သတင်းနှင့် လှုပ်ရှားမှုများ

      စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူးနှင့် ခရိုင်ဦးစီးမှူးတို့၏ လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ဆိပ်ဖြူမြို့နယ်တာဝန်ခံ ဦးဇော်နေလင်းနှင့်ဝန်ထမ်းသည် မြို့နယ်စည်ပင်သာယာရေးအဖွဲ့နှင့်ပူးပေါင်း၍ (၇-၆-၂၀၂၄)ရက်နေ့၊ နံနက်(၀၉:၀၀)နာရီအချိန်တွင် ဆိပ်ဖြ မြို့၊ ယောဝရပ်ကွက်ရှိ မုန့်ဟင်းခါးရောင်းချသောလုပ်ငန်းရှင်အား တွေ့ဆုံဆွေးနွေးအသိပညာပေးဆွေးနွေးခဲ့ပါသည်။

        ထိုသို့ဟောပြောဆွေးနွေးရာတွင် မြို့နယ်တာဝန်ခံ ဦးဇော်နေလင်းက လုပ်ငန်းရှင်အား စားသုံးသူကာကွယ်ရေးဥပဒေ(၂၀၁၉)ပါ စီးပွားရေးလုပ်ငန်းရှင်၏လိုက်နာရမည့်တာဝန်များ၊ စားသုံးသူများ၏ ရယူတောင်းဆိုနိုင်သည့်အခွင့်အရေးများ၊ လိုက်နာရမည့်တာဝန်များ၊ စားသုံးသူများအနေဖြင့် ဝယ်ယူသုံးစွဲရာတွင် နစ်နာမှုမရှိစေရေး အသိပညာပေးဆွေးနွေးပြီး တားမြစ်ချက်များ၊ ပြစ်မှုပြစ်ဒဏ်များအား အသေးစိတ်ရှင်းလင်းဆွေးနွေးခဲ့ပြီး လုပ်ငန်းရှင်များအနေဖြင့် မိမိတို့ထုတ်လုပ်သောကုန်စည်သည် ဘေးကင်းပြီးလုံခြုံစိတ်ချရမှုရှိမှသာ ဈေးကွက်တွင်နေရာရရှိပြီး စားသုံးသူများကလည်း ယုံကြည်စိတ်ချစွာရွေးချယ်ဝယ်ယူ သုံးစွဲကြမည်ဖြစ်ကြောင်း၊ မုန့်ဟင်းခါးဖတ်များထုတ်လုပ်ရောင်းချရာတွင် စားသုံးသူများဘေးဥပဒ်ဖြစ်စေမည့် တာရှည်ခံဆေးများထည့်သွင်းအသုံးမပြုစေရေး လုပ်ငန်းရှင်များအား အသိပညာပေးရှင်းလင်းဆွေးနွေးခဲ့ပြီး စည်ပင်အမှုဆောင်အရာရှိက ဆက်လက်၍ ကုန်ပစ္စည်းများထုတ်လုပ်ရာတွင် သန့်ရှင်းသပ်ရပ်စွာထုတ်လုပ်ရောင်းချရေး အသိပညာပေးဆွေးနွေးခဲ့ပြီး မြို့နယ်တာဝန်ခံနှင့် ဝန်ထမ်းက စီးပွားရေးလုပ်ငန်းရှင်နှင့် လုပ်သားများအား စားသုံးသူကာကွယ်ရေးဆိုင်ရာ အသိပညာပေးလက်ကမ်းစာစောင်မျာ ဖြန့်ဝေပေးခဲ့ကြောင်းသိရှိရပါသည်။

DOCA(မကွေး)

   ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ်  ကလေးသူငယ်များ ကျန်းမာရေးနှင့်ညီညွတ်သော ပတ်ဝန်းကျင်တွင် နေထိုင်နိုင်ရန် စားသုံးသူရေးရာဦးစီးဌာနနှင့်၊ ကျန်းမာရေးဦးစီးဌာနတို့ ပူးပေါင်း၍ ဘဝိုင်းကျေးရွာ အခြေခံပညာအထက်တန်းကျောင်း မုန့်ဈေးတန်းနှင့် ကျောင်းဝန်းကျင်ဈေးဆိုင်များအား ကွင်းဆင်းစစ်ဆေး အသိပညာပေးခြင်းကို (၇.၆.၂၀၂၄) နေ့ နံနက် (၀၉:၀၀)နာရီကဆောင်ရွက်ခဲ့သည်။
          ကလေးသူငယ်များကို  ရောင်းချနေသည့် အစားအသောက်နှင့် မုန့်များတွင် ဆိုးဆေးသုံးစွဲသည့် မုန့်များ၊ ရက်လွန်မုန့်များ၊ မသန့်ရှင်းသော အစားအသောက်များ ရောင်းချမှုမရှိစေရေး ပညာပေးခြင်း၊ ဆိုးဆေးသုံးစွဲထားသော မုန့်များ ရှိ/မရှိကိုစစ်ဆေးပြီး၊ မိုးရာသီဖြစ်၍ ယဉ်နားစာများကို မရောင်းချရန်၊ အုပ်ဆောင်း၊ ဇကာ၊ အဖုံးတို့ဖြင့် ရောင်းချရန်၊ ဝမ်းပျက်စေမည့် လက်သုတ်မုန့်များကို မရောင်းချရန်၊ ခေါင်းစွပ်၊ လက်အိတ်များအသုံးပြု၍ မြန်မာမုန့်များကို ကိုင်တွယ်ရောင်းချရန်၊  တကိုယ်ရည်သန့်ရှင်းကို အထူးဂရုစိုက်ရန်၊ မုန့်ဈေးတန်းပတ်ဝန်ကျင်အနီး ရေဝတ်ခြင်းများ၊ မရှိရန်၊ ခြင်မပေါက်ဖွားစေရေးအတွက် ဖုံး၊ သွန်၊ လဲ၊ စစ် အချက်များကို စနစ်တက်လုပ်ဆောင်ရန် ဈေးဆိုင်ရှင်များအား အသိပညာပေးခြင်းများ ဆောင်ရွက်ခဲ့ကြောင်း သိရသည်။

DOCA(ဧရာဝတီ)

     ဧရာဝတီတိုင်းဒေသကြီး၊ မအူခရိုင်၊ မအူပင်မြို့တွင် စားသုံးဆီများရောင်းချလျက်ရှိသော စျေးဆိုင်များအား သတ်မှတ်ရည်ညွှန်းစျေးနှုန်းဖြင့် ရောင်းချခြင်း ရှိ/မရှိ ကွင်းဆင်းစစ်ဆေးခြင်းကို ၂၀၂၄ခုနှစ် ဇွန်လ ၆ ရက်နေ့ နံနက် (၁၀:၀၀) နာရီက ဌာနဆိုင်ရာများက မြို့ပေါ်ရပ်ကွက်များနှင့် မြို့မစျေး၊ မင်္ဂလာဈေး၊ အခွန်လွတ်ဈေးအတွင်းရှိ စားသုံးဆီအရောင်းဆိုင်များအား လစဉ် အပတ်စဉ် ကွင်းဆင်းကြည့်ရှု စစ်ဆေးခဲ့ကြောင်း သိရသည်။

    အဆိုပါစစ်ဆေးခြင်းကို မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စားသုံးသူ ရေးရာဦးစီးဌာနနှင့် မြို့နယ်စည်ပင်သာယာရေးအဖွဲ့တို့ ပါဝင်သော ပူးပေါင်းအဖွဲ့များက မြို့ပေါ်ရပ် ကွက်များနှင့် စျေးများရှိ စားသုံးဆီအရောင်းဆိုင်များတွင် စားအုန်းဆီများကို သတ်မှတ်ရည်ညွှန်း စျေးနှုန်းဖြင့် ရောင်းချခြင်း ရှိ၊ မရှိ၊ နေ့အလိုက် သတ်မှတ်ရည်ညွှန်းစျေးဖြင့် ရောင်းချပေးနေမှုနှင့် စျေးကွက်အတွင်း စားသုံးဆီလုံလောက်မှုရှိစေရေး၊ ဆိုင်များတွင် ပဲလတ်ဆီ၊ ပဲရောဆီ မရောင်း ချရေးတို့ကို စျေးကွက်စောင့်ကြည့်စစ်ဆေးခြင်းများကို ကွင်းဆင်းဆောင်ရွက်ခဲ့ကြောင်း သိရှိ ရပါသည်။

     စားသုံးသူရေးရာဦးစီးဌာန၊ မအူပင်ခရိုင်ခရိုင်ဦးစီးမှူး ဦးဇော်မင်းနှင့် ဝန်ထမ်းများသည် မအူပင်မြို့နယ်တွင် ကုန်စျေးနှုန်းတည်ငြိမ်ရေးနှင့် ပြည်သူများ စားသုံးဆီများစျေးနှုန်းသက်သာစွာ ဝယ်ယူစားသုံးနိုင်ရေးအတွက် မြို့နယ်စီမံအုပ်ချုပ်ရေးအဖွဲ့၏ ကြီးကြပ်မှုဖြင့် မအူပင်ဆီရောင်း ချနေသောဆိုင်များအား ပဲရောဆီ၊ ပဲလတ်ဆီများကို ရောင်းချခြင်းမပြုရန်နှင့် ရောင်းချနေမှု ရှိ/မရှိကို စစ်ဆေးခြင်း၊ မြို့ပေါ်ရပ်ကွက်၊ စျေးများရှိ စားသုံးဆီအရောင်းဆိုင် (၁၂)ဆိုင်တွင် စားအုန်းဆီများကို ပြည်သူများအား သတ်မှတ်ရည်ညွှန်းစျေးဖြင့် ရောင်းချပေးလျက်ရှိကြောင်း ကွင်းဆင်းစစ်ဆေးမှုအရ သိရှိခဲ့ရပါကြောင်း သတင်းရရှိပါသည်။

DOCA(ဧရာဝတီ)

     (၆.၆.၂၀၂၄)ရက်နေ့က စားသုံးသူရေးရာဦးစီးဌာန၊ ဓနုဖြူမြို့နယ်ဦးစီးမှူးရုံးမှ ဦးခိုင်လွမ်းမိုးသည် ဓနုဖြူမြို့နယ် အုန်းပင်ကွင်းရပ်ကွက်အုပ်ချုပ်ရေးမှူး ရုံးခန်းမတွင် စားသုံးဆီ ရောင်းချသူလုပ်ငန်းရှင်(၁၃)ဦး နှင့် တွေ့ဆုံ၍ စားသုံးသူကာကွယ်ရေး အသိပညာပေးဟောပြောခဲ့ကြသည်။

          ဆွေးနွေးပွဲတွင် ဓနုဖြူမြို့နယ်အတွင်း စားအုန်းဆီရောင်းချနေသော စားဆီအရောင်းဆိုင်လုပ်ငန်းရှင်များအား စားအုန်းဆီစားသုံးမှုလျှော့ချရေးနှင့် ပြည်တွင်းဆီ စားသုံးမှုဖူလုံရေး၊ ဆီစက်လုပ်ငန်းများ ဖွံ့ဖြိုးတိုးတက်ရေး ကုန်ဈေးနှုန်းတည်ငြိမ်စေရေးကို ဆွေးနွေးခဲ့ပြီး၊ ဆီရောင်းချသူလုပ်ငန်းရှင်များကို ကုန်စည် များ ထုတ်လုပ်ရောင်းချရာတွင် မဖြစ်မနေဖော်ပြရမည့် ကုန်အညွှန်းအမှတ်အသားဖော်ပြခြင်း ဆိုင်ရာ ကိစ္စရပ်များ ကိုသိရှိ နားလည်ပြီး လိုက်နာဆောင်ရွက်ရန်၊ မိမိတို့ ရောင်းချဖြန့်ဖြူးသော ဆီများကို စနစ်တကျ ရောင်းချပြီး တစ်နေ့ခြင်းရောင်းချမှု ပိဿာ၊ လက်ကျန်ဆီ၊ ဖြန့်ဖြူးရောင်းချသည့် နေရပ်လိပ်စာများဖြင့် စာရင်းပြုစု ရောင်းချရန် အကြံပြုဆွေးနွေးခြင်းများ၊ မြို့နယ်အလိုက်  စားဆီအသင်းများကိုလည်း အသင်းအဖွဲ့ စည်းမျဉ်း စည်းကမ်းနှင့်အညီ ဖွဲ့စည်းထားပြီး စနစ်တကျ ချိတ်ဆက်ဆောင်ရွက်လုပ်ကိုင်ကြရန်၊ လုပ်ငန်းရှင်များအနေဖြင့်လည်း သက်ဆိုင်ရာဌာနတို့၏ အမိန့်၊ ညွှန်ကြားချက်များကို လိုက်နာဆောင်ရွက်ရန် တိုက်တွန်းလိုပါကြောင်း၊ ၂၀၁၉ စားသုံးသူကာကွယ်ရေးဥပဒေပါ လုပ်ငန်းရှင်များ လိုက်နာရမည့် တာဝန်များအား ရှင်းလင်း ဆွေးနွေးအသိပညာပေးခဲ့ပြီး လက်ကမ်းစာစောင်များဖြန့်ဝေပေးခဲ့ကြောင်း သိရှိရပါသည်။

DOCA(ဧရာဝတီ)

       ရှမ်းပြည်နယ် (အရှေ့ပိုင်း)၊ ကျိုင်းတုံမြို့၊ စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ ဝန်ထမ်းများသည် ၂၀၂၄ခုနှစ်၊ ဇွန်လ (၈)ရက်နေ့၊ နံနက် (၀၉:၀၀)နာရီအချိန်တွင် ကျိုင်းတုံမြို့၊ ရပ်ကွက်(၅)၊ နယ်စပ်ဒေသ တိုင်းရင်းသားလူငယ်များဖွံ့ဖြိုးရေးသင်တန်းကျောင်း၌ စားသုံးသူကာကွယ်ရေးအသိပညာပေးဟောပြောပွဲကျင်းပပြုလုပ်ခဲ့ပါသည်။ အဆိုပါဟောပြောပွဲသို့ ဆရာ၊ ဆရာမများနှင့် ကျောင်းသား၊ ကျောင်းသူစုစုပေါင်း (၁၅၀)ဦးတက်ရောက်ခဲ့ပြီး ၎င်းတို့အား စားသုံးသူအသိပညာပေးလက်ကမ်းစာစောင်များဖြန့်ဝေပေးအပ်ကာ ဟောပြောပွဲကျင်းပပြုလုပ်ခဲ့ပါသည်။

          ယင်းဟောပြောပွဲတွင် ရှမ်းပြည်နယ် (အရှေ့ပိုင်း)၊ စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ ဦးစီးမှူး ဦးအောင်လင်းဦးက စားသုံးသူကာကွယ်ရေးဆိုင်ရာလုပ်ငန်းနှင့်ပတ်သက်၍ ဆရာ၊ ဆရာများနှင့် ကျောင်းသား၊ ကျောင်းသူများအား အသိပညာပေးဟောပြောခဲ့ပါသည်။ စားသုံးသူကာကွယ်ရေးနှင့်ပတ်သက်၍ စားသုံးသူကာကွယ်ရေးဥပဒေပြဋ္ဌာန်းချက်ပါ စားသုံးသူ၏အဓိပ္ပါယ်ဖွင့်ဆိုချက်များ၊ စားသုံးသူအခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်နှင့်ဝတ္တရားများ၊ ကုန်စည်တစ်ခုကိုဝယ်ယူမည်ဆိုပါက စစ်ဆေးကြည့်ရှုရမည့် သိသင့်သိထိုက်သည့်အချက်များ၊ ဘေးဥပဒ်အန္တရာယ်ဖြစ်စေနိုင်သည့် အစားအစာများနှင့် စားသုံးရန်သင့်/မသင့် သိရှိသင့်သည့် ကုန်အညွှန်းအမှတ်အသားပါအချက်များအား ရှင်းလင်းပြောကြားခဲ့ပြီး ထောက်ခံချက်ရှိသော အစားအစာနှင့် ထောက်ခံချက်မရှိသော အစားအစာများကို ပုံများနှင့်တကွ ဟောပြောရှင်းလင်းပြသခဲ့ကြောင်းသိရှိရပါသည်။

DOCA(ရှမ်း)