သတင်းနှင့် လှုပ်ရှားမှုများ

      ရန်ကုန်တိုင်းဒေသကြီး၊ တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ လမ်းညွှန်မှုအရ အလုံခရိုင်၊ တရားမဝင်ကုန်သွယ်မှုတိုက်ဖျက်ရေးအထူးအဖွဲ့ ခရိုင်ဦးစီးမှူး ဦးဇော်မင်းလတ်ဦးဆောင်သော ပူးပေါင်းအဖွဲ့သည်  (၉-၄-၂၀၂၄) ရက်နေ့မှ (၁၂-၄-၂၀၂၄) ရက်နေ့အထိ ကမ်းရိုးတန်းသွားရေယာဉ်များဆိုက်ကပ်သည့် ဆိပ်ကမ်းများဖြစ်သော သိန်းဦးဆိပ်ကမ်း၊ ဝါးတန်းဆိပ်ကမ်း၊ ချောင်းဝဆိပ်ကမ်း၊ ဘုရင့်နောင်ဆိပ်ကမ်း၊ ဗားကရာဆိပ်ကမ်း၊ ထူးဆိပ်ကမ်း၊ နိုင်ဂရုဆိပ်ကမ်းများအား အကောက်ခွန်ဦးစီးဌာန၊ စားသုံးသူရေးရာဦးစီးဌာန၊ အထွေထွေအုပ်ချုပ်ရေးဦးစီးဌာန၊ စိုက်ပျိုးရေးဦးစီးဌာန၊ မြန်မာ့ဆိပ်ကမ်းအာဏာပိုင်၊ အမှတ်(၃) ရေကြောင်းရဲတပ်ဖွဲ့ စသည့်ပူးပေါင်းအဖွဲ့များနှင့်ပူးပေါင်း၍ ရေယာဉ်များတွင်တင်ဆောင်ထားသော တင်ဆောင်ကုန်များအား ရှောင်တခင်ဝင်ရောက်စစ်ဆေးခဲ့ပြီး လက်နက်ခဲယမ်းများတင်ဆောင်မှုမရှိစေရေးအတွက် ရဲတပ်ဖွဲ့နှင့်ပူးပေါင်းကာ စစ်ဆေးမှုများပြုလုပ်ခဲ့ပါသည်။

      ရန်ကုန်တိုင်းဒေသကြီး၊ လှိုင်မြို့နယ်အတွင်းရှိ ရွှေပိတောက်ငါးဈေးတွင် (၉-၄-၂၀၂၄) ရက်နေ့မှ (၁၂-၄-၂၀၂၄) ရက်နေ့အထိ ဝင်ရောက်ခဲ့သော ရေချိုငါးများမှာ ငါးမြစ်ချင်းတစ်ပိဿာလျှင် အနိမ့်ဆုံး ၃၀၀၀ကျပ်မှ အမြင့်ဆုံး ၈၀၀၀ကျပ်၊ ငါးကြင်းတစ်ပိဿာလျှင် ၅၀၀၀ကျပ်မှ ၁၂၅၀၀ကျပ်၊ ငါးသလောက်တစ်ပိဿာလျှင် ၉၅၀၀ကျပ်မှ ၄၅၀၀၀ကျပ်၊ ငါးခေါင်းပွတစ်ပိဿာလျှင် ၃၅၀၀ကျပ်မှ ၇၀၀၀ကျပ်၊ ငါးဘတ်တစ်ပိဿာလျှင် ၉၀၀၀ကျပ်မှ ၂၅၀၀၀ကျပ်၊ ကကတစ်တစ်ပိဿာလျှင် ၁၄၀၀၀ကျပ်မှ ၂၀၀၀၀ကျပ်၊ ငါးနုသန်းတစ်ပိဿာလျှင် ၁၀၀၀၀ကျပ်မှ ၁၇၀၀၀ကျပ်၊ ငါးခူတစ်ပိဿာလျှင် ၄၀၀၀ကျပ်မှ ၁၂၀၀၀ကျပ်၊ ငါးဖီးမ တစ်ပိဿာလျှင် ၂၅၀၀ကျပ်မှ ၆၀၀၀ကျပ်၊ ငါးတန်(မြစ်) တစ်ပိဿာလျှင် ၆၀၀၀ကျပ်မှ ၉၀၀၀ကျပ်၊ ငါးတန်(မွေး) တစ်ပိဿာလျှင် ၂၇၀၀ကျပ်မှ ၅၃၀၀ကျပ်၊ ငါးခုံးမတစ်ပိဿာလျှင် ၂၀၀၀ကျပ်မှ ၅၀၀၀ကျပ်၊ ငါးရံ့တစ်ပိဿာလျှင် ၉၀၀၀ကျပ်မှ ၁၆၀၀၀ကျပ်၊ ပုစွန် (ကျော့) တစ်ပိဿာလျှင် ၁၂၀၀၀ကျပ်မှ ၄၀၀၀၀ကျပ်၊ ပုစွန်တစ်ပိဿာလျှင် ၂၅၀၀၀ကျပ်မှ ၄၅၀၀၀ကျပ်၊ ငါးမျက်ကြယ်တစ်ပိဿာလျှင် ၂၅၀၀ကျပ်မှ ၄၀၀၀ကျပ်၊ ပီဇာတစ်ပိဿာလျှင် ၄၅၀၀ကျပ်မှ ၅၅၀၀ကျပ်၊ ငါးနှပ်(အာဗြဲခြောက်) တစ်ပိဿာလျှင် ၄၀၀၀ကျပ်မှ ၄၅၀၀ကျပ်၊ ကင်းမွန်တစ်ပိဿာလျှင် ၁၃၀၀၀ကျပ်မှ ၁၈၀၀၀ကျပ်၊ ပလာတူးတစ်ပိဿာလျှင် ၅၀၀၀မှ ၅၅၀၀ကျပ်၊ ရွှေငါးတစ်ပိဿာလျှင် ၅၀၀၀ကျပ်မှ ၆၀၀၀ကျပ်၊ ပြည်ကြီးငါးတစ်ပိဿာလျှင် ၃၀၀၀၀ကျပ်မှ ၄၅၀၀၀ကျပ်တို့ရှိကြောင်း ရွှေပိတောက်ငါးဈေးထံမှ စုံစမ်းသိရှိရပါသည်။

DOCA(ရန်ကုန်)

    စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ လမ်းညွှန်မှာကြားချက်အရ၊ အရှေ့ပိုင်းခရိုင်ဦးစီးမှူးရုံးလက်အောက်ရှိ စက်မှုဇုန်များတွင် စီးပွားရေးလုပ်ကိုင် ဆောင်ရွက်နေသော လုပ်ငန်းရှင်များ၏ လုပ်ငန်းဆောင်ရွက်မှုအခက်အခဲများကိုသိရှိနိုင်ရန် ရန်ကုန် အရှေ့ပိုင်းခရိုင်ဦးစီးမှူးရုံးမှ ခရိုင်ဦးစီးမှူးဦးလှစိုးနှင့်ဝန်ထမ်းများသည် ၂၃.၄.၂၀၂၄ ရက်နေ့၊ နေ့လယ် ၁၅:၀၀ နာရီတွင် အရှေ့ဒဂုံစက်မှုဇုန်၊ အမှတ်(၂)၊ ဦးမြဲလမ်း၊ ဒဂုံမြို့သစ် အရှေ့ပိုင်း မြို့နယ်ရှိ L MAIX ဆပ်ပြာဆီ လုပ်ငန်းအား သွားရောက်စစ်ဆေးခဲ့ရာ ၎င်းလုပ်ငန်းသည် COVID Third Wave ကာလတွင် ကုန်ကြမ်းမရ၍ ယာယီရပ်နားထားခဲ့ပြီး ယခုအခါ Fiber Ciub (ရေတိုင်ကီ) ရောင်းဝယ်ရေးလုပ်ငန်းအား ငှားရမ်းထားကြောင်း စက်မှုဇုန်ကော်မတီရုံးမှ ပြောကြားချက်အရ သိရှိရပါသည်။

DOCA(ရန်ကုန်)

     မွန်ပြည်နယ်၊ ဘီးလင်းမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံရုံး၌ (၂၂-၄-၂၀၂၄) ရက်နေ့တွင် ဘီးလင်းမြို့နယ်၊ စားအုန်းဆီလက်ကား ကိုယ်စားလှယ်နှင့် တွေ့ဆုံဆွေးနွေးခဲ့ရာ ဘီးလင်းမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံက ဘီးလင်းမြို့နယ်၏ စားအုန်းဆီခွဲတမ်းတာဝန်ယူဖြန့်ဖြူးရောင်းချနေသည့် လက်ကားကုန်သည်အား သတ်မှတ်အရေအတွက်ပြည့်မီစွာရောင်းချပေးရေး၊ ဈေးနှုန်းမြှင့်တင်ရောင်းချမှုမရှိစေရေးနှင့် ဈေးနှုန်းမြှင့်တင်ရောင်းချပါက အရေးယူခံရမည်ဖြစ်ကြောင်း၊ လုပ်ငန်းရှင်များလိုက်နာရမည့် တာဝန်များကို အသိပေးရှင်းလင်းခဲ့ကြောင်းနှင့် ဘီးလင်းမြို့နယ်အတွက် ခွဲတမ်းရရှိသော စားအုန်းဆီများကို စားသုံးသူများထံသို့ သတ်မှတ်အရေအတွက်နှင့် ဈေးနှုန်းအတိုင်း ဖြန့်ဖြူးရောင်းချနေ၍ စားသုံးသူများမှာ သက်သာသောဈေးနှုန်းဖြင့် အဆင်ပြေစွာဝယ်ယူရရှိနေကြကြောင်း သတင်းရရှိပါသည်။

DOCA(မွန်)

        စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ လမ်းညွှန်မှာကြားချက်အရ၊ အရှေ့ပိုင်းခရိုင်ဦးစီးမှူးရုံးလက်အောက်ရှိ စက်မှုဇုန်များတွင် စီးပွားရေးလုပ်ကိုင်ဆောင်ရွက် နေသောလုပ်ငန်းရှင်များ၏ လုပ်ငန်းဆောင်ရွက်မှုအခက်အခဲများကိုသိရှိနိုင်ရန် ရန်ကုန်အရှေ့ပိုင်းခရိုင်ဦးစီးမှူးရုံးမှ ခရိုင်ဦးစီးမှူးဦးလှစိုးနှင့်ဝန်ထမ်းများသည် ၂၂.၄.၂၀၂၄ ရက်နေ့ နေ့လယ် (၁၄:၀၀) နာရီတွင် ရွာသာကြီး(အကြီးစား) စက်မှုဇုန်၊ အမှတ်(၂၉)၊ ပုဂံဝန်ထောက် ဦးတင်လမ်း၊ တောင်ဒဂုံမြို့နယ်၏ ရွက်လှသစ်စက်လုပ်ငန်းအား သွားရောက် စစ်ဆေးခဲ့ရာ ၎င်းလုပ်ငန်းသည် ဦးစီးလုပ်ကိုင်ဆောင်ရွက် မည့်သူမရှိသောကြောင့် လုပ်ငန်းပိတ်သိမ်း ထားသည်ဟု ရွာသာကြီး (အကြီးစား)စက်မှုဇုန် ကော်မတီရုံးမှ တာဝန်ရှိသူတစ်ဦးက ဖြေကြားပေးခဲ့ကြောင်းသိရှိရပါသည်။

DOCA(ရန်ကုန်)

    ၂၀၂၄ခုနှစ်၊ ဧပြီလ (၂၃)ရက်နေ့၊ နေ့လယ်(၁၃:၀၀)နာရီ အချိန်တွင်း တနင်္သာရီတိုင်းဒေသကြီး စားသုံးသူရေးရာဦးစီးဌာန တိုင်းဒေသကြီးဦးစီးမှူးရုံးမှ ဝန်ထမ်းများသည် ထားဝယ်မြို့ပေါ်ရှိ ဘိလပ် မြေဆိုင်များသို့ ပစ္စည်းပြတ်လပ်မှုရှိ/မရှိသွားရောက်ကွင်းဆင်းစုံစမ်းခဲ့ပါသည်။

     ထိုသို့ဆောင်ရွက်ရာတွင် ထားဝယ်မြို့ပေါ်ရှိဘိလပ်မြေရောင်းချသည့်ဆိုင်ကြီးများမှာ ကုန်ကြမ်းပစ္စည်းပြတ်လပ်မှုမရှိပါကြောင်းနှင့် စျေးနှုန်းများအနည်းငယ် ကျဆင်းလာကြောင်း သိရှိရပါသည်။

DOCA(တနင်္သာရီ)