သတင်းနှင့် လှုပ်ရှားမှုများ

   ပုသိမ်မြို့နယ် အကောက်ခွန်ဦးစီးဌာနမှူးရုံးတွင် ပြည်တွင်းအခွန်များဦးစီးဌာနမှ အများပြည်သူသုံးစွဲရန်မသင့်သော ပြည်သူ့ဘဏ္ဍာအဖြစ် သိမ်းဆည်းထားသည့် အရက်ပုလင်များအား မြို့နယ်အထွေထွေအုပ်ချုပ်ရေးဦးစီးဌာန၊ ပြည်တွင်းအခွန်များဦးစီးဌာန၊ အကောက်ခွန်ဦးစီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာနနှင့် တိုင်းဒေသကြီးစားသုံးသူရေးရာဦးစီးဌာနတို့ ပူးပေါင်း၍ (၂၂.၃.၂၀၂၂)ရက်နေ့ နံနက်(၁၀:၀၀)နာရီအချိန်တွင် မြို့နယ်အကောက်ခွန်ဦးစီး ဌာနမှူးရုံးတွင် လုပ်ထုံးလုပ်နည်းနှင့်အညီ ဖျက်ဆီးခဲ့ပါသည်။

          ထိုသို့ဖျက်ဆီးခဲ့ရာတွင် အရက်ပုလင်းမျိုးစုံ(၃၆၈)ပုလင်း၏ ဖမ်းဆီးရရှိမှု စုစုပေါင်းတန်ဖိုး ငွေမှာကျပ်(၆,၃၄၂,၇၀ဝိ/-)ဖြစ်ကြောင်း ပုသိမ်မြို့နယ်အကောက်ခွန်ဦးစီးဌာနမှ သိရသည်။

DOCA(ဧရာဝတီ)

             ဧရာဝတီတိုင်းဒေသကြီး၊ စားသုံးသူရေးရာဦးစီဌာန၊ ဟင်္သာတခရိုင်ဦးစီးမှူး ဦးဆောင်သောအဖွဲ့သည် ဟင်္သာတမြို့နယ် စည်ပင်သာယာရေးအဖွဲ့ဝင်များနှင့်အတူ ဟင်္သာတခရိုင်၊ ဟင်္သာတမြို့၊ ပဒေသာဈေး၌ မတ်လ (၁၈.၃.၂၀၂၂) နေ့ နံက် (၉:၀၀) တွင် ဈေးအတွင်း ဖြန့်ဖြူးရောင်းချနေသာ ဟင်းသီးဟင်းရွက်ဆီ ( Vegetale Oil,Cooking Oil)များကို ကွင်းဆင်းစီစစ်ခဲ့ပါသည်။

          ထိုသို့စစ်ဆေးရာတွင် ဟင်းသီးဟင်းရွက်ဆီ ( Vegetale Oil,Cooking Oil)၏ ကုန်အညွှန်း အမှတ်အသားဖော်ပြရာတွင် ပင်ရင်းပါဝင်ပစ္စည်းကို အခြေခံသောကုန်စည်၏ အမျိုးအမည်ကို တိကျစွာ မြန်မာဘာသာဖြင့်ဖော်ပြရန်၊(ဉပမာ-ဟင်းသီးဟင်းရွက်ဆီ(စားအုန်းဆီ)၊ ဟင်းသီးဟင်းရွက်ဆီ (အဆင့်မြင့်စားအုန်းဆီ)စသည်ဖြင့်ဖော်ပြနိုင်ရန်၊ ကုန်စည်၏ အသားတင်ပမာဏနှင့် အရွယ်အစားတို့အား မြန်မာ့အလေးချိန်ယူနစ်ဖြစ်သော ပိဿာ၊ ကျပ်သားတို့ကို မြန်မာဘာသာဖြင့် ဖော်ပြထားသော ဟင်းသီးဟင်းရွက်ဆီများကိုသာ ရောင်းချဖြန့်ဖြူးရန် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ ညွှန်ကြားချက် ၁/၂၀၂၁ အား လုပ်ငန်းရှင်များ သိရှိလိုက်နာနိုင်ရေးအတွက် ဈေးအတွင်းရှိ စားသုံးဆီအရောင်းဆိုင် (၆) ဆိုင်အား တဆိုင်ချင်း ကွင်းဆင်းဆွေးနွေးအသိပညာပေးခဲ့ပြီး ညွှန်ကြားချက် ၁/၂၀၂၁ နှင့် စားသုံးသူကာကွယ်ရေးအသိပညာပေး လက်ကမ်းစာစောင်များ ဖြန့်ဝေပေးခဲ့ကြောင်းသိရှိရပါသည်။

DOCA(ဧရာဝတီ)

              စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ဟင်္သာတခရိုင်၊ ကြံခင်းမြို့နယ်တာဝန်ခံသည် ပြန်ကြားရေးနှင့်ပြည်သူ့ဆက်ဆံရေးဦးစီး ဌာနရုံးတွင် (၁၄.၃.၂၀၂၂) ရက်နေ့ နံနက် (၁၀:၀၀)နာရီအချိန်၌ ဆီစက်လုပ်ငန်းရှင်(၁၀)ဦးအား စားသုံးသူကာကွယ်ရေး အသိပညာပေး ဟောပြောခြင်းကို ဆောင်ရွက်ခဲ့ပါသည်။

         ဟောပြောပွဲတွင် ကြံခင်းမြို့နယ်တာဝန်ခံဦးကျော်နိုင်ဝင်းမှ မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက်(၂/၂၀၁၉)အကြောင်းသိကောင်စရာများနှင့် စားသုံးသူကာကွယ်ရေးဥပဒေ အခန်း(၁၈)ပုဒ်မ(၄၁)(၄၃)အရ  ကုန်အညွှန်းအမှတ်အသားဖော်ပြခြင်းဆိုင်ရာ စီးပွားရေးလုပ်ငန်းရှင်များ လိုက်နာရမည်အချက်များ၊ အခန်း(၂၃)ပါ ပုဒ်မ(၆၃)(၆၅)အရ တားမြစ်ချက်များအကြောင်း၊  အခန်း(၂၄) ပါပြစ်မှုနှင့်ပြစ်ဒဏ်များအကြောင်းတို့ကို ဆွေးနွေးဟောပြောခဲ့ပြီး၊ တက်ရောက်လာသူများမှလည်း သိလိုသည်များကို မေးမြန်း၍ စားသုံးသူကာကွယ်ရေးဥပဒေစာအုပ်နှင့် စားသုံးသူအသိပညာပေးလက်ကမ်းစာစောင်များ ပေးဝေခဲ့ကြကြောင်း သိရှိရပါသည်။

DOCA(ဧရာဝတီ)

      (၁၀-၃-၂၀၂၂) ရက်နေ့တွင် မြို့နယ်အထွေထွေအုပ်ချုပ်ရေးဦးစီးဌာန ၊ မြို့နယ်စည်ပင်သာယာရေးအဖွဲ့၊ ပြည်သူ့ကျန်းမာရေးဦးစီးဌာန ၊ စားသုံးသူရေးရာဦးစီးဌာနနှင့်မြန်မာ နိုင်ငံရဲတပ်ဖွဲ့တို့ပါဝင်သော မြို့နယ်အစားအသောက်နှင့် ဆေးဝါးကွပ်ကဲရေးကော်မတီမှ ပြင်ဦးလွင်မြို့နယ်အတွင်း ပင်လယ်စာရောင်းချလျက်ရှိသော အရောင်းဆိုင်များအား ကွင်းဆင်းစစ်ဆေးခဲ့ပါသည်။

       ကွင်းဆင်း စစ်ဆေးရာတွင် မြို့နယ်အချို့၌ ခွင့်ပြုချက်မရှိဘဲ တရားမဝင်တင်သွင်းလာသော “ Cowboy ပုံ (ကြက်ဖပုံ)ထိုင်းစာသားပါအသင့်စား အသားလုံး၊ အသားချောင်းများကို စားသုံးမိ၍ ကျန်းမာရေးဘေးဥပါဒ်များဖြစ်ပွားနေကြောင်းတွေ့ရှိရသဖြင့် မိမိတို့အဖွဲ့အား ၄င်းပစ္စည်းများ ရောင်းချခြင်းမရှိစေရန်အတွက် ကွင်းဆင်းစစ်ဆေးရန် တာဝန်ပေးအပ်ခဲ့သည့်အတွက် လာရောက်ခြင်းဖြစ်ကြောင်း ရှင်းလင်းပြောကြားခဲ့ပါသည်။ ပြင်ဦးလွင်ခရိုင် စားသုံးသူရေးရာဦးစီးဌာန၊ ခရိုင်တာဝန်ခံက စားသုံးသူကာကွယ်ရေး ဥပဒေအား ၂၀၁၉ ခုနှစ်၊ မတ်လ (၁၅)ရက်နေ့တွင် အသစ်ပြန်လည်ပြဌာန်းခဲ့ကြောင်း၊ ၄င်းဥပဒေတွင် ကုန်အညွှန်းအမှတ်အသားဖော်ပြခြင်းနှင့်ပတ်သက်၍ အခန်း(၁၈)ပုဒ်မ(၄၁)၌ စီးပွားရေးလုပ်ငန်းရှင်များ လိုက်နာရန်အချက်များအား ပြဌာန်းခဲ့ပြီးဖြစ်ကြောင်း ၊ ၂၀၁၉ ခုနှစ် ၊ ဒီဇင်ဘာလ(၃)ရက် ရက်စွဲပါ ညွှန်ကြားချက်အမှတ်(၂/၂၀၁၉)ဖြင့် “ကုန်စည်များတွင် မြန်မာဘာသာ ဖြင့်ဖြစ်စေ ၊ မြန်မာဘာသာနှင့်အခြားဘာသာတစ်ခုသို့မဟုတ်တစ်ခုထက်ပို၍တွဲလျက်ဖြစ်စေဖော်ပြ ရာ၌ “ စီးပွားရေးလုပ်ငန်းရှင်များ” လိုက်နာဆောင်ရွက်ရန်ညွှန်ကြားချက်” ကို ကုန်စည် အုပ်စုအလိုက်မြန်မာဘာသာဖြင့် ကုန်အညွှန်းအမှတ်အသားဖော်ပြရမည့် အသေးစိတ်အချက်အလက်များအား ကုန်စည်အုပ်စု(၈)ခုခွဲ၍ ထုတ်ပြန်ခဲ့ပြီးဖြစ်ကြောင်း၊ ယင်းကုန်စည်အုပ်စုတွင် အစားအသောက်ကုန်စည်အုပ်စုတွင်ပါဝင်သည့် အေးခဲအစားအစာအမျိုးမျိုးနှင့်စပ်လျဉ်း၍ အမျိုးအမည်၊ အရွယ်အစား၊ အရေအတွက်နှင့်အသားတင်ပမာဏ၊ ထားသိုသိမ်းဆည်းမှုအညွှန်းတို့ကို မဖြစ်မနေ ဖော်ပြရန်အတွက်သတ်မှတ်ထုတ်ပြန်ခဲ့ပြီးကြောင်း၊ ကုန်အညွှန်းအမှတ်အသား၊ ဓါတ်မတည့်ကြောင်း ဖော်ပြချက် ၊ ကြိုတင်သတိပေးချက်တို့ပါဝင်သော ကုန်ပစ္စည်းများသာရောင်းချရန်နှင့် စားသုံးသူ ကာကွယ်ရေးဥပဒေနှင့်ပတ်သက်သည့်အကြောင်းအရာများအားအသေးစိတ်ရှင်း လင်းပြောကြားခဲ့ ပြီးမြို့နယ်အတွင်း ပင်လယ်စာရောင်းချသည့် အရောင်းဆိုင်(၅)ဆိုင်အား စျေးကွက်စောင့်ကြည့် စစ်ဆေးခဲ့ကြောင်း သတင်းရရှိပါသည်။

DOCA(မန္တလေး)

         ကျောက်ဆည်ခရိုင် စားသုံးသူရေးရာဦးစီးဌာနသည် စားသုံးသူများဘေးအန္တရာယ်ကင်းရှင်း စေရေး ၊ ထုတ်ကုန်များလုံခြုံစိတ်ချရမှုရှိစေရေးအတွက် စားသုံးသူကာကွယ်ရေးအသိပညာပေး ဟောပြောဆွေးနွေးပွဲကျင်းပခြင်းနှင့် စျေးကွက်စောင့်ကြည့်စစ်ဆေးခြင်း လုပ်ငန်းများအား  စဉ်ဆက်မပြတ်ဆောင်ရွက်လျှက်ရှိရာ (၁၀-၃-၂၀၂၂)ရက်နေ့တွင် စားသုံးသူရေးရာဦးစီးဌာန၊ ကျောက်ဆည်ခရိုင်ဦးစီးမှူးရုံး၌ တံတားဦးမြို့နယ်ရှိ ဟင်းသီးဟင်းရွက်ဆီ (စားအုန်းဆီ/အဆင့်မြင့် စားအုန်းဆီ)ထုတ်လုပ်သောလုပ်ငန်းရှင်နှင့် သဘာ၀ဒိန်ချဉ်နှင့်နို့အေး လုပ်ငန်းရှင်များအား ကုန် အညွှန်းအမှတ်အသားဖော်ပြချက်နှင့်ပတ်သက်ပြီး စီးပွားရေးလုပ်ငန်းရှင်များ လိုက်နာရမည့်ညွှန် ကြားချက်များအား ရှင်းလင်းဆွေးနွေးခဲ့ပါသည်။ ရှင်းလင်းဆွေးနွေးရာတွင် ကျောက်ဆည်ခရိုင် စားသုံးသူရေးရာဦးစီးဌာန ခရိုင်ဦးစီးမှူးက စားသုံးသူကာကွယ်ရေးဥပဒေအား ၂၀၁၉ ခုနှစ် ၊ မတ်လ (၁၅)ရက်နေ့တွင် အသစ်ပြန်လည်ပြဌာန်းခဲ့ကြောင်း ၊ ၄င်းဥပဒေတွင် ကုန်အညွှန်းအမှတ်အသား ဖော်ပြခြင်းနှင့်ပတ်သက်၍အခန်း(၁၈)ပုဒ်မ(၄၁)၌ စီးပွားရေးလုပ်ငန်းရှင်များလိုက်နာရန်အချက်များ အားပြဌာန်းခဲ့ပြီးဖြစ်ကြောင်း ၊ ၂၀၁၉ ခုနှစ် ၊ ဒီဇင်ဘာလ(၃)ရက် ရက်စွဲပါညွှန်ကြားချက်အမှတ် (၂/၂၀၁၉)ဖြင့် “ ကုန်စည်များတွင် မြန်မာဘာသာဖြင့်ဖြစ်စေ၊မြန်မာဘာသာနှင့်အခြားဘာသာတစ်ခု သို့မဟုတ်တစ်ခုထက်ပို၍တွဲလျက်ဖြစ်စေဖော်ပြရာ၌ “စီးပွားရေးလုပ်ငန်းရှင်များ” လိုက်နာဆောင် ရွက်ရန်ညွှန်ကြားချက်”ကို ကုန်စည်အုပ်စုအလိုက် မြန်မာဘာသာဖြင့် ကုန်အညွှန်းအမှတ်အသား ဖော်ပြရမည့်အသေးစိတ်အချက်အလက်များအား ကုန်စည်အုပ်စု(၈)ခုခွဲ၍ထုတ်ပြန်ခဲ့ပြီးဖြစ်ကြောင်း၊ ယင်းကုန်စည်အုပ်စုတွင် အစားအသောက်ကုန်စည်အုပ်စုတွင်ပါဝင်သည့် နို့နှင့်နို့ထွက်ပစ္စည်းအမျိုး မျိုး၊စားသုံးဆီအမျိုးမျိုးနှင့်စပ်လျဉ်း၍ အမျိုးအမည်၊ အရွယ်အစား၊ အရေအတွက်နှင့်အသားတင် ပမာဏ ၊ ထားသိုသိမ်းဆည်းမှုအညွှန်းတို့ကို မဖြစ်မနေဖော်ပြရန်အတွက် သတ်မှတ်ထုတ်ပြန်ခဲ့ပြီး ဖြစ်ကြောင်း၊ဟင်းသီးဟင်းရွက်ဆီရောင်းချမှုနှင့်ပတ်သက်ပြီး ၂၀၂၁ခုနှစ်၊ဒီဇင်ဘာလ(၂၂)ရက်နေ့တွင် ညွှန်ကြားချက်အမှတ်(၁/၂၀၂၁)ဖြင့် စျေးကွက် အတွင်းရောင်းချလျှက်ရှိသည့် စားသုံးဆီများအနက်မှ အချို့သောစားသုံးဆီများတွင် ဟင်းသီးဟင်းရွက်ဆီ(Vegetable Oil,Cooking Oil)ဟူ၍ ဖော်ပြပြီး ထုတ်လုပ်ဖြန့်ဖြူးရောင်းချလျှက်ရှိကြောင်း ၊ အဆိုပါ ကုန်အညွှန်းအမှတ်အသားဖော်ပြခြင်းဆိုင်ရာ ပြဌာန်းချက်များအရ ကုန်စည်တစ်ခုခု၏အမျိုး အမည်မဟုတ်သည့်အပြင် ပင်ရင်းပါဝင်ပစ္စည်းကို အခြေခံဖော်ပြထားခြင်းမရှိသော ယေဘူယျဆန်သည့်အမျိုးအမည်တစ်ခုဖြစ်သောကြောင့် ပင်ရင်း ပါဝင်ပစ္စည်းကိုအခြေခံသော ကုန်စည်၏အမျိုးအမည်ကိုတိကျစွာ မြန်မာဘာသာဖြင့် ဖော်ပြရမည် ဖြစ်ကြောင်း ၊ ဥပမာ - ဟင်းသီးဟင်းရွက်ဆီ (စားအုန်းဆီ/အဆင့်မြင့်စားအုန်းဆီ)နှင့် ကုန်စည်၏ အသားတင်ပမာဏနှင့်အရွယ်အစားတို့အား မြန်မာ့အလေးချိန်ယူနစ်ဖြစ်သော ပိဿာ၊ ကျပ်သား တို့ကို မြန်မာဘာသာဖြင့်ဖော်ပြရမည်ဟု ညွှန်ကြားချက်ထုတ်ပြန်ခဲ့ကြောင်း ၊ ၄င်းညွှန်ကြားချက်ပါ အကြောင်းအရာများသည် စတင်ထုတ်ပြန်ပြီး(၆)လပြည့်မြောက်ပြီးသည့် နေ့ရက်မှစတင် အာဏာ သက်ရောက်မည်ဖြစ်ပြီး စီးပွားရေးလုပ်ငန်းရှင်များအနေဖြင့် လိုက်နာမှုမရှိပါက စားသုံးသူကာကွယ် ရေးဥပဒေအရအရေးယူဆောင်ရွက်သွားမည်ဖြစ်ကြောင်း အသေးစိတ်ရှင်းလင်းပြောကြားခဲ့ကြောင်း သတင်းရရှိပါသည်။

DOCA(မန္တလေး)