သတင်းနှင့် လှုပ်ရှားမှုများ

   ၉-၁၀-၂၀၂၅ရက်နေ့ နံနက် (၉)နာရီ အချိန်တွင် စားသုံးသူရေးရာဦးစီးဌာန၊ မအူပင်ခရိုင်၊ ဓနုဖြူမြို့နယ်စားသုံးသူရေးရာဦးစီးဌာနနှင့် မြို့နယ်ကျန်းမာရေးဦးစီးဌာန၊ မြို့နယ်စည်ပင် သာယာရေးအဖွဲ့တို့ ပူးပေါင်း၍ ဒေသတွင်း ကုန်ဈေးနှုန်း တည်ငြိမ်စေရေးနှင့် အခြေခံစားသောက်ကုန်ဈေးနှုန်းစာရင်းများ သုံးသပ်တင်ပြနိင်ရေး ဈေးကွက်အခြေအနေများကို စစ်ဆေးဆောင်ရွက်ခဲ့ကြသည်၊

  စစ်ဆေးဆောင်ရွက်ရာတွင် ဦးခိုင်လွမ်းမိုးက အခြေခံစားသောက်ကုန်များကို စစ်ဆေးရာ စားသောက်ကုန်ဈေးနှုန်း သီတင်းကျွန်လပြည့်နေ့တွင်သာ အနည်းငယ်မြင့်တက်ပြီး အလှူအတန်းရက်ဖြစ်၍ ဈေးဝယ်သူပေါများသောကြောင့် မြင့်တက်လာပြီး၊ လဆုပ် ၁ရက်နေ့တွင်  ဈေးနှုန်းမြင့်တက်မှု ကျဆင်းလာကြောင်းဈေးကွက်အတွင်း သိရှိရ၍ အခြေခံစားသောကုန်များကို ဝ်သမလောဘဖြင့် ရောင်းချခြင်းမျိုးမပြုလုပ်ရန်၊ စီးပွားရေးကျင့်ဝတ်၊ စည်းကမ်းနှင့်အညီ ပြည်သူများကို ရောင်းချပေးရန်ကို ဆိုင်ရှင်များအား အသိပညာပေး မှာကြားခဲ့ပြီး  ဆိုင်ရှင်များကို ဈေးနှုန်းမှန်ကန်စေရေး၊ အလေးချိန်ပြည့်မီစွာရောင်းချနိုင်ရေးကို ပူးပေါင်းအဖွဲ့မှ ကြပ်မတ်စစ်ဆေးဆောင်ရွက်မည်ဖြစ်၍ သတ်မှတ်ချက်များကို လိုက်နာဆောင်ရွက်ရန် လုပ်ငန်းရှင်များက သိရှိလိုက်နာမည်ဖြစ်ကြောင်း မှတ်တမ်းပြုစု၍ မြေပြင်အခြေအနေမှန် ကုန်ဈေးနှုန်းသုံးသပ်ချက်များကို ခရိုင်ဦးစီးမှူးရုံးသို့ အပတ်စဉ် တင်ပြနိုင်ရန်ပူးပေါင်းစစ်ဆေးဆောင်ရွက်ခဲ့ကြောင်း သိရသည်။

DOCA(ဧရာဝတီ)

      ကျောက်ဆည်ခရိုင်၊ စားသုံးသူရေးရာဦးစီးဌာနရှိ ဒု-ခရိုင်ဦးစီးမှူး ဦးဇော်မင်းလက် ဦးဆောင်၍ စက်တင်ဘာလ (၂၅) ရက်နေ့တွင် မြို့နယ်စည်ပင်သာယာရေးအဖွဲ့နှင့်ပူးပေါင်းပြီး မြို့သားမြို့နယ်၊ ကူမဲမြို့၊ အိုးကြီးကွေ့ရပ်ရှိ သိန်းကျော်ဆန်စက်သို့ မှတ်ပုံတင်သက်တမ်းတိုး ဆောင်ရွက်နိုင်ရေး ကွင်းဆင်းစစ်ဆေးခဲ့ပါသည်။ ထိုသို့စစ်ဆေးရာတွင် မြန်မာ့ဆန်စပါးအွန်လိုင်း (Myanmar Rice Onlin My Ro)တွင် ၂၀၂၃ ခုနှစ် နိုဝင်ဘာလ (၃)ရက်နေ့မှစ၍ ဆန်တန်ချိန် (၂၅)နှင့်အထက် သိုလှောင်ရုံ (သို့မဟုတ်) စပါးတင်း (၂၅၀၀)နှင့်အထက် သိုလှောင်မှုများအား မှတ်ပုံတင်ခြင်းလုပ်ငန်း များကို ဆောင်ရွက်လျက်ရှိပြီး သက်တမ်းတစ်နှစ်ပြည့်မြောက်ပြီးသော သက်တမ်းတိုး ဆောင်ရွက်နိုင် ရေးနှင့် ကုန်ရ၊ ကုန်ထုတ်၊ ကုန်လက်ကျန်စာရင်းများအား ဖြည့်သွင်းပေး နိုင်ရေးနှင့် လစဉ်၊ လဆန်း (၁)ရက်နေ့မှ (၇)ရက်အတွင်း Update ပြုလုပ်နိုင်ရေး ကွင်းဆင်းအသိပေးဆွေးနွေး ပြောကြား ခဲ့ကြောင်း သိရပါသည်။

DOCA(မန္တလေး)

  ဧရာဝတီတိုင်းဒေသကြီး၊ ပန်းတနော်မြို့နယ်တွင် အခြေခံစားသောက်ကုန်များ၊ ဈေးကွက်အတွင်း မရှိ မဖြစ် လိုအပ်လျက်ရှိသော ကုန်ပစ္စည်းများကို စားသုံးသူ ပြည်သူများ ဘေးအန္တရာယ်ကင်းရှင်းစွာ သုံးစွဲနိုင်ရေး ၉-၁၀-၂၀၂၅ ရက်နေ့ နံနက် ၈နာရီအချိန်က ပန်းတနော်မြို့မဈေးကြီးအတွင်းရှိ ကုန်စုံဆိုင်များအား ကွင်းဆင်းစစ်ဆေးခဲ့ကြောင်း သိရသည်။

 စားသုံးသူရေးရာဦးစီးဌာန၊ မအူပင်ခရိုင် ဦးစီးမှူးရုံး၊ ခရိုင်ဦးစီးမှူး ၏ လမ်းညွှန်မှု ဖြင့် ပန်းတနော်မြို့နယ် တာဝန်ခံနှင့် ဝန်ထမ်းများသည် ပြည်တွင်းမှ ထွက်ရှိ သည့် လယ်ယာထွက် ကုန်သီးနှံများ အပါအဝင် အခြေခံစား သောက်ကုန်များ၊ ဈေးကွက်အတွင်း မရှိ မဖြစ် လိုအပ်လျက်ရှိသော ကုန်ပစ္စည်းများကို စားသုံးသူပြည်သူများ ဘေးအန္တရာယ် ကင်းရှင်း စွာ သုံးစွဲနိုင်ရေး၊ ဈေးကွက်တွင် ဖြစ်သင့်ဖြစ်ထိုက်သည့် ဈေးနှုန်းများ နှင့် လွယ်ကူစွာ ဝယ်ယူရရှိစေရေး၊ ပစ္စည်းပြတ်လပ်မှု မရှိစေရေး အတွက် မြို့မဈေးကြီး အတွင်း ရှိ ကုန်စုံဆိုင် များ အား ကွင်းဆင်းစစ်ဆေးဆောင်ရွက်ခဲ့သည်။

၎င်းအပြင် မိတ္ထီလာမြို့၊ အောင်ဇေယျာရပ်ကွက်ရှိ ကုန်စုံဆိုင်များကို ကွင်းဆင်းစစ်ဆေးခဲ့ရာ အခြေခံစားသောက်ကုန်များ၊ ဈေးကွက်အတွင်း မရှိ မဖြစ် လိုအပ်လျက် ရှိ သော ကုန်ပစ္စည်း များကို စားသုံးသူ ပြည်သူများ ဘေးအန္တရာယ်ကင်းရှင်း စွာ သုံးစွဲနိုင် ရေး၊ အခြေခံ စားသောက်ကုန်များ မြို့နယ်အတွင်း ပစ္စည်းပြတ်လပ်မှု ရှိ/မရှိ နှင့် ဈေးနှုန်းဈေးကွက် အချက်အလက်များအား  ကွင်းဆင်းစစ်ဆေးဆောင်ရွက်ခဲ့ကြောင်း သိရသည်။

DOCA(ဧရာဝတီ)

  ဧရာဝတီတိုင်းဒေသကြီး၊ ပန်းတနော်မြို့နယ်ရှိ ဈေးကွက်အတွင်း ရောင်းချနေသော သောက်ရေသန့်အမျိုးမျိုးတွင် သတ်မှတ်ချက် ပြည့်မီစေရေးအတွက် ပန်းတနော်မြို့နယ် စားသုံးသူရေးရာဦးစီးဌာနနှင့် မြို့နယ်သက်ဆိုင်ရာ ဌာနဆိုင်ရာများ ပါဝင်သည့်  ပူးပေါင်းအဖွဲ့မှ  ၉-၁၀-၂၀၂၅ ရက်နေ့ နံနက်ပိုင်းက ပန်းတနော် ဘုရင့်နောင်လမ်းမပေါ်ရှိ ရေသန့်အမျိုးမျိုးရောင်းချသော ဆိုင် ၄ ဆိုင်အား ကွင်းဆင်း စစ်ဆေးခြင်းများ ဆောင်ရွက်ခဲ့သည်။

   အဆိုပါ စစ်ဆေးမှူတွင် ပန်းတနော်မြို့နယ်တာဝန်ခံမှ ၂၀၂၅-၂၀၂၆ခုနှစ် ဦးစားပေးကုန်စည် ၁၀မျိုးမှ ရေသန့်အမျိုးမျိုးကို အောက်တိုဘာလအတွက် ကွင်းဆင်းစစ်ဆေးဆောင်ရွက်ခြင်းဖြစ်ကြောင့်  မြို့နယ်အတွင်းရှိ သောက်ရေသန့်စက်ရုံများ နှင့် ရေသန့်ဗူးသေးအမျိုးမျိုးရောင်းချစော ဆိုင်များ၊  စားသောက်ကုန်အရောင်းဆိုင်များနှင့် ကုန်ပစ္စည်းအရောင်းဆိုင်များမှ စားသုံးသူများအတွက်  ဈေးကွက်အတွင်း ရောင်းချလျက်ရှိသည့် သောက်ရေသန့် အမျိုးမျိုးတွင် (FDA)  အစားအသောက်နှင့် ဆေးဝါးကွပ်ကဲရေးဦးစီးဌာန၏ ထောက်ခံချက် ပါ/မပါနှင့် စားသုံးသူကာကွယ်ရေး ဥပဒေပါ ကုန်အညွှန်းအမှတ်အသား ဖော်ပြခြင်း ပြည့်စုံမှု ရှိ/မရှိ စသည်ဖြင့် စစ်ဆေးခြင်းများ ဆောင်ရွက်ခဲ့ကြောင်း သိရသည်။

DOCA(ဧရာဝတီ)

  ဧရာဝတီတိုင်းဒေသကြီး၊ မအူပင်ခရိုင်အတွင်းရှိ ဆီကုန်သည်နှင့် ဆီလုပ်ငန်းရှင်များအသင်းနှင့် ဆီရောင်းချသူ လုပ်ငန်းရှင်များနှင့် စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးတွင် တွေ့ဆုံ၍ ၉-၁၀-၂၀၂၅ ရက်နေ့ နေ့လည် ၃နာရီအချိန်တွင်  ဆီထုတ်ယူမှုနှင့် ရောင်းချနိုင်မှု အခြေအနေများအား တွေ့ဆုံဆွေးနွေးခဲ့ကြသည်။

  ဆွေးနွေးရာတွင် စားသုံးသူရေးရာဦးစီးဌာန၊ မအူပင်ခရိုင်မှ ဒုခရိုင်ဦးစီးမှူး ဦးအောင်ဇော်ဦးက  မအူပင်ခရိုင်အနေဖြင့် မြို့နယ်မျးအတွက် ကုမ္ပဏီများမှ စားအုန်းဆီခွဲတမ်းရရှိမှုအပေါ်  စနစ်တကျထုတ်ယူပြီး ဆီလက်လီကိုယ်စားလှယ်များထံသို့ ခွဲဝေပေးလျက်ရှိပြီး ရရှိသော စားအုန်းဆီများကို သတ်မှတ်စည်ကမ်းချက်များနှင့်အညီ ရောင်းချနိုင်ရေး ကြပ်မတ်ဆောင်ရွက်လျက်ရှိသည်။ မိမိတို့ရောင်းချနေသော စားအုန်းဆီများ သတ်မှတ်နေရာ ပြည်သူများထံ အမှန်တကယ်ရောက်ရှိရေးကို အစိုးရမှ စိစစ်ဆောင်ရွက်လျက်ရှိရာ လုပ်ငန်းရှင်များကလည်း ပူးပေါင်းကူညီဆောင်ရွက်ကြရန်၊ လိုအပ်သောနေရာကို ရောက်ရှိစေရေး၊ မြို့ပေါ် ရက်ကွက်ပြည်သူများ ပြည့်မီစွာ ရရှိနေသလို ကျေးရွာနေပြည်သူများထံလည်း ရောက်ရှိစေရေး ကျေးရွာအုပ်ချုပ်ရေးမှူးများနှင့် စနစ်တကျဆောင်ရွက်နိုင်ရေး ကိုချိတ်ဆက်ဆောင်ရွက်ရန် လိုအပ်ပါကြောင်း စားအုန်းဆီရောင်းချမှုကို စစ်ဆေးရေးအဖွဲ့တို့မှလည်း မြေပြင်ကွင်းဆင်း စစ်ဆေးဆောင်ရွက်လျက်ရှိသောကြောင့် လိုက်နာဆောင်ရွက်မှုမရှိပဲ သိုလှောင်ဖြန့်ဖြူးခြင်း၊ ဈေးကစားရန်ပြုလုပ်သူ လုပ်ငန်းရှင်များကို ဥပဒေနှင့်အညီအရေးယူဆောင်ရွက်သွားမည်ဖြစ်ကြောင်း လုပ်ငန်းရှင်တွေ့ဆုံဆွေးနွေးမှုများကို စဉ်ဆက်မပျက် အသိပညာပေး ဆွေးနွေးသွားမည်ဖြစ်ကြောင်း ဒုခရိုင်ဦးစီးမှူးက ရှင်းလင်းပြောကြားခဲ့ပြီး လုပ်ငန်းရှင် ၂၀ဦးတက်ရောက်ခဲ့ကြောင်း  သိရပါသည်။

DOCA(ဧရာဝတီ)