သတင်းနှင့် လှုပ်ရှားမှုများ

     ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ လပွတ္တာခရိုင် လပွတ္တာမြို့နယ်တာဝန်ခံ ဦးမြင့်ဌေး သည်(၄.၉၂၀၂၅)ရက်နေ့၊ နေ့လယ်(၁၂:၀၀)အချိန်တွင် လပွတ္တာမြို့နယ်  အမှတ်(၇)ရပ်ကွက်၊ နန္ဒဝန်ဈေးရှိ ဆီရောင်းချသူ စီးပွားရေးလုပ်ငန်းရှင်များအား မြို့နယ်တာဝန်ခံရုံးတွင် ဆီရောင်းချမှုများနှင့်ပက်သတ်၍ အသိပညာပေးဟောပြောခဲ့ပါသည်။

     ထိုသို့ဟောပြောရာတွင်မြို့နယ်တာဝန်ခံမှ မိတ်ဆက်စကားပြောကြားခဲ့ပြီး ဆီရောင်းချရာတွင် သတ်မှတ်ဈေးနှုန်းဖြင့် ဗွီနိုင်းဆိုင်းဘုတ်များကို အများပြည်သူများသိရှိအောင်ချိတ်ဆွဲထားရန်၊ ဈေးနှုန်းမြင့်တင်ရောင်းချမှုများမပြုလုပ်စေရေး၊အလေးချိန်ပြည့်ဝမှန်ကန်စွာရောင်းချကြရန်၊ ဈေးနှုန်းမြင့်တင်ရောင်းချခြင်း၊ အလေးချိန်မပြည့်ဝမှန်ကန်မှုမရှိပါက စားသုံးသူကာကွယ်ရေးဥပဒေဖြင့် အရေးခံရမည်ဖြစ်ကြောင်း ဆွေးနွေးပြောကြားခဲ့ကြောင်း သတင်းရရှိပါသည်။

DOCA(ဧရာဝတီ)

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဝါးခယ်မမြို့နယ်တာဝန်ခံမှ ဦးအောင်မိုးနှင့် ဝန်ထမ်းများသည်(၄.၉.၂၀၂၅)ရက်နေ့၊ နေ့လယ်(၁၃:၃၀)အချိန်တွင် ဝါးခယ်မမြို့နယ် အနောက်ဒရင်းကျေးရွာရှိ ပြည်သူများအား ဓမ္မာရုံကျောင်းတွင် စားသုံးသူအကာအကွယ်ပေးရေး အသိပညာပေးဟောပြောခဲ့ပါသည်။

      ထိုသို့ဟောပြောဆောင်ရွက်ရာတွင် စားသုံးသူရေးရာဦးစီးဌာန၊ ဝါးခယ်မမြို့နယ်တာဝန်ခံမှ မိတ်ဆက်စကားပြောကြားပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ထုတ်ပြန်ထားသော စားသုံးသူ အကာအကွယ်ပေးရေး ဥပဒေ(၂၀၁၉)ပါ ပြဌာန်းချက်များမှ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ စားသုံးသူကာကွယ်ရေးဥပဒေအခန်း (၁၈)ပါ ကုန်ညွှန်းအမှတ်အသားဖော်ပြခြင်းနှင့်စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ(၄၁)၊ ပုဒ်မခွဲ (ခ)နှင့်(ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု(သို့မဟုတ်)တစ်ခုထက်ပို၍ တွဲလျက်ဖြစ်စေ ရေးသားဖော်ပြရမည်ဖြစ်ကြောင်း ဟောပြော ဆွေးနွေးခဲ့ပြီး စားသုံးသူကာကွယ်ရေးဥပဒေပါ အချက်အလတ်များသိရှိလိုပါက ခရိုင်စားသုံးသူရေးရာဦးစီးမှူး ရုံးတွင်လည်းကောင်း၊ စားသုံးသူရေးရာဦးစီးဌာနရုံးချုပ်၏ www.doca.mm.website တွင် လည်းဝင်ရောက် ကြည့်ရှု့လေ့လာနိုင်ပါကြောင်း၊ စားသုံးသူများနစ်နာမှုရှိပါက စားသုံးသူသတင်းပြန်ကြားရေးနှင့် တိုင်ကြားမှု လက်ခံရေးစင်တာ CICC သို့လူကိုယ်တိုင်ဖြစ်စေ၊ တယ်လီဖုန်းဖြင့် ဖြစ်စေတိုင်ကြားနိုင်ပါကြောင်း အသိပညာပေး‌ ဟောပြောခဲ့ပြီး ထိုဟောပြောပွဲသို့ ပြည်သူစုစုပေါင်း(၂၀)ဦးတက်ရောက်ခဲ့ကြောင်း သတင်းရရှိပါသည်။

DOCA(ဧရာဝတီ)

    စားသုံးသူရေးရာဦးစီးဌာန ညောင်တုန်းမြို့နယ် ဦးစီးမှူးရုံးမှ တာဝန်ရှိသူများသည် ကျေးရွာများ စားအုန်းဆီ ထုတ်ယူခွင့်စာအုပ်များဖြင့် ဆီရောင်းချခြင်းလုပ်ငန်းများကို ၂၀၂၅ခုနှစ် စက်တင်ဘာလ ပထမပါတ်အတွင်းက ကျေးရွာများမှ ဆီရောင်းချနေမှုများကို ကြပ်မတ်ဆောင်ရွက်ခဲ့ကြောင်း သိရသည်။

      ကွင်းဆင်းဆောင်ရွက်ရာတွင် ညောင်တုန်းမြို့နယ်ဦးစီးမှူးဦးအောင်လွင်နှင့် မြို့နယ်အထွေထွေအုပ်ချုပ်ရေးဦးစီးဌာနမှ တာဝန်ရှိသူများ၊ ကျေးရွာအုပ်ချုပ်ရေးမှူးနှင့် စာရေးများ၊ ညောင်တုန်းမြို့နယ် ဆီကုန်သည်နှင့် ဆီလုပ်ငန်းရှင်အသင်းအဖွဲ့ဝင်များက ကြပ်မတ်ဆောင်ရွက်ကြရာ ရွာသစ်ကျေရွာတွင် စားအုန်းဆီရောင်းချရာတွင် ရောင်းချဆီပိဿာ၊ ရောင်းချသူအမည်၊ ရည်ညွန်းဈေးနှုန်းအပေါ် ၂ ရာခိုင်နှုန်းဖြင့် ရောင်းချမှု ရှိမရှိ၊ ဆီစာအုပ်ဖြင့်ဝယ်ယူသူ စာရင်းများ ကို ပြုစုရေးသွင်းထားရန်၊ ဆီများကို ပြည်သူများအတွက်မရောင်းချပဲ ဈေးကစားရန် သိုလှောင်ထားပြီး စီးပွားဖြစ်ဈေးတင်ရောင်းချခြင်းမပြုရန်ကို ကျေးရွာအုပ်ချုပ်ရေးမှူးနှင့် ရပ်ကျေးစာရေးများကို ကြပ်မတ်ဆောင်ရွက်ရန်ကို အသိပညာပေးခဲ့ပြီး သတ်မှတ်ချက်များကို လိုက်နာဆောင်ရွက်ခြင်း’ မရှိကြောင်း စားအုန်းဆီဖြန့်ဖြူးရောင်းချမှု စိစစ်ရေးအဖွဲ့မှ စစ်ဆေးတွေ့ရှိပါက ဥပဒေအရ ထိရောက်စွာ အရေးယူ ဆောင်ရွက်သွားမည်ဖြစ်ကြောင်းပြောကြားခဲ့သည်ဟု သိရသည်။

DOCA(ဧရာဝတီ)

   ဧရာဝတီတိုင်းဒေကြီး၊ မအူပင်ခရိုင်ဦးစီးမှူး ရုံးမှ ခရိုင်ဦးစီးမှူးနှင့် တာဝန်ရှိသူများသည် ၄-၉-၂၀၂၅ ရက်နေ့ နေ့လယ်ပိုင်းက မအူပင်မြို့နယ်  ကညင်ဝ ကျေးရွာ အုပ်ချုပ်ရေးမှုးများအား မအူပင်ခရိုင်ဦးစီးမှူးရုံးတွင် စားအုန်းဆီထုတ်ယူခွင့်စာအုပ်များ စနစ်တကျ အပ်နှံပေးခဲ့ကြောင်း သိရသည်။

      စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးသည် အထက်ဌာနများ၏ လမ်းညွှန်ချက်များနှင့်အညီ စားအုန်းဆီများ ပြည်သူများလက်ဝယ် မှန်ကန်စွာ ရရှိစေရေး ကြပ်မတ်ဆောင်ရွက်လျက်ရှိပြီး မြို့ပေါ်ရပ်ကွက် များကို ဆီထုတ်ယူခွင့်စာအုပ်များ ထုတ်ပေးပြီး ဆီများကို ဆီလက်လီအရောင်းဆိုင်များမှ စနစ်တကျရောင်းချပေး လျက်ရှိပါသည်။ ကျေးရွာပြည်သူများပါ စားအုန်းဆီထုတ်ယူခွင့်စာအုပ်ဖြင့် ဆီများ အသုံးပြုနိုင် ရေးကို ဆောင်ရွက်ပေးချက်ရှိပြီး အိမ်ထောင်စု( ၄၉၉ )စု အတွက် ဆီထုတ်ယူခွင့်စာအုပ် (၄၉၉)အုပ်ကို စနစ်တကျ ပေးဝေခဲ့ကြောင်း သိရသည်။ ကျန်ရှိသော ကျေးရွာများသို့လည်း ဆက်လက်ပေးဆောင်နိုင်ရန် ဆောင်ရွက်လျက်ပြီး ကျေးရွာနေပြည်သူများကို ဆီရောင်းချရာတွင် သတ်မှတ်ချက်များနှင့်အညီ ရောင်းချနိုင်ရေး ကိုပါ အသိပညာပေးပြောကြားခဲ့ကြောင်း သိရသည်။

DOCA(ဧရာဝတီ)

   ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံ နှင့် ဝန်ထမ်းတို့သည်(၂-၉-၂၀၂၅)ရက်နေ့ နံနက် (၁၀:၃၀) နာရီအချိန်တွင် သဘာဝပါတ်ဝန်းကျင် ထိန်းသိမ်းရေး ဦးစီးဌာနနှင့်အတူ ဆန်စက် ၅စက်သို့ ကွင်းဆင်းစစ်ဆေးဆောင်ရွက်ခဲ့ကြောင်း သိရသည်။

   ကွင်းဆင်းစစ်ဆေးရာတွင် ဦးအောင်ကျော်သက် အကြီးတန်းစာရေးက နေနတ်သား၊ မြသိန်းတန်၊ ရွှေရောင်းခင်း ဆန်စက်လုပ်ငန်းရှင်များကို Gasifier အသုံးပြု၍လည်ပတ်နေသည့် ဆန်စက်များအနေဖြင့် သဘာဝပတ်ဝန်းကျင်ထိခိုက်မှုမရှိစေရေး အထူးအလေးထားဆောင်ရွက်ရန်၊ သတ်မှတ်ထားသည့် စည်းမျဉ်း စည်းကမ်းများနှင့်အညီ လည်ပတ်မောင်းနှင်ရန်၊ Gasifier စနစ်မှထွက်ရှိသည့် ရေဆိုးများကို ရေစစ်ကန်စနစ်ဖြင့် ဆောင်ရွက်ထားရှိမှုအခြေအနေများ၊ ပိုမိုကောင်းမွန်သည့် ရေသန့်စင်စနစ်များ အသုံးပြုစေရေးစစ်ဆေး၍ လိုအပ်သည်များ လမ်းညွှန်မှာကြားခဲ့ခြင်း၊ ဆန်စက်မှ စပါးကြိတ်ခွဲမှု အခြေအနေများကို စစ်ဆေးခြင်း၊ ဆန်လက်ကျန်၊ စပါးလက်ကျန်အခြေအနေများကို ကြည်ရှု့စစ်ဆေးခြင်း ဆန်၊ဆန်ကွဲတင်ပို့မှုကို မေးမြန်းခြင်းများပြုလုပ်ခဲ့ပြီး ဆန်စက်လုပ်ငန်းဖွံ့ဖြိုးတိုးတက်ရေးဆွေးနွေးခဲ့ကြောင်း သိရသည်။

DOCA(ဧရာဝတီ)