သတင်းနှင့် လှုပ်ရှားမှုများ

မကွေးတိုင်းဒေသကြီး၊ သရက်ခရိုင်ဦးစီးမှူးရုံးမှ ကံမမြို့နယ်တာဝန်ခံနှင့် ဝန်ထမ်းသည် (၂၃.၂.၂၀၂၅)ရက်နေ့၊ (၁၅း၀၀)နာရီအချိန်တွင် ကံမမြို့၊ ရေနံ့သာကျေးရွာရှိ YY အဆင့်မြင့်ပဲကြော် (အရန်သင့်အစားအစာ)ထုတ်လုပ်သည့်အလုပ်ရုံသို့ ကျေးရွာရပ်ကျေးစာရေးနှင့်ပူးပေါင်း၍ ထုတ်လုပ်သည့်ကုန်စည်တွင် ကုန်အညွှန်းအမှတ်အသားများ ပြည့်စုံစွာ ထည့်သွင်းဖော်ပြလာစေရေး ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ကြောင်းသိရပါသည်။

ထိုသို့ ဆောင်ရွက်ခဲ့ရာတွင် ကံမမြို့နယ်တာဝန်ခံမှ စားသုံးသူများ ဘေးကင်းလုံခြုံစိတ်ချ ရမှုရှိစေရေးအတွက်  YY အဆင့်မြင့်ပဲကြော် လုပ်ငန်းထုတ်လုပ်သည့် လုပ်ငန်းရှင်အား ထုတ်လုပ် သည့်ကုန်စည်တွင် စားသုံးသူကာကွယ်ရေးဥပဒေ(၂၀၁၉) အခန်း(၁၈)၊ ပုဒ်မ(၄၁)အရ ကုန်စည် များတွင် ကုန်အညွှန်းအမှတ်အသား ပြည့်စုံစွာထည်သွင်းထုတ်လုပ် ဖြန့်ဖြူးရောင်းချ လာစေရေးနှင့် မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ထားသည့် ညွှန်ကြားချက်အမှတ် (၂/၂၀၁၉)နှင့်အညီ ပြည့်စုံစွာဖော်ပြစေရေး၊ မြန်မာဘာသာဖြင့် ဖော်ပြရမည့်အချက်များအား မဖြစ်မနေ ထည့်သွင်းဖော်ပြရမည်ဖြစ်ကြောင်း၊ ထုတ်လုပ်သည့်ရက်စွဲနှင့် သက်တမ်းကုန်ဆုံးသည့် ရက်စွဲများကိုလည်း ဖော်ပြရမည်ဖြစ်ကြောင်း၊ ကုန်အညွှန်းအမှတ်အသား ပြည့်စုံစွာထည့်သွင်းဖော်ပြ ထားခြင်းမရှိသော ကုန်စည်များ ဖြန့်ဖြူးရောင်းချကြောင်း စစ်ဆေးတွေ့ရှိပါက စားသုံးသူကာကွယ် ရေးဥပဒေအရ အရေးယူခံရမည်ဖြစ်ကြောင်းနှင့် စီးပွားရေးလုပ်ငန်းရှင်၏ တာဝန်များအကြောင်း အသေးစိတ်ရှင်းလင်းပြောကြားခဲ့ကြောင်း သိရှိရပါသည်။

DOCA(မကွေး)

စားသုံးသူရေးရာဦးစီးဌာန၊ မကွေးတိုင်းဒေသကြီး၊ သရက်ခရိုင်ဦးစီးမှူးရုံးမှ မြို့နယ်တာဝန်ခံ နှင့်ဝန်ထမ်းများသည် မိတ်ဖက်ဌာနများဖြစ်သည့် ခရိုင် အစားအသောက်နှင့် ဆေးဝါးကွပ်ကဲရေးဦးစီး ဌာန၊ မြို့နယ်စည်ပင်သာယာရေး အဖွဲ့တို့နှင့် ပူးပေါင်း၍ (၂၃.၂.၂၀၂၅)ရက်နေ့၊ နံနက် (၁၀:၀၀) နာရီအချိန်တွင် သရက်မြို့၊ ဈေးရပ်ကွက်၊ ပရိက္ခရာလမ်းရှိ ကြယ်အမှတ်တံဆိပ် ဖြင့် ထုတ်လုပ်သော မလိုင်ခဲ(အသင့်စားမုန့်) အလုပ်ရုံအား သွားရောက်၍ ဈေးကွက်စောင့်ကြည့် စစ်ဆေးခြင်းလုပ်ငန်း ဆောင်ရွက်ခဲ့ကြောင်း သိရသည်။

ထိုသို့ ကွင်းဆင်းစစ်ဆေးခဲ့ရာတွင် ၎င်းလုပ်ငန်းရှင်အား ကုန်စည်နှင့်ဝန်ဆောင်မှုအပေါ် တာဝန်ယူမှု၊ တာဝန်ခံမှုရှိစေရန်၊ မိမိတို့၏ စားသုံးသူကာကွယ်ရေးဥပဒေပါ အခန်း(၁၈) ပုဒ်မ (၄၁) တွင် ပါရှိသည့် ကုန်အညွှန်းအမှတ်အသား ဖော်ပြခြင်းဆိုင်ရာ အကြောင်းအရာများ ပြည့်စုံမှုရှိ ကြောင်းတွေ့ရှိခဲ့ရပြီး ထိုသို့ပြည့်စုံစွာဖော်ပြခြင်းသည် စားသုံးသူတို့၏ ယုံကြည်မှု အပြည့်အဝရရှိမှု ခံစားရမည်ဖြစ်ပြီး မိမိတို့၏ လုပ်ငန်းများကိုလည်း ပိုမိုတွင်ကျယ်စွာ ဆောင်ရွက်လာနိုင်မည်ဖြစ်ပါ ကြောင်း ပြောကြားခဲ့ကြောင်း သိရှိရပါသည်။

DOCA(မကွေး)

စားသုံးသူရေးရာဉီးစီးဌာန၊ မြောက်ပိုင်းခရိုင်ဉီးစီးမှူးရုံး၊ မှော်ဘီမြို့နယ်ခွဲရုံးမှ ဝန်ထမ်း များသည် ၂၅.၂.၂၀၂၅ ရက်နေ့၊ နံနက်(၁၀:၀၀)အချိန်တွင် အထွေထွေအုပ်ချုပ်ရေး ဉီးစီးဌာန၊ ကျန်းမာရေး ဉီးစီးဌာန၊ မှော်ဘီမြို့မဈေးစည်ပင်သာယာရေးအဖွဲ့နှင့် မြို့နယ်ရဲတပ်ဖွဲ့တို့ပူးပေါင်း ၍ မှော်ဘီမြို့မ ဈေးအတွင်းရှိ ဆေးနှင့်ဆေးပစ္စည်းအရောင်းဆိုင်များအား ရှောင်တခင်ကွင်းဆင်း စစ်ဆေးခဲ့ပါသည်။

ဆေးနှင့်ဆေးပစ္စည်းအရောင်းဆိုင်များ၌ ခွေးရူးပြန်ကာကွယ်ဆေးတရားမဝင်ရောင်းချ နေခြင်း ရှိ/မရှိ၊ သက်တမ်းလွန်ဆေးဝါးများ၊ တရားမဝင်ဆေးဝါးများ၊ အစားအသောက်နှင့် ဆေးဝါးကွပ်ကဲရေးဉီးစီးဌာနသို့ မှတ်ပုံတင်ထားခြင်းမရှိသော ဆေးဝါးများ ရောင်းချမှုမရှိကြောင်း စစ်ဆေးတွေ့ရှိခဲ့ရပြီး စားသုံးသူရေးရာဉီးစီးဌာနမှ ဝန်ထမ်းများက ကုန်အညွှန်းအမှတ်အသား ပြည့်စုံသော ဆေးများကိုသာရောင်းချပေးရန်၊ ဖြစ်သင့်ဖြစ်ထိုက်သည့်ဈေးနှုန်းထက် ဈေးနှုန်းမြှင့်တင် ရောင်းချမှုကိုစစ်ဆေးတွေ့ရှိပါက အရေးကြီးကုန်စည်နှင့် ဝန်ဆောင်မှု ဥပဒေအရ အရေးယူခံရမည်ဖြစ်ကြောင်း အသိပညာပေး ပြောကြားခဲ့ကြောင်း သိရှိရပါသည်။

DOCA(ရန်ကုန်)                                                                                                         

ရန်ကုန်တိုင်းဒေသကြီးအတွင်း ဒေသဆိုင်ရာ MSME  အေဂျင်စီများအနေဖြင့် နိုင်ငံတော်မှ မတည်ရင်းနှီးထားသည့်ငွေကြေးအရင်းအနှီးကို Quality Loan အဖြစ်အမှန်တကယ် လိုအပ်သည့် MSME လုပ်ငန်းရှင်များထံသို့ အပြည့်အဝရရှိစေရေးနှင့် အကျိုးထိရောက်စွာ အသုံးပြုနိုင်ရေး စီမံကြပ်မတ်ဆောင်ရွက်လျက်ရှိရာ ဗိုလ်တထောင်ခရိုင်၊ မင်္ဂလာတောင်ညွှန့် မြို့နယ်၊ အမှတ်(အေ-၁/၁၁) ဂမုန်းပွင့် ပထမထပ်ရှိ ပိုင်စိုး(အလှကုန်/လူသုံးကုန်လက္ကား ရောင်းဝယ်ရေး)လုပ်ငန်းသို့ ၂၄-၂-၂၀၂၅) ရက်နေ့ နေ့လည် ၁၄:00 နာရီတွင် MSME ဌာနမှ ဦးဆောင်၍ ပြည်တွင်းအခွန်၊ ခရိုင်အထွေထွေအုပ်ချုပ်ရေးဦးစီးဌာန၊ ခရိုင်ရဲတပ်ဖွဲ့၊ သမဝါယမဦးစီးဌာန၊ အရှေ့ပိုင်းခရိုင်စားသုံး သူရေးရာဦးစီးဌာနမှ ဒေါ်အေးအေးနွယ် (ဦးစီးအရာရှိ) တို့ပါဝင်သည့် အဖွဲ့ဝင်များမှ ကွင်းဆင်း ဆောင်ရွက်ခဲ့ကြကြောင်း သိရှိရပါသည်။

ကွင်းဆင်းဆောင်ရွက်ရာတွင် စားသုံးသူရေးရာဦးစီးဌာနမှ ဒေါ်အေးအေးနွယ်က ယခုလုပ် ငန်းသည် လူသုံးကုန်လုပ်ငန်းဖြစ်သည့်အတွက် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များအတိုင်း လိုက်နာဆောင်ရွက်စေလိုကြောင်း အသိပေး ပြောကြားခဲ့ကြောင်း သိရှိရပါသည်။

DOCA(ရန်ကုန်)                                                                                                         

ကော့မှူးမြို့နယ်၊ ဖေဖော်ဝါရီလ  (၂၅) ရက်

            ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် လာဝတီကျေးရွာရှိ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ စိုက်ပျိုးရေးဦးစီးဌာနမှ နွေစပါးဧက (၁၀၀)စံပြကွက်တွင် နွေစပါးစိုက်ပျိုး ဖြစ်ထွန်း အောင်မြင်နေမှုအခြေအနေအား ဖေဖော်ဝါရီလ (၂၁)ရက်နေ့၊ နေ့လည်(၁၂:၀၀)နာရီအချိန်တွင် ကွင်းဆင်းကြည့် ရှု့စစ်ဆေးခဲ့ကြကြောင်း သိရသည်။

            ထိုသို့ကွင်းဆင်းစစ်ဆေးရာတွင် ကော့မှူးမြို့နယ်မှ နွေစပါးစိုက်ပျိုးမှုကြီးကြပ်ရေးကော်မတီမှ မြို့နယ် အထွေထွေအုပ်ချုပ်ရေးမှူးဦးစီးဌာနမှ ဒုတိအုပ်ချုပ်ရေးမှူး ဦးစည်သူ၊ မြို့နယ်မြေစာရင်းဦးစီးမှူး၊ မြို့နယ်စိုက်ပျိုး ရေးဦးစီးဌာန၊ မြို့နယ်စားသုံးသူရေးရာဦးစီးဌာနမှ တာဝန်ရှိသူတို့သည် ကော့မှူးမြို့နယ်၊ လာဝတီကျေးရွာရှိ နွေစပါးဧက(၁၀၀)စံပြကွက်တွင် တိုက်ရိုက်အစေ့ချကိရိယာ (Seeder)ဖြင့် နွေစပါးစိုက်ပျိုးဖြစ်ထွန်းအောင်မြင် နေမှုအခြေအနေနှင့် နွေစပါးစိုက်တောင်သူများအား ကော့မှူးမြို့နယ်အတွင်း နွေစပါးများကို လျာထားဧက ပြည့်မှီနိုင်ရေးနှင့် လျာထားချက်ကျော်လွန် စိုက်ပျိုးနိုင်ပါက ဒေသတွင်းဆန်ဖူလုံမှုကို တစ်ဖက်တစ်လမ်းမှ အထောက်အကူဖြစ်စေမည် ဖြစ်သောကြောင့် နွေစပါးစိုက် တောင်သူများအနေဖြင့် ကြိုးပမ်းလုပ်ဆောင်သွား ကြရန်လိုကြောင်း၊ လက်ရှိအချိန်စိုက်ပျိုးပြီးစီးတဲ့ နွေစပါးစိုက်ခင်းတွေကို သီးနှံအထွက်နှုန်းကောင်းမွန်စေရေးတို့ အတွက် စိုက်ပျိုးရေးအသိပညာပေးဆွေးနွေးပြောကြားခဲ့ပြီး စံပြဧက(၁၀၀)စိုက်ခင်းတွင် နွေစပါးစိုက်ပျိုး ဖြစ်ထွန်းနေမှုအခြေအနေအား ကွင်းဆင်းကြည့်ရှု့စစ်ဆေးခဲ့ကြောင်း သိရသည်။

DOCA(ရန်ကုန်)