သတင်းနှင့် လှုပ်ရှားမှုများ

             အောက်တိုဘာလ ၂၁ ရက်နေ့ နံနက်(၀၉:၀၀) နာရီအချိန်တွင် စားသုံးသူရေးရာဦးစီးဌာန၊ လေးမျက်နှာမြို့နယ်တာဝန်ခံသည် မိတ်ဖက်ဌာနဆိုင်ရာများနှင့်ပူးပေါင်း၍ လေးမျက်နှာမြို့နယ်၊ အမှတ်(၁)ရပ်ကွက်နှင့် အမှတ်(၂)ရပ်ကွက်ရှိ ကုန်မျိုးစုံဆိုင်များတွင် ရောင်းချသောကုန်စည်များတွင်  ကုန်အညွှန်းအမှတ်အသားများ ပြည့်စုံမှန်ကန်စွာဖော်ပြခြင်းရှိ/ မရှိ  ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

           ထိုသို့ကွင်းဆင်းခဲ့ရာတွင် စားသုံးသူမိဘပြည်သူများ ဘေးအန္တရာယ်ကင်းရှင်းစေရန်အတွက် ဈေးကွက်အတွင်းရောင်းချနေသော ကုန်စည်များပေါ်တွင် ကုန်စည်အမျိုးအစားကိုလိုက်၍ ကုန်အညွှန်းအမှတ်အသားများ ပြည့်စုံမှန်ကန်စွာဖော်ပြခြင်းရှိ/ မရှိ၊ သက်ဆိုင်ရာဌာန၏ ထောက်ခံချက်ရှိ/ မရှိ တို့ကိုစစ်ဆေးခဲ့ပြီး၊ မြန်မာနိုင်ငံ စားသုံးသူကာကွယ်ရေးကော်မရှင်မှ ထုတ်ပြန်ကြော်ငြာထားသော ညွှန်းကြားချက်အမှတ် (၂/၂၀၁၉) နှင့် အညီ မြန်မာဘာသာဖြင့် ပြည်စုံစွာဖော်ပြထားသော ကုန်စည်များကိုသာရောင်းချကြရန်ဖြစ်ကြောင်းနှင့်   စီးပွားရေးလုပ်ငန်းရှင်များအနေဖြင့်ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့် စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့် သတ်မှတ်အရည်အသွေးပြည့်မီသော ကုန်စည်များကိုသာရောင်းချရန်၊ စားသုံးသူဥပဒေပါ စီးပွားရေးလုပ်ငန်းရှင်၏ တာဝန်များအကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်း စသည်တို့ကို အသိပညာပေးဆွေးနွေးခဲ့ပြီး၊ အရောင်းဆိုင်(၇)ဆိုင်အား ဈေးကွက်စောင့်ကြည့် စစ်ဆေးခြင်းများဆောင်ရွက်ခဲ့ကြကြောင်း သိရှိရပါသည်။

DOCA(ဧရာဝတီ)

   ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး၊  ဓနုဖြူဦးစီးမှူး ဦးဝင်းမင်းစိုးနှင့် ဝန်ထမ်းများသည် (၂၂.၁၀.၂၀၂၃) ရက်နေ့ နံနက်(၀၉:၃၀)နာရီအချိန်တွင် ဓနုဖြူမြို့ပေါ်ရှိ ဆေးမျိုးစုံ ရောင်းချသည့်နေသည့် ဆိုင်(၇)ဆိုင်တွင်  ရောင်းချနေသော ဆေးအမျိုးမျိုးအား  ကျန်းမာရေးဦးစီးဌာန၊ စည်ပင်သာယာရေး အဖွဲ့၊ တိုင်းရင်းဆေးပညာဦးစီးဌာနတို့နှင့်အတူ ပူးပေါင်း၍ ဈေးကွက်စောင့်ကြည့် စစ်ဆေးခဲ့ကြပါသည်။

    ကွင်းဆင်းစစ်ဆေးရာတွင် ဓနုဖြူမြို့ပေါ်ရှိ ပရိုတက်ဆေးဆိုင်၊ ခိုင်ဝါဆေးဆိုင်၊ သမာဓိဆေးဆိုင်၊ ဂန္ဓမာဆေးဆိုင်တို့မှ ရောင်းချနေသောဆေးဝါးများတွင် စားသုံးသူရေးရာဦးစီးဌာန၏ ညွှန်ကြားချက်အမှတ် ဖြစ်သော (၂/၂၀၁၉) နှင့် ကိုက်ညီမှု ရှိ/မရှိ၊ ကျန်းမာရေးဦးစီးဌာန၏ ခွင့်ပြုချက်၊ ထုတ်လုပ်ခွင့်ပြုချက်အမှတ် ပါဝင်မှု ရှိ/မရှိ။ တိုင်းရင်းဆေး ပညာဦးစီးဌာန၏ ခွင့်ပြုချက်အမှတ်ပါဝင်မှု ရှိ/မရှိ၊ စည်ပင်သာယာ နယ်နိမိတ်အတွင်း လုပ်ငန်းလိုင်စင် ရှိ/မရှိတို့ကို စစ်ဆေးခြင်းပြုလုပ်ခဲ့ရာ သတ်မှတ်ချက်နှင့် အညီရောင်းချ နေကြောင်း စစ်ဆေးတွေ့ရှိရသည်။ ဆေးအမျိုးမျိုး ရောင်းချသူလုပ်ငန်းရှင်များကို ဆေးဝါးပြတ်လပ်မှု ရှိ/မရှိ မေးမြန်းသည့်အခါ ဆီးချိုနှင့် ပတ်သက်သောဆေးများ၊ သွေးကျဆေးနှင့် ပတ်သက်သောဆေးများ၊ ပြတ်လပ်မှု မရှိသော်လည်း ဝယ်ယူရန် အတွက် ရက်အကန့်အသတ်စောင့်၍ လိုသလောက် ဝယ်ယူ၍ မရကြောင်း သိရသည်။ ဆိုင်ရှင်များကို ဆေးပြတ်လပ်မှုကို မစိုးရိမ်ရန်နှင့် ဆေးဝယ်ယူမှု အနည်းငယ်ကျန့်ကြာသော်လည်း ဆေးဈေးနှုန်းများကို  စားသုံးသူပြည်သူများအတွက် ဈေးနှုန်းမြှင့်တင်ရန် ရည်ရွယ်၍ ရောင်းချခြင်းမျိုး မရှိစေရန် အသိပေးပြောကြားပြီး ဈေးနှုန်းမြှင့်တင်ရောင်းချခြင်း ကိုစစ်ဆေးတွေ့ရှိပါက အရေးကြီး ကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်းကို ဆေးဆိုင်ပိုင်ရှင်များအား ရှင်းလင်းပြောကြားခဲ့ကြောင်း သိရှိရပါသည်။

DOCA(ဧရာဝတီ)

ပဲခူးတိုင်းဒေသကြီး၊ ပြည်ခရိုင်၊ ပန်းတောင်းမြို့နယ်ရှိ ဆေးနှင့်ဆေးပစ္စည်းအရောင်းဆိုင်များသို့ (၂၁-၁၀-၂၀၂၄)ရက်နေ့၊ နံနက်(၁၀:၀၀)နာရီအချိန်တွင် စားသုံးသူရေးရာဦးစီးဌာန၊ ပန်းတောင်းမြို့နယ်တာဝန်ခံ ဒေါ်သန်းသန်းအေးနှင့် ဝန်ထမ်းများသည် အခြားမိတ်ဖတ်ဌာနဆိုင်ရာများဖြစ်သော ဆေးရုံအုပ်ကြီး ဒေါက်တာသန်းထိုက်စိုးနှင့် ဆရာမများ၊ အထွေထွေအုပ်ချုပ်ရေးဦးစီး ဌာနမှ ဒေါ်မေသဇင်ဦး (ဒု-ဦးစီးမှူး)၊ မြန်မာနိုင်ငံရဲတပ်ဖွဲ့မှူးရုံးမှ ဒု-ရဲအုပ် ဖြူစင်သင်း၊ မြို့နယ် စည်ပင်သာယာရေးအဖွဲ့မှ ဈေးတာဝန်ခံဦးနေလင်း စသ့အဖွဲ့ဖြင့် ကွင်းဆင်းဆောင်ရွက်ခဲ့ပါသည်။
ထိုသို့ဆေးဆိုင်များသို့ ကွင်းဆင်းဆောင်ရွက်ရာတွင် မြန်မာ(Register) ပါရှိမှုရှိ/ မရှိ၊ သက်တမ်းလွန်ဆေးများရှိ/ မရှိ၊ စပ်ဆေးများရောင်းချမှုရှိ/ မရှိနှင့် သုံးရာသီအမှတ်တံဆိပ် ကိုယ်ပူချောင်းဆိုး၊ နှာဆေးပျောက်ဆေး၊ အကြောပြေတံဆိပ်ဖြင့် အကိုက်အခဲပျောက်ဆေး၊ ချောင်းဆိုးတံဆိပ်ဖြင့် ပန်းနာရင်ကြပ်ပျောက်ဆေး၊ အရိုးအကြောအဆစ်အမြစ်ကိုက်ခဲခြင်းများအတွက် မှင်ရောဂါပျောက်ကင်းသော ဆေးများရောင်းချမှုရှိ/ မရှိ ကွင်းဆင်းစစ်ဆေးခြင်းများဆောင်ရွက်ခဲ့ရာ ရောင်းချမှုမရှိပါကြောင်းနှင့် ဆေးနှုန်းအဆမတန်ရောင်းချမှုများမရှိကြောင်း၊ သက်တမ်းလွန်ဆေးဝါးများလည်းမရှိကြောင်း အထူးဈေးကွက်စောင့်ကြည့်စစ်ဆေးခြင်းများဆောင်ရွက်ခဲ့ပါသည်။
DOCA(ပဲခူး)

    မအူပင်ခရိုင်၊ ပန်းတနော်မြို့နယ် စားသုံးသူရေးရာဦးစီးဌာန၊ ကျန်းမာရေးဦးစီးဌာန၊ စည်ပင်သာယာရေးအဖွဲ့နှင့် တိုင်းရင်းပညာဦးစီးဌာနတို့သည် (၂၁.၁၀.၂၀၂၄) ရက်နေ့ နေ့လယ် (၁၂:၀၀) အချိန်က ပန်းတနော် အနောက်ပိုင်းရပ်ကွက်ရှိ ဆေးမျိုးစုံရောင်းချနေသော ဆေးဆိုင်(၇)ဆိုင်အား စားသုံးသူဘေးအန္တရာယ်ကင်းရှင်းစွာ သုံးစွဲနိုင်ရေး၊ ကုန်ဈေးနှုန်းတည်ငြိမ်စေရေး၊ ဆေးဝါးပြန်လပ်မှုမရှိစေရေးအတွက် ပူးပေါင်းအဖွဲ့ဖြင့် လစဉ် ဈေးကွက်စောင့်ကြည့်စစ်ဆေးလျက်ရှိကြောင်း သိရသည်။

     ကွင်းဆင်းစစ်ဆေးရာတွင် ဂွမ်းလေးဆေးဆိုင်၊ ခင်မောင်ထွန်းဆေးဆိုင်၊ အေးမေတ္တာ ဆေးဆိုင်၊ ချမ်းစိမ့်ဆေးဆိုင် တို့တွင် ဆေးများ ပြတ်လပ်မှု ရှိ/မရှိကို မေးမြန်းခြင်း၊ ဆေးဝါးများတွင် စနစ်တကျ ဆေးဝါးမှတ်ပုံတင်အမှတ် ပါဝင်မှု ရှိ/မရှိ။ တိုင်းရင်းဆေးပညာဌာန၏ ခွင့်ပြုချက် ပါဝင်မှု ရှိ/မရှိ၊ စားသုံးသူရေးရာဦးစီးဌာန ကုန်အညွှန်းအမှတ်အသားဖော်ပြချက် ဥပဒေပါအခန်း(၁၈)နှင့် ကိုက်ညီမှု  ရှိ/မရှိတို့ကို စစ်ဆေးခဲ့ကြသည်။ ဆေးရောင်းချသူလုပ်ငန်းရှင်များကို ပူးပေါင်းစစ်ဆေးရေးအဖွဲ့မှ စပ်ဆေးအန္တရာယ်သတိထား၍ ကျောက်ကပ်ပျက်စီးလွယ်၍ မရောင်းချရန် ၊ စားသုံးသူပြည်သူများကို မလိုအပ်ပဲ အကိုက်အခဲပျောက်ဆေးမသောက်စေရန် ဆရာဝန်ညွှန်ကြားချက်ဖြင့်သာ သောက်သုံးရန်ပညာပေးခြင်း၊ Date ကျော်သောဆေးဝါးများကို ဘယ်အရာမှ မသုံးသင့်မရောင်းချသင့်ကြောင်း၊ သတ်မှတ်ချက် တားမြစ်ချက်များကို လိုက်နာဆောင်ရွက်ရန် လိုက်နာဆောင်ရွက်ခြင်းမရှိပါက သက်ဆိုင်ရာဌာနတို့ ဥပဒေအရ မရေးယူမည်ဖြစ်ပြီး၊ အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်းကို ဆေးဆိုင်ပိုင်ရှင်များအား ရှင်းလင်းပြောကြား ခဲ့ကြောင်း သိရှိရပါသည်။

DOCA(ဧရာဝတီ)

      ၂၀၂၄ ခုနှစ်၊ အောက်တိုဘာလ ၂၃ ရက်နေ့၊ နံနက် (၁၀:၀၀)နာရီအချိန်တွင် ထားဝယ်အထူးစီးပွားရေးဇုန် ၁၃/၂၀၂၄-၂၀၂၅ MC+OSSC အစည်းအဝေးအား Online Virtual ဖြင့် ကျင်းပခဲ့ရာ တနင်္သာရီတိုင်းဒေသကြီး၊ စားသုံးသူရေးရာဦးစီးဌာနမှ တိုင်းဒေသကြီးဦးစီးမှူးမှ တက်ရောက်ခဲ့ပါသည်။

     အစည်းအဝေးတွင် ထားဝယ်အထူးစီးပွား‌ရေးဇုန်စီမံခန့်ခွဲမှုကော်မတီ ဥက္ကဋ္ဌမှ အဖွင့်အမှာစကားပြောကြားခြင်း၊ ယခင်အစည်းအဝေးမှတ်တမ်း ၁၂/၂၀၂၄-၂၀၂၅ အားအတည်ပြုခြင်း၊ OSSC အဖွဲ့ဝင်များမှ တစ်လတာအတွင်း မိမိတို့ဌာနအလိုက် ဆောင်ရွက်မှုများအား အသီးသီးတင်ပြခြင်း၊ OSSC အဖွဲ့ခေါင်းဆောင်မှ OSSC လုပ်ငန်းများအား ဖြည့်စွက်ဆွေးနွေးခြင်း၊ အစည်းအဝေးတက်ရောက်သူများမှ သိရှိလိုအသည်များနှင့် လိုအပ်သည်များအား အထွေထွေဆွေးနွေးခြင်းများနှင့် အစည်းအဝေးဆုံးဖြတ်ချက်များ ချမှတ်ကာ ထားဝယ်အထူးစီးပွား‌ရေးဇုန်စီမံခန့်ခွဲမှုကော်မတီ ဥက္ကဋ္ဌမှ နိဂုံးချုပ်အမှာစကားပြောကြားခဲ့ကာ အစည်းအဝေးအား နေ့လယ် (၁၂း၃၀)အချိန်တွင် ပြီးမြောက်ခဲ့ကြောင်း  သိရှိရပါသည်။

DOCA(တနင်္သာရီ)