သတင်းနှင့် လှုပ်ရှားမှုများ

     ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် ၂၀၂၄ခုနှစ်၊ ဧပြီလ(၁၀)ရက်နေ့၊ နံနက်(၁၁:၀၀)နာရီအချိန်တွင် ဌာနဆိုင်ရာပူးပေါင်းအဖွဲ့ဖြင့် စက်သုံးဆီအရောင်းဆိုင်များအား ကွင်းဆင်းစစ်ဆေးခဲ့ကြပါသည်။

      အဆိုပါကွင်းဆင်းစစ်ဆေးခြင်းကို မြို့နယ်တရားမဝင် စက်သုံးဆီအရောင်းဆိုင်များ တားဆီးစစ်ဆေးရေးအဖွဲ့ခေါင်းဆောင်ကိုယ်စား မြို့နယ်စားသုံးသူရေးရာဦးစီးဌာနမှ မြို့နယ်ဦးစီးမှူး  ဦးမိုးမင်းသန်းဦးဆောင်၍ မြို့နယ်မီးသတ်ဦးစီးဌာန၊ မြို့နယ်စည်ပင်သာယာရေးဦးစီးဌာနနှင့်     သက်ဆိုင်ရာဌာနများက စစ်ဆေးကြရာတွင် စက်သုံးဆီများရောင်းချမှုရပ်တန့်မှုမရှိစေရေး၊ မှောင်ခိုဈေးကွက်မဖြစ်ပေါ်စေရေး၊ သတ်မှတ်ရည်ညွှန်းဈေးနှုန်းများအတိုင်း ရောင်းချစေရေး၊ ဈေးနှုန်းများမြှင့်တင်ရောင်းချပါက အပြစ်ပေးအရေးယူမှုများဆောင်ရွက်နိုင်ရေး၊ စက်သုံးဆီပြတ်လပ်မှုမရှိစေရေးနှင့် မီးဘေးအန္တရာယ်ကြိုတင်ကာကွယ်ရေးအတွက် လိုက်နာဆောင်ရွက်ရမည့်အချက်များကို ဆွေးနွေးမှာကြားခဲ့ကြကြောင်း သတင်းရရှိပါသည်။

DOCA(ဧရာဝတီ)

     ပြည်ထောင်စုနယ်မြေ ၊ နေပြည်တော်ကောင်စီဦးစီးမှုးရုံးမှ ဦးမြင့်နိုင်(ဦးစီးအရာရှိ) ဦး‌ဆောင်၍ ဝန်ထမ်း(၅)ဦးသည် (၂၃-၄-၂၀၂၄)ရက်နေ့၊ နံနက်(၁၀း၃၀)အချိန်တွင် အေလာမြို့၊ စီးပွားရေး လုပ်ငန်းရှင်တစ်ဦး၏ စက်ရုံတွင် စီးပွားရေးလုပ်ငန်းရှင်များအား စားသုံးဆီ ရောင်းချသူများနှင့် စားသုံးသူပြည်သူများသို့ စားသုံးဆီ (စားအုန်းဆီ)နှင့်ပတ်သက်၍ လျော့ချသုံးစွဲသွားရန် အသိပညာပေး ‌‌ဟောပြောပွဲ ပြုလုပ်ခဲ့ပါသည်။

     အဆိုပါဟောပြောပွဲ၌ ဦးမြင့်နိုင်(ဦးစီးအရာရှိ)က စားသုံးသူပြည်သူများအနေဖြင့် စားအုန်းဆီ စားသုံးမှု များပြားနေသဖြင့် စားအုန်းဆီ၏ ကျန်းမာရေးအကျိုးကျေးဇူးများကို သိစေချင်လိုကြောင်း၊ စားသုံးဆီများတွင် အာဟာရတန်ဖိုး အိုင်အိုဒင်း Value ဆိုတာ ရှိပါကြောင်း၊ အိုင်အိုဒင်းတန်ဖိုး အများ ဆုံးပါသောဆီသည် ကျန်းမာရေးအတွက် အသင့်တော်ဆုံးဆီဖြစ်ပါကြောင်း၊ ကျန်မာရေးဌာနက လူတစ်ဦးအတွက် နေ့စဉ်စားသုံးရန် အာဟာရလိုအပ်မှုမှာ (၂.၅)ကျပ်ဿား စားသုံးရန် ထုတ်ပြန်ထား ပါကြောင်း၊ ပြည်ပမှစားအုန်းဆီများကို လစဉ်တန်ချိန်(၃၅၀၀၀)တင်သွင်းနေသည့်အတွက် နိုင်ငံခြား ငွေ ဒေါ်လာများစွာကို အခြားနိုင်ငံများသို့ ပေးနေရပါကြောင်း၊ ထိုကဲ့သို့ ပေးနေရသည်များကို လျှော့ချရန်အတွက် ပြည်တွင်းမှထွက်ရှိသည့်ဆီထွက်သီးနှံများကို ဦးစားပေး စိုက်ပျိုးပြီး ရရှိလာသော ဆီများ ကို ပြည်သူများစားသုံးရန် နိုင်ငံတော်အနေဖြင့် အလေးထားဆောင်ရွက်နေပါကြောင်း၊ လုပ်ငန်းရှင်များအနေဖြင့်လည်း တန်ဖိုးမြှင့် ထုတ်ကုန်များ ထုတ်လုပ်ရာတွင် စားသုံးသူများအတွက် ဘေးအန္တရာယ်ကင်းရှင်းပြီး အရည်အသွေး စံချိန်စံနှုန်းနှင့် ကိုက်ညီသော စားသုံးဆီများကို ထုတ်လုပ် နိုင်ရန် နိုင်ငံတော်မှ အားပေးလျက်ရှိပါကြောင်း ပြောကြားခဲ့ပါသည်။

   ထို့နောက် တက်ရောက်လာသော စီးပွားရေးလုပ်ငန်းရှင်းများအား မေးမြန်းလိုသည်များရှိပါက မေးမြန်းလိုကြောင်း ဖိတ်ခေါ်ခဲ့ရာ မေးမြန်းလိုခြင်းမရှိသည့်အတွက် ‌‌ဟောပြောပွဲကို နံနက်(၁၁း၀၀) နာရီအချိန်တွင် ပြီးမြောက်ခဲ့ပြီး စီးပွားရေး လုပ်ငန်းရှင် (၂၀)ဦး တက်ရောက်ခဲ့ကြောင်း သိရှိရပါသည်။

DOCA(ပြည်ထောင်စုနယ်မြေ)

       စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ စစ်ဆေးရေးမှူး ဦးတင်မောင်ထွန်းသည် (၂၄-၄-၂၀၂၄) ရက်နေ့၊ နံနက် (၁၁:၀၀) နာရီအချိန်တွင် မြစ်ကြီးနားမြို့၊ ခေမာသီရိရပ်ကွက်အတွင်းရှိ လက်လီဖြန့်ဖြူးရောင်းချသော ‌အန်သီသန်း(ကုန်စုံဆိုင်)သို့သွားရောက်၍ စားသုံးသူများဘေးအန္တရာယ်ကင်းရှင်းပြီး ထုတ်ကုန်လုံခြုံစိတ်ချရမှုရှိစေရေး၊ ဘေးအန္တရာယ်ရှိသောကုန်စည်များ ဈေးကွက်အတွင်းမှ ပပျောက်စေရးနှင့် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဖော်ပြခြင်းနှင့်ပတ်သက်၍ ကိုက်ညီမှုရှိ/ မရှိ ဈေးကွက်စောင့်ကြည့်စစ်ဆေးခဲ့ပါသည်။

         ထိုသို့ဈေးကွက်စောင့်ကြည့်စစ်ဆေးရာတွင် SUPER COFFEEMIX အမှတ်တံဆိပ်ပါ အသင့်သောက်ကော်ဖီတွင် ညွှန်ကြားချက်အမှတ် (၂/၂၀၁၉)အရ ကုန်စည်ပေါ်တွင် မြန်မာဘာသာဖြင့်ဖော်ပြရမည့် အမျိုးအမည်၊ အရွယ်အစား၊ အရေအတွက်၊ အသားတင်ပမာဏနှင့် သုံးစွဲပုံနည်းလမ်းတို့ပြည့်စုံစွာဖော်ပြပါရှိကြောင်း စစ်‌ဆေးတွေ့ရှိရပြီး ကုန်စုံဆိုင်ပိုင်ရှင်အား ကုန်အညွှန်းအမှတ်အသားပြည့်စုံမှုရှိသည့် ကုန်စည်များကိုသာ ဈေးကွက်အတွင်းရောင်းချရန် အသိပညာပေးဆွေးနွေးခဲ့ပြီး ကုန်အညွှန်းအမှတ်အသားဖော်ပြခြင်းဆိုင်ရာ အသိပညာပေးလက်ကမ်းစာစောင်များဖြန့်ဝေပေးခဲ့ကြောင်းသိရှိရပါသည်။

DOCA(ကချင်)

      စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ  ဦးတင်မောင်ထွန်း(ရုံးအုပ်) သည် (၂၄-၄-၂၀၂၄) ရက်နေ့တွင် မြစ်ကြီးနားမြို့၊ ရမ်ပူရပ်ကွက်အတွင်းရှိ လက်လီဖြန့်ဖြူးရောင်းချသော ဦးကျော်မြင့်(ကုန်စုံဆိုင်)သို့သွားရောက်၍ စားသုံးသူများဘေးအန္တရာယ်ကင်းရှင်းပြီး ထုတ်ကုန်လုံခြုံစိတ်ချရမှုရှိစေရေး၊ ဘေးအန္တရာယ်ရှိသောကုန်စည်များ ဈေးကွက်အတွင်းမှ ပပျောက်စေရေးနှင့် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဖော်ပြခြင်းနှင့် ပတ်သက်၍ ကိုက်ညီမှုရှိ/ မရှိ ဈေးကွက်စောင့်ကြည့်စစ်ဆေးခဲ့ပါသည်။

   ထိုသို့ဈေးကွက်စောင့်ကြည့်စစ်ဆေးရာတွင် LOVITA အမှတ်တံဆိပ်ပါ အသင့်ဖျော်ကော်ဖီ၌ ညွှန်ကြားချက်အမှတ် (၂/၂၀၁၉)အရ ကုန်စည်ပေါ်တွင် မြန်မာဘာသာဖြင့် ဖော်ပြရမည့် အမျိုးအမည်၊ အရွယ်အစား၊ အရေအတွက်၊ အသားတင်ပမာဏနှင့် သုံးစွဲပုံနည်းတို့ပြည့်စုံစွာဖော်ပြပါရှိကြောင်း စစ်‌ဆေးတွေ့ရှိရပြီး ကုန်စုံဆိုင်ပိုင်ရှင်အား လုံခြုံစိတ်ချရသော ထုတ်ကုန်များရောင်ချဖြန့်ဖြူးရေး၊ စားသုံးသူအပေါ် ထိခိုက်နစ်နာမှုရှိစေသည့်ကုန်စည်များ၊ ကုန်အညွှန်းအမှတ်အသားပြည့်စုံမှုမရှိသည့် ကုန်စည်များကို ဈေးကွက်အတွင်း ရောင်းချခြင်းမပြုရန် အသိပညာပေးဆွေးနွေးခဲ့ပြီး ကုန်အညွှန်းအမှတ်အသားဖော်ပြခြင်း ဆိုင်ရာ အသိပညာပေးလက်ကမ်းစာစောင်များဖြန့်ဝေပေးခဲ့ကြောင်း သတင်းရရှိပါသည်။

DOCA(ကချင်)

    စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးသည် စားသုံးသူကာကွယ်ရေးလုပ်ငန်းများကို တိုင်းဒေသကြီးဦးစီးမှူး၏ လမ်းညွှန်မှု၊ ခရိုင်ဦးစီးမှူး၏ ကြီးကြပ်မှုတို့ဖြင့် လစဉ်ဆောင်ရွက်လျက်ရှိကြောင်းသိရှိရပါသည်။

      စားသုံးသူကာကွယ်ရေးလုပ်ငန်းများဆောင်ရွက်ရာတွင် စားသုံးသူများအနေဖြင့် စားသုံးသူကာကွယ်ရေးလုပ်ငန်းများနှင့်စပ်လျဉ်း၍ အသိပညာဗဟုသုတများကို ကျယ်ကျယ်ပြန့်ပြန့်သိရှိပြီး ကုန်စည်နှင့်ဝန်ဆောင်မှုများကို ဝယ်ယူအသုံးပြုရာတွင် နစ်နာဆုံးရှုံးမှုမရှိစေရေး အသိပညာပေးဟောပြောပွဲများကို လစဉ်ဆောင်ရွက်လျက်ရှိကြောင်း၊ ၂၀၂၄ခုနှစ်၊ ဧပြီလ ၂၂ရက်နေ့တွင် ကန့်ဘလူမြို့နယ်တာဝန်ခံ ဦးမျိုးဝင်းသန်းနှင့် အငယ်တန်းစာရေး ဒေါ်အိမွန်ကျော်တို့သည် ကန့်ဘလူမြို့နယ်မျိုးသန့်ခြံ၌ စားသုံးသူအသိပညာပေးဟောပြောပွဲဆောင်ရွက်ခဲ့ရာ တက်ရောက်လာသူများအား စားသုံးသူကာကွယ်ရေးလုပ်ငန်းများအကြောင်း၊ စားသုံးသူအခွင့်အရေး(၈)ချက်၊ နစ်နာဆုံးရှုံးမှုများရှိခဲ့လျှင် တိုင်ကြားနိုင်သည့်နည်းလမ်းများ စသည်တို့ကိုပြောကြားခဲ့ပြီးနောက် စားသုံးသူအသိပညာပေးလက်ကမ်းစာစောင်များဖြန့်ဝေပေးခဲ့ကြောင်း သိရှိရပါသည်။

DOCA(စစ်ကိုင်း)