သတင်းနှင့် လှုပ်ရှားမှုများ

           ကျောက်ဆည်ခရိုင်သည် မြေဆီ၊ မြေလွှာကောင်းမွန်သောဒေသဖြစ်ပြီး၊ ရာသီပေါ်သီးနှံမျိုးစုံကို စိုက်ပျိုးသည့်အပြင် နှစ်ရှည်သီးနှံများာကိုးလည်း စိုက်ပျိုးလျက်ရှိရာ ၄င်းတို့အနက်မှ   မိသားစုအပိုဝင်ငွေရရှိသည့် ရာသီမရွေးစိုက်ပျိုးနိုင်ပြီး ရာသီမရွေးစားသုံးနိုင်သော ဈေးကွက်ဝယ်လိုအားရှိသည့်ဂွေးပင်များကို တိုးချဲ့စိုက်ပျိုးလာကြပါသည်။         

       ဂွေးပင်မှာ မည်သည့်မြေအမျိုးအစားတွင်မဆို ရှင်သန်ဖြစ်ထွန်းနိုင်ပါသည်။ မိုးဦးကျကာလများတွင် စတင်စိုက်ပျိူးပါက အပင်များပိုမိုရှင်သန်ပြီး အသေအပျောက်နည်းပါးပါသည်။ တစ်ဧကစိုက်ပျိုးမှုတွင် အပင်(၅၀)ပင်မှ (၆၀)ပင်အထိစိုက်ပျိုးရကြောင်း၊ ခြောက်လဂွေးမျိုး၊ တစ်နှစ်ပတ်လုံးသီးသောဂွေးမျိုးနှင့် ပင်ကြီးဂွေးဟူ၍ ဂွေးပင်အမျိုးမျိုးရှိရာ နှစ်ရှည်ပင်ကြီးဂွေးမျိုးကိုသာ စိုက်ပျိုးကြပါသည်။ ခြောက်လဂွေးပင်မျိုးဖြစ်သော ပျိုးပင်တစ်ပင်လျှင် (၃၅၀၀-၄၀၀၀)ကျပ်၊ တစ်နှစ်လုံးသီးသော ဂွေးပင်ပျိုးပင်တစ်ပင်လျှင် (၄၅၀၀)ကျပ်ခန့်ရှိပြီး ပင်ကြီးဂွေးပင်တစ်ပင်လျှင် အပင်ပေါ်မူတည်၍ (၁၀၀၀)ကျပ်မှ (၁၅၀၀)ကျပ်အထိရှိကြောင်း၊ ဂွေးပင်စိုက်ပျိုးမှုတစ်ဧကကုန်ကျစရိတ်အနေဖြင့် မိသားစုလုပ်အားခမပါ(၇၀၀၀၀၀)ကျပ်ခန့်ကုန်ကျကြောင်း၊ စိုက်ပျိုးပြီး သုံးနှစ်ကြာလျှင် အသီးများကို စတင်ခူးဆွတ်ပြီး ရောင်းချနိုင်ကြောင်းသိရှိရပါသည်။ ဂွေးသီးပင်သည် တစ်နှစ်လျှင် နှစ်ကြိမ်အသီးသီးပြီး တစ်ကြိမ်လျှင် ခြံပြတ်ရောင်းမည်ဆိုပါက အသီးပါးလျှင်(၂၅၀၀၀၀-၃၀၀၀၀၀)ကျပ်ရရှိပြီး အသီးများလျှင် (၃၅၀၀၀၀-၄၀၀၀၀၀)ကျပ်အထိရောင်းချရကြောင်း၊ တချို့ပွဲစားများက တစ်နှစ်ပတ်လုံးသီးသော အသီးကိုကြိုတင်ပေးဖြင့်လည်းဝယ်ယူကြောင်း ၊ တစ်ချို့ခြံရှင်များမှာ ကြိုတင်ပေးရောင်းချခြင်းကို မပြုလုပ်ဘဲ အသီးများကိုနေ့စဉ်ခူး၍ ကျောက်ဆည်မြို့၊ အေးမြကြည်လင်ဈေးတွင် နေ့စဉ် ဖောက်သည်ပေးရောင်းချသလို လက်လီဈေးများဖြင့် စားသုံးသူများ စိတ်ကြိုက်ဝယ်ယူနိုင်စေရန်လည်း ရောင်းချပေးလျက်ရှိကြောင်း ဖောက်သည်ဝယ်ယူသူများအနေဖြင့် (၂)တင်းဝင်အိတ်တစ်အိတ်လျှင်(၁၀၀၀၀-၁၅၀၀၀)ကျပ်အထိရောင်းချရပြီး လက်လီဈေးအနေဖြင့် အလုံးပေါ်မူတည်၍ (၁၀)လုံးလျှင် (၂၀၀)ကျပ်၊ အလုံး(၃၀)လျှင် (၅၀၀)ကျပ်၊ အလုံး(၂၅)လုံးလျှင် (၅၀၀)ကျပ်ဈေးများဖြင့် ရောင်းဝယ်လျက်ရှိကြောင်း မြို့ပေါ်ရှိပွဲစားများသည် ဂွေးသီးများကို ခြံကအသီးကိုကြည့်၍ ကြိုတင်လာဝယ်ယူမှုများရှိသကဲ့သို့ အချဉ်ပေါင်းသည်၊ ကျောင်းမုန့်ဈေးသည်များကလည်း လာရောက်ဝယ်ယူကြပါသည်။

          လက်လီဝယ်ယူသူများမှ အိမ်တွင်ဂွေးသီးကို ငရုတ်သီး၊ ကြက်သွန်နီတို့ဖြင့်ရော၍ထောင်းကာ ထမင်းနှင့်တွဲဖက်၍ စားသုံးကြသကဲ့သို့ ဂွေးသီးကို ပါးပါးလှီး၍ ငပိ ၊ ပုဇွန်ခြောက်တို့နှင့်ရောကာ ဂွေးသီးငပိချက်အဖြစ်လည်း ချက်၍စားသုံးကြပါသည်။ လူငယ်လူရွယ်များမှ သွားရေစာအဖြစ် ခံတွင်းရှင်းစေရန် ချဉ်ချဉ်စပ်စပ်ဂွေးသီးသုပ်များကိုလည်း ပြုလုပ်၍စားသုံးကြပါသည်။ စားသုံးသူပြည်သူများမှာ ဂွေးသီးများကို အမျိုးမျိုးပြုလုပ်၍စားသုံးကြသဖြင့် တောင်သူဦးကြီးများအနေဖြင့် နေ့စဉ် ဝင်ငွေတိုးစေမည့် နှစ်ရှည်စားသုံး၍ရသော ဂွေးပင်များကိုလည်း တိုးချဲ့စိုက်ပျိုးသင့်ပါကြောင်း ရေးသားတင်ပြအပ်ပါသည်။

DOCA(မန္တလေး)

         Online Shopping အများစုသည် တစ်ဦးတစ်ယောက်(သို့)တစ်ပိုင်တစ်နိုင်(သို့) မိသားစု ပိုင်အသွင်ဖြင့် Informal လုပ်ကိုင်ဆောင်ရွက်ကြခြင်းဖြစ်ရာ ကတိကဝတ်များ (Terms & Conditions) မရှိခြင်း၊ ကုန်စည်မှာယူပြီးနောက် ပြန်လည်ရုပ်သိမ်းခြင်းအစီအစဉ် (Cancelling) မရှိခြင်း၊ကုန်စည်လက်ခံရရှိပြီးနောက် ကျေနပ်လက်ခံနိုင်သည့် အခြေအနေမရှိသဖြင့် ငွေပြန်လည်ပေးအပ်သည့် မူဝါဒ ( Return Policy )မရှိခြင်း၊ အခွန်အခများ၊ သယ်ယူပို့ဆောင်စရိတ်များနှင့် အခြားကုန်ကျစရိတ်များ၊ ငွေကြေးနှုန်းထားပြောင်းလဲမှုများအတွက် စားသုံးသူထံကုန်စည်တန်ဖိုး အပေါ်ထပ်ဆောင်းတောင်းခံခြင်းမရှိကြောင်း ရှင်းလင်းစွာဖော်ပြထားမှု(Transparency)မရှိခြင်း၊ ငွေကြေးလွှဲပြောင်းပေးချေသည့် စနစ်တိကျစွာ(Payment Term) မရှိခြင်း၊ ကုန်စည်ပေးပို့ခြင်း များအတွက် ခြေရာခံနိုင်သည့်စနစ် တည်ဆောက်ထားမှု (Trancability) မရှိခြင်း၊ လိမ်လည် လှည့်ဖျားလိုသည့် သဘောဖြင့် တာဝန်ယူမှုတာဝန်ခံမှုမရှိသည့်အပြင် ခြေရာခံရှာဖွေရာတွင်Facebook၌ ဖော်ပြထားသော လိပ်စာ၊ ဖုန်းနံပါတ်များ ဆက်သွယ်၍မရခြင်း၊ မြေပြင်၌ နေရပ်လိပ်စာ အမှန်တကယ်မရှိခြင်းစသည်တို့ကြောင့် စားသုံးသူပြည်သူအများစုမှာ နစ်နာဆုံးရှုံးမှုများ ကြုံတွေ့နေရပါသည်။    

        စားသုံးသူများအနေဖြင့် Websiteနှင့် Facebook များတွင် ကုန်စည်များ ဝယ်ယူမည်ဆိုပါက မိမိဝယ်ယူမည့် Website နှင့် Facebook များသည် တရားဝင်(Official Page )ဟုတ်/မဟုတ် စုံစမ်းစိစစ်ပြီးမှသာ ဝယ်ယူရန်နှင့် တရားဝင်(Official Page ) ဖြစ်ပြီး Profile နှင့် Page များကို မှန်ကန်ကြောင်း အတည်ပြုပေးသည့် (Verification) အမှတ်အသားတစ်ခုဖြစ်သည့် Blue Mark (Blue Check Mark) ပါ/မပါ ကြည့်ရှု့၍ ရွေးချယ်ဝယ်ယူရန် လိုအပ်ပါသည်။ ထို့အပြင် ယုံကြည် စိတ်ချရသော Online Shop Platform  နှင့် ချိတ်ဆက်ထားခြင်း ရှိ/မရှိ၊ မြန်မာနိုင်ငံတွင် တရား ဝင်မှတ်ပုံတင်ထားသော Online Website ဟုတ်/မဟုတ် ၊ ကုမ္ပဏီမှတ်ပုံတင်ထားရှိမှု ရှိ/ မရှိ၊ ဝန်ဆောင်မှုနှင့် သက်ဆိုင်သည့် သုံးသပ်ချက်များကို လေ့လာဖတ်ရှု့ရန်လည်း လိုအပ်ပါ သည်။ စားသုံးသူအများစု လက်ခံယုံကြည်ပြီး ဝယ်ယူအားပေးလျက်ရှိသည့် လုပ်ငန်းဖြစ်သည့်အပြင် သက်ဆိုင်ရာဌာန အဖွဲ့အစည်းများက ခွင့်ပြုထားခြင်းရှိ/မရှိ၊ လုံခြုံစိတ်ချရသော ငွေပေး ချေမှု စနစ်များဖြင့် ဆောင်ရွက်နေသည့် လုပ်ငန်းဟုတ်/မဟုတ်၊ သုံးစွဲသည့်စားသုံးသူ ပြည်သူများမှန်ကန်သော သုံးသပ်ချက်များ Review များ ရှိ/မရှိ ကြည့်ရှု့ဝယ်ယူကြရန် လိုအပ်ပါသည်။ စားသုံးသူများအနေဖြင့် ပေးထားသည့် ကတိအတိုင်း မှန်မှန်ကန်ကန် ဆောင်ရွက်ပေးသည့် Online Shopping များက သာစိစစ်ပြီးမှသာ ဝယ်ယူသုံးစွဲကြရန်နှင့် သက်ဆိုင်ရာ အရောင်း ပြခန်း၊ အရောင်းဆိုင်များတွင်သာ မျက်မြင်ရွေးချယ်ဝယ်ယူရန်ကြရန် လိုအပ်ပါသည်။ ၎င်းအပြင် အချို့သော Online Shopping Page များသည် ကုန်ပစ္စည်းပို့ဆောင်ရေး ဝန်ဆောင်မှုလုပ်ငန်းများ၏ ပစ္စည်းလက်ခံ ပြေစာများကို အတုအပပြုလုပ်၍ ငွေကြိုတောင်း၍ လိမ်လည်ခြင်း၊ Digital စနစ် ငွေပေးချေရာတွင် ဆောင်ရွက်သည့် နည်းလမ်းများဖြင့်လိမ်လည်ခြင်း၊ နာမည်ကြီး Online Shopping Page ပစ္စည်းလက်ခံပြေစာများကို Copyယူ အတုပြုလုပ်၍ ငွေလိမ်လည် ခြင်း၊ Pre Order လုပ်ချိန်တွင် ငွေပေးချေခိုင်း၍ Deliver မလုပ်ခြင်းစသည့် နည်းလမ်းမျိုးစုံဖြင့် မမှန်မကန်ဆောင်ရွက်နေသည့်အတွက် စားသုံးသူများနစ်နာဆုံးရှုံးမှု မဖြစ်ပေါ်စေရန် ပစ္စည်း လက်ဝယ်ရောက်မှသာ ငွေပေးချေသည့် နည်းလမ်းကို အသုံးပြုသင့်ပါသည်။ စားသုံးသူမိဘ ပြည်သူများအနေဖြင့် Online Shopping များတွင် ကုန်စည်များ၊ ဝန်ဆောင်မှုများမှာယူ သုံးစွဲပြီးနောက် နစ်နာဆုံးရှုံးမှုတစ်စုံတစ်ရာများ ကြုံတွေ့ရပါက Doca Myanmar Application မှတစ်ဆင့်ဖြစ်စေ၊ တိုင်းဒေသကြီး/ ပြည်နယ်စားသုံးသူရေးရာဦးစီးဌာန၊ စားသုံးသူသတင်းပြန် ကြားရေးနှင့်တိုင်ကြားမှု လက်ခံဆောင်ရွက်ရေးစင်တာ(CICC)မှ တစ်ဆင့်ဖြစ်စေ၊ Websiteမှ တစ်ဆင့်ဖြစ်စေ Consumer Call Center (၁၅၃၅)တို့မှတစ်ဆင့်ဖြစ်စေ ဆက်သွယ်တိုင်ကြား နိုင်ပါကြောင်း တိုက်တွန်းနှိုးဆော်လိုက်ရပါသည်။

• ကယား)

      စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ ဦးဘောမ်ဇုန်း(ရုံးအုပ်)သည် ၁၇.၁.၂၀၂၃ ရက်နေ့နံနက်၁၀း၃၀နာရီအချိန်တွင် ဝိုင်းမော်မြို့နယ်၊ဝါရှောင်ကျေးရွာ၊ အမှတ်(၃)ရပ်ကွက်ရှိ လက်လီ/ လက်ကားကုန်စုံဆိုင်ရောင်းချနေသောစီးပွားရေးလုပ်ငန်းရှင်များနှင့်တွေ့ဆုံဆွေးနွေးခဲ့ပါသည်။

      ထိုသို့ဆွေးနွေးရာတွင်  စားသုံးသူကာကွယ်ရေးဥပဒေပါ  စီးပွားရေးလုပ်ငန်းရှင်ဆိုသည်မှာ ကုန်စည်ကိုထုတ်လုပ်ခြင်း၊ ဖြန့်ဖြူးခြင်း၊ သိုလှောင်ခြင်း၊ သယ်ယူပို့ဆောင်ခြင်း၊ ရောင်းချခြင်း၊ ပြုပြင်ထုတ်လုပ်ခြင်း၊ ပြည်ပသို့တင်ပို့ခြင်း၊ ပြည်တွင်းသို့တင်သွင်းခြင်း၊ ပြန်လည်ရောင်းချခြင်းကိုဖြစ်စေ၊ ထောက်ပံ့ခြင်းကိုဖြစ်စေ၊  ဝန်ဆောင်မှုပေးခြင်းကိုဖြစ်စေ၊ ကြော်ငြာလုပ်ငန်းလုပ်ကိုင်ခြင်းကိုဖြစ်စေ၊တစ်ဦးချင်းသော်လည်းကောင်း၊ အဖွဲ့အစည်းနှင့်သော်လည်းကောင်း ဆောင်ရွက်သူကိုဆိုလိုကြောင်း၊ စီးပွားရေးလုပ်ငန်းရှင်၏တာဝန်များ၊ ကုန်စည်သို့မဟုတ်ဝန်ဆောင်မှုနှင့်စပ်လျဉ်း၍ ဘေးအန္တရာယ် ကင်းရှင်းရေးအာမခံပေးရမည်ဖြစ်ကြောင်း၊ ကုန်စည်သို့မဟုတ်ဝန်ဆောင်မှုအပေါ်တာဝန်ရှိမှု၊ ကုန် အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက်သတ်မှတ်ချက်နှင့်အညီ သိသာထင်ရှားစွာဖော်ပြရမည့်အချက်များ၊ ကုန်အညွှန်းအမှတ်အသားဖော်ပြခြင်းဆိုင်ရာအချက်များ နှင့်ကိုက်ညီမှုမရှိသည့် ကုန်စည်ကိုထုတ်လုပ်ခြင်း၊ ကုန်သွယ်ခြင်းသို့မဟုတ် ရောင်းချခြင်းမပြုရန်နှင့် ဖောက်ဖျက်ကျူးလွန်ပါက စားသုံးသူကာကွယ်ရေးဥပဒေအရ ပြစ်ဒဏ်ကျခံရမည်ဖြစ်ကြောင်းတို့ကို ရှင်းလင်းဆွေးနွေးခဲ့ပြီး စားသုံးသူကာကွယ်ရေး အသိပညာပေးလက်ကမ်းစာစောင်နှင့် ကုန်အညွှန်း အမှတ်အသားဖော်ပြခြင်းဆိုင်ရာ များဖြန့်ဝေခဲ့ပါသည်။

DOCA(ကချင်)

        စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ဆိပ်ဖြူမြို့နယ်တာဝန်ခံရုံးအုပ် ဦးဇော်နေလင်းသည် စားသုံးသူများ ဘေးကင်းလုံခြုံမှုရှိစေရေးအတွက် မိတ်ဖက်ဌာန မြို့နယ်စည်ပင်သာယာရေးအဖွဲ့နှင့်ပူးပေါင်း၍  (၁၀. ၁. ၂၀၂၃)ရက်နေ့၊  နံနက်(၁၀:၀၀)နာရီအချိန်တွင် ဆိပ်ဖြူမြို့ ပတ္တမြားဈေးအတွင်းရှိ ကုန်မျိုးစုံ ရောင်းဝယ်ရေးဆိုင်များတွင် ရောင်းချလျက်ရှိသော ကုန်စည်များမှာ ထုတ်ကုန်များ လုံခြုံစိတ်ချရမှုရှိစေရန်အတွက် သက်တမ်းလွန် ကုန်ပစ္စည်းများ ရောင်းချနေခြင်းရှိ/မရှိ ကုန်အညွှန်းအမှတ်အသားနှင့်စပ်လျဉ်း၍ မြန်မာဘာသာဖြင့် ဖော်ပြထားခြင်းရှိ/မရှိနှင့် ကုန်အညွှန်းအမှတ်အသားများ ပြည့်စုံစွာ ဖော်ပြထားမှုရှိ/မရှိကို ဈေးကွက်စောင့်ကြည့်စစ်ဆေးခဲ့ပါသည်။

    ထိုသို့ဈေးကွက်စောင့်ကြည့်စစ်ဆေးရာတွင် စားသုံးသူရေးရာဦးစီးဌာနမှ ကုန်ပစ္စည်းမျိုးစုံ ရောင်းချနေသောဆိုင်ရှင်များအား စားသုံးသူကာကွယ်ရေးဥပဒေ ၂၀၁၉၊ အခန်း(၁၈) ပုဒ်မ(၄၁)အရ ကုန်စည်များတွင် ကုန်အညွှန်းအမှတ်အသားပြည့်စုံစွာ ဖော်ပြထားရှိသည့် ကုန်စည်များကို ရောင်းချရန်နှင့်  မြန်မာနိုင်ငံ စားသူကာကွယ်ရေးကော်မရှင်မှ ထုတ်ပြန်ထားသည့် ညွှန်ကြားချက်အမှတ် (၂/၂၀၁၉)နှင့်အညီ ပြည့်စုံစွာဖော်ပြလာစေရေးနှင့် မြန်မာဘာသာဖြင့်ဖော်ပြရမည့် ကုန်ပစ္စည်းအမျိုး အမည်၊ အရွယ်အစား၊ အရေအတွက် (သို့မဟုတ်) အသားတင်ပမာဏ၊ ထားသိုသိမ်းဆည်းမှုအညွှန်း၊ ဓာတ်မတည့်ကြောင်းဖော်ပြချက်တို့ကို မဖြစ်မနေ ထည့်သွင်းဖော်ပြရမည်ဖြစ်ပြီး ထုတ်လုပ်သည့် ရက်စွဲနှင့် သက်တမ်းကုန်ဆုံးသည့်ရက်စွဲများကိုလည်း ထည့်သွင်းဖော်ပြရမည်ဖြစ်ကြောင်း  လုပ်ငန်းရှင်များအနေဖြင့် ကုန်အညွှန်းအမှတ်အသားပြည့်စုံစွာ ထည့်သွင်းဖော်ပြထားခြင်းမရှိသော ကုန်စည်များ ရောင်းချသည်ကို စစ်ဆေးတွေ့ရှိပါက စားသုံးသူကာကွယ်ရေးဥပဒေအရ အရေးယူဆောင်ရွက်သွားမည်ဖြစ်ကြောင်းနှင့် စားသုံးသူကာကွယ်ရေးဥပဒေ အခန်း(၁၀)ပါ စီးပွားရေးလုပ်ငန်းရှင်၏ တာဝန်များ၊ တားမြစ်ချက်များ၊ ပြစ်မှုပြစ်ဒဏ်များအကြောင်းတို့ကို အသေးစိတ် ရှင်းလင်းပြောကြားခဲ့ပြီး စားသုံးသူကာကွယ်ရေး အသိပညာပေး လက်ကမ်းစာစောင်များ ဖြန့်ဝေခဲ့ပါသည်။

DOCA(မကွေး)

         ရခိုင်ပြည်နယ် စားသုံးသူရေးရာဦးစီးဌာန၊ သံတွဲခရိုင် ဂွမြို့နယ်တာဝန်ခံ ဒေါ်မာမာလေး    (ဒု-ဦးစီးမှူး)နှင့် ဝန်ထမ်းများသည် ၂၀၂၃ ခုနှစ် ဇန်နဝါရီလ ၁၇ ရက်နေ့ နံနက် (၁၀:၀၀) နာရီအချိန်တွင် ထုတ်ကုန်များ လုံခြုံစိတ်ချရမှုရှိစေရန်အတွက် ဂွမြို့၊ ကင်းရုံရပ်ကွက်၊ ကမ်းနားလမ်းရှိ ငါးခြောက်များ ပြုလုပ်ရောင်းချသည့် လုပ်ငန်းရှင် ဒေါ်နီနီမော်နှင့်တွေ့ဆုံဆွေးနွေးပြီး ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

      ထိုသို့ ကွင်းဆင်းစစ်ဆေးရာတွင် စားသုံးသူများဘေးအန္တရာယ်ကင်းရှင်းစေရေး ဆောင်ရွက်ရန် နှင့် စားသုံးသူကာကွယ်ရေးဥပဒေ၊ အခန်း(၁၀)ပါ စီးပွားရေးလုပ်ငန်းရှင်များ၏ တာဝန်များ၊ ကုန်စည်များထုတ်လုပ်ရောင်းချရာတွင် ဈေးကွက်မရောက်မီ ကုန်စည်များနှင့် ဈေးကွက်ရောက်ပြီး ကုန်စည်များ ထုတ်ကုန်လုံခြုံစိတ်ချရမှုရှိစေရေးအတွက် စစ်ဆေးဆောင်ရွက်လျှက်ရှိသည့် အခြေအနေများ၊ ဆောင်ရန်၊ ရှောင်ရန် အချက်များကိုလည်း ဆွေးနွေးပြောကြား အသိပညာပေး ဆောင်ရွက်ခဲ့ကြောင်း သတင်းရရှိပါသည်။

DOCA(ရခိုင်)