သတင်းနှင့် လှုပ်ရှားမှုများ

      မကွေးတိုင်း‌ဒေသကြီး၊ ပခုက္ကူခရိုင်ဦးစီးမှူးရုံးမှ ဝန်ထမ်းများသည် (၂၃.၁၀.၂၀၂၄)ရက်နေ့၊ နံနက်(၀၉:၀၀)နာရီအချိန်တွင် ပခုက္ကူမြို့၊ အမှတ်(၁၅)ရပ်ကွက်ရှိ အမှတ်(၉)အခြေခံပညာ မူလတန်းလွန်ကျောင်း၌ စားသုံးသူကာကွယ်ရေး အသိပညာပေးဟောပြောပွဲ ကျင်းပပြုလုပ်ခဲ့ကြောင်း သိရသည်။

     ပခုက္ကူခရိုင်ဦးစီးမှူးရုံးမှ ရေစကြိုမြို့နယ်တာဝန်ခံမှ ဌာန၏ သမိုင်းကြောင်း၊ ဦးစီးဌာန၏ ရည်မှန်းချက်၊ မျှော်မှန်းချက်များ၊ စားသုံးသူကာကွယ်ရေး ဥပဒေပြဌာန်းချက်ပါ စားသုံးသူ၏ အဓိပ္ပာယ်ဖွင့်ဆိုချက်များနှင့် ကမ္ဘာ့စားသုံးသူအခွင့်အရေးများနေ့ ပေါ်ပေါက်လာပုံ အကြောင်းအရာများကိုလည်းကောင်း၊ မူဝါဒလေ့လာရေးနှင့်စီမံကိန်းစာရင်းအင်းဌာနခွဲမှ ဝန်ထမ်းက စားသုံးသူ အခွင့်အရေးနှင့်တာဝန်များ၊ ကုန်စည်ဝန်ဆောင်မှုနှင့် စပ်လျဉ်း၍ နစ်နာဆုံးရှုံးမှုများ ဖြစ်ပါ်လာပါက ပြောရေးဆိုခွင့်၊ တိုင်ကြားခွင့်၊ ကုစားနိုင်ခွင့်၊ တိုင်ကြားနိုင်သူများ၊ တိုင်ကြားနိုင်သည့်နေရာများ ရှင်းလင်းဆွေးနွေးပြီး စီမံရေးရာဌာနခွဲ ဝန်ထမ်းမှ ကုန်အညွှန်းအမှတ်အသားဆိုင်ရာ အကြောင်း အရာများအားလည်းကောင်း ရှင်းလင်းပြောကြားခဲ့ကြောင်း သိရှိရပါသည်။

DOCA(မကွေး)

      မကွေးတိုင်းဒေသကြီး၊ သရက်ခရိုင် အစားအသောက်နှင့်ဆေးဝါးကွပ်ကဲရေးဦးစီးဌာန၌ (၂၄.၁၀.၂၀၂၄)ရက်နေ့၊ နံနက်(၁၁:၀၀)နာရီအချိန်တွင် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ကျန်းမာရေးဦးစီးဌာန၊ စားသုံးသူရေးရာဦးစီးဌာနတို့ပါဝင်သောအဖွဲ့ဖြင့် သရက်မြို့ပေါ်ရှိ ဆေးနှင့်ဆေးပစ္စည်းရောင်းချသည့် အရောင်းဆိုင်ပိုင်ရှင်များအား အသိပညာပေးဟောပြော ခဲ့ကြောင်း သိရသည်။

   ခရိုင်အစားအသောက်နှင့်ဆေးဝါးကွပ်ကဲရေးဦးစီးဌာန ဦးစီးအရာရှိက ၎င်းတို့ဌာန၏ ညွှန်ကြားချက်များ၊ ဆေးပစ္စည်းများရောင်းချရာတွင် လိုက်နာရမည့် စည်းမျဉ်းစည်းကမ်းများအား အကျယ်တဝင့်ရှင်းလင်းဆွေးနွေးပြောကြားခြင်း၊ ကျန်းမာရေးဦးစီးဌာနမှဝန်ထမ်းက ဆေးဆိုင်များတွင် ကျန်းမာရေးနှင့်ညီညွတ်သော စည်းမျဉ်းစည်းကမ်းချက်များအတိုင်း ထားရှိစေရေးဆွေးနွေးပြောကြားခြင်းနှင့် စားသုံးသူရေးရာဦးစီးဌာန ဒုတိယဦးစီးမှူးက စီးပွားရေးလုပ်ငန်းရှင်၏ တာဝန်များအ‌ကြောင်း၊ မြန်မာနိုင်ငံစားသုံသူကာကွယ်ရေးကော်မရှင်၏ ညွှန်ကြားချက် (၂/၂၀၁၉) တွင် ထုတ်ပြန်ထားသော ကုန်စည်အုပ်စု(၈)အုပ်စုတွင် ပါဝင်ရမည့် ကုန်အညွှန်းအမှတ်အသားအကြောင်း အသိပညာပေးဆွေးနွေးခဲ့ကြောင်း သိရှိရပါသည်။

DOCA(မကွေး)

     မကွေးတိုင်းဒေသကြီး၊ သရက်ခရိုင်၊ သရက်မြို့နယ်တာဝန်ခံသည် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် ပူးပေါင်း၍ (၂၃-၁၀-၂၀၂၄)ရက်နေ့၊ နံနက်(၁၀:၀၀)နာရီအချိန်တွင် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၏ စာကြည့်တိုက်ခန်းမ၌ စားသုံးသူများ ဘေးကင်းလုံခြုံစိတ်ချရမှုရှိစေရေးအတွက် Online စနစ်ဖြင့် ရောင်းချခြင်းလုပ်ငန်းနှင့်စပ်လျဉ်း၍ အသိပညာပေး Talk Show ဟောပြောပွဲ ဆောင်ရွက်ခဲ့ကြောင်း သိရသည်။

    သရက်မြို့နယ်တာဝန်ခံမှ အွန်လိုင်းစနစ်ဖြင့် ရောင်းချခြင်းလုပ်ငန်းဆိုင်ရာ စပ်လျဉ်းသည့် ကိစ္စရပ်များအနက် မှတ်ပုံတင်လက်မှတ် လျှောက်ထားရန် ကြိုတင်ပြင်ဆင်သင့်သည့် အထောက်အထားများ မဖြစ်မနေပူးတွဲတင်ပြရမည့် အထောက်အထားများ၊ လျှောက်ထားရန် အခြေခံလိုအပ်ချက်များအပါအဝင် အခြားသိကောင်းစရာများအား အသိပညာပေး ဆွေးနွေးပြောကြားခဲ့ကြောင်း သိရှိရပါသည်။

DOCA(မကွေး)

      မကွေးတိုင်းဒေသကြီး၊ မင်းဘူးခရိုင်ဦးစီးမှူးရုံးမှ ခရိုင်ဦးစီးမှူးနှင့်ဝန်ထမ်းများသည် (၂၄.၁၀.၂၀၂၄)ရက်နေ့ နံနက်(၁၀:၀၀)နာရီ အချိန်တွင် ဈေးကွက်အတွင်းရှိ ကုန်စည်များတွင် စားသုံးသူကာကွယ်ရေးဥပဒေ(၂၀၁၉) အခန်း(၁၈)ပါ ကုန်အညွှန်းအမှတ်အသားဖော်ပြရာတွင် ပြည့်စုံစွာပါဝင်ရမည့် အချက်အလက်များကို ပြည့်စုံမှန်ကန်စွာ ဖော်ပြထားခြင်း ရှိ/မရှိနှင့် အစားအသောက်နှင့် ဆေးဝါးကွပ်ကဲရေးဦးစီးဌာနမှ စားသုံးရန်မသင့်ဟု တားမြစ်ထားသော ကုန်စည်များရောင်းချမှု ရှိ/မရှိတို့ကို မိတ်ဖက်ဌာနများနှင့် ပူးပေါင်း၍ ဈေးကွက်စောင့်ကြည့် စစ်ဆေးခြင်းများ ဆောင်ရွက်ခဲ့ကြောင်း သိရသည်။

      မင်းဘူးမြို့ စည်ပင်ဈေးအတွင်းရှိ ကုန်မျိုးစုံအရောင်းဆိုင်များတွင် အဖွားလက်ရာ အမှတ်တံဆိပ်ပါ အသား၊ ငါးဆီသွပ်ဗူးများ၌ ကုန်အညွှန်းအမှတ်အသား ကွဲလွဲမှု ရှိ/မရှိ ဈေးကွက်စောင့်ကြည့်ကွင်းဆင်းစစ်ဆေးခဲ့ကြပါသည်။ ထိုသို့ ဈေးကွက်ကွင်းဆင်းစစ်ဆေးခဲ့ကြရာ၌ အမေရိကန်နိုင်ငံ စိုက်ပျိုးရေးဝန်ကြီးဌာနက လူထုကျန်းမာရေးဆိုင်ရာ သတိပေးချက် ထုတ်ပြန် ခဲ့သည့် အဖွားလက်ရာအမှတ်တံဆိပ်ပါ အသားဟင်း၊ ငါးဟင်းဆီသွပ်ဗူးများတွင် ရိုက်နှိပ်ထားသော အညွှန်းဖော်ပြချက်များနှင့် စတစ်ကာကပ်၍ ဖော်ပြထားသည့် အညွှန်းဖော်ပြချက်များမှာ တူညီမှုမရှိပဲ ကွဲလွဲမှုများ ဖြစ်ပေါ်လျက်ရှိပါသဖြင့် အဆိုပါကွဲလွဲမှုများကြောင့် စားသုံးသူများ နားလည်မှုလွဲမှားစေနိုင်သည့်အတွက် ပြည်တွင်းဈေးကွက်တွင် အဆိုပါကုည်စည်များ ကုန်အညွှန်း အမှတ်အသား ကွဲလွဲမှု ရှိ/မရှိ ဈေးကွက်စောင့်ကြည့်စစ်ဆေးခဲ့ရာ၌ အဖွားလက်ရာ အမှတ်တံဆိပ်နှင့် ပတ်သက်သည့် စားသောက်ကုန်ပစ္စည်း ဆီသွပ်ဗူးများအား ဖြန့်ဖြူးရောင်းချနေခြင်း မရရှိကြောင်း သိရှိခဲ့ရပါသည်။

DOCA(မကွေး)

    မွန်ပြည်နယ်၊ သထုံခရိုင်၊ သထုံမြို့နယ်၊ စားသုံးသူရေးရာဦးစီးဌာနမှ ဦးစီးအရာရှိ ဦးအောင်ကျော်မင်း၊ မြို့နယ်တာဝန်ခံ ဒုဦးစီးမှူး ဦးထိန်လင်းထွန်းနှင့် ဝန်ထမ်းများသည် (၂၄.၁၀.၂၀၂၄) ရက်နေ့ နံနက် (၁၀:၀၀) အချိန်တွင် သထုံမြို့၊ အ.မ.က (ဘူတာ) ကျောင်း၌ စားသုံးသူကာကွယ်ရေးအသိပညာပေး ဟောပြောဆွေးနွေးခဲ့ပါသည်။

    ထိုဟောပြောပွဲတွင် ကျောင်းအုပ်ဆရာမကြီးမှ အဖွင့်အမှာစကားပြောကြားပြီး စားသုံးသူရေးရာဦးစီးဌာနမှ ဦးစီးအရာရှိ ဦးအောင်ကျော်မင်းမှ ဌာန၏ မျှော်မှန်းချက်၊ ရည်မှန်းချက်၊ စားသုံးသူအခွင့်အရေး (၈) ချက်နှင့်တာဝန် (၄) ချက်၊ ဆိုးဆေးများ အကြောင်း ရှင်းလင်းပြောကြားခဲ့သည်။

    ဆက်လက်၍ မြို့နယ်တာဝန်ခံ ဒုဦးစီးမှူး ဦးထိန်လင်းထွန်းမှ ကုန်အညွှန်းအမှတ်အသားပြည့်စုံစွာ ဖော်ပြထားသည့် ကုန်စည်များကိုသာ ရွေးချယ်ဝယ်ယူအသုံးပြု စားသုံးကြရန်နှင့် စားသုံးသူများနစ်နာဆုံးရှုံးမှု ဖြစ်ပေါ်လာပါက စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးဌာန (CICC) သို့တိုင်ကြားနိုင်ကြောင်း၊ www.doca.gov.mm website တွင်လည်း ဝင်ရောက်တိုင်ကြားနိုင်ကြောင်း ဆွေးနွေးခဲ့ပြီး အဆိုပါဆွေးနွေးပွဲတွင် ကျောင်းအုပ်ဆရာမကြီး ဒေါ်ဝင်းဝင်းလှိုင်နှင့် ဆရာ/ဆရာမ (၆) ဦးကျောင်းသား/ သူ (၁၂၃) ဦးတက်ရောက်ခဲ့၍ လက်ကမ်းစာစောင်များကို ပေးအပ်ခဲ့ကြောင်း သတင်းရရှိပါသည်။

DOCA(မွန်)