သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးမှ ဝန်ထမ်းများသည် စားသုံးသူပြည်သူများ စားသုံးသူကာကွယ်ရေးဆိုင်ရာ အသိပညာဗဟုသုတများ ရရှိစေရေးအသိပညာပေး ဆောင်ရွက်လျက်ရှိရာတွင် ကျေးရွာများသို့ သွားရောက်၍ ကျေးလက်နေပြည်သူများအားလည်း အသိပညာပေးခြင်းကို ဆောင်ရွက်လျက်ရှိပါသည်။

      ဇန်နဝါရီလ ၁၇ ရက်နေ့ နံနက်ပိုင်းတွင် ဖြူးမြို့နယ်တာဝန်ခံ ဒေါ်သန္တာစိုးနှင့် ဌာနခွဲစာရေး ဒေါ်ပပလင်းတို့သည် ဖြူးမြို့နယ် အုတ်ဖြတ်ကျေးရွာအုပ်စု ရင်းတိုက်စိန်ကျေးရွာသို့ သွားရောက်၍ ကျေးလက်နေပြည်သူ ၃၅ ဦးအားလည်းကောင်း၊ ဇန်နဝါရီလ ၁၉ ရက်နေ့ နံနက်ပိုင်း တွင် ရေတာရှည်မြို့နယ်တာဝန်ခံ ဦးဇော်ဇော်ထွေးနှင့်လက်ထောက်ကြီးကြပ်ရေးမှူး ဦးဇော်မိုးအောင်တို့သည် ပီတူးကျေးရွာသို့ သွားရောက်၍ ကျေးလက်နေပြည်သူ ၃၁ ဦးအား လည်းကောင်း စားသုံးသူကာကွယ်ရေးဆိုင်ရာများကို အသိပညာပေးဟောပြောခဲ့ပါသည်။

         ဟောပြောပွဲများတွင် စားသုံးသူကာကွယ်ရေးဦးစီးဌာနပေါ်ပေါက်လာပုံ၊ စားသုံးသူကာကွယ်ရေးဥပဒေပါ စားသုံးသူ၏ အခွင့်အရေးနှင့်တာဝန်များ၊ ကုန်စည်များဝယ်ယူသုံးစွဲရာတွင် ကုန်အညွှန်းအမှတ်အသားများ ဦးစားပေးဖတ်ရှုသင့်ပုံများ၊ စားသုံးသူနစ်နာဆုံးရှုံးမှုများကိုတိုင်ကြား နိုင်ခြင်းများ၊ စားသုံးသူကာကွယ်ရေးအတွက်ဦးစီးဌာန၏ ဆောင်ရွက်ချက်များကို ရှင်းလင်းဟောပြောခဲ့ကြောင်း သိရှိရပါသည်။

DOCA(ပဲခူး)

        ပဲခူးတိုင်း၊ တောင်ငူခရိုင်၊ ဖြူးမြို့နယ်ရှိ တောင်သူလယ်သမားများသည် လယ်ယာမြေများ တွင် မိုးရာသီတွင် စပါးကိုအဓိကအားထားစိုက်ပျိုးပြီး ဆောင်းရာသီတွင် မတ်ပဲနှင့် နွေစပါးကို အဓိက ထား၍ စိုက်ပျိုးကြပါသည်။

      ဖြူးဒေသတွင်စိုက်ပျိုးသည့် မိုးစပါးမျိုးကွဲများမှာ ဆင်းသုခ၊ မနောသုခ၊ ရတနာတိုး၊ ဧရာမင်း၊ ပခန်းရွှေဝါ၊ နှံကောက်၊ ငစိန်၊ ကောက်ညှင်းနှင့် GW-11  တို့ဖြစ်ပါသည်။ စပါးစိုက်ဧက ပေါင်း (၁၅၀၈၂၆) ရှိရာ စိုက်ဧကအားလုံး ရိတ်သိမ်းပြီးစီးသွားပြီး ဖြစ်ပါသည်။

       မိုးစပါးအထွက်နှုန်းမှာ (၇၁.၃၂) နှုန်းထွက်ရှိသဖြင့် စုစုပေါင်းအထွက်တင်း ၁၀၇ သိန်းခွဲ ခန့်ရှိပါသည်။ ဖြူးမြို့နယ်တွင် လူဦးရေ ၂၆၅၆၁၂ ဦး ရှိပါသဖြင့်မျိုးစပါး၊ အလေအလွင့်နှင့် စားသုံးမှုအတွက်ချန်လျှင် စပါးတင်း ၆၁ သိန်းခွဲခန့် ပိုလျှံမည် ဖြစ်ပါသည်။

      ဆောင်းသီးနှံများဖြစ်သော မြေပဲ စိုက်ဧကမှာ (၁၇၃၇)ဖြစ်ပြီး ရိတ်သိမ်းခြင်းမရှိသေးပါ။ နှမ်းစိုက်ဧက (၇၆၆)ဖြစ်ပြီး (၂၄၅)ဧက ရိတ်သိမ်းပြီးကြောင်း သိရှိရပါသည်။  ပဲတီစိမ်းစိုက်ဧကမှာ (၁၃၅၂၇) ဖြစ်ပြီး (၃၆၂၇) ရိတ်သိမ်းပြီး ဖြစ်ပါသည်။ ပဲနောက်စိုက်ဧကမှာ (၅၃၁၄)ဧကဖြစ်ပြီး ရိတ်သိမ်း ပြီးစီးမှု မရှိသေးကြောင်း သိရှိရပါသည်။

DOCA(ပဲခူး)

         စားသုံးသူရေးရာဦးစီးဌာန ၊ သာယာဝတီခရိုင် ၊ လက်ပံတန်းမြို့နယ် အစိုးရစက်မှုလက်မှု သိပ္ပံကျောင်း၌ (၁၇.၁.၂၀၂၃) ရက်နေ့ ၊ နံနက် ၁၀ : ၀၀ နာရီအချိန်တွင် ခရိုင်ဦးစီးမှူး ဦးအောင်သိန်း ၊ ခရိုင် စားသုံး/ ထုတ်လုံတာဝန်ခံ ဒေါ်ခိုင်ခိုင်ရီ ၊ မြို့နယ်တာဝန်ခံ ဦးချစ်ကိုကို ၊ မူဝါဒ ဌာနခွဲတာဝန်ခံ ဒေါ်ဝေဝေဖြိုးတို့ပါဝင်သောအဖွဲ့သည် ဆရာ/ဆရာမ (၉)ဦး ၊ ကျောင်းသား/ကျောင်းသူ ၁၂၅ ဦး ၊ စုစုပေါင်း (၁၃၄)ဦးတို့အား စားသုံးသူကာကွယ်ရေးအသိပညာပေး ဟောပြောခဲ့ပါသည်။

       ပထမဦးစွာ စားသုံးသူရေးရာဦးစီးဌာန ၊ ခရိုင်ဦးစီးမှူး ဦးအောင်သိန်းက စားသုံးသူ အခွင့်အရေးများ အပြည့်အဝ ရရှိစေရန်နှင့်တိကျမှန်ကန် ရှင်းလင်းသော သတင်းအချက်အလက်များ သိရှိစေရန် ၊ စားသုံးသူများ ဘေးအန္တရာယ်ကင်းရှင်းစေရေးအတွက် ဈေးကွက်စောင့်ကြည့် စစ်ဆေးခြင်းနှင့် ဦးစီးဌာန၏ မျှော်မှန်းချက် ၊ ရည်မှန်းချက်များအကြောင်း အသိပညာပေးဟောပြောခဲ့ပါသည်။

       ဆက်လက်၍ စားသုံး/ထုတ်လုံတာဝန်ခံ ဒေါ်ခိုင်ခိုင်ရီမှ စားသုံးသူကာကွယ်ရေး ဥပဒေအခန်း (၉)ပါ စားသုံးသူများ၏ အခွင့်အရေး (၈)ချက်နှင့် တာဝန် (၄)ချက်အားရှင်းလင်းခြင်း ၊ ကျောင်းသား/ ကျောင်းသူများအနေဖြင့် ကုန်စည် /ဝန်ဆောင်မှုကို ဝယ်ယူအသုံးပြုခြင်းကြောင့် နစ်နာဆုံးရှုံးမှုများ ဖြစ်ပေါ်လာပါက လွယ်ကူလျှင်မြန်စွာ တိုင်ကြားနိုင်သည့် စားသုံးသူ သတင်းပြန်ကြားရေး နှင့် တိုင်ကြားမှု လက်ခံဆောင်ရွက်ရေးစင်တာ ( Consumer Information and Complaint Center – CICC) ကို ခရိုင်ဦးစီးမှူးရုံးတွင် ဖွင့်လှစ်ထားရှိကြောင်း အသိပညာပေးဆွေးနွေးခြင်း ၊ မြို့နယ်တာဝန်ခံ ဦးချစ်ကိုကိုက အစားအသောက်များ ဘေးအန္တရာယ်ကင်းရှင်းစွာ ရွေးချယ်ဝယ်ယူ စားသောက် တတ်သော အလေ့အကျင့်ကောင်းများ ရရှိစေရန် စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်းအမှတ်အသားဖော်ပြခြင်းဆိုင်ရာ အကြောင်းအရာများ ၊ ဓာတုဆိုးဆေးနှင့် တာရှည်ခံ ဆေးများ အန္တရာယ်များကို အကျယ်တဝင့်ဆွေးနွေးပြီး ကျောင်းသား/ကျောင်းသူများမှ စားသုံးသူကာကွယ်ရေး ဥပဒေပါ သိရှိလိုသည်များကို မေးမြန်းမှုများအား ခရိုင်ဦးစီးမှူးမှ ဆွေးနွေးဖြေကြားခဲ့ပြီး လက်ကမ်းစာစောင်များ ဖြန့်ဝေခဲ့ပါကြောင်း သိရှိရပါသည် ။

DOCA(ပဲခူး)

        စားသုံးသူရေးရာဦးစီးဌာန၊ တောင်ငူခရိုင်၊ ရေတာရှည်မြို့နယ်တာဝန်ခံ ဦးဇော်ဇော်ထွေး နှင့် ခရိုင်ဦးစီးမှူးရုံးမှ ဒုတိယဦးစီးမှူး ဒေါ်သဲစုလွင်တို့သည် ဇန်နဝါရီလ ၁၇ ရက်နေ့ နံနက်ပိုင်းက ရေတာရှည်မြို့နယ် မြောက်နန်ချွန်ကျေးရွာ အခြေခံပညာအထက်တန်းကျောင်း၌ ကျောင်းသား ကျောင်းသူများ စားသုံးသူကာကွယ်ရေးဆိုင်ရာ သိကောင်းစရာများကို အသိပညာပေး ဟောပြောခဲ့ပါသည်။

       ရှေးဦးစွာ စားသုံးသူရေးရာဦးစီးဌာန တောင်ငူခရိုင်၊ ရေတာရှည်မြို့နယ်တာဝန်ခံ ဦးဇော်ဇော်ထွေးက စားသုံးသူရေးရာဦးစီးဌာန ပေါ်ပေါက်လာပုံနှင့် စားသုံးသူကာကွယ်ရေးအတွက် စားသုံးသူရေးရာဦးစီးဌာန၏ ဆောင်ရွက်ချက်များကို မိတ်ဆက်ပြောကြားပါသည်။

       ဆက်လက်၍ တောင်ငူခရိုင်ဦးစီးမှူးရုံးမှ ဒုတိယဦးစီးမှူး ဒေါ်သဲစုလွင်က စားသုံးသူအခွင့် အရေးနှင့်တာဝန်များ၊ ကုန်စည်များတွင် ကုန်အညွှန်းအမှတ်အသားများ ဖော်ပြရန် ဥပဒေက ပြဌာန်း ထားသဖြင့် ကုန်စည်များ ဝယ်ယူရာတွင် ကုန်အညွှန်းအမှတ်အသားများကို ဖတ်ရှုသင့်သည့် အကြောင်းများ၊ ကုန်အညွှန်းအမှတ်အသား၏ အရေးကြီးပုံများ၊ စားသုံးသူနစ်နာဆုံးရှုံးမှုများကို တိုင် ကြားနိုင်ခြင်းများကို အကျယ်တဝင့် ရှင်းလင်းဟောပြောခဲ့ပါသည်။

       ဟောပြောပွဲသို့ ဆရာ ဆရာမနှင့် ကျောင်းသားကျောင်းသူ ၁၇၂ ဦးတက်ရောက်ကြောင်း သိရှိရပါသည်။

DOCA(ပဲခူး)

        စားသုံးသူရေးရာဦးစီးဌာန၊ တောင်ငူခရိုင်၊ အုတ်တွင်းမြို့နယ်တာဝန်ခံ ဒေါ်အေးအေးခိုင်သည် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ အုတ်တွင်းမြို့နယ်ဦးစီးမှူးရုံးမှ ဒုတိယမြို့နယ် ဦးစီးမှူးဒေါ်ခင်ခင်မာနှင့်အတူ ဇန်နဝါရီလ ၁၈ ရက်နေ့ နံနက်ပိုင်းတွင် အုတ်တွင်းမြို့နယ် နတ်စင်ကုန်း အခြေခံပညာမူလတန်းလွန်ကျောင်းသို့လည်းကောင်း၊ မွန်းလွဲပိုင်းတွင် ပုဏ္ဏားစု အခြေခံပညာမူလတန်းလွန်ကျောင်းသို့လည်းကောင်း သွားရောက်၍ ကျောင်းသားကျောင်းသူများ သိသင့် သိထိုက်သည့် အသိပညာဗဟုသုတများကို ဟောပြောဆွေးနွေးခဲ့ပါသည်။

      ဟောပြောပွဲများတွင် စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်အေးအေးခိုင်က စားသုံးသူရေးရာဦးစီးဌာန ပေါ်ပေါက်လာပုံ၊ စားသုံးသူရေးရာဦးစီးဌာန၏ ရည်မှန်းချက်နှင့် မျှော်မှန်းချက်များ၊ စားသုံးသူ၏အခွင့်အရေးနှင့်တာဝန်များ၊ ကုန်စည်များဝယ်ယူရာတွင် ကုန်အညွှန်းအမှတ်အသားများကို ဦးစားပေးဖတ်ရှုသင့်သည့် အကြောင်းများကို ရှင်းလင်းဟောပြောပါသည်။

      ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဒုတိယမြို့နယ်ဦးစီးမှူး ဒေါ်ခင်ခင်မာက မူးယစ်ဆေးဝါးအန္တရာယ်ကို ဟောပြောခဲ့ကြောင်း၊ နံနက် ၁၀ နာရီအချိန် နတ်စင်ကုန်း အခြေခံ ပညာမူလတန်းလွန်ကျောင်း၌ ပြုလုပ်သည့် ဟောပြောပွဲသို့ ကျောင်းသားကျောင်းသူ ၁၃၅ ဦးနှင့် မွန်းလွဲ ၁ နာရီတွင် ပုဏ္ဏားစု အခြေခံပညာမူလတန်းလွန်ကျောင်း၌ ပြုလုပ်သည့် ဟောပြောပွဲသို့ ကျောင်းသားကျောင်းသူ ၁၂၀ ဦး တက်ရောက်ကြောင်း သိရှိရပါသည်။

DOCA(ပဲခူး)