သတင်းနှင့် လှုပ်ရှားမှုများ

    စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့နယ် ဗိုလ်ဘုန်းမြင့်လမ်းရှိ  လုပ်ငန်းရှင် ဒေါ်ခင်ပပစိုးနှင့် ၂၂.၇.၂၀၂၅ ရက်နေ့၊ နေ့လယ်( ၁၃:၃၀)  နာရီ အချိန်တွင် ခရိုင်ဦးစီးမှူးဦးသန်းစိုး၊ စားသုံးသူရေးရာဌာနခွဲ့တာဝန်ခံ ဒေါ်ခိုင်ခိုင်ရီတို့နှင့်တွေ့ဆုံ၍ စားသုံးသူကာကွယ်ရေး ဥပဒေအခန်း(၁၈)ပါ ကုန်စည်များ ပေါ်တွင် ကုန်အညွှန်းအမှတ်  အသား ‌ဖော်ပြခြင်း နှင့်စပ်လျဉ်း၍ ကုန်စည်အမျိုးအစား အလိုက် သတ်မှတ်ချက်များ နှင့်အညီဖြန့်ဖြူး ရောင်းချရန်၊ ကုန်စည်၏ထုတ်လုပ်ရက်စွဲ သက်တမ်း ကုန်ဆုံးရက်စွဲများ၊ ထားသိုသိမ်း ဆည်းမှု အညွှန်း၊ သုံးစွဲပုံနည်းလမ်းများအားလည်းကောင်း ဥပဒေအခန်း(၁၀)ပါ စီးပွားရေးလုပ်ငန်းရှင်၏ တာဝန်များ၊  ဥပဒေအခန်း(၁၁)ပါ ကုန်စည်နှင့်စပ်လျဉ်း၍  အာမခံချက်ပေးခြင်းဖြင့် စားသုံးသူလက်ခံနိုင်သည့်အရည်အသွေးရှိခြင်းကို အထူးအလေးထား ဆောင်ရွက်ရန် အသိပညာပေးဆွေးနွေးဆောင်ရွက်ခဲ့ပြီးလက်ကမ်းစာ‌စောင်များ ဖြန့်ဝေခဲ့ပါသည်။

DOCA(ပဲခူး)

   ပဲခူးတိုင်းဒေသကြီး၊ သာယာဝတီခရိုင်၊ ကြို့ပင်ကောက်မြို့နယ်ရှိ စက်တိုင်ကုန်ရပ်ကွက်၊ ရန်ကုန်ပြည်ကားလမ်းဘေးရှိ လမင်းစန္ဒာဆန်စက်သို့ ၂၂.၇.၂၀၂၅ ရက်နေ့ နံနက်(၁၀:၀၀) နာရီ အချိန်တွင် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းနှစ်ဦးတို့သည် ဆန်စက် လုပ်ငန်းရှင်နှင့်တွေ့ဆုံခဲ့ပါသည်။

    လုပ်ငန်းရှင်နှင့်တွေ့ဆုံရာတွင် ယခုကြိတ်ခွဲသော စပါးအမျိုးအစားအနေဖြင့် ဆင်းသုခ၊ ရတ နာတိုး၊ကရင်မစပါးဟောင်းများကို ကြိတ်ခွဲလျက်ရှိပြီး ဆန်စက်အထိုင်မြို့တွင်းတွင်သာ လက်လီ ရောင်းချကြောင်းဆန်တစ်အိတ်လျှင် ၆၅၀၀၀/၇၀၀၀၀/ကျပ်ဖြစ်ကြောင်း လျှပ်စစ်မီးလာလျှင်လည်း တစ်နေ့ကို အိတ်၉၀/၁၀၀/ခန့် ကြိတ်ခွဲရပြီး အလုပ်သမား(၅)ယောက်နှင့်ပုံမှန်ကြိတ်ခွဲ လည်ပတ် လျက်ရှိကြောင်း၊စပါးလက်ကျန်အနေဖြင့် စပါးတင်း ၅၀၀၀ခန့်၊ဆန်လက်ကျန်အနေဖြင့် အိတ် ၄၀၀ ခန့်ရှိကြောင်း အရောင်းအဝယ်အနေဖြင့် ပုံမှန်ရောင်းဝယ်ရပါကြောင်း ကွင်းဆင်းစစ်ဆေးခဲ့ပါသည်။

DOCA(ပဲခူး)

            စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးသည်၂၀၂၅ ခုနှစ်၊ ဇူလိုင်လ ၄ ရက်နေ့ နံနက် (၁၀:၃၀) နာရီအချိန်တွင် ကန့်ဘလူမြို့နယ်တာဝန်ခံ ဦးမျိုးဝင်းသန်းနှင့် ဒေါ်အိမွန်ကျော် အကြီးတန်းစာရေးတို့သည် ကန့်ဘလူမြို့၊ အမှတ်(၅)ရပ်ကွက်ရှိ  (အ.လ.က) ကျောင်း ကျောင်းမုန့်ဈေးတန်းရှိ မုန့်ဆိုင်များအား ဈေးကွက်စောင့်ကြည့်စစ်ဆေးခဲ့ကြောင်း သိရ သည်။

             ထိုသို့ ကွင်းဆင်းစစ်ဆေးရာတွင် စားသုံးသူရေးရာဦးစီးဌာနမှ ဦးဆောင်၍  ကျောင်းအုပ် ဆရာမကြီးနှင့် ဆရာ/မများပူးပေါင်း၍ ကျောင်းမုန့်ဈေးတန်းရှိ မုန့်ဆိုင်များတွင် ရောင်းချလျက်ရှိသည့် စားသောက်ကုန်စည်များတွင် ကုန်အညွှန်အမှတ်အသားများကို(၂/၂၀၁၉)နှင့်အညီ မြန်မာဘာ သာဖြင့်ဖော်ပြထားခြင်းရှိ/ မရှိစစ်ဆေးခဲ့ကြောင်း၊ မြို့နယ်တာဝန်ခံက လုပ်ငန်းရှင်များအနေဖြင့် မိမိတို့ရောင်းချသည့် ကုန်စည်များတွင် မြန်မာဘာသာဖြင့် ကုန်အညွှန်းအမှတ်အသားဖော်ပြထား သည့် ကုန်စည်များ၊ သက်ဆိုင်ရာဌာနများ၏ ထောက်ခံချက်ပါရှိသည့်ကုန်စည်များ စသည်တို့ကို ရောင်းချရန် အသိပညာပေးပြောကြားခဲ့ပြီး စီးပွားရေးလုပ်ငန်းရှင်၏တာဝန်များနှင့် စားသုံးသူ၏ အခွင့်အရေးများပါ အသိပညာပေး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(စစ်ကိုင်း)       

  စားသုံးသူရေးရာဦးစီးဌာန၊ တောင်ငူခရိုင်၊ ရေတာရှည်မြို့နယ်တာဝန်ခံ ဦးဇော်ဇော်ထွေး သည် ဇူလိုင်လ ၂၁ ရက် နံနက်ပိုင်းက ပြန်ကြားရေးနှင့်ပြည်သူ့ဆက်ဆံရေးဦးစီးဌာန ရေတာရှည် မြို့နယ်ရုံး၌ ကျင်းပပြုလုပ်သည့် စာဖတ်ဝိုင်းသို့ တက်ရောက်လာသည့် စာပေဝါသနာရှင်များအား အွန်လိုင်းတွင် ဈေးဝယ်ယူခြင်းနှင့်ပတ်သက်၍ သိကောင်းစရာများကို အသိပညာပေး ပြောကြားပါသည်။

    စားသုံးသူရေးရာဦးစီးဌာန၊ မြို့နယ်တာဝန်ခံသည် အွန်လိုင်းတွင် ဈေးဝယ်ခြင်းနှင့် ပတ်သက်၍ အားသာချက်၊ အားနည်းချက်များ၊ လိမ်လည်မှုပုံစံများ၊ စိစစ်သင့်သည့်အချက်များ၊ စားသုံးသူနစ်နာဆုံးရှုံးမှုမဖြစ်စေရေးအတွက် သက်ဆိုင်ရာဌာန၏ ဆောင်ရွက်ချက်များကို အသိ ပညာပေး ဆွေးနွေးခဲ့ပါသည်။

    ထို့နောက် တက်ရောက်လာသည့် စာပေဝါသနာရှင်များ၏ မေးမြန်းဆွေးနွေးချက်များကို ပြန်လည်ရှင်းလင်းဆွေးနွေးခဲ့ကြောင်းနှင့် အသိပညာပေးဆွေးနွေးပွဲသို့ ပြန်ကြားရေးနှင့်ပြည်သူ့ ဆက်ဆံရေးဦးစီးဌာန၊ မြို့နယ်ဦးစီးမှူး ဒေါ်သော်ဇင်အောင်နှင့် စာပေဝါသနာရှင်(၈)ဦး တက်ရောက် ကြောင်း သိရပါသည်။

DOCA(ပဲခူး)

   ၂၀၂၅ ခုနှစ်၊ ဇူလိုင်လ (၁၄)ရက်နေ့၊ နံနက် (၁၀:၀၀)နာရီအချိန်တွင် ရှမ်းပြည်နယ်(အရှေ့ပိုင်း)၊ စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ စစ်ဆေးရေးမှူး ဦးအောင်လင်းဦး (ဦးစီးမှူး) ဦးစီး၍ စက်မှုကြီးကြပ်ရေးနှင့်စစ်ဆေးရေးဦးစီးဌာနနှင့် ပူးပေါင်းကာ ကျိုင်းတုံမြို့၊ ရပ်ကွက် (၃) အတွင်းရှိ “လမင်းဝါ” အမှတ်တံဆိပ် မုန့်တီခြောက်ထုတ်လုပ်သည့်လုပ်ငန်းအား ထုတ်ကုန်များ လုံခြုံစိတ်ချရမှုရှိစေရန် ဈေးကွက်စောင့်ကြည့်စစ်ဆေးခြင်းလုပ်ငန်း ဆောင်ရွက်ခဲ့ပါသည်။

    ထိုသို့စစ်ဆေးရာတွင် “လမင်းဝါ” အမှတ်တံဆိပ် မုန့်တီခြောက်လုပ်ငန်းသည် စားသုံးသူ ကာကွယ်ရေးဥပဒေ အခန်း (၁၈)ပါ “ကုန်အညွှန်းအမှတ်အသားဖော်ပြခြင်း”နှင့် ပတ်သက်၍ ပြည့်စုံ စွာ ဖော်ပြထားပြီး ထုတ်ကုန်များကိုလည်း သန့်ရှင်းသပ်ရပ်စွာ ထုတ်လုပ်ဖြန့်ချိသည်ကို စစ်ဆေး တွေ့ရှိရပါသည်။ ထို့နောက် စစ်ဆေးရေးမှူးနှင့် တာဝန်ရှိသူများသည် “လမင်းဝါ” အမှတ်တံဆိပ် မုန့်တီခြောက် ထုတ်လုပ်သည့် လုပ်ငန်းရှင်အား စားသုံးသူဘေးအန္တရာယ်ကင်းရှင်းစေရေး အလေးထားဆောင်ရွက် ရန်၊ ကုန်ကြမ်းများစနစ်တကျ သိုလှောင်ရန်နှင့် စားသုံးသူကာကွယ်ရေးဥပဒေ အခန်း (၁၀)ပါ “စီးပွားရေးလုပ်ငန်းရှင်၏တာဝန်များ”ကို လိုက်နာဆောင်ရွက်ရန် အသိပညာပေးခြင်း ဆောင်ရွက် ခဲ့ပါသည်။

DOCA(ရှမ်း)