သတင်းနှင့် လှုပ်ရှားမှုများ

      ဧရာဝတီတိုင်းဒေသကြီး၊ စားသုံးသူရေးရာဦးစီးဌာန မြောင်းမြခရိုင် မြောင်းမြမြို့နယ်တာဝန်ခံ  ဒုခရိုင်ဦးစီးမှုး ဦးလှထွဋ်ဦးသည် မြောင်းမြမြို့နယ်ဆန်စက်ပိုင်ရှင်များနှင့်(၁၉.၉.၂၀၂၄)ရက်နေ့၊နံနက်(၁၀:၀၀) နာရီအချိန်တွင် တိုင်းဒေသကြီး တိုင်းဦးစီးမှူးများနှင့်    ခရိုင်ဦးစီးမှူးများ၊ ဆန်စက်ပိုင်ရှင်များနှင့်  ပူးပေါင်း၍ ဧရာဝတီပေါ်ဆန်း၊ ရွှေဘိုပေါ်ဆန်းဆိုင်ရာ ညှိနှိုင်းအစည်းအဝေးပွဲကို နေပြည်တော်ရုံးချုပ်မှ Online  Virtual စနစ်ဖြင့် ပြုလုပ်သော Zoom  Metting  သို့ တက်ရောက်ခဲ့ကြပါသည်။

      အစည်းအဝေးတွင်ဦးစွာ နေပြည်တော်ရုံးချုပ်မှ ဒု-ညွှန်ကြားရေးမှူးချုပ် ဦးခင်မောင်လှိုင်မှ အဖွင့်အမှာစကားပြောကြားပြီး ဧရာဝတီပေါ်ဆန်း၊ ရွှေဘိုပေါ်ဆန်းနှင့် ပတ်သက်သောအကြောင်းအရာများကို       ရှင်းလင်းဆွေးနွေးပြောကြားခဲ့ပါသည်၊ ဆက်လက်၍ ညွှန်ကြားရေးမှူး ဦးဟန်ဝင်းကျော်ကလည်း ဩဂုတ်လ တစ်လအတွင်း နေပြည်တော်သို့ (၅)ကြိမ်ပို့ဆောင်ခဲ့ပြီးဖြစ်ကြောင်း၊ စက်တင်ဘာလ(၁၅)ရက်နေ့ထိ အိတ်ရေ(၄၀၀၀၀)ကျော်တင်ပို့ခဲ့ပြီးဖြစ်ကြောင်း၊ အခြားလိုအပ်သည်များကိုလည်း ဖြည့်စွက်ပြောကြားခဲ့ပါသည်၊   မြန်မာနိုင်ငံဆန်စပါးကုန်သည်များအသင်း ဆန်စပါးကုန်စည်ဒိုင်(ဝါးတန်း) မှတာဝန်ရှိသူတစ်ဦးကလည်း      ဧရာဝတီပေါ်ဆန်း၊ ရွှေဘိုပေါ်ဆန်း ဝယ်ယူရရှိမှုအား ညှိနှိုင်းဆွေးနွေးပြီး အသင်းချုပ်အနေဖြင့် ဆန်များကို   အိမ်အရောက်ပို့စနစ်ဖြင့်   ပို့ဆောင်ပေးမည်ဖြစ်ပြီး (၁၈)ရက်နေ့အထိ(၁၃၀၀၀)ကျော်အိမ်အရောက်ပို့ဆောင် ပေးခဲ့ပြီ ဖြစ်ကြောင်း၊   ကုန်ဈေးနှုန်းတည်ငြိမ်အောင်လည်းဆောင်ရွက်ရန်လိုအပ်ကြောင်းတိုင်းနှင့်   ပြည်နယ်ဆန်စက် ပိုင်ရှင်များမှလည်း စီးဝင်စီးထွက် မှန်ကန်အောင်တင်ပို့နိုင်မှသာ စားသုံးသူပြည်သူများသို့ ခွဲဝေဖြန့်ဖြူး နိုင်မည်ဖြစ်ကြောင်း       ရှင်းလင်းပြောကြားခဲ့ပါသည်၊ ဆက်လက်၍   ဧရာဝတီတိုင်းဒေသကြီးမြောင်းမြ  ခရိုင်မှ ဆန်စက်ပိုင်ရှင်ဦးရွှေထွန်းက ဆွေးနွေးတင်ပြခဲ့ပါသည်။ ဖျာပုံဆန်စက်ပိုင်ရှင်၊ ကျိုက်လတ်မြို့နယ်      ဆန်စက်ပိုင်ရှင်၊ စစ်ကိုင်းတိုင်းရွှေဘို  ဆန်စက်လုပ်ငန်းရှင်များမှလည်း အသီးသီးဆွေးနွေးခဲ့ကြပါသည်။       ဧရာဝတီတိုင်းဒေသကြီး ဦးစီးမှူးမှလည်း  ဧရာဝတီပေါ်ဆန်းစီးဝင်စီးထွက်ကိစ္စနှင့်စပ်လျဉ်း၍ ဆွေးနွေးပြီး   နိဂုံးချုပ်အနေဖြင့် ညွှန်ကြား ရေးမှူးချုပ်မှ  ဆန်စက်ပိုင်ရှင်များအား ၁၀% ဆိုလျှင်အသိပေး၊ သတိပေးအဆင့်အဖြစ်သတ်မှတ်ပြီး ၂၀% ဆိုလျှင် အခွန်ဆောင်ရန်၊ ၃၀% ထက်ကျော်လွန်လျှင် အရေးကြီးကုန်စည်နှင့် ဝန်ဆောင်မှုဥဒေအရ အရေးယူမည်ဖြစ်ကြောင်း၊  လိုအပ်သည်များကို ဖြည့်စွက်ဆွေးနွေးကာ အစည်းအဝေးကို နံနက် (၁၁:၄၀)နာရီခန့်က ရုပ်သိမ်းခဲ့ကြောင်း သိရှိရပါသည်။

DOCA(ဧရာဝတီ)

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန မြောင်းမြခရိုင် လပွတ္တာမြို့နယ် တာဝန်ခံ ဦးမြင့်ဌေးနှင့်   ဝန်ထမ်းများသည် (၁၈.၉.၂၀၂၄) ရက်နေ့၊ ညနေ (၁၈:၀၀)နာရီအချိန်တွင် လပွတ္တာမြို့နယ် ဆီကိုယ်စားလှယ်များသို့  ရန်ကုန်မြို့ရှိ Preminum Capital Co.Ltd မှထုတ်ယူခဲ့သော ယာဉ်အမှတ် 4G-7022 မော်တော်ယာဉ်ဖြင့်စားအုန်းဆီ   (၂၃)ပေပါ (သို့) ပိဿာ ၂၅၃၀နှင့် Golden Upstart Co.Ltd မှထုတ်ယူခဲ့ သောယာဉ်အမှတ် 3M-1493 မော်တော်ယာဉ်ဖြင့်စားအုန်းဆီ (၁၄)ပေပါ (သို့) ပိဿာ ၁၅၄၀ သည် လပွတ္တာမြို့သို့ ရောက်ရှိလာခဲ့ကြောင်း စားအုန်းဆီကိုယ်စားလှယ်များထံမှသိရှိရပါသည်။

    အဆိုပါရောက်ရှိလာသောစားအုန်းဆီများကို မြောင်းမြခရိုင် လပွတ္တာမြို့နယ် စားသုံးသူရေးရာဦးစီးဌာနမှ   မြို့နယ်တာဝန်ခံက သွားရောက်စစ်ဆေးခဲ့ပြီး ရောက်ရှိလာသောစားအုန်းဆီများကို ရည်ညွှန်းဈေး၊ သယ်ယူပို့ဆောင် ကုန်ကျစရိတ်နှင့် ၂% အမြတ်တို့ဖြင့် လက်လီ/လက္ကားဆိုင်များသို့ ခွဲဝေရောင်းချပေးသွားမည်ဖြစ်ကြောင်း၊ လက်လီ/လက္ကားဆိုင်များမှ စားသုံးသူပြည်သူများသို့ ၂% အမြတ်ဖြင့် ပြန်လည်ရောင်းချမည်ဖြစ်ကြောင်း စားအုန်းဆီခွဲတမ်းရရှိသောကိုယ်စားလှယ်များထံမှ သိရှိရပါသည်။

DOCA(ဧရာဝတီ)

       စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် ရောနှောဆီများအပါအဝင် စားသုံးဆီအမျိုးမျိုးကို စာသုံသူကာကွယ်ရေးဥပ‌‌‌ဒေအရ ထုတ်ပြန်ထားသည့် မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏လမ်းညွှန်ချက်နှင့် သက်ဆိုင်ရာဌာများ၏ဥပဒေအရ ထုတ်ပြန်ချက်များကို ဈေးကွက်အတွင်း ဖြန့်ဖြူးရောင်းချသူများ သိရှိလိုက်နာဆောင်ရွက်နိုင်စေရေး၊ ရန်ကုန်တိုင်းဒေသကြီး၊ တောင်ဥက္ကလာမြို့နယ်၊ ပုဇွန်တောင်မြို့နယ်၊ သင်္ဃန်ကျွန်းမြို့နယ်များရှိ စားအုန်းဆီအရောင်းဆိုင်များအား ဌာနဆိုင်ရာအဖွဲ့များဖြင့် (၁၇-၈-၂၀၂၄) ရက်နေ့တွင် မြေပြင်ကွင်းဆင်းစစ်ဆေးဆောင်ရွက်ခဲ့ကြပါသည်။  ထိုသို့စစ်ဆေးခဲ့ကြရာ၌ ယနေ့ခေတ် လူမှုကွန်ရက် စာမျက်နှာများပေါ်တွင် စားအုန်းဆီဈေးကွက်တည်ငြိမ်မှုကိုပျက်ပြားစေနိုင်သည့်  မမှန်မကန်သတင်းများ၊ စားအုန်းဆီဖြန့်ဖြူးရောင်းချသည့် လုပ်ငန်းစဉ်တစ်လျှောက် ထုတ်ပြန်ထားသည့် ရည်ညွှန်း‌ဈေးနှုန်းမျာအပေါ် သယ်ယူပို့ဆောင်ခများအပါအဝင် ၂ %   အမြတ်ဖြင့်သာရောင်းချစေရေး၊ ဈေးနှုန်းအဆမတန်မြှင့်တင်ရောင်းချမှုမရှိစေရေးတို့ကို အရှေ့ပိုင်းခရိုင်ဦးစီးမှူးနှင့် တာဝန်ရှိသူများက ကွင်းဆင်းဆောင်ရွက်ခဲ့ကြကြောင်းသိရှိရပါသည်။

DOCA(ရန်ကုန်) 

       ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်အတွင်းရှိ ရပ်ကွက်/ကျေးရွာများတွင် စက်သုံးဆီဖြန့်ဖြူးရောင်းချပေးလျက်ရှိသော ဆိုင်များသို့ မြို့နယ်အုပ်ချုပ်ရေးမှူးနှင့် ဌာနဆိုင်ရာ များပူးပေါင်း၍ စက်တင်ဘာလ ၁၈ရက်နေ့၊ နံနက် ၁၁:၄၅ နာရီအချိန်တွင် သွားရောက်ကွင်းဆင်းစစ်ဆေးခဲ့ကြောင်းသိရသည်။

         ထိုသို့ကွင်းဆင်းစစ်ဆေးခဲ့ရာတွင် မြို့နယ်အထွေထွေအုပ်ချုပ်ရေးဦးစီးဌာနမှ မြို့နယ်အုပ်ချုပ်ရေးမှူးနှင့်အဖွဲ့၊ မြို့နယ်မီးသတ်ဦးစီးဌာန၊ မြို့နယ်ရဲတပ်ဖွဲ့နှင့် စားသုံးသူရေးရာဦးစီးဌာနတို့ ပူးပေါင်း၍ Apex စက်သုံးဆီဆိုင်၊ ဆိပ်ကမ်းသာဆီဆိုင်များသို့ စက်သုံးဆီရရှိမှုအခြေအနေ၊ ဖြန့်ဖြူးရောင်းချမှုအခြေအနေ၊ ကားများ၊ ဆိုင်ကယ်တွဲများ စက်သုံးဆီဝယ်ယူနေမှုအခြေအနေများအားစစ်ဆေး၍ စက်သုံးဆီများအား အမှန်တကယ်ဖြန့်ဖြူးရောင်းချနိုင်ရေး၊ မှောင်ခိုရောင်းချမှုမရှိစေရေး၊ စက်သုံးဆီများအား ဝိသမလောဘဇောဖြင့် ဈေးနှုန်းမြှင့်တင်ရောင်းချမှုမရှိစေရေး အသိပညာပေးကွင်းဆင်းစစ်ဆေးခဲ့ကြောင်းသိရှိရပါသည်။

DOCA(ရန်ကုန်)

   ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်အတွင်းရပ်ကွက်များရှိ ဓာတ်မြေဩဇာဆိုင်များသို့ မြို့နယ်အဆင့်ယူရီယားမြေဩဇာဖြန့်ဖြူးရောင်းချရေးကော်မတီအဖွဲ့သည် စက်တင်ဘာလ ၁၈ရက်နေ့၊ နံနက် ၁၀:၁၅ နာရီအချိန်တွင် ကွင်းဆင်းစစ်ဆေးခဲ့ကြောင်းသိရသည်။

      ထိုသို့ကွင်းဆင်းစစ်ဆေးရာတွင် မြို့နယ်အဆင့်ယူရီးယားမြေဩဇာဖြန့်ဖြူးရောင်းချရေးကော်မတီအဖွဲ့ဖြစ်သည့် မြို့နယ်အထွေထွေအုပ်ချုပ်ရေးဦးစီးဌာနမှ မြို့နယ်အုပ်ချုပ်ရေးမှူး အပါအဝင် မြို့နယ်စိုက်ပျိုးရေးဦးစီးဌာန၊ မြို့နယ်မြေစာရင်းဦးစီးဌာန၊ စားသုံးသူရေးရာဦးစီးဌာန၊ သမဝါယမဦးစီးဌာန၊ ကျေးလက်ဒေသဖွံ့ဖြိုးတိုးတက်ရေးဦးစီးဌာနတို့သည် နိုင်ထူးခန့်ဓာတ်မြေဩဇာအရောင်းဆိုင်၊ ဦးအင်းရွှေနှင့် ညီမဒေါ်အေးကြည်ဓာတ်မြေဩဇာဆိုင်၊ ရွှေညာမြေဓာတ်မြေဩဇာဆိုင်နှင့် ရောင်ခြည်ဦးဓာတ်မြေဩဇာအရောင်းဆိုင်များသို့သွားရောက်၍ ဓာတ်မြေဩဇာဝယ်ယူရရှိမှုအခြေအနေ၊ ရောင်းချရမှုအခြေအနေနှင့် ဈေးနှုန်းအခြေအနေများအား ကွင်းဆင်းစစ်ဆေးခဲ့ပြီးနောက် ဓာတ်မြေဩဇာများအား ဈေးနှုန်းမြှင့်တင်ရောင်းချမှုမရှိစေရေး အသိပညာပေးဆွေးနွေးခဲ့ကြောင်းသိရှိရပါသည်။

DOCA(ရန်ကုန်)