သတင်းနှင့် လှုပ်ရှားမှုများ

                ပဲခူးတိုင်းဒေသကြီး ညောင်လေးပင်ခရိုင်၊ ဒိုက်ဦးမြို့နယ် လူထုအခြေပြုဗဟိုဌာန (Community Centre )တွင် စားသုံးကာကွယ်ရေးအသိပညာပေး  Talk Show ကို (၂၆.၄.၂၀၂၄) ရက်နေ့ နံနက် (၀၉:၀၀) နာရီ  အချိန်တွင် ကျင်းပပြုလုပ်ခဲ့ပါသည်။

           ရှေးဦးစွာ ဒိုက်ဦးမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ  ဦးစီးအရာရှိ ဒေါ်ဆွေသက်အောင်မှ အသိပညာပေး Talk Show ကျင်းပရခြင်း၏ ရည်ရွယ်ချက်များအား ရှင်းလင်း ပြောကြားပြီး ဒိုက်ဦးမြို့နယ် စားသုံးသူရေးရာဦးစီးဌာန ဒိုက်ဦးမြို့နယ်ဦးစီးမှူး ဦးမျိုးမြင့်မှ ဒီဂျစ်တယ်ငွေကြေးဝန်ဆောင်မှုနှင့် စပ်လျဉ်းသည့် အချက်အလက်များ ဆွေးနွေးပြောကြားခဲ့ ကြောင်း သိရှိရပါသည်။

DOCA(ပဲခူး)

           ၂၀၂၄ ခုနှစ်၊ ဧပြီလ(၂၆) ရက်နေ့  နံနက်(၉:၀၀) နာရီတွင် ပဲခူးတိုင်းဒေသကြီးဦးစီးမှူးရုံး အစည်းအဝေးခန်းမ၌ ပဲခူးတိုင်းဒေသကြီး၊ စားသုံးသူရေးရာကော်မတီ (၄/၂၀၂၄) လုပ်ငန်းညှိနှိုင်း အစည်းအဝေးကို ကျင်းပပြုလုပ်ခဲ့ကြောင်း သိရှိရပြီး  အစည်းအဝေးတွင် ပဲခူးတိုင်းဒေသကြီး    စားသုံးသူရေးရာကော်မတီဥက္ကဌက အဖွင့်အမှာစကားပြောကြားခဲ့ပြီး စားသုံးသူ‌ရေးရာဦးစီးဌာန၊ ပဲခူးတိုင်းဒေသကြီးဦးစီးမှူးမှ  ၂၀၂၃ ခုနှစ်၊ မတ်လအတွင်း စားသုံးသူကာကွယ်ရေးလုပ်ငန်းများ ဆောင်ရွက်ခြင်း၊ ဦးစားပေးကုန်စည်အလိုက် ကုန်အညွှန်းအမှတ်အသားစစ်ဆေးခြင်း၊  ဈေးကွက် အတွင်း ရောင်းချနေသော စားသုံးဆီအမျိုးမျိုးအား ဈေးကွက်စောင့်ကြည့်စစ်ဆေးခြင်းများနှင့် ခရိုင်စားသုံးသူရေးရာကော်မတီများ ဖွဲ့စည်းဆောင်ရွက်ပြီးစီးမှု အခြေအနေများအား ရှင်းလင်း တင်ပြခဲ့သည်။

             စားသုံးသူရေးရာဦးစီးဌာန၊ ပဲခူးတိုင်းဒေသကြီးဦးစီးမှူးမှ ရှင်းလင်းတင်ပြသော တင်ပြချက် အမှာစာများအပေါ် ပဲခူးတိုင်းဒေသကြီး စားသုံးသူရေးရာကော်မတီအဖွဲ့ဝင်များက ပြန်လည် ဆွေးနွေး၍ အတည်ပြုခြင်း၊ အကြုံပြုခြင်းနှင့် ဆုံးဖြတ်ချက်များ ချမှတ်ခဲ့ပြီး စားသုံးသူရေးရာ ကော်မတီ  ဥက္ကဌ မှ နိဂုံးချုပ်အမှာစကား ပြောကြားခဲ့သည်။

             အဆိုပါအစည်းအဝေးသို့ စားသုံးသူရေးရာကော်မတီ ဥက္ကဌ၊ အတွင်းရေးမှူးနှင့် အဖွဲ့ဝင်များ၊ တိုင်းဒေသကြီးဦးစီးမှူးရုံးမှတာဝန်ရှိသူ ( ၇ ) ဦးတက်ရောက်ခဲ့‌ကြောင်းနှင့် အစည်းအဝေးကို နံနက်(၁၁:၀၀) နာရီတွင် ပိတ်သိမ်းကြောင်းသိရှိရသည်။

DOCA(ပဲခူး)

         စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူခရိုင်ဦးစီးမှူးရုံးသည် စားသုံး သူကာကွယ်ရေးလုပ်ငန်းများအပြင် ပြည်တွင်းကုန်သွယ်ရေးလုပ်ငန်းများ ဖွံ့ဖြိုးတိုးတက်စေရေးအတွက် အားပေးမြှင့်တင်ဆောင်ရွက်လျက်ရှိသလို စားသုံးသူများအလွယ်တကူ ဝယ်ယူသုံးစွဲနိုင်စေ ရန်နှင့် ဈေးနှုန်း၊ဈေးကွက်တည်ငြိမ်မှန်ကန်စေရန် ရည်ရွယ်၍ ဆောက်လုပ်ရေးသုံးပစ္စည်းရောင်းချ သည့်ဆိုင်များအား ကွင်းဆင်းစစ်ဆေးခဲ့ကြောင်း သိရှိရပါသည်။

          ၂၀၂၄ခုနှစ်၊ ဧပြီလ ၂၉ ရက်နေ့တွင် ကန့်ဘလူမြို့နယ်တာဝန်ခံ ဦးမျိုးဝင်းသန်းသည် ဘိလပ်မြေရောင်းချသည့်ဆိုင်များသို့ ကွင်းဆင်း၍ လုပ်ငန်းရှင်များအနေဖြင့် ဘိလပ်မြေဝယ်ယူရရှိမှု၊ ဖြန့်ဖြူးရောင်းချမှုနှင့် ဈေးနှုန်းဈေးကွက် အခြေအနေတို့အား ဆွေးနွေးမေးမြန်းခဲ့ရာ ဈေးကွက် အနေဖြင့် ကန့်ဘလူမြို့ပေါ်နှင့် ကျွန်းလှမြို့ တို့တွင် ဖြန့်ဖြူးရောင်းချပေးလျက်ရှိကြောင်း၊ ဈေးနှုန်း အနေဖြင့် “CROWN”အမှတ်တံဆိပ် ဘိလပ်မြေ‌တစ်အိတ်လျင် ၁၇၀၀၀ ကျပ်နှင့် “ကြံ့နှစ်ကောင်” အမှတ်တံဆိပ် ဘိလပ်မြေဈေးနှုန်းမှာ တစ်အိတ်လျင် ကျပ် ၁၆၅၀၀ မှ ကျပ် ၁၇၀၀၀ တို့ဖြင့် ဈေးနှုန်းအတက်အကျပေါ်မူတည်၍ ရောင်းချပေးလျက်ရှိကြောင်း လုပ်ငန်းရှင်ထံမှ သိရှိရပါသည်။

  DOCA(စစ်ကိုင်း)

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသ ကြီး၊ ရွှေဘိုခရိုင်ဦးစီးမှူးရုံးအနေဖြင့် ထုတ်ကုန်များလုံခြုံစိတ်ချရမှုရှိစေရေး၊ ကုန်စည်များတွင် ကုန်အညွှန်း အမှတ်အသားများ ပြည့်စုံစွာထည့်သွင်းဖော်ပြထားခြင်းရှိ/မရှိ၊ စားသုံးသူများ နေ့စဉ်အသုံးပြုလျက်ရှိသော ကုန်စည်နှင့် ဝန်ဆောင်မှုများ ဘေးအန္တရာယ် ကင်းရှင်းပြီး လုံခြုံစိတ်ချရမှု ရှိစေရေး၊ ကုန်စည်များကို သတ်မှတ်စံချိန်စံညွှန်းများ၊ ညွှန်ကြားချက်များနှင့်ကိုက်ညီမှုရှိ/မရှိ  ဈေးကွက်စောင့်ကြည့်စစ်ဆေးခြင်းများ ဆောင်ရွက်လျက်ရှိပါသည်။ ဈေးကွက်စောင့်ကြည့်စစ်ဆေးရာတွင် မိတ်ဘက်ဌာနဆိုင်ရာများနှင့်ပူးပေါင်း၍ သော်လည်းကောင်း၊ စားသုံးသူကာကွယ်ရေးဥပဒေအရ ခန့်အပ်ထားသော စစ်ဆေးရေးအရာရှိများက ဦးဆောင်၍သော်လည်းကောင်း ဆောင်ရွက်လျက်ရှိပါသည်။

     ရွှေဘိုခရိုင်အနေဖြင့် (၄/၂၀၂၄)လအတွင်း ခရိုင်ဦးစီးမှူးမှဦးဆောင်၍ ရွှေဘိုမြို့နယ်တာဝန်ခံ တို့သည် ရွှေဘိုမြို့၊ အမှတ်(၆)ရပ်ကွက်ရှိ ဆီနှင့်ကုန်မျိုးစုံရောင်းဝယ်ရေးဆိုင်အားလည်းကောင်း၊ ဒု-ခရိုင် ဦးစီးမှူးမှဦးဆောင်၍ ရွှေဘိုမြို့နယ်တာဝန်ခံ၊ ထုတ်ကုန်လုံခြုံစိတ်ချရမှုဌာနခွဲတာဝန်ခံနှင့် စားသုံးသူ ရေးရာဌာနခွဲတာဝန်ခံတို့သည် ရွှေဘိုမြို့၊ အမှတ်(၄)ရပ်ကွက်ရှိ မုန့်မျိုးစုံရောင်းဝယ်ရေးဆိုင်(၁)ဆိုင်နှင့် အမှတ်(၅)ရပ်ကွက်ရှိ ကုန်မျိုးစုံရောင်းဝယ်ရေးဆိုင်(၂)ဆိုင်အားလည်းကောင်း ဈေးကွက်စောင့်ကြည့် စစ်ဆေးခြင်းများဆောင်ရွက်ခဲ့ကြပြီး ဌာန၏ဥပဒေ၊ အမိန့်နှင့် ညွှန်ကြားချက်ပါ အကြောင်းများကို အသိပညာပေးခြင်းများ ဆောင်ရွက်ခဲ့ကြကြောင်း သတင်းရရှိပါသည်။

  DOCA(စစ်ကိုင်း)

          မန္တလေးတိုင်းဒေသကြီး၊ ပြင်ဦးလွင်မြို့နယ်တွင် (၂၆-၄-၂၀၂၄)ရက်နေ့ ၊ နံနက်(၁၀:၀၀) နာရီအချိန်၌ ခရိုင်ပြည်သူ့ကျန်းမာရေးဦးစီးဌာနအစည်းအဝေးခန်းမတွင် မြို့နယ်အတွင်းရှိစားသုံးဆီ လက်လီ၊လက်ကားရောင်းချ ဖြန့်ဖြူးနေသော စားသုံးဆီလုပ်ငန်းရှင်များနှင့် မန္တလေးတိုင်းဒေသကြီး အစားအသောက်နှင့်ဆေးဝါးကွပ်ကဲရေးဦးစီးဌာန(FDA) ၊ စားသုံးသူရေးရာဦးစီးဌာန ၊ ပြည်သူ့ ကျန်းမာရေးဦးစီးဌာန ၊ မြို့နယ်စည်ပင်သာယာရေးအဖွဲ့ တို့နှင့် တွေ့ဆုံဆွေးနွေးခဲ့ပါသည် ။ ဆွေးနွေးပွဲတွင် မန္တလေးတိုင်းဒေသကြီး ၊ အစားသောက်နှင့်ဆေးဝါးကွပ်ကဲရေးဦးစီးဌာန (FDA) ညွှန်ကြားရေးမှူး ဒေါက်တာ ဒေါ်နီနီအေးက အစားအသောက်နှင့်ပတ်သက်၍ GMP စနစ် ၊ မြန်မာ နိုင်ငံအစားအသောက်နှင့်ဆေးဝါးအာဏာပိုင်အဖွဲ့မှ ၂၀၂၄ခုနှစ်၊မတ်လ(၂၅)ရက်နေ့က အမိန့်အမှတ် ၂/၂၀၂၄ ထုတ်ပြန်ချက်တွင် အမျိုးသားအစားအသောက်ဥပဒေ ပုဒ်မ ၃၈ ပုဒ်မခွဲ(ခ)အရ ဟင်းသီး ဟင်းရွက်ဆီများကိုရောနှောဆီ(Biended Oil)အပြင် အစားအသောက် ထုတ်လုပ်ခြင်း၊ သိုလှောင် ခြင်း၊ ဖြန့်ဖြူးခြင်း သို့မဟုတ် ရောင်းချခြင်းနှင့်စပ်လျဉ်း၍ လိုက်နာရန် အမိန့်ထုတ်ပြန်ချက် ကိုအသေးစိတ် ရှင်းလင်းပြောကြားခဲ့ပြီး စားသုံးသူရေးရာဦးစီးဌာန ဦးသက်လွင်ထူး(ဦးစီးအရာရှိ)က မြန်မာနိုင်ငံ စားသုံးသူကာကွယ်ရေးကော်မရှင်မှ ၂၀၁၉ခုနှစ်၊ဒီဇင်ဘာလ(၃)ရက် ၊ ရက်စွဲပါ ညွှန်ကြားချက်အမှတ် (၂/၂၀၁၉)ဖြင့် “ကုန်စည်များတွင် မြန်မာ ဘာသာဖြင့်ဖြစ်စေ၊ မြန်မာဘာသာ နှင့်အခြားဘာသာတစ်ခု တွဲလျှက်ဖြစ်စေ ဖော်ပြရာ၌ စားသုံးဆီ လုပ်ငန်းရှင်များ အနေဖြင့် စားသုံးဆီအမျိုးမျိုးနှင့်စပ်လျဉ်း၍ အမျိုးအမည်၊ အရွယ်အစား၊ အရေအတွက် နှင့်အသားတင် ပမာဏ၊ ထားသိုသိမ်းဆည်းမှုအညွှန်းတို့ကို မဖြစ်မနေဖော်ပြရန်လိုအပ်ကြောင်း ၊ နိုင်ငံတော်မှ စားအုန်းဆီ သတ်မှတ်ရည်ညွှန်းစျေးကို အပတ်စဉ် ထုတ်ပြန်ပေးလျှက်ရှိကြောင်း၊ စားသုံးဆီ ရောင်းချသည့် လုပ်ငန်းရှင်များအနေဖြင့် စျေးကွက်အတွင်း ဖြန့်ဖြူးရောင်းချနေသော စားအုန်းဆီ များကို သတ်မှတ်ရည်ညွှန်းစျေး+သယ်ယူစရိတ်+၂%အမြတ် ဖြင့်ရောင်းချပေးဖို့လိုကြောင်း၊ စားအုန်းဆီများကို စျေးကစားခြင်း၊စျေးနှုန်းကြီးမြင့်စေရန် ရည်ရွယ်ချက်ဖြင့် သိုလှောင်ရောင်း ချခြင်းမျိုး စစ်ဆေးတွေ့ရှိရပါက အရေးကြီးကုန်စည်ဖြင့် အရေးယူခံရမည် ဖြစ်ကြောင်း ရှင်းလင်း ဆွေးနွေးပြောကြားခဲ့ပါသည်။အဆိုပါတွေ့ဆုံဆွေးနွေးပွဲသို့ ပြင်ဦးလွင်မြို့နယ်တွင် စားသုံးဆီ ရောင်းချနေသောလုပ်ငန်းရှင်(၄၈)ဦးတက်ရောက်ခဲ့ပြီး ဆွေးနွေးပွဲကို နေ့လယ်(၁၃:၀၀)နာရီ အချိန်တွင် ရုတ်သိမ်းခဲ့ကြောင်း သတင်းရရှိပါသည်။

  DOCA(မန္တလေး)