သတင်းနှင့် လှုပ်ရှားမှုများ

    စားသုံးသူရေးရာဦးစီးဌာန ၊ စစ်ကိုင်းတိုင်းဒေသကြီး၊ ကန့်ဘလူမြို့နယ်တာဝန်ခံ ဦးမျိုးဝင်းသန်းသည် ၂၀၂၄ ခုနှစ် ၊ အောက်တိုဘာလ ၁၀ ရက် နံနက်(၁၀:၀၀)နာရီအချိန်တွင် ကန့်ဘလူမြို့၊ အမှတ်(၃)ရပ်ကွက်ရှိ ဦးညွှန့်ရွှေ၏ ရက်ကန်းလုပ်ငန်းသို့ ကွင်းဆင်းလေ့လာခဲ့ကြောင်း သိရသည်။

     ထိုသို့ကွင်းဆင်းတွေ့ဆုံဆွေးနွေးရာတွင် တာဝန်ခံက ရက်ကန်းလုပ်ငန်းသည် မြန်မာ့ရိုးရာ အမွေအနှစ်လက်မှုပညာဖြစ်သောကြောင့် တန်ဖိုးထားလေးစားကြောင်း၊ လုပ်ငန်းရှင်များအနေဖြင့် ရက်ကန်းလုပ်ငန်းနှင့်ပတ်သက်၍ လိုအပ်ချက်များ၊ အခက်အခဲများရှိပါက အထက်အဆင့်ဆင့်သို့ တင်ပြ၍ သက်ဆိုင်ရာဌာနများနှင့် ပေါင်းစပ်ညှိနှိုင်းဆောင်ရွက်ပေးသွားမည်ဖြစ်ကြောင်း၊ လုပ်ငန်းရှင်မှ မိသားစုတစ်နိုင်တစ်ပိုင်ဖြစ်သည့်အတွက် လက်ရက်ကန်း(၃)စင်ဖြင့် ဆောင်ရွက်လျက်ရှိကြောင်း၊ ရက်ကန်းရက်လုပ်ရာတွင် အသုံးပြုသည့်ချည်များကို ဒေသတွင်းဆိုင်များမှ ဝယ်ယူ၍၊ ရရှိလာသောအထည်များကိုလည်း အဆိုပါဆိုင်မှပြန်လည်ဝယ်ယူကြောင်း၊ မိမိတို့အနေဖြင့် အခြားဒေသများသို့ တိုက်ရိုက်တင်ပို့ရောင်းချခြင်းမရှိကြောင်း၊ ဈေးနှုန်းအဖြင့် အနိမ့်ဆုံး ငွေကျပ် ၄၅၀၀၀ မှ ၂၀၀၀၀၀ကျော်ထိ ရက်လုပ်ကြောင်း၊ ရက်ကန်းစင်၊ ချည်အမျိုးအစားနှင့် ရက်လုပ်ရသည့် အလွှားအရေအတွက်ပေါ်မူတည်၍ ဈေးနှုန်းများကွာခြားကြောင်း၊ မိမိတို့အနေဖြင့် မြန်မာ့ရိုးရာ အမွေအနှစ်လက်မှုပညာကို ထိန်းသိမ်းရာလည်းရောက်၊ အလုပ်အကိုင်းလည်းရ မိသားစုဝင်ငွေလည်းရရှိသည့်အတွက် အဆင်ပြေလျက်ရှိကြောင်း သတင်းရရှိပါသည်။

DOCA(စစ်ကိုင်း)

      စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီတင်သွင်းသိုလှောင် ဖြန့်ဖြူးခြင်း လုပ်ငန်းကြီးကြပ်ရေး ကော်မတီအနေဖြင့် စားအုန်းဆီ ကမ္ဘာ့ဈေးနှုန်း ဖြစ်ပေါ် ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများ ဖြစ်ပေါ်စေရေး ထိန်းကျောင်းဆောင်ရွက်လျက်ရှိပြီး စားအုန်းဆီ အဓိကထုတ်လုပ်တင်ပို့သည့် မလေးရှားနိုင်ငံ တွင် ဖြစ်ပေါ်နေသည့် FOB ဈေးနှုန်းများကို နေ့စဉ်စောင့်ကြည့်ကာ သယ်ယူပို့ဆောင်ခ ကုန်ကျစရိတ်များ၊ ဘဏ်စရိတ်များ၊ အခွန်အခများ ထည့်သွင်းတွက်ချက်၍ ပြည်တွင်းဈေးကွက်၌ ရောင်းဝယ်ဖောက်ကားရမည့် အခြေခံလက်ကားရည်ညွှန်းဈေးနှုန်းကို ထုတ်ပြန်ပေးလျက်ရှိပါ သည်။

    ယခုအပတ်အတွင်း ကမ္ဘာ့စားအုန်းဆီ ထုတ်လုပ်တင်ပို့သည့် နိုင်ငံများတွင် ဈေးကွက်နှင့် ဈေးနှုန်းဖြစ်ပေါ်မှုများအရ ၂၀၂၄ ခုနှစ်၊အောက်တိုဘာလ ၂၁ ရက်နေ့မှ အောက်တိုဘာလ ၂၇  ရက်နေ့အထိ ရန်ကုန်အထိုင်ဈေးအခြေခံလက်ကားရည်ညွှန်းဈေးနှုန်းမှာ စားအုန်းဆီတစ်ပိဿာလျှင် ၆,၂၆၅ကျပ် ဖြစ်ကြောင်း ထုတ်ပြန်ကြေညာထားပါသည်။

    ထို့အပြင် ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းအပါအဝင် မသမာသည့် လုပ်ဆောင်မှုများ ပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း အသိပေးထုတ်ပြန်ထားသည်။

    အခြေခံလက်ကားရည်ညွှန်းဈေးနှုန်းများကို စားသုံးသူရေးရာဦးစီးဌာန၏ Website: www.doca.gov.mm၊  Facebook Page  နှင့် မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များအသင်း၏ Facebook Page တွင် ဝင်ရောက်ကြည့်ရှုနိုင်ကြောင်း သိရသည်။

            စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ဧရာဝတီတိုင်းဒေသကြီး မြောင်းမြခရိုင် အိမ်မဲမြို့နယ်တာဝန်ခံ ဒေါ်ဇင်မာသန်းနှင့်ဝန်ထမ်းများသည် (၉.၁၀.၂၀၂၄) ရက်နေ့ နံနက် (၁၁:၃၀)အချိန်တွင် အိမ်မဲမြို့နယ် စားသုံးသူရေးရာဦးစီးဌာနတာဝန်ခံရုံးတွင် မုန့်မျိုးစုံလုပ်ငန်းရှင်များအား စားသုံးသူကာကွယ်ရေးဥပဒေ အသိပညာပေးဟောပြောပွဲဆောင်ရွက် ခဲ့ကြောင်းသိရှိရပါသည်။

       ထိုသို့ဥပဒေအသိပညာပေးဟောပြောပွဲပြုလုပ်ဆောင်ရွက်ရာတွင် စားသုံးသူရေးရာဦးစီးဌာန မြို့နယ်တာဝန်ခံမှ စားသုံးသူကာကွယ်ရေး ဥပဒေနှင့်စပ်လျဉ်း၍ စားသုံးသူကာကွယ်ရေးဆိုင်ရာ အကြောင်းအရာများ ဓာတုဆိုးဆေးများနှင့်ပတ်သက်၍အသေးစိတ် ရှင်းလင်းဆွေးနွေးခဲ့ပြီး စားသုံးသူပြည်သူများ လုံခြုံစိတ်ချမှုရှိစေရေးအတွက် စားသုံသူ၏အခွင့်အရေးနှင့်တာဝန်များ၊ စားသုံးသူကာကွယ်ရေးဆောင်ရွက်ချက်များ၊ စားသုံးသူများအနေဖြင့် ကုန်စည်နှင့်ဝန်ဆောင်မှုများ ဝယ်ယူခြင်းမပြုမီ မိမိတို့သတိပြုဆောင်ရွက်ရမည့်အချက်များ၊ ကုန်စည်နှင့်ပတ်သက်၍ အာမခံ ပေးထားမှုအပေါ် စားသုံးသူကတောင်းဆိုနိုင်သည့် အခွင့်အရေးများ၊ စားသုံးသူနစ်နာဆုံးရှုံးမှုများဖြစ်ပေါ်လာပါက တိုင်ကြားနိုင်သည့်  Call Center 1535 သို့ဆက်သွယ်တိုင်ကြားနိုင်ပါကြောင်း အသိပညာပေးဆွေးနွေးဟောပြောခဲ့ပါသည်။ စားသုံးသူဥပဒေအသိပညာပေးဟောပြောပွဲသို့ မုန့်မျိုးစုံလုပ်ငန်းရှင် (၁၁)ဦးတက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

         စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံးမှ စက်ရုံ/ အလုပ်ရုံများသို့ စားသုံးသူကာကွယ်ရေးဥပဒေအား သိရှိလိုက်နာဆောင်ရွက်နိုင်ရန် ဦးစီးအရာရှိ ဦးမျိုးထွန်းဦးဆောင်သည့် စစ်ဆေးရေးအရာရှိများသည် (၁၀-၁၀-၂၀၂၄) ရက်နေ့တွင် ရွှေစိန်မုန့်မျိုးစုံလုပ်ငန်းစက်ရုံသို့ အသိပညာပေးဟောပြောခြင်းနှင့် ကွင်းဆင်းစစ်ဆေးခြင်းလုပ်ငန်းများဆောင်ရွက်ခဲ့ကြပါသည်။

         ရွှေစိန်မုန့်မျိုးစုံလုပ်ငန်းစက်ရုံသို့ သွားရောက်ကွင်းဆင်းစစ်ဆေးခဲ့ပြီ၊ ကုန်အညွှန်းအမှတ်အသားပြည့်စုံစွာပါရှိရန်၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များအား သိရှိလိုက်နာဆောင်ရွက်ရန်နှင့် စီးပွားရေးလုပ်ငန်းရှင်ဖြစ်နေသော်လည်း အခြားတစ်ဖက်တွင် စားသုံးသူဖြစ်နေကြောင်း၊ စားသုံးသူ၏အခွင့်အရေးနှင့်တာဝန်များအားလည်း သိရှိလိုက်နာ၍ နစ်နာဆုံးရှုံးမှုများရှိပါက သက်ဆိုင်ရာဦးစီးမှူးရုံးသို့ဖြစ်စေ၊ CICC ရုံးများသို့ဖြစ်စေ၊ Website Complaint System၊ Consumer Call Center (1535) သို့ ဆက်သွယ်တိုင်ကြားနိုင်ကြောင်း၊ စားသုံးသူအခွင့်အရေးများ တောင်းဆိုနိုင်ကြောင်း၊ အရည်အသွေးကောင်းမွန်သော ကုန်ပစ္စည်းများကိုထုတ်လုပ်သွားရန်နှင့် ဥပဒေအား လိုက်နာဆောင်ရွက်သွားရန် အသိပညာပေးခဲ့ပါသည်။

          ဆက်လက်၍ ရွှေစိန်မုန့်မျိုးစုံလုပ်ငန်းစက်ရုံသို့ ဝန်ထမ်းများအား စားသုံးသူကာကွယ်ရေးအသိပညာများဟောပြောဆွေးနွေးခဲ့ပြီး အသိပညာပေးလက်ကမ်းစာစောင်များဖြန့်ဝေပေးခဲ့ကြောင်းသိရှိရပါသည်။

DOCA(မန္တလေး)

           စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မြောင်းမြခရိုင်၊ ဝါးခယ်မမြို့နယ်တာဝန်ခံ ဦးအောင်မိုးနှင့် ဝန်ထမ်းများသည် (၉.၁၀.၂၀၂၄) ရက်နေ့ နံနက် (၁၀:၃၀)နာရီအချိန်တွင် ဝါးခယ်မမြို့နယ် ရေကျော်ရပ်ကွက်ရှိ အုပ်ချုပ်ရေးမှူးရုံး၌ ရပ်ကွက်နေပြည်သူများအား စားသုံးသူကာကွယ်ရေးအသိပညာပေးခြင်းဆွေးနွေးဟောပြောပွဲ ပြုလုပ်ခဲ့ပါသည်။

      ထိုသို့အသိပညာပေးဟောပြောပွဲပြုလုပ်ရာတွင် စားသုံးသူရေးရာဦးစီးဌာန မြို့နယ်တာဝန်ခံမှစားသုံးသူကာကွယ်ရေးဥပဒေနှင့် စပ်လျဉ်း၍ စားသုံးသူကာကွယ်ရေးဆိုင်ရာ အကြောင်းအရာများ ဓာတုဆေးများနှင့်ပတ်သက်၍ စားသုံးသူပြည်သူများလုံခြုံစိတ်ချမှုရှိစေရေးအတွက် စားသုံးသူ၏အခွင့်အရေးနှင့် တာဝန်များ၊ စားသုံးသူကာကွယ်ရေးဆောင်ရွက်ချက်များ၊ စားသုံးသူများအနေဖြင့် ကုန်စည်နှင့်ဝန်ဆောင်မှုများ ဝယ်ယူခြင်းမပြုမီ သတိပြုဆောင်ရွက်ရမည့်အချက်များ၊ ကုန်စည်နှင့် ပတ်သက်၍အာမခံပေးထားမှုအပေါ် စားသုံးသူကတောင်းဆိုနိုင်သည့် အခွင့်အရေးများ၊ စားသုံးသူနစ်နာဆုံးရှုံးမှုများဖြစ်ပေါ်လာပါက တိုင်ကြားနိုင်သည့် Call Center 1535 သို့ဆက်သွယ် တိုင်ကြားနိုင်ပါကြောင်းအသိပညာပေး ဆွေးနွေးဟောပြောခဲ့ပါသည်။ဟောပြောဆွေးနွေးပွဲသို့ ရပ်ကွက်နေပြည်သူ (၂၀)ဦးတက်ရောက်ခဲ့ပါသည်။

DOCA(ဧရာဝတီ)