သတင်းနှင့် လှုပ်ရှားမှုများ

         မွန်ပြည်နယ် မုဒုံမြို့နယ်တွင် ဘက်စုံအဆင့်မြင့်နည်းပညာသုံးစံပြကျေးရွာ (ဘဲရမ်း/ ကွမ်တာ)၌ မြို့နယ်စိုက်ပျိုးရေးဦးစီးဌာနကဦးဆောင်၍ နွေစပါးစံပြကွက် ရိတ်သိမ်းပွဲကို ဧပြီလ ၁၀ ရက်နေ့၊  နံနက် (၀၉း၀၀) နာရီက ကျင်းပခဲ့သည်။

        နွေစပါးစံကွက်ရိတ်သိမ်းခြင်းကို ဘဲရမ်းကျေးရွာနေ ကွင်းအမှတ် (၈၄၃) တောင်သူ ဦးမောင်ခင်၏  စိုက်ကွက် (၃)ဧကတွင် ဆင်းသုခ စပါးအမျိုးအစားအား ရိတ်သိမ်းခဲ့ရာ မြို့နယ်စီမံအုပ်ချုပ်ရေးအဖွဲ့၊ လယ်ယာမြေစီမံခန့်ခွဲရေးအဖွဲ့ ဌာန ဆိုင်ရာတာဝန်ရှိသူများ၊ စားသုံးသူရေးရာဦးစီးဌာနမှ မုဒုံမြို့နယ်တာဝန်ခံ၊ စိုက်ပျိုးရေး ဦးစီးဌာနမှမြို့နယ်ဦးစီးမှူးနှင့် ဝန်ထမ်းများ၊ တောင်သူများ တက်ရောက်ခဲ့ကြသည်။

         အဆိုပါ နွေစပါးစံကွက် ဆင်းသုခစပါးအမျိုးအစားကို ဆယ်တန်းတစ်တန်း လှပ်၍  ဒီဇင်ဘာလမှစတင်စိုက်ပျိုးခဲ့ရာ ၆ ဒသမ ၆ ပေပတ်လည် (၃)ကွက် ပျမ်းမျှအထွက်နှုန်း စပါးအစို ၁၃၂ တင်း၊ (၆၆ ပေ × ၆၆ ပေ) တစ်ကွက် အထွက်နှုန်း စပါးအစို  ၁၁ တင်း ၁၂ ပြည်၊ တစ်ဧကအထွက်နှုန်း စပါးအစို ( ၁၁၇ ဒသမ ၅ )တင်းထွက်ရှိကြောင်း သိရသည်။

DOCA(မွန်)

     စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်ဦးစီးမှူးရုံးအတွင်းရှိ ဓနုဖြူ ခရိုင်ဦးစီးမှူးရုံးမှ တာဝန်ရှိသူ ဝန်ထမ်းများသည် (၁.၄.၂၀၂၄) ရက်နေ့၊နံနက် (၁၀:၀၀)အချိန်က ဓနုဖြူမြို့(၅)ရပ်ကွက် ၊ ဥမ္မာဒန္တီလမ်းရှိ ရွှေဝါထွန်းပဲမုန့် လုပ်ငန်းသို့သွားရောက်၍ ဈေးကွက်မရောက်မှီ ကုန်စည်များအား ထုတ်ကုန်လုံခြုံစိတ်ချရမှုရှိစေရေး ကုန်အညွှန်းအမှတ်အသားဖော်ပြခြင်းနှင့် ပတ်သက်၍  ကွင်းဆင်းစစ်ဆေး အသိပညာပေးခဲ့ကြသည်။

      ကွင်းဆင်းစစ်ဆေးရာတွင် ဓနုဖြူမြို့နယ်ဦးစီးမှူးရုံးမှ ဦးခိုင်လွမ်းမိုး (အငယ်တန်းစာရေး)က ရွှေဝါထွန်းပဲမုန့်လုပ်ငန်းရှင်နှင့် တွေ့ဆုံ၍ ပဲမုန့်ထုတ်လုပ်မှု လုပ်ငန်းအဆင့်ဆင့်နှင့် ဖြန့်ဖြူးရောင်းချမှုကို မေးမြန့်လေ့လာခဲ့ပြီး ပဲမုန့်လုပ်ငန်းကို သိန်းနှစ်ဆယ်ရင်းနှီးထားကြောင်း၊ ပါကင်တစ်ဗူးတွင် ဆယ်ခုပါဝင် ထုပ်ပိုးပြီး တစ်နှစ်ကို တစ်သောင်းကျော် ထုတ်လုပ်နိုင်ကြောင်း၊ ရွှေဝါထွန်းပဲမုန့်ကို ၁၉၇၉ခုနှစ်တည်းက စတင်ခဲ့ပြီး တစ်ပိုင်တစ်နိုင်သာရောင်းချနေပြီး ဈေးကွက်အနေဖြင့် အခြားပြည်နယ်များသို့ ဖြန့်ဖြူးခြင်းမရှိသေးပဲ ဒေသတွင်းဖြန့်ဖြူးခြင်းပဲရှိသေးကြောင်း သိရသည်။ ရွှေဝါထွန်းပဲမုန့်သည် စားသုံးသူရေးရာ ဦးစီးဌာန၏ ကုန်အညွှန်းအမှတ်အသားဖော်ပြခြင်းဆိုရာအချက်အလက် ထောက်ခံချက်ရရှိထားပြီးဖြစ် ကြောင်းသိရပါသည်။

     ဆက်လက်၍ ဓနုဖြုမြို့နယ်စားသုံးသူရေးရာဦးစီးဌာနမှ တာဝန်ရှိသူက စားသုံးသူကာကွယ်ရေးဥပဒေ(၂၀၁၉)ပါ စီးပွားရေးလုပ်ငန်းရှင်လိုက်နာရမည့်တာဝန်များ၊ ရွှေဝါထွန်းပဲမုန့်၏ ထုတ်ပိုးပြင်ဆင်မှုနှင့် ကုန်အညွှန်းအမှတ်အသားဖော်ပြထားသည့် ကုန်စည်နှင့် သက်ဆိုင်သည့် အချက်အလက်များကို စစ်ဆေးခဲ့ပြီး၊ ကုန်စည်နှင့် စပ်လျဉ်း၍ စီးပွားရေးလုပ်ငန်းရှင်သည် ရောင်းချသည့် ကုန်စည်တွင် သာမာန်အားဖြင့် မမြင်နိုင်သော သဘာဝပြောင်းလဲနိုင်မှုနှင့် စပ်လျဉ်းသည့် အချက်အလက်များကို စားသုံးသူအား ထင်ရှားစွာဖော်ပြရန် အသိပေးရမည့် အချက်အလက်များကို ပြောကြားပြီး၊ စားသုံးသူအတွက် နစ်နာဆုံးရှုံမှုရှိလာပါက နစ်နာမှုအတွက် စားသုံးသူမှအရေးဆို တိုင်ကြားနိုင်သည့်အတွက် ပုဒ်မ ၂၃အရ စားသုံးသူအပေါ် အာမခံချက်ပေးထားပြီး ရောင်းချသည့် ကုန်စည်နှင့်စပ်လျဉ်း၍ စားသုံးသူသည် တောင်းဆိုပိုင်ခွင့်အခွင့်အရေး(၃)ချက်ရှိကြောင်းကို ရှင်းလင်း ပြောကြားအသိပညာပေးခဲ့ကြောင်း သိရသည်။

DOCA(ဧရာဝတီ)

    (၂၀.၃.၂၀၂၄)ရက်နေ့၊ နံနက် (၁၁:၃၀) အချိန်တွင် စားသုံးသူရေးရာဦးစီးဌာန၊ ညောင်တုန်းမြို့နယ် ဦးစီးမှူးရုံးမှ မြို့နယ်ဦးစီးမှူးဦးအောင်လွင်နှင့် ဝန်ထမ်းများသည် ညောင်တုန်းမြို့နယ်ဦးစီးမှူးရုံးတွင် ညောင်တုန်းမြို့နယ် ဆန်စက်လုပ်ငန်း ရှင်(၇)ဦးအား ဖိတ်ကြား၍ လုပ်ငန်းရှင် အသိပညာပေးဆွေးနွေးမှု ပြုလုပ်ခဲ့ပါသည်။

    လုပ်ငန်းရှင် ဆွေးနွေးပွဲတွင် ဆန်စက်လုပ်ငန်းရှင်များအား စားသုံးသူရေးရာဦးစီးဌာနသည် “ပြည်တွင်း ကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်း များဖြင့် နိုင်ငံ့စီးပွားရေးဖွံ့ ဖြိုးတိုးတက်စေရန်” ဆိုသည့် ဆောင်ပုဒ်နှင့်အညီ ဆန်စက်လုပ်ငန်းရှင်များအားဒေသတွင် စပါးဝယ်ယူမှု၊ ကြိတ်ခွဲမှု၊ ထုတ်လုပ် တင်ပို့မှု စပါး၊ ဆန်ဈေးနှုန်း၊ ဈေးကွက် အခြေအနေများ၊ ဆန်စက်ဖွံ့ဖြိုးရေး လုပ်ငန်းများအကြောင်း၊ ဆန်စီးဝင်/စီးထွက် အခြေအနေများရှိပါက နေ့စဉ်စာရင်းပြုစုထားကြရန် ဆွေးနွေးကြပြီး  စားသုံးသူကာ ကွယ်ရေးဥပဒေ အခန်း(၁၀)ပါ စီးပွားရေးလုပ်ငန်းရှင်၏ တာဝန်များကိုလည်း လေးစားလိုက်နာ ကြရမည် ဖြစ်ပါကြောင်း၊ စီးပွားရေးလုပ်ငန်း ရှင်များ အနေဖြင့် ကုန်အညွှန်းအမှတ်အသား ဖော်ပြရာတွင် သတ်မှတ်ချက် များနှင့်အညီ ဆောင်ရွက်ရမည်ဖြစ်ကြောင်းနှင့် မိမိတို့ဌာန၏ အတည်ပြုချက်ရယူ နိုင်ကြောင်း  စားသုံးသူကာကွယ်ရေးလုပ်ငန်းစဉ်နှင့် ပတ်သက်၍ စီးပွားရေးလုပ် ငန်းရှင်များအသေးစိတ် သိရှိလိုပါက Consumer Call Center 1535 သို့ ဆက်သွယ်မေးမြန်းနိုင််ပြီး၊ လုပ်ငန်းရှင်များက သိရှိလိုသည်များမေးမြန်းခဲ့ပြီး အပြန်အလှန်ဆွေးနွေးခဲ့ကြောင်း သိရပါသည်။

DOCA(ဧရာဝတီ)

    ပုသိမ်ခရိုင် စားသုံးသူရေးရာဦးစီးဌာန ခရိုင်ဦးစီးမှူး ဦးတင်စိုးလှိုင်သည် ဧပြီလ ၁ ရက်နေ့ နံနက်ပိုင်း ပုသိမ်ခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတွင် ပြန်ကြားရေးဝန်ကြီးဌာန ပြန်ကြားရေးနှင့်ပြည့်သူ့ဆက်ဆံရေးဦးစီးဌာနတို့ ပူးပေါင်း၍ online မှ စားသုံးသူပြည်သူများအား စားသုံးသူရေးရာအသိပညာပေး Talk Show အစီအစဉ်ပြုလုပ်ခဲ့ပါသည်၊၊

    ခရိုင်ဦးစီးမှူးဦးတင်စိုးလှိုင်က Talk Show အစီအစဉ်တွင် စားသုံးသူရေးရာဦးစီးဌာနမှ မတ်လအတွင်းဆောင်ရွက်ခဲ့သည့် လုပ်ငန်းရှင်များနှင်ပတ်သက်၍ ဈေးကွက်စောင့်ကြည့်စစ်ဆေးခြင်း (၉)ကြိမ်၊ လုပ်ငန်းရှင်တွေ့ဆုံခြင်း (၈)ကြိမ်၊ လုပ်ငန်းရှင်အသိပညာပေး (၉)ကြိမ်၊ ပြည်သူ အသိပညာပေး(၉)ကြိမ်၊ မြို့နယ်အလိုက် Talk Show အစီအစဉ်တင်ဆက်ခြင်း (၃)ကြိမ်၊ ကုန်အညွှန်း အမှတ်အသားစိစစ်ထုတ်ပေးခြင်း (၃)ကြိမ် စသည်တို့နှင့် ပြည်တွင်းကုန်သွယ်မှုမြှင့်တင်ရေး လုပ်ငန်းများပါ ဆောင်ရွက်လျက်ရှိကြောင်းပြည်တွင်းကုန်သွယ်မှု မြှင့်တင်ရေးလု်ပငန်းများအနေဖြင့် နေ့စဉ်အခြေခံစားသောက်ကုန်ဈေးနှုန်းများစာရင်း ၊ ဘိလပ်မြေဈေးနှုန်း၊ ပဲမျိုးစုံ တစ်ဧကအထွက်နှုန်း အတွက် တစ်ဧကကုန်ကျစရိတ် တောင်သူအကျိုးအမြတ်ရရှိယူများတွက်ချက်၍ ရုံးချုပ်သို့ တင်ပြ ဆောင်ရွက်လျက်ရှိပြီး ပြည်တွင်းကုန်သွယ်မှုမြှင့်တင်နိုင်ရေးအတွက် သက်ဆိုင်ရာဌာနများ အသင်းအဖွဲ့များ ပူးပေါင်းဆောင်ရွက်ကြောင်း ပြောကြားခဲ့ပါသည်၊၊

DOCA(ဧရာဝတီ)

            မွန်ပြည်နယ်၊  ကျိုက်မရောမြို့နယ်ရှိ ဒေသထွက်ကြက်မောက်သီးများ ယခုနှစ်အထွက်စောကာ လှိုင်လှိုင်သီးနေပြီးဖြစ်၍ ကြက်မောက်ခြံပိုင်ရှင်များ စျေးကောင်းရရှိရန် မျှော်လင့်နေကြကြောင်း သိရှိရသည်။

          ကျိုက်မရောမြို့နယ်၊ နတ်စမ်းကျေးရွာရှိ ဒေသခံများသည် စိုက်ပျိုးရေးလုပ်ငန်းဖြင့် အသက်မွေးဝမ်းကျောင်းပြုလုပ်ကြပြီး အဓိကဒေသထွက်ကုန်ဖြစ်သည့် ဒူးရင်းခြံ၊ ကြက်မောက်ခြံ စသည့် ဝယ်လိုအားကောင်းပြီး ငွေများများရနိုင်သည့် အသီးပင်များကို စနစ်တကျ စီးပွားဖြစ် စိုက်ပျိုးကြပြီး ပေါ်ဦးပေါ်ဖျား စျေးကောင်းရချိန်တွင် ခူး၍ ရောင်းချ ကြကြောင်း ယခုနှစ်တွင်  ကြက်မောက်သီးခြံများ၌ အသီးများအထွက်စော၍  လှိုင်လှိုင်သီး နေပြီးဖြစ်ရာ သင်္ကြန်ခါတော်မီ စျေးကွက်အတွင်းစျေးကောင်းရရှိရန် မျှော်လင့်လျက် ရှိကြောင်း ယိုးဒယား ကြက်မောက်ခြံအများဆုံးပိုင်ဆိုင်သည့် ဒေါ်စမ်းမော်ထံမှသိရသည်။

          ယခင်နှစ်ကတော့ ယိုးဒယားကိုင်းဆက်သီးတွေ ယခုချိန်စပေါ်နေပြီး အလုံးတစ်ရာပါ အစီးတစ်စည်းကို  တစ်သောင်းခန့်အထိ စျေးရပြီး  ယခုနှစ်ကတော့ မိုးနည်းသဖြင့် သီးအားလည်းကောင်းပါသည်။ယိုးဒယားမျိုးတစ်ပင်ကို(၈၀၀၀)ကျပ်ဖြင့်ဇွန်လဆန်းပိုင်းတွင်စတင်စိုက်ပျိုးကြပြီး  ကြက်မောက်သီးပင်က နှစ်ရှည်ပင်လည်းဖြစ်၍ သက်တမ်း(၆) နှစ်ကြာထိစောင့်ရပြီး သီးပီးဆိုလျှင်လည်း စျေးကောင်းရ၍ ဝင်ငွေကောင်းသည့် သီးနှံ ဖြစ်ကြောင်း သိရသည်။ နတ်စမ်းဒေသထွက်ယိုးဒယား ကြက်မောက်သီးက အနီရောင်ဖြစ်ပြီး ဗမာသီးကတော့အဝါရောင် ဖြစ်ကာ ယိုးဒယားသီးလောက်အချိုမစူး၍ လူကြိုက် နည်းပါသည်။ ယိုးဒယားကိုင်းဆက် သီးဆိုလျင် တစ်လုံးကိုအနည်းဆုံး တစ်ရာကျပ်ရကာ အလုံးတစ်စီးကို တစ်သောင်းကျပ် ရကြောင်း   ကြက်မောက် သီးစီးပွားဖြစ် စိုက်ပျိူးသူ ဒေါ်စမ်းမော်ထံ မှသိရသည်။

DOCA(မွန်)