သတင်းနှင့် လှုပ်ရှားမှုများ

     မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ဆိပ်ဖြူမြို့နယ်တာဝန်ခံနှင့် ဝန်ထမ်းသည် စားသုံးပြည်သူများ ဘေးကင်းလုံခြုံစိတ်ချရမှုရှိစေရေး ရည်ရွယ်၍ (၂၁.၁၀.၂၀၂၄)ရက်နေ့၊ နံနက် (၁၀:၀၀)နာရီအချိန်တွင် ဆိပ်ဖြူမြို့၊ ပတ္တမြားဈေးအတွင်းရှိ စားသုံးဆီအရောင်းဆိုင်များသို့ သွားရောက်၍ လုပ်ငန်းရှင်နှင့် တွေ့ဆုံအသိပညာပေး ဆွေးနွေးခဲ့ကြောင်း သိရှိရပါသည်။

     စားသုံးသူပြည်သူများ ဘေးအန္တရာယ်ကင်းရှင်းစေရန်အတွက် ဈေးကွက်အတွင်းရောင်းချနေသော စားသုံးဆီအမျိုးမျိုးရောင်းချရာတွင် ထုပ်ပိုးထားသောပုလင်းဘူးများပေါ်တွင် ကုန်အညွှန်းအမှတ်အသားပြည့်စုံစွာဖော်ပြပါရှိစေရေးနှင့် အချင်အတွယ်ဖြင့် ရောင်းချပါက ရောစပ်မှုအချိုးအစားများ စားသုံးသူများသိရှိရန် ဗွီနိုင်းချိတ်ဆွဲရောင်းချစေရေး အသိပညာပေးဆွေးနွေးခဲ့ကြောင်း သိရှိရပါသည်။

DOCA(မကွေး)

       ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်စည်ပင်သာယာမြိို့မဈေးအတွင်း/ အပြင်နှင့်ရပ်ကွက်များတွင် အခြေခံစားသောက်ကုန်ပစ္စည်းများဖြစ်သော ကုန်ခြောက်၊ ကုန်စိမ်းအရောင်းဆိုင်များနှင့် အခြားကုန်ပစ္စည်းအရောင်းဆိုင်များသို့ ပလတ်စတစ်ပစ္စည်းများ အလွန်အကျွံသုံးစွဲနေခြင်းကြောင့် သဘာဝပတ်ဝန်းကျင်ထိခိုက်ပျက်စီမှုအန္တရာယ်လျော့နည်းစေရန် ရည်ရွယ်၍ ဆိုင်ပိုင်ရှင်စီးပွားလုပ်ငန်းရှင်များနှင့် ဈေးဝယ်လာသော စားသုံးသူပြည်သူများအား ပလတ်စတစ်သုံးစွဲမှုလျော့နည်းရေး အသိပညာပေးကွင်းဆင်းစစ်ဆေးခြင်းကို အောက်တိုဘာလ (၂၃) ရက်၊ နံနက်(၁၀း၀၀)နာရီအချိန်တွင် ပူးပေါင်းအဖွဲ့ဖြင့် ဆောင်ရွက်ခဲ့ကြောင်းသိရသည်။

       ထိုသို့ဆောင်ရွက်ခဲ့ရာတွင် မြို့နယ်စည်ပင်သာယာရေးအဖွဲ့မှ မြို့နယ်အမှုဆောင်အရာရှိနှင့် ဝန်ထမ်းများ၊ မြို့နယ်အထွေထွေအုပ်ချုပ်ရေးဦးစီးဌာနမှတာဝန်ရှိသူများ၊ မြို့နယ်ကျန်းမာရေးဦးစီးဌာနမှတာဝန်ရှိသူများ၊ စားသုံးသူရေးရာဦးစီးဌာနမှ မြို့နယ်တာဝန်ခံတို့ပူးပေါင်းအဖွဲ့သည် ကော့မှူးမြို့နယ်စည်ပင်သာယာမြို့မဈေးအတွင်း/ အပြင်နှင့် ဗိုချုပ်လမ်း၊ မြို့မရပ်ကွက်၊ စည်ပင်လမ်း၊ ပြည်တော်သာရပ်ကွက်များရှိ ဈေးရောင်း၊ ဈေးဝယ် စားသုံးသူပြည်သူများနှင့်တွေ့ဆုံကာ အခြေခံစားသောက်ကုန်ပစ္စည်းနှင့် လူသုံးကုန်ပစ္စည်းများဖြန့်ဖြူးရောင်းချရာတွင် သဘာဝပတ်ဝန်းကျင်ကို ထိခိုက်ပျက်စီးမှုကိုဖြစ်စေနိုင်သည့် ပလတ်စတစ်ပစ္စည်းအမျိုးမျိုးကို အလွန်အကျွံသုံးစွဲခြင်းများမပြုလုပ်ကြရန်နှင့် ပလတ်စတစ်အစားထိုးပစ္စည်းများဖြစ်သော မိမိဒေသထွက်ပစ္စည်း ငှက်ပျောဖတ်၊ သစ်ရွက်သစ်ဖတ်များ၊ ကြာဖတ်၊ စက္ကူတို့ဖြင့်သာ ထုပ်ပိုးဖြန့်ဖြူးရောင်းချကြရန်နှင့် စားသုံးသူပြည်သူများ အစားအစာများဝယ်ယူသုံးစွဲကြရာတွင် ဘေးဥပါဒ်အန္တရာယ်ကင်းရှင်းစေရေးတို့အတွက် သန့်ရှင်းလတ်ဆတ်သော အသီးအရွက်၊ အသားငါးနှင့် အခြားစားသောက်ကုန်ပစ္စည်းများကိုသာ စနစ်တကျဖြန့်ဖြူးရောင်းချပေးကြရန်နှင့် ပလတ်စတစ်အမှိုက်များစွန့်ပစ်ရာတွင်လည်း စနစ်တကျစည်းကမ်းရှိရှိစွန့်ပစ်ကြရန် ပူးပေါင်းအဖွဲ့မှတာဝန်ရှိသူများက ပလစ်စတစ်သုံးစွဲမှုလျေ့ကျစေရေးး အသိပညာပေးကွင်းဆင်းစစ်ဆေးခဲ့ကြောင်းသိရပါသည်။

DOCA(ရန်ကုန်)

       စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ လမ်းညွှန်မှာကြားချက်အရ ပြည်တွင်းဆေးဝါးပြတ်လပ်မှုမရှိစေရေး အရှေ့ပိုင်းခရိုင်ဦးစီးမှူးရုံးမှ ခရိုင်ဦးစီးမှူး ဦးလှစိုး ဦးဆောင်၍  မြို့နယ်ပြည်သူ့ကျန်းမာရေးဦးစီးဌာနမှ၊ အစားအသောက်နှင့် ဆေးဝါးကွပ်ကဲရေးဦးစီးဌာန(ရန်ကုန်)၊ မြို့နယ်အထွေထွေအုပ်ချုပ်ရေးဦးစီးဌာန စသည့်ဌာနများပူးပေါင်း၍ ၂၂-၁၀-၂၀၂၄ ရက်နေ့၊ နေ့လယ် (၁၃:၀၀) နာရီအချိန်တွင်  အမှတ် (၁၇၃), မြနန္ဒာလမ်းနှင့် မြခွါညိုလမ်းထောင့်၊ သာကေတစက်မှုဇုန်ရှိ AA Medical Products Co., Ltd မှ  ဒေါက်တာကျော်မင်းဦးနှင့်တွေ့ဆုံ ၍ ကုမ္ပဏီအတွင်းရှိ ဆေးဝါးများအား စစ်ဆေးမေးမြန်းမှုများပြုလုပ်ခဲ့ကြောင်းသိရှိရပါသည်။

      ထိုသို့စစ်ဆေးမေးမြန်းရာတွင် ကုမ္ပဏီမှ နှာမွန်ယားယံပျောက်ဈေး၊ အကိုက်ခဲပျောက်ဆေး၊ ဆီးချိုဆေး၊ ပိုးသတ်ဆေး(ထိုးဆေး)၊ ကလေးအားဆေး စသ်တို့ကို နိုင်ငံခြားဆေး ကုမ္ပဏီ(၃)ခုမှ ဝယ်ယူရောင်းချပြီး၊ ကုမ္ပဏီအနေဖြင့် ဈေးကွက်အတွင်း ဆေးဝါးပြတ်လပ်မှုမရှိကြောင်းသိရှိရပြီး ဆေးဝါးများသိုလှောင်ထားခြင်းမပြုကြရန် ပြောကြားခဲ့ကြောင်းသိရှိရရှိပါသည်။

DOCA(ရန်ကုန်)

      ၂၃-၁၀-၂၀၂၄ ရက်နေ့၊ နံနက် ၁၀:၀၀ နာရီအချိန်တွင် ပုဇွန်တောင်မြို့နယ်၊ အထွေထွေအုပ်ချုပ်‌ရေးဦးစီးဌာနရုံးအစည်းအဝေးခန်းမ၌ အရှေ့ပိုင်းခရိုင်စားသုံးသူရေးရာဦးစီးဌာန၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့်အဖွဲ့ဝင်များ၊ သက်ဆိုင်ရာဌာနများမှတာဝန်ရှိသူများ၊ စားသုံးဆီဖြန့်ဖြူးသည့် ကုမ္ပဏီတာဝန်ခံများ၊ ရပ်ကွက်အုပ်ချုပ်ရေးမှူးများနှင့် အစည်းအဝေးပြုလုပ်ခဲ့ ကြောင်းသိရှိရပါသည်။

        အဆိုပါအစည်းဝေးတွင် စားသုံးဆီဖြန့်ဝေရောင်းချမှုနှင့်ပတ်သက်၍ မြို့နယ်အတွင်းရှိ အိမ်ထောင်စုအလိုက်ဖြန့်ဝေပေးသည့် စားသုံးဆီရောင်းချ/ ဝယ်ယူသည့်အခြေအနေနှင့် လစဉ် ဆောင်ရွက်နေသည့် လုပ်ငန်းများနှင့်ပတ်သက်သည်တို့ကို   ရှင်းလင်းဆွေးနွေးခဲ့ကြောင်းသိရှိရပါသည်။

DOCA(ရန်ကုန်)

     မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ထုတ်ကုန်လုံခြုံစိတ်ချရမှုဌာနခွဲတာဝန်ခံနှင့် ဝန်ထမ်းများသည် စားသုံးသူပြည်သူများ ဘေးအန္တရာယ်ကင်းရှင်းပြီး လုံခြုံစိတ်ချရမှုရှိသော ‌ဆေးနှင့် ဆေးဝါးများကို ဝယ်ယူသုံးစွဲနိုင်ရန် ရည်ရွယ်၍ (၂၂.၁၀.၂၀၂၃) ရက်နေ့၊ နံနက်(၀၉:၃၀)အချိန်တွင် ပခုက္ကူမြို့၊ အမှတ်(၄)ရပ်ကွက်အတွင်းရှိ ဆေးဆိုင်များသို့ သွားရောက်၍ ဈေးကွက်စောင့်ကြည့်စစ်ဆေးခဲ့ကြောင်း သိရသည်။

စားသုံးသူပြည်သူများ ဘေးအန္တရာယ်ကင်းရှင်းစေရန်အတွက် အစားအသောက်နှင့်ဆေးဝါးကွပ်ကဲရေးဦးစီးဌာနမှ ဦးဆောင်၍ ဈေးကွက်အတွင်း ရောင်းချနေသော ဆေးဆိုင်များတွင် ဆေးဝါးအတုများ၊ စံမညီဆေးဝါးများ၊ သက်တမ်းလွန်ဆေးဝါးများအား ဈေးကွက်အတွင်းရောင်းချခြင်း ရှိ/မရှိ စစ်ဆေးခဲ့ရာ ရောင်းချမှုမရှိကြောင်းတွေ့ရှိရပြီး တရားဝင်တင်သွင်းထားသော ဆေးဝါးများကိုသာ ဆက်လက်ရောင်းချသွားရန် အသိပညာပေးဆွေးနွေးခဲ့ကြောင်း သိရှိရပါသည်။

DOCA(မကွေး)