သတင်းနှင့် လှုပ်ရှားမှုများ

ပဲခူးတိုင်းဒေသကြီး၊ သာယာဝတီခရိုင်၊ ကြို့ပင်ကောက်မြို့၊ ဈေးချိုတောင်ရပ်ကွက်၊ သဲတန်းလမ်းရှိ ငွေကြယ်မုန့်မျိုးစုံထုတ်လုပ်ငန်းအား (၂၁-၁၁-၂၀၂၄)ရက်နေ့၊ နံနက်ပိုင်းတွင် ပဲခူးတိုင်းဒေသကြီးအစိုးရအဖွဲ့ဝန်ကြီးချုပ်နှင့်အဖွဲ့တို့ ကြည့်ရှုစစ်ဆေးရာ MSMEs လုပ်ငန်းတစ်ခုဖြစ်သော ငွေကြယ်မုန့်လုပ်ငန်းအနေဖြင့် စားသောက်ကုန်ဖြစ်သည့်အတွက် စားသုံးသူများဘေးကင်းလုံခြုံရေးအား အထူးအလေးထားရန်၊ ထုတ်ပိုးမှုစနစ်များပြုပြင်ဆောင်ရွက်သွားရန်နှင့် အစားအသောက်နှင့်ဆေးဝါးကွပ်ကဲရေးဦးစီးဌာန FDA ၏ထောက်ခံချက်ရရှိရေး ဆောင်ရွက်နိုင်ရန်တို့ပြောကြားခဲ့ပြီး MSMEs လုပ်ငန်းအနေဖြင့် နိုင်ငံ့စီးပွားမြှင့်တင်ရေးရန်ပုံငွေမှ ချေးယူရရှိထားမှု၊ လုပ်ငန်းများတိုးချဲ့ဆောင်ရွက်ထားခြင်းကြောင့် လုပ်ငန်းတွင်လိုအပ်သည့် အဆင့်မြင့်စက်ပစ္စည်းများကိုဝယ်ယူထားနိုင်ကြောင်း၊ ထုတ်ကုန်များကို တိုးမြင့်ထုတ်လုပ်လျက်ရှိကြောင်း၊ သက်ဆိုင်ရာဌာနများ၏ ညွှန်ကြားချက်နှင့်အညီ MSMEs လုပ်ငန်းဖွံ့ဖြိုးတိုးတက်စေရန် ဆောင်ရွက်သွားမည်ဖြစ်ကြောင်း လုပ်ငန်းရှင်ကပြောကြားခဲ့ပြီး စားသုံးသူရေးရာဦးစီးဌာနအနေဖြင့် ကုန်အညွှန်းအမှတ်အသားများ ပြည့်စုံစွာဆောင်ရွက်ထားပြီးကြောင်းကို ကြည့်ရှုစစ်ဆေးခဲ့ကြောင်းသိရှိရပါသည်။
DOCA(ပဲခူး)

ပဲခူးတိုင်းဒေသကြီး၊ နတ်တလင်းခရိုင်၊ စားသုံးသူရေးရာဦးစီးဌာန၊ နတ်တလင်းခရိုင်တာဝန်ခံရုံးမှ ခရိုင်တာဝန်ခံနှင့် ဝန်ထမ်းများသည် (၂၁-၁၁-၂၀၂၄)ရက်နေ့၌ မြို့နယ်ကုန်ဈေးနှုန်းတည်ငြိမ်ရေး အဖွဲ့ဝင်များနှင့်ပူးပေါင်း၍ မြို့နယ်အတွင်းရှိ ဆန်ဆိုင်များတွင် နိုဝင်ဘာလအတွက် မြန်မာနိုင်ငံဆန်စပါးအသင်းချုပ်မှ သတ်မှတ်ထုတ်ပြန်ထားသော ဈေးနှုန်းများအပေါ် ဈေးမြှင့်တင်ရောင်းချမှုရှိ/မရှိကို ကွင်းဆင်းစစ်ဆေးခဲ့ကြောင်းသိရပါသည်။
ထိုသို့စစ်ဆေးဆောင်ရွက်ရာတွင် နတ်တလင်းမြိုနယ်အတွင်းရှိ တော်ဝင်ဆန်ဆိုင်၊ ကသစ်ဆန်ဆိုင်၊ ရတနာမင်းဆန်ဆိုင်၊ ဓူဝံကြယ်ဆန်ဆိုင်များရှိ ဆန်ဈေးနှုန်းများကိုစစ်ဆေးခဲ့ပြီး ဆန်ဆိုင်များအနေဖြင့် စားသုံးသူများသို့ ဆန်များရောင်းချရာတွင် ဈေးနှုန်းမြှင့်တင်ရောင်းချခြင်းမပြုရန်နှင့် သင့်တင့်မျှတသောဈေးနှုန်းဖြင့် အချင်အတွယ်နှင့် အရည်အသွေးပြည်မီစွာရောင်းချရေး အသိပညာပေးကွင်းဆင်းစစ်ဆေးခဲ့ကြောင်းသိရပါသည်။
DOCA(ပဲခူး)

     စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ် စီမံအုပ်ချုပ်ရေးအဖွဲ့၊ မြို့နယ်အထွေထွေအုပ်ချုပ်ရေးဦးစီးဌာန အစည်း‌အဝေးခန်းမတွင် ရပ်ကွက်နှင့် ကျေးရွာ အုပ်ချုပ်ရေးမှူး (၆၄)ဦးအား  ဌာနဆိုင်ရာလုပ်ငန်းစဉ်းများနှင့် စားသုံးသူကာကွယ်ရေး အသိပညာပေးဟောပြောပွဲ ပြုလုပ်ခဲ့ပါသည်။

     ရှေးဦးစွာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးတိုးတိုးဝင်းက အဖွင့်အမှာ စကားပြောကြားပြီး မအူပင်ခရိုင်အတွင်း မှုခင်းလျော့နည်းကျဆင်းရေးကိစ္စရပ်များအား ရှင်းလင်း ပြောကြားခဲ့သည်။

     ဆက်လက်၍ စားသုံးသူရေးရာဦးစီးဌာနမှ၊ စားသုံးသူကာကွယ်ရေးဥပဒေ ၂၀၁၉ သိကောင်းစရာ ကိစ္စရပ်များအကြောင်း၊ အရေးကြီး ကုန်စည် နှင့် ဝန်ဆောင်မှု ဥပဒေနှင့် စပ်လျဉ်း၍ ရှင်းလင်းခြင်း၊ မြန်မာနိုင်ငံစားသုံးသူကာကွယ်ရေးကော်မရှင် ဖွဲ့စည်းထားခြင်း လုပ်ငန်းစဉ် သိကောင်းစရာများအကြောင်း၊ စားသုံးသူအခွင့်အရေးနစ်နာမှုနှင့် စပ်လျဉ်း၍ တိုင်ကြားမှုအပေါ် စားသုံးသူရေး ရာဦးစီးဌာနက လုပ်ထုံးလုပ်နည်းနှင့်အညီ လက်ခံဖြေရှင်းဆောင်ရွက်ချက် ကိစ္စရပ်များအကြောင်း၊ ဥပဒေအရ စစ်ဆေးရေးအရာရှိ၏ အခန်းကဏ္ဍများအကြောင်းကို ရှင်းလင်းခြင်းနှင့် အကတိလိုက်စားမှု ကင်းရှင်းစေရေးနှင့် မြို့နယ်ဖွံ့ဖြိုးတိုးတက်ဖို့ အလေးပေးဆောင်ရွက်နိုင်ရန် ဆွေးနွေးခဲ့ပြီး ၊ ဥပဒေ၏ ပြစ်မှု ပြစ်ဒဏ်များကိုပါ ရှင်းလင်းဆွေးနွေးခဲ့ပြီး တက်ရောက်လာ ကြသည့် ရပ်ကွက်/ကျေးရွာ အုပ်ချုပ်ရေးမှူးများ၊ စာရေးများက ပြန်လည်ဆွေးနွေး တင်ပြခဲ့ကြသည်။

     မအူပင်မြို့နယ်တွင် ရပ်ကွက် (၁၂) ရပ်ကွက်၊ ကျေးရွာအုပ်စု (၇၆) အုပ်စုနှင့် ကျေးရွာခွဲပေါင်း (၄၄၂)ရွာရှိကြောင်း သိရသည်။

DOCA(ဧရာဝတီ)

   (၂၁.၁၁.၂၀၂၄)ရက်နေ့၊နံနက် (၁၁:၀၀)နာရီအချိန်တွင် ခရိုင်အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင် ခရိုင်အုပ်ချုပ်ရေးမှူး၊ မြို့နယ်အုပ်ချုပ်ရေးမှူးများ၊ ခရိုင်အဆင့်ဌာန ဆိုင်ရာများ စုစုပေါင်း(၅၀)ဦး တက်ရောက်ခဲ့ပါသည်။

    ခရိုင်ဦးစီးမှူးမှ အွန်လိုင်းစနစ်ဖြင့်ရောင်းချခြင်း၊ မှတ်ပုံတင်ခြင်း ကိစ္စရပ်များနှင့် ပတ်သက်၍ အသိပညာပေးရှင်းလင်းဆွေးနွေးရာတွင် ဌာနဆိုင်ရာများအနေဖြင့် မိမိတို့ကိုယ်တိုင်သော်လည်း ကောင်း၊ မိမိ မိသားစုဝင်များ၊ မိတ်ဆွေအပေါင်းအသင်းများမှ အွန်လိုင်းစနစ်ဖြင့် ရောင်းချခြင်းနှင့်ပတ်သက်၍ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ၂၀၂၃ ခုနှစ်၊ ဇူလိုင်လ (၂၁) ရက်နေ့တွင် အမိန့်ကြေငြာစာအမှတ် (၅၀/၂၀၂၃)ဖြင့် အွန်လိုင်းစနစ်ဖြင့် ရောင်းချခြင်းလုပ်ငန်းကို အရေးကြီးဝန်ဆောင်မှု လုပ်ငန်းအဖြစ် သတ်မှတ်သည့် အမိန့်ကြေငြာစာအား ရှင်းလင်းဆွေးနွေးခြင်း၊ အွန်လိုင်းစနစ်ဖြင့် ရောင်းချခြင်းလုပ်ငန်းများကို မှတ်ပုံတင်ခြင်းအတွက် အကျယ်တဝင့် ရှင်းလင်းဆွေးနွေးခြင်း၊ အွန်လိုင်းရောင်းချခြင်းနှင့်ပတ်သက်၍ အားနည်းချက်၊ အားသာချက်များကိုလည်း ရှင်းလင်းဆွေးနွေးခဲ့ပြီး အွန်လိုင်းရောင်းချသူများအနေဖြင့် အွန်လိုင်းမှတ်ပုံတင်ခြင်းလုပ်ငန်းများကို အမြန်ဆုံးဆောင်ရွက်ကြရန် အကျယ်တဝင့်ရှင်းလင်းဆွေးနွေး အသိပညာပေးခဲ့ကြောင်း သတင်းရရှိပါသည်။

DOCA(ဧရာဝတီ)

       ပဲခူးတိုင်းဒေသကြီး၊ နတ်တလင်းခရိုင်၊ ပေါင်းတည်မြို့နယ်၊ စားသုံးသူရေးရာဦးစီးဌာနနှင့် မြို့နယ်ပြန်ကြားရေးနှင့် ပြည်သူဆက်ဆံရေးဦးစီးဌာနတို့ပူးပေါင်း၍ (၂၁-၁၁-၂၀၂၄)ရက်နေ့၊ နေ့လယ် (၁၃:၀၀)နာရီအချိန်တွင် ပေါင်းတည်မြို့နယ်၊ ဘုရားငါးဆူကျေးရွာ အခြေခံပညာအလယ်တန်းကျောင်းရှိ ဆရာ/ဆရာမများနှင့် ကျောင်းသား/ကျောင်းသူများအား အသိပညာပေး ဟောပြောဆွေးနွေးခြင်းများ ပြုလုပ်ခဲ့ကြောင်းသိရပါသည်။

        အဆိုပါဟောပြောဆွေးနွေးပွဲတွင် ကျောင်းအုပ်ဆရာမကြီးက အဖွင့်အမှာစကားပြောကြားခဲ့ပြီး ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ဦးစီးမှူးသည် “စာအုပ်စာပေလူမိတ်ဆွေ” ဆိုသည့်အတိုင်း ကျောင်းသား/ကျောင်းသူများ စာဖတ်ခြင်းနှင့် စာအုပ်စာပေလေ့လာခြင်းဖြင့် ရရှိလာမည့်အကျိုးကျေးဇူးများအကြောင်းကိုဆွေးနွေးဟောပြောခဲ့ပါသည်။ ထို့နောက် စားသုံးသူရေးရာဦးစီးဌာန၊ မြို့နယ်တာဝန်ခံ ဦးနိုင်ဝင်းသိန်းက စားသုံးသူကာကွယ်ရေးဥပဒေ အခန်း (၉)၊ ပုဒ်မ (၁၉)မှ စားသုံးသူအခွင့်အရေးနှင့်တာဝန်များအကြောင်းနှင့် စားသုံးသူ၏ နစ်နာဆုံးရှုံးမှုတစ်ရပ်ရပ်ကို တိုင်ကြားလိုပါက တိုင်ကြားနိုင်သည့်နည်းလမ်းများအကြောင်းကို အသိပညာပေးရှင်းလင်းဟောပြောခဲ့ရာ ဆရာ/ဆရာမနှင့် ကျောင်းသား/ကျောင်းသူစုစုပေါင်း (၁၇၅)ဦးတက်ရောက်ကာ ဟောပြောပွဲအား နေ့လယ်(၁၄:၀၀)နာရီအချိန်တွင် ရုပ်သိမ်းခဲ့ကြောင်းသိရှိရပါသည်။

DOCA(ပဲခူး)