သတင်းနှင့် လှုပ်ရှားမှုများ

    စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ပင်ခရိုင်ဦးစီးမှူးရုံးသည် ၆.၅.၂၀၂၄ ရက်နေ့၊ နံနက်(၁၀:၀၀) အချိန်တွင် တိုင်းဒေသကြီးဦးစီးမှူးရုံး ပုသိမ်မြို့၏ ဦးဆောင်ကျင်းပပြုလုပ်သော လစဉ်လုပ်ငန်းညှိနှိုင်းအစည်းအဝေးကို Zoom Meeting ဖြင့် ဆွေးနွေးဆောင်ရွက်ခြင်းကို တက်ရောက်ဆွေးနွေးခဲ့ပါသည်။

     အဆိုပါလုပ်ငန်းညှိနှိုင်းအစည်းအဝေးတွင် တိုင်းဒေသကြီးဦးစီးမှူးက လုပ်ငန်းစဉ်(၆)ရပ်ဖြင့် ခရိုင်များသို့ ရှင်းလင်းဆွေးနွေးခဲ့ပြီး၊ စီမံရေးရာနှင့်ပတ်သက်၍ ရှင်းလင်းချက်(၃)ချက် ဝန်ထမ်းရေးရာကိစ္စ၊ ပြည်တွင်းကုန်သွယ်မှုကိစ္စ၊ အထူးကိစ္စရပ်များကို အကျယ်တဝင့် ရှင်းလင်းခဲ့ပါသည်။ မိုးလေဝသသတင်းများကို စောင့်ကြည့်ရန်၊ ပျက်ဆီးလွယ်နိုင်သော သိုလှောင်ရုံ၊ အဆောက်အဦများ ရှိပါက အချိန်နှင့် တပြေးညီသတင်းပို့ရန်၊ လုပ်ငန်းလမ်းညွှန်ချက်များကို ကြည့်ရှုစစ်ဆေးဆောင်ရွက်ရန်၊၊ လက်အောက်ဝန်ထမ်းများ အခက်အခဲရှိပါက ကူညီဖြေရှင်း ဆောင်ရွက်ပြီး၊ ဖြေရှင်းဆောင်ရွက်ရန် အခက်အခဲရှိပါက အထက်အဆင့် ဆင့်သို့ တင်ပြပြီး ကူညီဖြေရှင်း ဆောင်ရွက်ပေးသွားမည်ဖြစ်ကြောင်း၊ ထူးခြားဖြစ် စဉ်များရှိပါက အဆင့်ဆင့် တင်ပြအကြောင်းကြားရန်မှာကြား ဆွေးနွေးခဲ့သည်။

     ဆက်လက်၍ ပုသိမ်ခရိုင်မှ လုပ်ငန်းဆောင်ရွက်ပြီးစီးမှု လျာထား/အမှန်ဆောင်ရွက်နိုင်မှု လုပ်ငန်းအခြေအနေများကို Power Point ဖြင့် ရှင်းလင်းတင်ပြခြင်း၊ ဟင်္သာတခရိုင်၊ မြောင်းမြခရိုင်၊ မအူပင်ခရိုင်၊ ဖျာပုံခရိုင် အသီးသီးမှ ခရိုင်ဦးစီးမှူးများမှ လုပ်ငန်းဆောင်ရွက်မှု အခြေအနေများကို ရှင်းလင်းတင်ပြခဲ့ကြပါသည်။ တိုင်းဒေသကြီးဦးစီးမှူးမှ နိဂုံးချုပ်အနေဖြင့် ဝန်ထမ်းများ စုပေါင်းစည်းရုံး ဆောင်ရွက်မှုဖြင့် လုပ်ငန်းအောင်မြင်အောင် ကြိုးပမ်းဆောင်ရွက်ရန် မှာကြားခဲ့ပါသည်။

DOCA(ဧရာဝတီ)

    စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်ဦးစီးမှူးရုံး၊ ပန်းတနော်မြို့နယ် ဦးစီးမှူးရုံး တာဝန်ရှိသူ ခရိုင်ဦးစီးမှူး ဦးဇော်မင်းနှင့် ဝန်ထမ်းများသည် (၆.၅.၂၀၂၄) ရက်နေ့၊နံနက် (၁၀:၀၀) အချိန်က မြို့နယ် ပူးပေါင်းစစ်ဆေးရေးအဖွဲ့နှင့်အတူ ပန်းတနော်မြို့ပေါ်ရှိ စားအုန်းဆီ အရောင်းဆိုင်(၈) ဆိုင်သို့ သွားရောက်၍ ကွင်းဆင်းစစ်ဆေးဆောင်ရွက်ခြင်း ပြုလုပ်ခဲ့ကြသည်။

   မအူပင်ခရိုင်ဦးစီးမှူး ဦးဇော်မင်းသည် မိတ်ဖက်ဌာနများနှင့် ပူးပေါင်း၍  ပန်းတနော်မြို့ ဈေးကွက်အတွင်းရောင်းချနေသော စားအုန်းဆီများနှင့်ပတ်သက်၍ FDA ဌာနသက်ဆိုင်ရာ ထောက်ခံချက်မပါသော ဆီဘူးများ၊ ကုန်အညွှန်းအမှတ်အသား ဖော်ပြချက်မပါဝင်သော ကုန်စည်များ၊ ရောင်းချခြင်း ရှိ/ မရှိနှင့် ဆီရောင်းချသူလုပ်ငန်းရှင်များအား စားအုန်းဆီ အခြေခံလက်ကားရည်ညွှန်းဈေးနှုန်းဖြင့်ရောင်းချရန်၊ ပြည်တွင်းဈေးကွက်အတွင်း ဈေးနှုန်းမြင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းများပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက် ခံရမည်ဖြစ်ကြောင်း၊ အခြေခံလက်ကားရည်ညွှန်းဈေးနှုန်းများကို စားသုံးသူရေးရာဦးစီးဌာန၏ website , facebook Page နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တွင် ဝင်ရောက်ကြည့်ရှုနိုင်ကြောင်း ပြောကြားခဲ့သည်။

DOCA(ဧရာဝတီ)

    စားသုံးသူရေးရာဦးစီးဌာန၊ အင်္ဂပူမြို့နယ်တာဝန်ခံသည် (၃.၅.၂၀၂၄)ရက်နေ့ ၊နံနက်(၁၀:၃၀) အချိန်တွင် အင်္ဂပူမြို့နယ်၊ ကံဦးရွာ၊ ကံဦးအုပ်စုရှိ “ရွှေသီဟ”ပဲချောင်းလုပ်ငန်းအား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

   ထိုသို့ကွင်းဆင်းခဲ့ရာတွင် မြို့နယ်တာဝန်ခံ ဦးဘိုဘိုက စားသုံးသူမိဘပြည်သူများ ဘေးအန္တရာယ် ကင်းရှင်းစွာအသုံးပြုနိုင်စေရန်၊  ထုတ်ကုန်များ လုံခြုံစိတ်ချရမှုရှိစေရန်၊  ထုပ်ပိုးသည့် ကုန်စည်ပေါ်တွင် ကုန်စည်၏အမျိုးအမည်၊ အသားတင်ပမာဏ၊ ထားသိုသိမ်းဆည်းမှု အညွှန်းများအား မြန်မာဘာသာဖြင့် ဖော်ပြရန်နှင့်  ကုန်စည်များပေါ်တွင် ကုန်စည်အမျိုးအစားကိုလိုက်၍ ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြခြင်းရှိ/မရှိ တို့ကိုစစ်ဆေးခဲ့ပြီး၊ သတ်မှတ်အရည်အသွေး ပြည့်မီသော ကုန်စည်များကိုသာရောင်းချရန်၊ စီးပွားရေးလုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှု ရှိစေရေးနှင့် စားသုံးသူဥပဒေပါ စီးပွားရေးလုပ်ငန်းရှင်၏ တာဝန်များအကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်း စသည်တို့ကို အသိပညာပေးဆွေးနွေးခဲ့ပြီး၊ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်းသိရှိ ရပါသည်။

DOCA(ဧရာဝတီ)

     စားသုံးသူရေးရာဦးစီးဌာန ဟင်္သာတခရိုင်ဦးစီးမှူးနှင့် ဝန်ထမ်းများသည် ဟင်္သာတမြို့နယ်၊ တာငါးဆယ်(မ)ရပ်ကွက်၊ဈေးကလေးလမ်းရှိ စားသုံးသူရေးရာဦးစီးဌာနရုံး၌ ဆီလုပ်ငန်းရှင်(၆၀) ဦးအား (၂၈.၄.၂၀၂၄)ရက်နေ့ ၊နံနက် (၁၀:၀၀) နာရီအချိန်တွင် စားသုံးသူကာကွယ်ရေး အသိပညာပေးဟောပြောခြင်း ဆောင်ရွက်ခဲ့ပါသည်။

     ဟောပြောပွဲတွင် ခရိုင်ဦးစီးမှူး ဦးဇော်မင်းက စီးပွားရေးလုပ်ငန်းရှင်များအနေဖြင့် ထုတ် ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့် သတ်မှတ်အရည်အသွေး ပြည့်မီသော ကုန်စည် များကိုသာရောင်းချရန်၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များအကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်း၊ စားသုံးဆီရောင်းချသော လုပ်ငန်းရှင် များအနေဖြင့် ဈေးနှုန်းမြှင့်တင်ရောင်းချမှုမရှိစေရေး၊ ဈေးကွက်အတွင်းဈေးနှုန်းမြှင့်တင် ရောင်းချခြင်းများတွေ့ရှိပါက စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော  အရေးကြီးကုန်စည်နှင့်ဝန်ဆောင်မှုဥပဒေပါ ပြစ်မှုပြစ်ဒဏ်များအရ အရေးယူဆောင်ရွက်နိုင်သည့်အကြောင်းတို့ကို အသိပညာပေးဟောပြောခဲ့ပြီး ဆီလုပ်ငန်းရှင်များဘက်မှလည်း သိလိုသည်များ မေးမြန်း၍ အပြန်အလှန် ဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

          စားသုံးသူရေးရာဦးစီးဌာန၊ ဇလွန်မြိုု့နယ်တာဝန်ခံသည်  ဇလွန်မြို့နယ်၊ လမ်းမတော်(မ) ရပ်ကွက်၊ပုပ္ပါးလမ်းရှိ ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံး၌ ပြန်/ဆက်ရုံး ဝန်ထမ်းများ၊ လူမှုကယ်ဆယ်ရေးနှင့် ပြန်လည်နေရာချထားရေးဦးစီးဌာန ဝန်ထမ်းများ၊ ပညာရေးဌာနမှ ဝန်ထမ်းများအား (၃.၅.၂၀၂၄)ရက်နေ့ နံနက်(၁၁:၀၀)အချိန်တွင် စားသုံးသူကာကွယ်ရေး အသိပညာပေး ဟောပြောခြင်းများကို ဆောင်ရွက်ခဲ့ပါသည်။

     ဟောပြောပွဲတွင် ဇလွန်မြို့နယ်တာဝန်ခံ ဦးသန့်ဇင်ဦးက စားသုံးသူရေးရာဦးစီးဌာန၏ လက်ရှိဆောင်ရွက်နေသော စားသုံးသူကာကွယ်ရေးဆိုင်ရာလုပ်ငန်းတာဝန်များအကြောင်း ရှင်းလင်းဆွေးနွေးခြင်း၊ စားသုံးသူရေးရာဦးစီးဌာန၏ သမိုင်းအကျဉ်း၊ မျှော်မှန်းချက်၊ ရည်မှန်းချက်များအကြောင်း၊ စားသုံးသူကာကွယ်ရေးဥပဒေပါ စားသုံးသူ၏ အဓိပ္ပါယ်ဖွင့်ဆိုချက်၊ စားသုံးသူ အခွင့်အရေးနှင့်တာဝန်များ၊ စားသုံးသူများသည် ကုန်စည်ကို ရွေးချယ်ဝယ်ယူတတ်စေရန်၊ ကုန်အညွှန်း အမှတ်အသားနှင့် စပ်လျဉ်း၍ ဖော်ပြပါရှိသည့် အချက်အလက်များကို သေချာစွာစိစစ်ဝယ်ယူနိုင်ရန်၊ အစားအသောက်နှင့် ကုန်စည်တွေပေါ်မှာ ဖော်ပြရမည့် ကုန်အညွှန်းအမှတ်အသားများအကြောင်း၊ ဝယ်ယူအသုံးပြုခဲ့သော ကုန်စည်နှင့် ဝန်ဆောင်မှုများကြောင့် နစ်နာဆုံးရှုံးမှုများ ဖြစ်ပေါ်လာပါက ပြောဆိုတင်ပြတိုင်ကြားခွင့်နှင့် ပြန်လည်ကုစားနိုင်ခွင့်များအကြောင်း၊  ပြစ်မှုနှင့် ပြစ်ဒဏ်များ အကြောင်းနှင့် စားသုံးသူသတင်း ပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ (Consumer Information and Complaint Center) CICC ဖွင့်လှစ်ထားရှိမှု အခြေအနေ ကိုလည်ကောင်း၊ စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များအကြောင်း သိရှိလိုပါက www.doca.gov.mm Website တွင် ဝင်ရောက်လေ့လာနိုင်ကြောင်းနှင့် Consumer Call Center 1535 သို့ ဆက်သွယ်မေးမြန်းနိုင်ကြောင်းကိုလည်းကောင်းစသည်တို့ကို အသိပညာပေးဟောပြော ဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)