သတင်းနှင့် လှုပ်ရှားမှုများ

စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ပဲခူးတိုင်းဒေသ ကြီး ဦးစီးမှူးရုံးမှ စားသုံးသူရေးရာဌာနခွဲတာဝန်ခံ ဦးစိုးမိုး၊ ထုတ်ကုန်လုံခြုံစိတ်ချရမှု ဌာနခွဲတာဝန်ခံ ဦးကျော်ဆန်းဝင်းနှင့်အဖွဲ့သည် (၁၄.၁၀.၂၀၂၄) ရက်နေ့၊ နံနက် (၁၀:၃၀) အချိန်တွင် ပဲခူးမြို့နယ်အတွင်းရှိ အလှကုန်ပစ္စည်းများ၊ အဝတ်အထည်များ၊ ဖန်စီပစ္စည်းများအား ရောင်းချလျက်ရှိသော လုပ်ငန်းရှင်များနှင့် မြို့နယ်အတွင်းရှိ MSMES လုပ်ငန်းရှင်များအား ONLINE စနစ်ဖြင့် ရောင်းချခြင်းနှင့် ပတ်သက်၍ အသိပညာပေး ဟောပြောဆွေးနွေးခဲ့ပါသည်။
အဆိုပါ ဟောပြောဆွေးနွေးမှုတွင် ဦးစိုးမိုး (ဦးစီးအရာရှိ)မှ အွန်လိုင်းစနစ်ဖြင့် ရောင်းချခြင်းဆိုသည်မှာ ကုန်စည်သော်လည်းကောင်း၊ ဝန်ဆောင်မှုကိုလည်းကောင်း ONLINE မှတစ်ဆင့်ရောင်းချခြင်းကိုဆိုလိုကြောင်း၊ အွန်လိုင်းစနစ်ဖြင့် ရောင်းချခြင်းလုပ်ငန်းဆောင်ရွက်သူများအနေဖြင့် သတ်မှတ်ချက်များနှင့် ကိုက်ညီရမည်ဖြစ်ကြောင်း၊ မှတ်ပုံတင်ထားပြီးသော လုပ်ငန်းရှင်များအနေဖြင့် သိရှိရန်လိုအပ်သောအချက်များအား ရှင်းလင်းဆွေးနွေးခဲ့ပြီး အွန်လိုင်းရောင်းချများ၏ အားသာချက်၊ အားနည်းချက်များ၊ လိမ်လည်နိုင်သည့်ပုံစံများနှင့် မှတ်ပုံတင်ထားသည့် အွန်လိုင်းရောင်းချမှုလုပ်ငန်းများမှ ရွေးချယ်ဝယ်ယူခြင်းဖြင့် ရရှိလာမည့်အကျိုးရလဒ်များကို အသိပညာပေး ရှင်းလင်းဆွေးနွေးခဲ့ကြောင်း သိရှိရပါသည်။
DOCA(ပဲခူး)

စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ပဲခူးတိုင်းဒေသကြီး ဦးစီးမှူးရုံးမှ စားသုံးသူရေးရာဌာနခွဲတာဝန်ခံ ဦးစိုးမိုး၊ ထုတ်ကုန်လုံခြုံစိတ်ချရမှု ဌာနခွဲတာဝန်ခံ ဦးကျော်ဆန်းဝင်း၊ ပဲခူးမြို့နယ်တာဝန်ခံ ဦးစိုးဝင်းနှင့်အဖွဲ့သည် (၁၀.၁၀၂၀၂၄) ရက်နေ့၊ နံနက် (၀၉:၃၀) နာရီအချိန်တွင် ပဲခူးမြို့ပေါ်ရှိ စတိုးဆိုင်များ၊ ဈေးအတွင်းရှိ ကုန်စုံဆိုင်များ၊ မြို့ပေါ်ရှိ mart များသို့ သွားရောက်၍ အသားဟင်း၊ ငါးဟင်း စည်သွပ်ဗူးများပေါ်တွင် ကုန်အညွှန်းအမှတ်အသား ကွဲလွဲမှုရှိ/ မရှိ သွားရောက်စစ်ဆေးခဲ့ကြောင်း သိရှိရပါသည်။
ထိုသို့ ကွင်းဆင်းစစ်ဆေးရာတွင် အသားဟင်း၊ ငါးဟင်းစည်သွပ်ဗူးများပေါ်တွင် ရိုက်နှိပ်ထားသော အညွှန်းဖော်ပြချက်များနှင့် စတစ်ကာကပ်၍ဖော်ပြထားသည့် အညွှန်းဖော်ပြချက်များ တူညီမှုရှိ/ မရှိ ကွင်းဆင်းစစ်ဆေးခဲ့ပြီး ထုတ်ကုန်လုံခြုံစိတ်ချရမှုဌာနခွဲတာဝန်ခံမှ လုပ်ငန်းရှင်များအား မိမိတို့ရောင်းချနေသော ကုန်ပစ္စည်းများတွင် ကုန်အညွှန်းပြည့်စုံ မှန်ကန်စွာဖော်ပြထားရန်လိုအပ်ကြောင်း၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ၏ တာဝန်များကို ရှင်းလင်းဆွေးနွေးခဲ့ပြီး စီးပွားရေးလုပ်ငန်းရှင်များအနေဖြင့် သိရှိလိုသည်များရှိပါက Consumer Call Center 1535 သို့ ဆက်သွယ်မေးမြန်းနိုင်ကြောင်း ပြောကြားခဲ့ပြီး စားသုံးသူကာကွယ်ရေး အသိပညာပေးလက်ကမ်းစာစောင်များ ဖြန့်ဝေခဲ့ကြောင်း သိရှိရပါသည်။
DOCA(ပဲခူး)

    ၂၀၂၄ ခုနှစ်၊ အောက်တိုဘာလ ၁၅ ရက်နေ့ ၊ နေ့လယ်(၁၄း၀၀) နာရီအချိန်တွင် စားသုံးသူရေးရာဦးစီးဌာန၊ တနင်္သာရီတိုင်းဒေသကြီး၊ ထားဝယ်မြို့မှ စစ်ဆေးရေးအရာရှိနှင့် ဝန်ထမ်းများသည် အစားအသောက်နှင့်ဆေးဝါးကွပ်ကဲရေးဦးစီးဌာန၊ စည်ပင်သာယာရေးအဖွဲ့တို့နှင့်အတူ ထားဝယ်မြို့ပေါ်ရှိ အလှသစ်၊ ပဒေသာ၊ ဆန်းသစ်၊ ပြည့်စုံထွန်း၊ စီစီစီ အစရှိသည့် Center Mini Mart များအား စျေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါသည်။

    အဆိုပါစျေးကွက်စောင့်ကြည့်စစ်ဆေးရာတွင် စျေးကွက်အတွင်း GRANDMA အဖွားလက်ရာ အမှတ်တံဆိပ် အသားဟင်း၊ ငါးဟင်းစည်သွပ်ဘူးများတွင် ရိုက်နှိပ်ထားသော အညွှန်းဖော်ပြချက်များနှင့် စတစ်ကာကပ်၍ ဖော်ပြထားသည့် အညွှန်းဖော်ပြချက်များ ကွဲလွဲမှုများရှိ/မရှိ စစ်ဆေးခြင်းနှင့် စားသုံးသူပြည်သူများ‌ ဘေးအန္တရာယ်ကင်းရှင်း စွာဝယ်ယူစားသုံးနိုင်စေရေးအတွက် သက်တမ်းလွန် စားသောက်ကုန်ပစ္စည်းများနှင့် ရောင်းချနေမှု ရှိ/မရှိ စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA(တနင်္သာရီ)

    မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ဆိပ်ဖြူတာဝန်ခံနှင့်ဝန်ထမ်းသည် (၁၄.၁၀.၂၀၂၄)ရက်နေ့၊ နံနက်(၁၀:၀၀)အချိန်တွင် စားသုံးသူများအသိပညာတိုးပွားစေရေး၊ စားသုံးသူပြည်သူများကို စားသုံးသူကာကွယ်ရေးအကြောင်းကို ကျယ်ကျယ်ပြန့်ပြန့် သိရှိစေနိုင်ရန်နှင့် ကုန်စည်၊ ဝန်ဆောင်မှုနှင့်စပ်လျဉ်း၍ နစ်နာဆုံးရှုံးမှုဖြစ်ပေါ်ပါက မိမိတို့၏ရပိုင်ခွင့်၊ တောင်းဆိုပိုင်ခွင့်၊ အခွင့်အရေးများကို သိရှိနားလည်ပြီး တောင်းဆို၍ ကုစားခွင့်များရရှိစေရေး ကျောင်းနေအရွယ်ကလေးများ ဘေးကင်း လုံခြုံမှုရှိသော ကုန်စည်များ ရွေးချယ်ဝယ်ယူစားသုံးတတ်စေရေး ရည်ရွယ်၍ ဆိပ်ဖြူမြို့နယ် ကျီးပင်ကျေးရွာ၊ ရွာလယ်ဓမ္မာရုံတွင်   ပြည်သူ (၃၄)ဦးနှင့် မြို့နယ်ကြက်ခြေနီ(၇)ဦး၊ စုစုပေါင်း (၄၁)ဦးအား စားသုံးသူကာကွယ်ရေး အသိပညာပေးဟောပြော ဆွေးနွေးခဲ့ပါသည်။

    ဆိပ်ဖြူမြို့နယ်တာဝန်ခံမှ ဆွေးနွေးရာတွင် ဌာန၏သမိုင်းကြောင်းနှင့် လုပ်ငန်းဆောင်ရွက်ချက်များ၊ ဌာန၏မျှော်မှန်းချက်၊ ရည်မှန်းချက်များ၊ ဌာနမှလက်ရှိဆောင်ရွက်နေသည့် လုပ်ငန်းတာဝန် များ၊ စားသုံးကာကွယ်ရေးဥပဒေ အဓိပ္ပါယ်ဖွင့်ဆိုချက်များ၊ ကမ္ဘာ့စားသုံးသူအခွင့်အရေးများနေ့ ပေါ်ပေါက်လာပုံအကြောင်းအရာနှင့် စားသုံးသူအခွင့်အရေးနှင့် တာဝန်များ ၊ စီးပွားရေးလုပ်ငန်းရှင်၏ တာဝန်များနှင့် ကုန်စည်ဝန်ဆောင်မှုနှင့် စပ်လျဉ်း၍ နစ်နာဆုံးရှုံးမှုများဖြစ်ပေါ်လာပါက ပြောရေးဆိုခွင့်၊ တိုင်ကြားခွင့်၊ ကုစားခွင့်နှင့် တိုင်ကြားနိုင်သည့် နေရာနှင့် တိုင်ကြားနိုင်သူများအကြောင်းကို အသေးစိတ်ရှင်းလင်းဆွေးနွေးခဲ့ပြီး မြို့နယ်ကြက်ခြေနီအဖွဲ့ဝင် ဦးမောင်မောင်ဝင်းက ရှေးဦးသူနာပြုစုပုံ အဆင့်ဆင့်အကြောင်းအား ရှင်းလင်းဆွေးနွေးခဲ့ပြီး ဟောပြောပွဲသို့ တက်ရောက်ခဲ့သည့် ကျေးလက်ပြည်သူများအား  စားသုံးသူကာကွယ်ရေးဆိုင်ရာ အသိပညာပေး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မကွေး)

    ၁၄.၁၀.၂၀၂၄ ရက်နေ့တွင် ခရိုင်စီမံအုပ်ချုပ်ရေးအဖွဲ့ဥက္ကဌဦးဆောင်၍ ခရိုင်/ မြို့နယ်အဆင့်ဌာနဆိုင်ရာများပူးပေါင်းကာ ကျိုက်ထိုမြို့နယ်၊ တံတားဖြူကျေးရွာရှိ မြမြင့်မိုရ်သောက်ရေသန့်စက်ရုံသို့ သွားရောက်၍ ရေသန့်ထုတ်လုပ်မှုနှင့် ပတ်သက်သော သက်ဆိုင်ရာဌာနများ၏ ထောက်ခံချက်နှင့် ခွင့်ပြုချက်လက်မှတ်များ၊ ရေသန့်ထုတ်လုပ်မှု အခြေအနေများ ကြည့်ရှုစစ်ဆေး ဆောင်ရွက်ခဲ့သည်။ ထို့နောက် ရန်ကုန်/ မော်လမြိုင်ကားလမ်းဘေးရှိ ဦးအောင်သူမြတ်၏ D1A လိုင်စင်ရယူဆောင်ရွက်လျက်ရှိသော အရက်ချက်စက်ရုံ တည်ဆောက်ထားရှိမှုနှင့် ပိုင်ဆိုင်မှုအထောက်အထားများ၊ လုပ်ငန်းလည်ပတ်မှုအခြေအနေများအား တွေ့ဆုံမေးမြန်းကွင်းဆင်းကြည့်ရှုစစ်ဆေး၍ လိုအပ်ချက်များအား လမ်းညွှန်မှာကြားခြင်းများ ဆောင်ရွက်ခဲ့ကြောင်း သိရှိရပါသည်။

DOCA(မွန်)