမ်းများ တစ်ကိုယ်ရည်သန့်ရှင်းမှုရှိ/မရှိ၊ အစားအသောက်များ လတ် ဆတ်သန့်ရှင်းမှုရှိ/မရှိ၊အစားအသောက်ဈေးနှုန်းများ ကြိုတင်အသိပေးဖော်ပြထားခြင်းရှိ/မရှိတို့အား စစ်ဆေးဆောင်ရွက်ခဲ့ပါသည်။

  DOCA(တနင်္သာရီ)

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မန္တလေး တိုင်းဒေသကြီးဦးစီးမှူးရုံးအစည်းအဝေးခန်းမတွင် ၁၁-၄-၂၀၂၅ ရက်နေ့၊ နံနက် (၁၀:၀၀)နာရီ အချိန်၌ ငလျင်ဘေးဆိုင်ရာအသိပညာပေးဟောပြောပွဲ ကျင်းပပြုလုပ်ခဲ့ပါသည်။ တိုင်းဒေသကြီး ဦးစီးမှူး ဦးဇေယျာဆွေမှ ငလျင်နှင့်ပတ်သက်သော အကြောင်းအရာများ၊ ငလျင်လှုပ်နေစဉ် အတွင်း ဆောင်ရန်ရှောင်ရန်များအကြောင်း အကျယ်တဝင့်ရှင်းလင်းဆွေးနွေးခဲ့ပါသည်။

       ငလျင်ဘေးဆိုင်ရာ အသိပညာပေးဟောပြောပွဲဆွေးနွေးခြင်းအခမ်းအနားသို့ မန္တလေးတိုင်း ဒေသကြီးဦးစီးမှူးရုံးမှ အရာထမ်း၊ အမှုထမ်းများပါဝင်တက်ရောက်ခဲ့ပြီး ကျောက်ဆည်၊ မြင်းခြံနှင့် မိတ္ထီလာခရိုင်များမှ ခရိုင်ဦးစီးမှူးများနှင့် အရာထမ်း၊ အမှုထမ်းများ၊ Virtual စနစ်ဖြင့် တက်ရောက်ခဲ့ ကြောင်း သတင်းရရှိခဲ့ပြီး ဟောပြောပွဲကို နံနက် (၁၁:၀၀)နာရီအချိန်တွင် ကျင်းပပြီးစီးခဲ့ကြောင်း သိရှိရပါသည်။

DOCA(မန္တလေး)

  စားသုံးသူရေးရာဦးစီးဌာန၊ မကွေးတိုင်းဒေသကြီး၊ သရက်ခရိုင်ဦးစီးမှူးရုံးမှ ဒုတိယဦးစီးမှူး၊ ဒေါ်ရီရီထွေးသည် (၉-၄-၂၀၂၅)ရက်နေ့၊ နေ့လယ်(၁၅း၀၀)နာရီအချိန်တွင် သရက်မြို့၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန၌ စားသုံးသူများဘေးကင်းလုံခြုံစိတ်ချရမှုရှိစေရေးအတွက် အသိပညာပေး Talk Show ဟောပြောပွဲဆောင်ရွက်ခဲ့ကြောင်း သိရသည်။

 ဟောပြောပွဲတွင် ဒုတိယဦးစီးမှူးက  စားသုံးသူကာကွယ်ရေးဥပဒေ (၂၀၁၉)၊ အခန်း(၁၈)၊ ပုဒ်မ(၄၁)ပါ ကုန်အညွှန်းအမှတ်အသားဖော်ပြခြင်းဆိုင်ရာအကြောင်းအရာများကို အသေးစိတ်ရှင်းလင်း ဆွေးနွေးခဲ့ပြီး စားသုံးသူများ နစ်နာဆုံးရှုံးမှုများရှိခဲ့ပါက စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ (CICC) မကွေးတိုင်းဒေသကြီးဦးစီးမှူးရုံးသို့ လည်းကောင်း၊ Consumer Call Center Hotline (1535) သို့လည်းကောင်း၊ စားသုံးသူရေးရာဦးစီးဌာန၊ သရက်ခရိုင် ဦးစီးမှူးရုံး၌လည်း ၂၀၂၅ခုနှစ်၊ မတ်လမှ စတင်၍   စားသုံးသူသတင်း ပြန်ကြားရေးနှင့် လက်ခံဆောင်ရွက်ရေး စင်တာ(CICC) ကို ဖွင့်လှစ် ထားရှိပြီးဆက် သွယ်တိုင်ကြားနိုင်ကြောင်း စားသုံးသူများသိရှိစေရန် အသိပညာပေး Talk Show ဟောပြောခဲ့ကြောင်း သိရှိရပါသည်။

DOCA(မ‌ကွေး)

   စားသုံးသူရေးရာဦးစီးဌာန၊ မြိတ်ခရိုင်ဦးစီးမှူး၊ ဦးမျိုးဝင်း၊ ဒု-ခရိုင်ဦးစီးမှူးနှင့် ဝန်ထမ်းတို့သည် (၂၀.၅.၂၀၂၅)ရက်နေ့ နံနက်(၁၁း၀၀)နာရီတွင် မြိတ်မြို့၊ ပန်းပဲဖိုလမ်း၊ ကြောင်ငယ်ရပ်ရှိ ဇင်ဇင်း အ မှတ်တံဆိပ် ဇီးယိုလုပ်ငန်းရှင်သို့ ကွင်းဆင်းတွေ့ဆုံပြီး ကုန်အညွှန်းအမှတ်အသားဆိုင်ရာသတ်မှတ် ချက်များပြည့်စုံမှန်ကန်စွာ ထည့်သွင်းဖော်ပြပေးရေး အသိပညာပေးဆွေးနွေးခဲ့ပါသည်။

   ဇင်ဇင်း အမှတ်တံဆိပ် ဇီးယိုလုပ်ငန်းရှင် ဒေါ်အေးသန်းမှ ဇီးယို တစ်ဒယ်ယိုထိုးပါက ဇီးသီး(၅) ပြည်၊ ဓနိပျားရည်တစ်ပိဿာ၊ ဆား၊ မဆလာနှင့် ငရုတ်သီးမှုန့်တို့သုံးစွဲရကြောင်းနှင့် ဇီးသီး(၁)ပြည် လျှင်(၁၅၀၀)ကျပ်၊ ဓနိပျားရည်တစ်ပိဿာ(၆၅၀၀)ကျပ်တို့ဖြင့် အရင်း(၁၄၀၀၀)ကျပ်ကုန်ကျပြီး ကုန် ချော ဇီးယို(၂)ကျပ်သားထုပ် (၂၀၀)ထုပ်ခန့်ထွက်ရှိပြီး ဇီးယို(၂)ကျပ်သား (၁)ထုပ်လျှင် (၁၅၀)ကျပ် ဖြင့် လက်ကားပြန်လည်ဖြန့်ဖြူးပေး၍ (၃၀၀၀၀)ကျပ်ရရှိကာ ဇီးယို(၅)ပြည် တစ်ဒယ်လျှင် အမြတ် (၁၆၀၀၀)ကျပ်ရရှိကာ မိသားစုစားဝတ်နေရေးအတွက်တစ်ဖက်တစ်လမ်းမှ အထောက်အကူပြုလျက် ရှိကြောင်း လေ့လာသိရှိရပါသည်။

DOCA(တနင်္သာရီ)

       မြိတ်ခရိုင်စားသုံးသူရေးရာဦးစီးဌာနသည် စားသုံးသူများဘေးကင်းလုံခြုံစေရေးအတွက် ၂၀၂၅ ခုနှစ်၊ မေလ(၂၀)၊ ရက်နေ့တွင် ခရိုင်အစားအသောက်နှင့်ဆေးဝါးကွပ်ကဲရေးဦးစီးဌာန၊ မြိတ်ခရိုင် စီမံအုပ်ချုပ်ရေးအဖွဲ့နှင့်မြို့နယ်စည်ပင်သာယာရေးအဖွဲ့တို့ဖြင့် မြိတ်မြို့၊ သာကေတရပ်၊ သဲကွင်း(၃) လမ်းရှိ Lucky Moon စားသောက်ဆိုင်သို့ သွားရောက်၍ စားသုံးသူများဘေးကင်းစေရေး ကွင်းဆင်း စစ်ဆေးဆောင်ရွက်ခဲ့ကြောင်း သတင်းရရှိပါသည်။

     ကွင်းဆင်းစစ်ဆေးရာတွင် စားအသောက် ပြုပြင်ရောင်းချသည့် နေရာများ၊ သန့်ရှင်းသန့်ရပ်မှု အခြေအနေများအားစစ်ဆေးခဲ့ပြီး  စားသောက်ဆိုင်များသည် မိမိတို့ဆိုင်များမှပေးအပ်သည့် ဝန် ဆောင်မှုနှင့် စပ်လျဉ်း၍ စားသုံးသူများအားလုံလောက်သည့် သတင်းအချက်အလက်များကို အသိပေးရမည်ဖြစ်ကြောင်းနှင့် ရောင်းချသည့် စားသောက်ဖွယ်ရာများ၏ အမျိုးအစား၊အရွယ်အစား (size) ပမာဏအလိုက် ဈေးနှုန်းအားပွင့်လင်းမြင်သာစွာ ကြိုတင်အသိပေးဖော်ပြထားရန် ဆွေးနွေးပြောကြားခဲ့ကြောင်း သတင်းရရှိခဲ့ပါသည်။

DOCA(တနင်္သာရီ)