သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ ကျောက်တံခါးမြို့နယ်တာဝန်ခံရုံးအနေဖြင့် ကုန်ဈေးနှုန်း တည်ငြိမ်ရေးလုပ်ငန်းများ၊ စားသုံးသူကာကွယ်ရေးလုပ်ငန်းများကို အားတက်တရော ဆောင်ရွက် လျက်ရှိရာ ၂၃.၁၀.၂၀၂၅ ရက်နေ့တွင် ကျောက်တံခါးမြို့နယ်တာဝန်ခံ ဒေါ်တင်တင်စန်းနှင့် ဒုဦးစီးမှူး ဒေါ်ဇင်မာထွေးတို့သည် ကျောက်တံခါးမြို့နယ်၊ ပဲနွယ်ကုန်းမြို့ရှိ “ ရွှေတိုးလှိုင် ” (စာကလေးခွေ) စားသောက်ကုန်ထုတ်လုပ်သော လုပ်ငန်းရှင်နှင့်တွေ့ဆုံကာ လုပ်ငန်းအခြေအနေများအား မေးမြန်း ဆွေးနွေးခဲ့ကြောင်း သတင်းရရှိပါသည်။

          မြို့နယ်တာဝန်ခံနှင့် ဒုဦးစီးမှူးတို့သည် “ ရွှေတိုးလှိုင် ” (စာကလေးခွေ)  ထုတ်လုပ်သော လုပ်ငန်းရှင် ဦးရွှေလှိုင်အား လုပ်ငန်းအခြေအနေများ မေးမြန်းခဲ့ရာ ဦးရွှေလှိုင်က လုပ်ငန်းလုပ်ကိုင် ရာတွင် တွေ့ကြုံရသော အခက်အခဲများ နှင့် စိန်ခေါ်မှုများကို တင်ပြရာ ခရိုင်ဦးစီးက မှတ်တမ်းတင် ထားကာ တတ်နိုင်သမျှ ဖြေရှင်းဆောင်ရွက်ပေးမည်ဖြစ်ကြောင်း ပြောကြားခဲ့ပါသည်။ ထို့နောက် လုပ်ငန်းခွင်အား လိုက်လံ ကြည့်ရှုစစ်ဆေးပြီး လိုအပ်သည်များ စစ်ဆေးမှာကြားခဲ့ကြောင်း သတင်း ရရှိပါသည်။

DOCA(ပဲခူး)

    ပဲခူးတိုင်းဒေသကြီး၊စားသုံးသူရေးရာဦးစီးဌာနမှ ဝန်ထမ်းများသည် (၃၀.၁၀.၂၀၂၅)ရက်နေ့ နံနက် (၁၀:၀၀)နာရီအချိန်တွင် ပဲခူးမြို့တောင်သူစုကျေးရွာအခြေခံပညာအလယ်တန်းကျောင်းခွဲသို့ သွားရောက်၍  စားသုံးသူကာကွယ်ပေးရေးဆိုင်ရာအသိပညာပေး ဟောပြောခြင်းများ ဆောင်ရွက်ခဲ့ကြောင်း သိရှိရပါသည်။ အဆိုပါဟောပြောပွဲသို့ စားသုံးသူရေးရာဦးစီးဌာနမှ ဒေါ်ရွှေစင်လှိုင် (အငယ်တန်းစာရေး)မှ  စားသုံးသူကာကွယ်ပေးရေးဆိုင်ရာ ဥပဒေပေါ်ပေါက်လာပုံ သိကောင်းစရာ အကြောင်းများကို ‌ဟောပြောခဲ့သည်။ ဆက်လက်၍ ဦးသန်းဇော်(ဒုကြီးကြပ်ရေးမှူး)မှ စားသုံးသူ အခွင့်အရေးနှင့် လိုက်နာရမည့် တာဝန်၊ ကုန်အညွှန်းအမှတ်အသား၊ ကုန်စည်နှင့်ဝန်ဆောင်မှု၊ Online-shopအသုံးပြုခြင်းနှင့် ဝယ်ယူရောင်းချခြင်းများအား အသိပညာပေးဆောင်ရွက်ခဲ့ပြီး စားသုံး သူကာကွယ်ပေးရေးနှင့် ပတ်သတ်သည့်အကြောင်းအရာများကို ကျောင်းသား/ကျောင်းသူ များအား ပြန်လည်မေးမြန်းခြင်းများ ပြုလုပ်ခဲ့ပြီး ဆုရကျောင်းသား/ကျောင်းသူများအား ဆုပေး ခြင်းများ ဆောင်ရွက်ခဲ့ရာ ဆရာ/ဆရာမ(၁၄)ဦး ကျောင်းသား/ ကျောင်းသူ (၃၀၀)ဦးတို့ တက်ရောက် ခဲ့ကြောင်း သိရှိရပါသည်။

DOCA(ပဲခူး)

     စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ စစ်ဆေးရေးမှူး ဦးကျော်မိုးလွင်သည် ၆.၁၁.၂၀၂၅ ရက်နေ့ ၁၀:၃၀ နာရီအချိန်တွင် မိုးညှင်းမြို့၊ မြို့မရပ်ကွက်ရှိ Happy(Store)သို့ ကုန်အညွှန်းအမှတ်အသားဖော်ပြခြင်းနှင့် ပတ်သက်၍ စားသုံးသူကာကွယ်ရေးဥပဒေပါ ပြဌာန်းချက် များနှင့် ကိုက်ညီခြင်းရှိ/မရှိ ဈေးကွက်စောင့်ကြည့်စစ်ဆေးခဲ့ပါသည်။

       ဈေးကွက်စောင့်ကြည့်စစ်ဆေးခဲ့ရာ Pulpyc အမှတ်တံဆိပ်ပါ လိမ္မော်သီးအရသာအချိုရည် သည် အသင့်သောက်အချိုရည်အမျိုးမျိုးတို့တွင် ကုန်စည်အမျိုးအစားအလိုက် သတ်မှတ်ချက်များနှင့် အညီ မြန်မာဘာသာဖြင့် ပြည့်စုံစွာ ဖော်ပြရမည့် ကုန်စည်၏ အမျိုးအမည်၊ အရွယ်အစား၊ အရေအတွက် အသားတင်ပမာဏ၊ ထားသိုသိမ်းဆည်းမှုအညွှန်းနှင့် ဓာတ်မတည့်ကြောင်းဖော်ပြချက် တို့ကို ကုန်အညွှန်းအမှတ်အသား ဖော်ပြထားရှိခြင်းရှိ/မရှိ ဈေးကွက်စောင့်ကြည့်စစ်ဆေးခဲ့ရာ ကုန် အညွှန်းအမှတ်အသား ပြည့်စုံစွာ ဖော်ပြထားရှိကြောင်း စစ်ဆေးတွေ့ရှိရပြီး စတိုးဆိုင်ပိုင်ရှင်အား ကုန်စည်အမျိုးမျိုး ဖြန့်ဖြူးရောင်းချရာတွင်လည်း မြန်မာဘာသာဖြင့် ကုန်အညွှန်းအမှတ်အသား ပြည့်စုံ မှန်ကန်စွာ ဖော်ပြပါရှိသော ကုန်စည်များကိုသာ ဝယ်ယူဖြန့်ဖြူးရောင်းချရန် အသိပညာပေး ဆွေးနွေး ခဲ့ပြီး ကုန်အညွှန်းအမှတ်အသား ဖော်ပြခြင်းဆိုင်ရာ လက်ကမ်းစာစောင်များ ဖြန့်ဝေခဲ့ပါသည်။

DOCA(ကချင်)

   ဖျာပုံခရိုင်၊ဒေးဒရဲမြို့နယ်တွင် စားသုံးသူရေးရာဦးစီးဌာနမှဒု-ခရိုင်ဦးစီးမှူးဦးဆောင်၍ ၀န်ထမ်းများ နှင့်အမှတ်(၁)ရပ်ကွက်ရှိ ဒေါ်ရွှေမုန့်ဟင်းခါးဖိုလုပ်ငန်းသို့၂၀၂၅ခုနှစ်၊အောက်တိုဘာလ၂၅ရက်နေ့၊နံနက် (၁၀:၃၀)နာရီအချိန်တွင် MSME လုပ်ငန်း ဖွံ့ဖြိုးရေးအတွက် ကွင်းဆင်းခြင်းကိုဆောင်ရွက်ခဲ့ပါသည်။
     ထိုသို့ကွင်းဆင်းရာတွင် စားသုံးသူရေးရာဦးစီးဌာနမှ ဒု-ခရိုင်ဦးစီးမှူးမှလုပ်ငန်းတာ၀န်ခံ ကိုသန့်ဇင်မျိုးနှင့် တွေဆုံပြီးလုပ်ငန်းနှင့် ပတ်သက်ပြီးဆွေးနွေးမေးမြန်းခဲ့ရာ လုပ်ငန်းတာ၀န်ခံမှမိမိတို့ မုန့်ဟင်းခါးဖိုလုပ်ငန်းအနေဖြင့် တစ်နေ့လျှင်ပိဿာချိန်၁၅၀/၂၀၀ ထုတ်လုပ်နိုင်ပြီး၊ တစ်နေ့လျှင် ဆန်၄အိတ်/၅အိတ်ကုန်ကြောင်းနှင့် ဆန်တစ်အိတ်လျှင် ပိဿာချိန်၄၀မှ၅၀ထွက်ရှိကြောင်းနှင့် မုန့်ဟင်းခါးတစ်ပိဿာရောင်းဈေးအနေဖြင့် တစ်ပိဿာလျှင်၂၅၀၀ကျပ်ဖြင့် ရောင်းချ‌ပြီး လုပ်သားအနေဖြင့်၆ဦး နှင့်လည်ပတ်လျက်ရှိကြောင်း၊ လစာနှုန်းထားအနေဖြင့် တစ်လလျှင် စားရိတ်ငြိမ်း၂၀၀၀၀၀ ကျပ်အထိ ပေးကြောင်းပြောကြားခဲ့ပြီးဒု-ခရိုင်ဦးစီးမှူးမှလိုအပ်သည်များကိုမှာကြားခဲ့ကြောင်းသတင်းရရှိပါသည်။

DOCA(ဧရာဝတီ)

       စားသုံးသူရေးရာဦးစီးဌာန၊ အနောက်ပိုင်းခရိုင်ဦးစီးမှူးရုံးမှ ဒေါ်မြတ်မွန်နှင့် ဝန်ထမ်း(၂) ဦးတို့သည် ၆.၁၁.၂၀၂၅ ရက်နေ့ နံနက်(၁၀:၃၀) နာရီအချိန်တွင် မရမ်းကုန်းမြို့နယ် အ.လ.က(၇) အလယ်တန်းကျောင်းသို့ စားသုံးသူအကာအကွယ်ပေး အသိပညာပေးဆောင်ရွက်ခဲ့ကြောင်း သိရှိရပါသည်။

            အသိပညာပေးခြင်းများဆောင်ရွက်ခဲ့ရာတွင် ကျောင်းသား/ ကျောင်းသူ (၂၀၀) တို့အား  စားသုံးသူကာကွယ်ရေးဥပဒေအကြောင်းနှင့်  စားသုံးသူအဓိပွါယ်၊ နေစဉ်စားသောက်နေသော အစားအသောက်များတွင် ကုန်အညွှန်းအမှတ်အသားများပြည့်စုံမှုရှိသော စားသောက်ကုန်များအား ရွေးချယ်စားသောက်ရန်နှင့် စားသုံးသူတစ်ဦးအနေဖြင့် နစ်နာမှုဖြစ်ပေါ်ခဲ့လျှင် စားသုံးသူရေးရာဦးစီးဌာနသို့ တိုင်ကြားမှုပြုနိုင်ကြောင်း ကျောင်းသား/ သူများအား အသိပညာပေး ဟောပြောခဲ့ကြောင်း သိရှိရပါသည်။

DOCA(ရန်ကုန်)