သတင်းနှင့် လှုပ်ရှားမှုများ

       ပြည်ထောင်စုဝန်ကြီး၏ လမ်းညွှန်မှာကြားချက်အရ ရန်ကုန်တိုင်းဒေသကြီး၊ စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ ခရိုင်ဦးစီးမှူးဦးလှစိုးဦးဆောင်၍  ခရိုင်ပြည်သူ့ ကျန်းမာရေးဦးစီးဌာနမှ ဒေါက်တာယုနန္ဒာအောင်၊ မြို့နယ်ပြည်သူ့ကျန်းမာရေးဦးစီးဌာနမှ ဒေါက်တာကောင်းစံ၊ အစားအသောက်နှင့် ဆေးဝါးကွပ်ကဲရေးဦးစီးဌာန (ရန်ကုန်)မှ ဒေါ်ဇွန်လေးနွယ်၊ မြန်မာနိုင်ငံဆေးနှင့် ဆေးလုပ်ငန်းရှင်များဆေးအသင်းမှ ‌ဦးကျော်ကျော်မြင့် (အလုပ်အမှုဆောင်)၊   မြို့နယ်အထွေထွေအုပ်ချုပ်ရေးဦးစီးဌာနမှ ဦးဟိန်းဇေယျာ စသည့်အဖွဲ့ဝင်များပူးပေါင်းကာ (၈-၅-၂၀၂၄) ရက်နေ့၊ နံနက် (၁၁:၃၀) နာရီအချိန်တွင်  အမှတ်(၁၉/၂၁) ကျောင်းလမ်း၊ မင်္ဂလာတောင်ညွန့်မြို့နယ်ရှိ  Wellness Vista Pharma Co.,Ltd Co., ltd မှ လုပ်ငန်းရှင် ဦးဆာဘူရောင်းနှင့်သွားရောက်တွေ့ဆုံ၍ ဆေးသိုလှောင်ရုံတွင်းရှိ ဆေးဝါးများအား စစ်ဆေးမှုပြုလုပ်ခဲ့ကြောင်းသိရှိရပါသည်။

          ဆေးသိုလှောင်ရုံအတွင်းရှိ ဆေးများမှာ လူကြီးချွဲပျော်ဆေး၊ ကလေးချွဲပျော်ဆေး၊ ကလေးနှာဆေးပျောက်ဆေး၊ ကလေးဖျားနာပျောက်ဆေးနှင့် ချောင်းဆိုးပျောက်ဆေးများ၏ ဝယ်ယူသည့်အရေအတွက်၊ သိုလှောင်ရုံပစ္စည်းလက်ကျန်၊ ဝယ်ယူသည့်နိုင်ငံ၊ သိုလှောင်သည့်နေရာ၊ ဝယ်ယူသည့်ဈေးနှုန်း၊ ရောင်းချသည့်ဈေးနှုန်း၊ ပစ္စည်းပြတ်လပ်မှုရှိ/မရှိ၊ ဖြစ်သင့်ဖြစ်ထိုက်သည့်‌ ဈေးနှုန်းထက် ဈေးနှုန်းမြှင့်တင်ရောင်းချမှုရှိ/မရှိတို့ကိုစိစစ်ခဲ့ပြီး ဈေးနှုန်းမြှင့်တင်ရောင်းချခြင်းနှင့် ‌ဆေးဝါးများကို ဈေးကစားရန်အလို့ငှာ သိုလှေင်ထားသည်ကိုစိစစ်တွေ့ရှိပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူခံရမည်ဖြစ်ကြောင်း အသိပညာပေးပြောကြားခဲ့ကြောင်း သတင်းရရှိပါသည်။

DOCA(ရန်ကုန်)

        ပြည်ထောင်စုဝန်ကြီး၏ လမ်းညွှန်မှာကြားချက်အရ ရန်ကုန်တိုင်းဒေသကြီး၊ စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ ခရိုင်ဦးစီးမှူးဦးလှစိုးဦးဆောင်၍ ခရိုင်ပြည်သူ့ ကျန်းမာရေးဦးစီးဌာနမှ ဒေါက်တာယုနန္ဒာအောင်၊ မြို့နယ်ပြည်သူ့ကျန်းမာရေးဦးစီးဌာနမှ ဒေါက်တာကောင်းစံ၊ အစားအသောက်နှင့်ဆေးဝါးကွပ်ကဲရေးဦးစီးဌာန (ရန်ကုန်) မှ ဒေါ်ဇွန်လေးနွယ်၊ မြန်မာနိုင်ငံဆေးနှင့် ဆေးလုပ်ငန်းရှင်များဆေးအသင်းမှ ‌ဦးကျော်ကျော်မြင့်(အလုပ်အမှုဆောင်)၊ မြို့နယ်အထွေထွေအုပ်ချုပ်ရေးဦးစီးဌာနမှဦးဟိန်းဇေယျာ စသည့်အဖွဲ့ဝင်များပူးပေါင်း၍ (၇-၅-၂၀၂၄) ရက်နေ့၊ နေ့လယ် (၁၄:၃၀) နာရီတွင်  မင်္ဂလာတောင်ညွန့် မြို့နယ်ရှိ  Perfect Nine Nine Co.,Ltd Co., ltd မှ လုပ်ငန်းရှင် ဦးကျော်ကျော်အောင်နှင့်   သွားရောက်တွေ့ဆုံ၍ ဆေးသိုလှောင်ရုံတွင်းရှိဆေးဝါးများအား စစ်ဆေးမှု ပြုလုပ်ခဲ့ကြောင်းသိရှိရပါ သည်။

           ဆေးသိုလှောင်ရုံအတွင်း ရှိ ဆေး(၄)မျိုး၏ ဝယ်ယူသည့်အရေအတွက်၊ သိုလှောင်ရုံပစ္စည်းလက်ကျန်၊ ဝယ်ယူသည့်နိုင်ငံ၊ သိုလှောင်သည့်နေရာ၊ ဝယ်ယူသည့်ဈေးနှုန်း၊ ရောင်းချသည့် ဈေးနှုန်း၊ ပစ္စည်းပြတ်လပ်မှုရှိ/မရှိ၊ ဖြစ်သင့်ဖြစ်ထိုက်သည့်‌ဈေးနှုန်းထက် ဈေးနှုန်းမြှင့်တင်ရောင်းချမှုရှိ/မရှိတို့ကိုစိစစ်ခဲ့ပြီး ဈေးနှုန်းမြှင့်တင်ရောင်းချခြင်းနှင့် ‌ဆေးဝါးများကို ဈေးကစားရန်အလို့ငှာ သိုလှောင်ထားသည်ကိုစိစစ်တွေ့ရှိပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူခံရမည်ဖြစ်ကြောင်း အသိပညာပေးပြောကြားခဲ့မှုကို သတင်းရရှိပါသည်။

DOCA(ရန်ကုန်)

     ၂၀၂၄  ခုနှစ်၊  မေလ၊  ၁၄  ရက်နေ့၊  နံနက် (၉း၃၀) အချိန်တွင် ညွှန်ကြားရေးမှူးချုပ် ဦးဆောင်၍ စားသုံးဆီဖြန့်ခွဲမှုနှင့် စပ်လျဉ်းသည့် ညှိနှိုင်းအစည်းအဝေးသို့  တနင်္သာရီတိုင်း‌ဒေသကြီး တိုင်းဦးစီးမှူးနှင့် ဝန်ထမ်းများမှ Zomm Meeting ဖြင့် တက်ရောက်ခဲ့ပါသည်။

     ဆက်လက်၍ စားသုံးသူရေးရာဦးစီးဌာန၊ ညွှန်ကြားရေးမှူးချုပ်မှ အဖွင့်အမှာစကား ပြောကြားခဲ့ပြီး၊ ဒုတိယညွှန်ကြားရေးမှူးချုပ်မှ စားသုံးဆီဖြန့်ခွဲမှုနှင့်စပ်လျဥ်းသည့် ကိစ္စရပ်များနှင့် ပတ်သက်၍ ရှင်းလင်းပြောကြားခြင်း၊ တိုင်းဒေသကြီး/ပြည်နယ်ဦးစီးမှူးများနှင့် အပြန်အလှန်ဆွေးနွေးခြင်းများ ပြုလုပ်ခဲ့ပြီး ညွှန်ကြားရေးမှူးချုပ်မှ နိဂုံးချုပ်အမှာစကားပြောကြားခဲ့ကာ ညှိနှိုင်းအစည်းအဝေးအား နေ့လယ်(၁၃း၀၀)နာရီအချိန်တွင် ရုတ်သိမ်းခဲ့ကြောင်း သိရှိရပါသည်။

DOCA(တနင်္သာရီ)

         ပြည်ထောင်စုဝန်ကြီး၏ လမ်းညွှန်မှာကြားချက်အရ ရန်ကုန်တိုင်းဒေသကြီး၊ စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ ခရိုင်ဦးစီးမှူးဦးလှစိုးဦးဆောင်၍  ခရိုင်ပြည်သူ့ ကျန်းမာရေးဦးစီးဌာနမှ ဒေါက်တာယုနန္ဒာအောင်၊ မြို့နယ်ပြည်သူ့ကျန်းမာရေးဦးစီးဌာနမှ ဒေါက်တာကောင်းစံ၊ အစားအသောက်နှင့်ဆေးဝါးကွပ်ကဲရေးဦးစီးဌာန(ရန်ကုန်)မှ ဦးမင်းကိုလတ်၊ မြန်မာနိုင်ငံဆေးနှင့်ဆေးလုပ်ငန်းရှင်များဆေးအသင်းမှ ‌ဒေါက်တာခိုင်သက်ဦး၊ မြို့နယ်အထွေထွေအုပ်ချုပ်ရေးဦးစီးဌာနမှ ဦးအောင်နိုင်ဝင်း စသည့်အဖွဲ့ဝင်များပူးပေါင်း၍ (၇-၅-၂၀၂၄) ရက်နေ့၊ နံနက် (၁၀:၃၀) နာရီအချိန်တွင်  မင်္ဂလာတောင်ညွန့်မြို့နယ်ရှိ  Asia Health & Wealth Co., ltd မှ လုပ်ငန်းရှင် ‌ဒေါက်တာသန်းဆင့်နှင့်သွားရောက်တွေ့ဆုံ၍ ဆေးသိုလှောင်ရုံတွင်းရှိ ဆေးဝါးများအား စစ်ဆေးမှုပြုလုပ်ခဲ့ကြောင်းသိရှိရပါသည်။

           ဆေးသိုလှောင်ရုံအတွင်းစစ်ဆေးရာတွင် Albrel (Human Albumin Solution BP/EP) ‌ဆေးတစ်မျိုးသာရှိပြီး အဆိုပါဆေးဝယ်ယူသည့်အရေအတွက်၊ သိုလှောင်ရုံပစ္စည်းလက်ကျန်၊ ဝယ်ယူသည့်နိုင်ငံ၊ သိုလှောင်သည့်နေရာ၊ ဝယ်ယူသည့်ဈေးနှုန်း၊ ရောင်းချသည့်ဈေးနှုန်း၊ ပစ္စည်းပြတ်လပ်မှုရှိ/မရှိ၊ ဖြစ်သင့်ဖြစ်ထိုက်သည့်‌ဈေးနှုန်းထက် ဈေးနှုန်းမြှင့်တင်ရောင်းချမှုရှိ/ မရှိတို့ကို စိစစ်ခဲ့ပြီး တချို့ဆေးဝါးများမှာ လိုင်စင်လျှောက်ထားဆဲဖြစ်ကြောင်း သတင်းရရှိပါသည်။

DOCA(ရန်ကုန်)

        တနင်္သရီတိုင်းဒေသကြီး၊ စားသုံးသူရေးရာဦးစီးဌာန ကော့သောင်းခရိုင်ဦးစီးမှူးရုံးမှ ဒေါ်မြသီတာ (ဦးစီးအရာရှိ) သည် ၂၀၂၄ ခုနှစ် မေလ ၁၃ရက်နေ့ နံနက် (၉:၀၀)နာရီ အချိန်တွင် ကော့သောင်းခရိုင်ပြန် ကြားရေးနှင့်ပြည်သူ့ဆက်ဆံရေးဦးစီးဌာနရုံးတွင် စာဖတ်သူပြည်သူများအား စားသုံးသူကာကွယ်ရေး အသိပညာပေး ဟောပြောခြင်းကို ဆောင်ရွက်ခဲ့ပါသည်။

          အဆိုပါဟောပြောဆွေးနွေးပွဲတွင် ကော့သောင်းခရိုင် စားသုံးသူရေးရာဦးစီးဌာန ဒေါ်မြသီတာ (ဦးစီး အရာရှိ)မှ စားသုံးသူကာကွယ်ရေးဥပဒေ အကြောင်းများထဲမှ စားသုံးသူအခွင့်အရေးများ၊ ကုန်စည်၊ ဝန်ဆောင်မှုနှင့်စပ်လျဉ်း၍ အာမခံပေးထားမှုအပေါ် စားသုံးသူကတောင်းဆိုနိုင်သည့် အခွင့်အရေးများ၊ ကုန် အညွှန်းအမှတ်အသားနှင့် စပ်လျဉ်းသည့်ကိစ္စများအကြောင်း၊ ကုန်စည် ဝန်ဆောင်မှုနှင့် စပ်လျဉ်း၍ စားသုံး များ နစ်နာမှုရှိပါက အရေးဆိုတိုင်ကြားနိုင်သည့် Call Center 1535 သို့ဆက်သွယ်မေးမြန်း တိုင်ကြားနိုင်ပြီး ဖြစ်‌ကြောင်း ဟောပြောခဲ့သည်ဟု သတင်းရရှိပါသည်။

DOCA(တနင်္သာရီ)