သာယာဝတီခရိုင်အတွင်းရှိမြို့နယ်များတွင် ဆေးနှင့်ဆေးပစ္စည်းဈေးနှုန်းမြင့်တက် ရောင်းချခြင်း ရှိ/ မရှိ ကွင်းဆင်းခြင်း
ပဲခူးတိုင်းဒေသကြီး ၊သာယာဝတီခရိုင်အတွင်းရှိမြို့နယ်များတွင် အပတ်စဉ်တနင်္လာနေ့တိုင်း ဈေးကွက်အတွင်းသို့ စားသုံးသူရေးရာဦးစီးဌာနမှ ဝန်ထမ်းများသည် နိုင်ငံအတွင်းနေထိုင်ကြသော ပြည်သူများ၏ နေ့စဉ်စီးပွားရေး၊ လူမှုရေးများတွင် သက်သာချောင်ချိမှုရှိစေရေးအတွက် အလေးထား ဆောင်ရွက်လျက်ရှိရာ သာယာဝတီခရိုင်အတွင်းရှိ မြို့နယ်များ၌ တစ်ပတ်လျှင် (၁)ကြိမ် ဆေးနှင့်ဆေးပစ္စည်း ရောင်းချနေသည့် ဆေးဆိုင်များသို့ ကွင်းဆင်း၍ဆေးနှင့် ဆေးပစ္စည်းများအား ပုံမှန်ဈေးနှုန်းများဖြင့်ရောင်းချခြင်းရှိ/မရှိ၊ ပြတ်လပ်ခြင်းရှိ/မရှိ ၊ ဆေးပစ္စည်းများလက်ကျန် မြေပြင်အခြေအနေများနှင့် ဈေးနှုန်းမြှင့်တင်ရောင်းချမှုရှိ/မရှိတို့ကို ဈေးကွက်စောင့်ကြည့် စစ်ဆေးခြင်းများ ဆောင်ရွက်လျက်ရှိကြောင်း သိရှိရပါသည်။
DOCA(ပဲခူး)
ဆေးသိုလှောင်ရုံအတွင်းစစ်ဆေးရာတွင် အားဆေး၊ သံဓာတ်အားဆေး၊ ယားနာလိမ်းဆေး၊ အမျိုးသမီးသုံးအားဆေး၊ ဟော်မုန်းအားဆေး စသည့်ဆေးများယူသည့်အရေအတွက်၊ သိုလှောင်ရုံပစ္စည်းလက်ကျန်၊ ဝယ်ယူသည့်နိုင်ငံ၊ သိုလှောင်သည့်နေရာ၊ ဝယ်ယူသည့်ဈေးနှုန်း၊ ရောင်းချသည့်ဈေးနှုန်း၊ ပစ္စည်းပြတ်လပ်မှုရှိ/မရှိ၊ ဖြစ်သင့်ဖြစ်ထိုက်သည့်ဈေးနှုန်းထက် ဈေးနှုန်းမြှင့်တင်ရောင်းချမှုရှိ/ မရှိတို့ကိုစိစစ်ခဲ့ပြီး ဆေးဝါးများမှာ လက်ကျန်နည်းပြီး လိုင်စင်လျှောက်ထားသည်မှာ ပြန်မကျသေးကြောင်း သတင်းရရှိပါသည်။
