သတင်းနှင့် လှုပ်ရှားမှုများ

      ၂၀၂၄ ခုနှစ်၊ အောက်တိုဘာလ (၁၅) ရက်နေ့၊ နေ့လယ် (၁၃:၀၀) နာရီအချိန်တွင် စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ စစ်ဆေးရေးမှူးနှင့် ဝန်ထမ်းများသည် ကျိုင်းတုံမြို့၊ ရပ်ကွက်(၁)နှင့် ရပ်ကွက်(၄)အတွင်းရှိ ဆန်ဆိုင်များအား ဆန်သိုလှောင်ထားရှိမှု၊ ဆန်လက်ကျန်အခြေအနေနှင့် သင့်တင့်မျှတသောဈေးနှုန်းများဖြင့် ရောင်းချနိုင်ရေးအတွက် ကွင်းဆင်း စစ်ဆေးခြင်း ဆောင်ရွက်ခဲ့ပါသည်။

      ထိုသို့ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ရာတွင် ကျိုင်းတုံမြို့၊ ရပ်ကွက်(၁)နှင့် ရပ်ကွက်(၄)အတွင်းရှိ ဆန်ဆိုင်များတွင် ဧည့်မထ(ဒေသဆန်)၊ ဧည့်မထ(နှံကောက်ဆန်)နှင့် ပေါ်ဆန်းမွှေးများကို အဓိကရောင်းဝယ်မှုပြုကြသည်ကို တွေ့ရှိရပါသည်။ ထို့နောက် စစ်ဆေးရေးမှူးများမှ ဆန်ဆိုင်ပိုင်ရှင်များအား သင့်တင့်မျှတသောဈေးနှုန်းများဖြင့် ရောင်းဝယ်မှုပြုကြရန်၊ ဈေးကစားရန်အလို့ငှာ သိုလှောင်ခြင်းများမပြုကြရန်၊ ဆန်တန်ချိန်(၅၀)ဆံ့သိုလှောင်ရုံများအား MyRo တွင် မှတ်ပုံတင်ဆောင်ရွက်ကြရန်နှင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာ ဦးစီးဌာနမှ သင့်တင့်မျှတသော ဈေးနှုန်းဈေးကွက်ထုတ်ပြန်ချက်များကို လိုက်နာဆောင်ရွက်ရန် အသိပညာပေး ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

DOCA(ရှမ်း)

     ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်၌ ၂၁.၁၀.၂၀၂၄ နေ့၊နံနက်ပိုင်းက စားသုံးဆီ/ စားအုန်းဆီရောင်းချသောဆိုင်များအား ဈေးနှုန်းတည်ငြိမ်ရေး သတ်မှတ်ရည်ညွှန်းဈေး၊ ကုန်အညွှန်းအမှတ်အသားဖော်ပြခြင်းနှင့် သက်ဆိုင်ရာဌာနထောက်ခံချက်ပါဝင်မှုရှိ/မရှိအား ပူးပေါင်းအဖွဲ့ဖြင့် လစဉ် ဦးစားပေးကုန်စည်(၁၀)မျိုးအား ဈေးကွက်စောင့်ကြည့်စစ်ဆေးခဲ့သည်။

အဆိုပါ စျေးကွက်စောင့်ကြည့်စစ်ဆေးခြင်းကို မအူပင်မြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံတာဝန်ရှိသူ အသီးသီးတို့က စျေးကွက်အတွင်း ရောင်းချနေသော စားသုံးဆီအမျိုးမျိုးတွင် ကုန်အညွှန်းအမှတ်အသားပြည့်စုံစွာ ဖော်ပြခြင်း ရှိ/မရှိ၊ သက်ဆိုင်ရာဌာနများ၏ ခွင့်ပြုချက်ပါရှိသော ဗူးသွပ်ဆီရောင်းချခြင်း ရှိ/မရှိ နေ့စဉ် သတ်မှတ်ရည်ညွှန်းဈေး ဗီနိုင်းချိတ်ဈေးနှုန်းဖော်ပြ၍  ရောင်းချနေမှု ရှိ/မရှိတို့အား ဈေးကွက်စောင့်ကြည့်စစ်ဆေးရာ သတ်မှတ်ချက်နှင့် ကိုက်ညီသော သက်ဆိုင်ရာဌာနများမှ ခွင့်ပြုထားသော ဆီများကိုသာ မအူပင်စျေးကွက်အတွင်း ရောင်းချနေကြောင်း စစ်ဆေးတွေ့ရှိရကြောင်း သိရသည်။  ပူးပေါင်းစစ်ဆေးရေးအဖွဲ့မှ လုပ်ငန်းရှင်များကို ဆီများရောင်းချရာတွင် သတ်မှတ်ရက်အတွင်း သတ်မှတ်ချက်များအတိုင်း စားသုံးသူပြည်သူများ စနစ်တကျဝယ်ယူနိုင်ရေးကို ဆောင်ရွက်ရန် ကုန်စည်များအား ဈေးကွက်ကစားလိုသော ရည်ရွယ်ချက်ဖြင့် သိုလှောင်ခြင်း၊ ရောင်းချခြင်းများ မပြုလုပ်ကြရန် အသိပညာပေးဆွေးနွေးကာ လက်ကမ်းစာစောင်များ ဖြန့်ဝေခဲ့ကြောင်း သိရှိရသည်။

DOCA(ဧရာဝတီ)

     စားသုံးသူရေးရာဦးစီးဌာန၊ မအူပင်ခရိုင်၊ ပန်းတနော်မြို့နယ်ရှိ တာဝန်ရှိသူများသည် မြို့နယ် ပူးပေါင်းစစ်ဆေးရေးအဖွဲ့နှင့်အတူ ၂၀၂၄-၂၀၂၅ဘဏ္ဍာနှစ် ရုံးချုပ်မှ လမ်းညွှန်ထားသော ဦးစားပေး ကုန်စည် (၁၀)မျိုးအား လစဉ် ဈေးကွက်စောင့်ကြည့်စစ်ဆေးရန်  ဆောင်ရွက်နေရာ ပန်းတနော်မြို့တွင် ရောင်းချနေသော စားသုံးဆီအမျိုးမျိုးကို ဈေးကွက်စောင့်ကြည့်စစ်ဆေးခြင်းလုပ်ငန်းကို ၂၁၊၁၀၊၂၀၂၄ ရက် နံနက် (၀၉:၃၀)  နာရီခွဲ အချိန်က ပန်းတနော်မြို့နယ် စားသုံးဆီရောင်းချသော ကုန်စုံဆိုင်များကို စျေးကွက်စောင့်ကြည့်စစ်ဆေးခြင်းများ  ကွင်းဆင်းစစ်ဆေးခဲ့ကြောင်း သိရသည်။

     ထိုသို့ကွင်းဆင်းစစ်ဆေးရာတွင် စားသုံးသူရေးရာဦးစီးဌာန၊ ပန်းတနော် မြို့နယ်တာဝန်ခံနှင့် မြို့နယ်စည်ပင်သာယာရေးအဖွဲ့တို့ဖြင့် ပန်းတနော်မြို့ပေါ်ရှိ စျေးကွက်အတွင်း ရောင်းချနေသော စားသုံးဆီ အမျိုးမျိုးနှင့် စပ်လျဥ်း၍ စျေးကွက်စောင့်ကြည့်စစ်ဆေးခဲ့ရာ  ညွှန်ကြားချက်အမှတ် (၂/၂၀၁၉) နှင့် (၁/၂၀၂၁) ကုန်အညွှန်းအမှတ်အသားများ ကို မြန်မာ ဘာသာဖြင့် ပြည့်စုံစွာ ဖော်ပြထားသော ဆီဗူးများ၊ ထင်ရှားသော၊ ကုန်စည်အမျိုးအမည်တိကျစွာဖော်ပြခြင်း၊ အလေးချိန်ယူနစ် ဖော်ပြမှုတို့ကို စစ်ဆေးခဲ့ပြီး၊ စားအုန်းဆီများကို သတ်မှတ်ရည်ညွှန်းဈေး နေ့စဉ်ဈေးနှုန်းဖော်ပြ၍ ဗီနိုင်းချိတ်ဆွဲကာ သတ်မှတ်ချက်အတိုင်း ရောင်းချနေကြောင်း တွေ့ရှိရသည်။  ဆီအမျိုးမျိုး ရောင်းချနေသော လုပ်ငန်းရှင်များကို ယခုအချိန်တွင် စားသုံးသူပြည်သူများ စားဆီများကို ဝယ်ယူနိုင်ရန် စားအုန်းဆီ ဝယ်ယူခွင့်စာအုပ်ဖြင့် လာရောက်ဝယ်ယူပါက သတ်မှတ်ရက်အတွင်း အဆင်ပြေစွာ ရောင်းချပေးနိုင်ရန်၊ တစ်လအတွင်း သုံးကြိမ်ထုတ်ရန် သတ်မှတ်ထားသော်လည်း တစ်လအတွင်း ၁ပိဿာ ၅၀လုံး အပြည့်အဝ ထုတ်ယူနိုင်ရန်၊ လာရောက်ထုတ်ယူသောရက် သတ်မှတ်ရည်ညွှန်းဈေးဖြင့် ရောင်းချပေးနိုင်ကြောင်းကိုလည်းကောင်း၊ တစ်လအတွင်းမထုတ်ယူပါက  နောက်လအတွင်းသာ ထုတ်ယူခွင့်မရှိကြောင်းကိုလည်းကောင်း လုပ်ငန်းရှင်များ သိရှိနားလည်နိုင်ရန် စားသုံးသူပြည်သူများအခက်အခဲမရှိနိုင်စေရန်အတွက် အသိပညာပေး စစ်ဆေးဆောင်ရွက်ခဲ့ကြောင်း သိရပါသည်။

DOCA(ဧရာဝတီ)

     ဧရာဝတီတိုင်းဒေသကြီး၊ ဖျာပုံခရိုင် စားသုံးသူရေးရာဦးစီးဌာနမှ မြို့နယ်တာဝန်ခံ (စစ်ဆေးအရာရှိ) ဦးမင်းဇော်နှင့်ဝန်ထမ်းတို့သည် ၂၀၂၄ ခုနှစ်၊ အောက်တိုဘာလ(၁၅) ရက်နေ့၊ နံနက် (၁၀:၃၀) နာရီအချိန်တွင် စည်ပင်သာယာရေးအဖွဲ့နှင့် ပူးပေါင်း၍ ဖျာပုံမြို့၊ မြို့မဈေးကြီးအတွင်း ရောင်းချနေသော ကုန်မျိုးစုံဆိုင်များရှိ ခေါက်ဆွဲထုပ်၊ ကြာဇံထုပ်များတွင် ကုန်အညွှန်းအမှတ်အသား ပြည့်စုံမှုရှိ/မရှိ ကွင်းဆင်းစစ်ဆေးခဲ့ကြပါသည်။

   အဆိုပါကွင်းဆင်းစစ်ဆေးရာတွင် မြို့နယ်တာဝန်ခံ ဦးမင်းဇော်က မြို့မဈေးကြီးအတွင်း ရောင်းချနေသော ကုန်မျိုးစုံဆိုင်များရှိခေါက်ဆွဲထုပ်၊ ကြာဇံထုပ်များတွင် ကုန်ပစ္စည်း အမျိုးအမည်၊ ထုတ်လုပ်သည့်ရက်စွဲ ၊ သက်တမ်းကုန်ဆုံးသည့်ရက်စွဲ၊ ပါဝင်ပစ္စည်း၊ အလေးချိန်ဖော်ပြထားရှိမှု (ကျပ်သား)၊ FDA ထောက်ခံချက်များ ပြည့်စုံစွာပါဝင်မှုရှိ/မရှိ၊ ထားသိုသိမ်းဆည်းပုံ အညွှန်းများ ပြည့်စုံစွာ ဖော်ပြထားခြင်းရှိ/မရှိတို့ကို ကွင်းဆင်းစစ်ဆေးခဲ့ကြပါသည်။ထို့နောက် မြို့နယ်တာဝန်ခံမှ ရောင်းချနေသော ကုန်မျိုးစုံ ဆိုင်ပိုင်ရှင်များအား ကုန်အညွှန်းအမှတ်အသားနှင့် FDA ထောက်ခံချက်များ ပြည့်စုံစွာ ဖော်ပြထားသော ကုန်စည်များကိုသာ ရောင်းချကြရန် အသိပညာပေး ဆွေးနွေးခဲ့ကြောင်း ကွင်းဆင်းစိစစ်ခဲ့မှုအရ သတင်းရရှိပါသည်။

DOCA(ဧရာဝတီ)

        တနင်္သာရီတိုင်းဒေသကြီး ကော့သောင်းခရိုင်ဦးစီးမှူးရုံးမှ ဝန်ထမ်းများ သည် (၁၅.၁၀.၂၀၂၄) ရက်နေ့ နေ့လယ်(၁၄:၀၀)နာရီအချိန်တွင် ကော့သောင်းမြို့ Bear အမှတ်တံဆိပ်ဖြင့်ထုတ်လုပ်ဖြန့်ဖြူးရောင်းချနေသော သောက်ရေသန့်လုပ်ငန်းအား ကွင်းဆင်းစစ်ဆေးခဲ့ပါသည်။

      စားသုံးသူရေးရာဦးစီးဌာန ကော့သောင်းခရိုင်ဦးစီးမှူး ဒေါ်မြသီတာ(ဦးစီးအရာရှိ)သည် Bear အမှတ်တံဆိပ်ဖြင့် ထုတ်လုပ်နေသည့် သောက်ရေသန့်စက်ရုံလုပ်ငန်းလည်ပတ်မှုအခြေအနေတို့အား လိုက်လံစစ်ဆေးခြင်း၊ စားသုံးသူကာကွယ်ရေးဥပဒေပါ (၂/၂၀၁၉) အခန်း (၁၈)တွင် ဖော်ပြပါရှိရမည့် ကုန်အညွှန်းအမှတ်သားများနှင့် ပြည့်စုံစွာထုတ်လုပ်ရန်နှင့် ကုန်အညွှန်းအမှတ်အသားပြည့်စုံစွာရှိပါက သက်ဆိုင်ရာဦးစီးမှူးရုံးသို့ လာရောက်လျှောက်ထားရန်နှင့် မည်သည့်အခွန်အခမှ ပေးဆောင်ရန်မလိုအပ်ကြောင်း စသည်တို့ ကိုဆွေးနွေးပြောကြားခဲ့ကြောင်း သိရှိရပါသည်။

DOCA(တနင်္သာရီ)