ပြည်တွင်းကုန်သွယ်မှုသတင်း

             နိုင်ငံတော်အနေဖြင့် ပြည်သူများကျန်းမာရေးရှု့ထောင့်အရ ဆီစားသုံးမှုလျှော့ချနိုင်ရေး၊ ပြည်တွင်း၌ စားသုံးဆီဖူလုံရေးအတွက် ဆီထွက်သီးနှံများပိုမိုတိုးချဲ့စိုက်ပျိုးထုတ်လုပ်နိုင်ရေး၊ စားသုံးဆီထုတ်လုပ်မှုတိုးတက်စေရေးနှင့် ထုတ်လုပ်သည့်စားသုံးဆီများ ဈေးကွက်ဝေစုပိုမိုရရှိ လာစေရေး၊ ပြည်တွင်းဆီစက်လုပ်ငန်းများ၊ ပိုမိုဖွံ့ဖြိုးတိုးတက်လာစေရေး၊ အလုပ်အကိုင်အခွင့် အလမ်းများတိုးပွားလာစေရေး၊ ဆီထွက်သီးနှံကဏ္ဍ(Supply Chain)တစ်လျှောက်ဖွံ့ဖြိုးတိုးတက်ရေးနှင့် နိုင်ငံခြားငွေအသုံးပြုမှုလျော့နည်းသက်သာစေရေးတို့အတွက် မူဝါဒများချမှတ်ဆောင်ရွက်လျက်ရှိပါသည်။

             စစ်ကိုင်းတိုင်း‌ဒေသကြီး၊ မုံရွာခရိုင်၌ ယခုအချိန်တွင် ဆီထွက်သီးနှံလက်ကျန်အနေဖြင့် သီးနှံပေါ်ချိန်ကျော်လွန်သွားပြီဖြစ်၍ တောင်သူ၊ ကုန်သည်များတွင် လက်ကျန်အနည်းငယ်သာ ကျန်ရှိကြောင်း၊ ဆီစက်များတွင်လုပ်ငန်းလည်ပတ်ကြိတ်ခွဲထုတ်လုပ်ရန်အတွက်သာ ကျန်ရှိနေကြကြောင်း၊ ယခုရာသီသည် မိုးမြေပဲစိုက်ပျိုးရန် မျိုးဝယ်ယူစုဆောင်းရချိန်ဖြစ်ခြင်း၊ မိုးနှောင်းဆီ ထွက်သီးနှံအားနည်းသည့်နှစ်ဖြစ်ခြင်း၊ ဆီထွက်သီးနှံဈေးကောင်းရသဖြင့် တောင်သူများသည်မျိုးမချန် ဘဲရောင်းချပါက မျိုးရှားပါးမှုအခက်အခဲရှိနိုင်သဖြင့် မြေပဲ၊နှမ်း ပြည်ပတင်ပို့မှု ယာယီပိတ်သည်မှာ ဖြစ်သင့်ပါကြောင်း၊ မြေပဲဆံဈေးနှုန်းကျဆင်းသွားနိုင်သဖြင့် (၁)ပိဿာ ၃၀၀၀/ကျပ် အောက်ရောက်လျှင် တောင်သူများအရှုံးပေါ်နိုင်ကြောင်း၊ သို့ရာတွင် စားအုန်းဆီဈေးနှုန်းများစွာ လျော့နည်းကျဆင်းခြင်း မဖြစ်ဘဲ (၁)ပိဿာလျှင် ၆၅၀၀/ကျပ်ခန့်တွင် တည်ငြိမ်အောင် သွင်းကုန်ကန့်သတ်မှုရှိနေပါက ‌‌‌‌ပဲဆီသုံး စွဲမှုအရ မြေပဲဆံဈေးနှုန်းအလွန်အမင်း ကျဆင်းသွားနိုင်ခြေမရှိကြောင်း၊ ဆီထွက်သီးနှံစိုက်ပျိုး တောင်သူများလည်း အကျိုးအမြတ်ရရှိသည့်အပြင် စားသုံးသူများလည်း ထိခိုက်မှုမများနိုင်ကြောင်း လေ့လာသိရှိရပါသည်။

          မုံရွာခရိုင်တွင် ဆီစက်(၁၄၅) စက်စာရင်းရှိသည့်အနက် (၁၂) စက်ရပ်နားထားပြီး အချို့စက်များမှာအခြားလုပ်ငန်းများသို့ပြောင်းလဲလုပ်ကိုင်ခြင်းများတွေ့ရှိရသဖြင့် ၁၂ ရာခိုင်နှုန်းခန့်သာလည်ပတ်နိုင်ကြောင်း၊ ဆီစက်လုပ်ငန်းဖွံ့ဖြိုးတိုးတက်လာမည်ဆိုပါက ရပ်နားထားသောစက်များ ပြန်လည် လည်ပတ်လာနိုင်မည်ဟု သုံးသပ်ရရှိပါသည်။

DOCA(စစ်ကိုင်း)

         ရန်ကုန်တိုင်းဒေသကြီး၊ စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဝန်ထမ်းများမှ မိမိခရိုင်အတွင်းရှိ စက်သုံးဆီအရောင်းဆိုင်များသို့ 9.5.2022 ရက်နေ့တွင် စက်သုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီမှ သတ်မှတ်ရည်ညွှန်းထားသည့် လက်လီဈေးနှုန်းများနှင့် မြေပြင် လက်ရှိဈေးနှုန်းများ တူညီမှု ရှိ/မရှိ၊ လိုသလောက်ရောင်းချပေးနိုင်ခြင်း ရှိ/မရှိ၊ စက်သုံးဆီလုံလောက်မှု ရှိ/မရှိနှင့် ဆီကန်လက်ကျန် ကျန်ရှိမှုအခြေအနေတို့ကို သိရှိနိုင်ရန် ဈေးကွက်စောင့်ကြည့်ကြပ်မတ် ကွင်းဆင်းဆောင်ရွက်ခြင်းများကို ပြုလုပ်ခဲ့ကြောင်း သိရှိရပါသည်။

DOCA(ရန်ကုန်)

             ဆန်/စပါးသည် ကယားပြည်နယ်၏ အဓိကစိုက်ပျိုးသီးနှံဖြစ်ပြီး ပြည်နယ်တွင်းထွက်ရှိသော ဆန်များကို အခြားဒေသများသို့တင်ပို့ခြင်း ၊အခြားဒေသများမှလည်း ဆန်များတင်သွင်ခြင်းဖြင့် ရောင်းဝယ်ဖောက်ကားလျှက်ရှိပြီး မေလဆန်းပိုင်းမှ မေလဒုတိယပတ်အတွင်း အခြားဒေသမှဆန် အိတ်ရေ(၁၂၈၀)အိတ် ဝင်ရောက်လျှက်ရှိပြီး အခြားဒေသသို့ဒေသဆန် (၂၂၀)အိတ်ခန့်တင်ပို့နိုင်ကြောင်း ပူးပေါင်း စစ်ဆေးရေးဂိတ်စာရင်းအရ သိရှိရပါသည်။ ဈေးကွက်အတွင်း ဒေသဆန် ဈေးနှုန်းများမှာ ရွှေရင်အေး (၂)တစ်အိတ်လျှင် (၃၈၀၀၀)ကျပ် ၊ တရုတ်မွှေးတစ်အိတ်လျှင် (၃၈၅၀၀)ကျပ်ရှိပြီး အခြားဒေသဆန် ရွှေဘိုပေါ်ဆန်း တစ်အိတ်လျှင် (၆၆၀၀၀)ကျပ် ၊ မြောင်းမြပေါ်ဆန်းတစ်အိတ်လျှင် (၅၉၀၀၀) ကျပ်ဖြင့် အရောင်းအဝယ်ဖြစ်လျှက်ရှိပြီး  ယခင်ဧပြီလစတုတ္တအပတ်တွင် ရွှေရင်အေး(၂)တစ်အိတ်လျှင် (၄၀၀၀၀) ကျပ်၊ တရုတ်မွှေးတစ်အိတ်လျှင် (၃၆၀၀၀)ကျပ် ၊ရွှေဘိုပေါ်ဆန်းတစ်အိတ်လျှင်(၆၅၀၀၀)ကျပ်၊ မြောင်းမြ ပေါ်ဆန်းတစ်အိတ်လျှင် (၅၈၀၀၀)ကျပ်ဖြစ်ပြီး  တရုတ်မွှေးတစ်အိတ်လျှင် (၂၅၀၀)ကျပ် ၊ရွှေဘိုပေါ်ဆန်း တစ်အိတ်လျှင် (၁၀၀၀)ကျပ်၊ မြောင်းမြပေါ်ဆန်း တစ်အိတ်လျှင်(၁၀၀၀)ကျပ် အနည်းငယ် ဈေးတက်လျှက်ရှိပြီး ရွှေရင်အေး(၂)တစ်အိတ်လျှင် (၂၀၀၀)ကျပ်ခန့်ကျဆင်းသွားကြောင်း၊ ဈေးကွက်အတွင်း ဆန်အရောင်းအဝယ်မှာလည်း အသင့်အတင့်သာရှိပြီး ဆန်ဈေးအနည်းငယ် အတက်/အကျရှိကြောင်း ဆန်ရောင်းဝယ်ရေးလုပ်ငန်းရှင်တစ်ဦးထံမှ သိရပါသည်။

DOCA(ကယား)

             မကွေးကုန်စည်ဒိုင်တွင် ယခင်အပတ်(၇.၅.၂၀၂၂)ရက်နေ့နှင့် ယခုအပတ်(၁၃.၅.၂၀၂၂)ရက်နေ့ အတွင်း ပဲမျိုးစုံဈေးကွက်တွင် ပဲထောပတ်၊ ပဲလွန်းဝါ၊ မတ်ပဲနှင့်စားတော်ပဲတို့သည် ဈေးနှုန်းပြောင်းလဲ မှုမရှိဘဲ ပဲတီစိမ်း (၁၉)ပိဿာ(၁)တင်းလျှင် ယခင်အပတ်(၄၆၅၀ဝိ/-) ယခုအပတ်(၄၈၅၀ဝိ/-) ဖြစ်၍ (၂၀၀ဝိ/-) ကျပ် ဈေးမြင့်တက်ခဲ့ကြောင်း၊ ပဲနောက် (၁၉)ပိဿာ(၁)တင်းလျှင် ယခင်အပတ်(၃၉၀၀ဝိ/-) ယခုအပတ် (၄၁၀၀ဝိ/-) ဖြစ်၍ (၂၀၀ဝိ/-) ကျပ် ဈေးမြင့်တက်ခဲ့ကြောင်း၊ ကုလားပဲကြီး(929)(၁၉)ပိဿာ(၁)တင်း ယခင်အပတ် (၄၁၈၀ဝိ/-) ယခုအပတ်(၄၃၂၀ဝိ/-)ဖြစ်၍ (၁၄၀ဝိ/-)ကျပ် ဈေးမြင့်တက်ခဲ့ကြောင်း၊ ကုလားပဲလုံးသေး(၁၉)ပိဿာ(၁)တင်း ယခင်အပတ် (၄၀၈၀ဝိ/-) ယခုအပတ်(၄၁၀၀ဝိ/-)ဖြစ်၍ (၂၀ဝိ/-)ကျပ် ဈေးလျော့ခဲ့ကြောင်း၊ ကုလားပဲ(HL) (၁၉)ပိဿာ (၁)တင်း ယခင်အပတ်(၄၁၃၀ဝိ/-) ယခုအပတ်(၄၂၇၀ဝိ/-) ဖြစ်၍(၁၄၀ဝိ/-) ကျပ် ဈေးမြင့်ခဲ့ကြောင်း၊ ပဲကြီးဖြူ(၁၉)ပိဿာ(၁)တင်း ယခင်အပတ်(၅၉၀၀ဝိ/-) ယခုအပတ်(၆၂၀၀ဝိ/-)ဖြစ်၍ (၃၀၀ဝိ/-) ကျပ်ဈေးမြင့်တက်ခဲ့ကြောင်း၊ ပဲကြီးမဲ(၁၉) ပိဿာ (၁)တင်း ယခင်အပတ်(၅၀၀၀ဝိ/-)ယခုအပတ်(၅၅၀၀ဝိ/-)ဖြစ်၍ (၅၀၀ဝိ/-)ကျပ် ဈေးမြင့်တက်ခဲ့ကြောင်း၊ ပဲစဉ်းငုံ(နီ)(၂၀)ပိဿာ(၁)တင်း  ယခင်အပတ်(၄၂၃၀ဝိ/-) ယခုအပတ်(၄၂၅၀ဝိ/-)ဖြစ်၍  (၂၀ဝိ/-)ကျပ်ဈေးမြင့်တက်ခဲ့ပါသည်။

          နှမ်းမျိုးစုံအနေဖြင့် နှမ်းနီ (၁၅)ပိဿာ (၁)တင်း ယခင်အပတ် (၆၀၀၀ဝိ/-) ယခုအပတ် (၅၈၃၅ဝိ/-)ဖြစ်၍ (၁၆၅ဝိ/-)ကျပ် စျေးလျော့ခဲ့ကြောင်း၊ နှမ်းဖြူ(မကွေး) (၁၅)ပိဿာ (၁)တင်း ယခင်အပတ် (၆၂၀၀ဝိ/-)  ယခုအပတ်(၆၁၀၀ဝိ/-)ဖြစ်၍ (၁၀၀ဝိ/-)‌ကျပ် စျေးလျော့ခဲ့ကြောင်း၊ နှမ်းနက်(စမုံ) (၁၅)ပိဿာ (၁)တင်း ယခင်အပတ် (၇၁၆၀ဝိ/-)ယခုအပတ်(၇၀၀၀ဝိ/-)ဖြစ်၍ (၁၆၀ဝိ/-)ကျပ် စျေးလျော့ခဲ့ကြောင်း၊ နှမ်းနက်(ရိုးရိုး) (၁၅)ပိဿာ (၁)တင်း ယခင်အပတ်(၅၆၆၀ဝိ/-)ယခုအပတ်(၅၅၀၀ဝိ/-)ဖြစ်၍(၁၆၀ဝိ/-)ကျပ် စျေးလျော့ခဲ့ကြောင်း၊ နှမ်းညိုကြား(၁၅)ပိဿာ (၁)တင်း ယခင်အပတ်(၅၅၀၀ဝိ/-) ယခုအပတ်(၅၃၅၀ဝိ/-)ဖြစ်၍ (၁၅၀ဝိ/-)ကျပ်စျေးလျော့ခဲ့ကြောင်း၊ နှမ်းဖြူ(ဂျပန်) (၁၅)ပိဿာ(၁)တင်း ယခင်အပတ်(၆၃၃၀ဝိ/-) ယခုအပတ်(၆၂၀၀ဝိ/)ဖြစ်၍ (၁၃၀ဝိ/-)ကျပ်စျေးလျော့ခဲ့ပြီး အရောင်းအဝယ်ဖြစ်မှုအနေဖြင့် ပဲတီစိမ်း(၅၀.၀၀)တန်၊ ကုလားပဲ(၂၀၀.၀၀)တန်၊ ပဲကြီးဖြူ(၄၀.၂၀)တန်၊ စားတော်ပဲ(၁၀.၃၀)တန်၊ မတ်ပဲ(၅၀.၇၅)တန်၊ ထောပတ်ပဲ(၅၀.၄၀)တန်၊ နှမ်းဖြူ(မကွေး)သည် (၂၀.၃၅)တန်၊ နှမ်းနီ(၇.၂၀)တန်၊ နှမ်းနက်(စမုံ)(၂၅.၀၀)တန်၊ နှမ်းနက်ရိုးရိုး(၅.၃၆)တန်၊ နှမ်းညိုကြား (၅.၈၃)တန်တို့ဖြစ်ကြောင်း မကွေးကုန်စည်ဒိုင်မှ လေ့လာသိရှိရပါသည်။

DOCA(မကွေး)

               စစ်ကိုင်းတိုင်းဒေသကြီး၊ တမူးမြို့၊ ခရိုင်စိုက်ပျိုးရေးဦးစီးဌာနမှ မြေဆီလွှာအာဟာရဖွံ့ဖြိုးရေး ပိုက်ဆံလျှော်သစ်စိမ်းမြေသြဇာ မျိုးစေ့ကြဲပက်ခြင်း ကွင်းပြပွဲကို တမူးမြို့၊ မြို့မအုပ်စုရှိ တောင်သူ ဦးဇင်မင်းထိုက်၏ ကွင်းအမှတ်၂၅၅/A ဦးပိုင်အမှတ် ( ၄၈ ) လယ်မြေ ( ၅ ) ဧကတွင် သရုပ်ပြစိုက်ပျိုးပြုလုပ်ခဲ့ကြောင်း သိရသည်။

              ပိုက်ဆံလျှော် သစ်စိမ်းမြေသြဇာ မျိုးစေ့ကြဲပက်ခြင်းကွင်းပြပွဲသို့ မြို့နယ်စိုက်ပျိုးရေးဦးစီးမှူး၊ ဦးဆန်းဦးနှင့် စိုက်ပျိုးရေးဝန်ထမ်းများ၊ စိုက်ပျိုးထုတ်လုပ်မှုတိုးတက်ရေးကြီးကြပ်မှုကော်မတီများ၊ တောင်သူများတက်ရောက်ကြပြီး မြို့နယ်ဦးစီးမှူး ဦးဆန်းဦးမှ မြေဆီလွှာ ပျက်စီးဆုံးရှုံးမှုမှ ကာကွယ်နိုင်ရန်အတွက် ဓာတ်မြေသြဇာလျှော့ချအသုံးပြုပြီး သဘာဝမြေသြဇာဖြစ်သော ပိုက်ဆံလျှော် သစ်စိမ်းမြေသြဇာကို အစားထိုးသုံးစွဲစိုက်ပျိုးခြင်း၊ စိုက်ပျိုးနည်းစနစ်များ၊ မျိုးစေ့နှုန်းထားများ၊ စိုက်ပျိုးချိန်နှင့်ရာသီဥတု အကြောင်းအရာများကို အသေးစိတ်ရှင်းလင်း ပြောကြားခဲ့ပြီး လက်တွေ့ပြသစိုက်ပျိုးခဲ့ကြောင်း သိရှိရပါသည်။  

             ပိုက်ဆံလျှော်သည် မြေချဉ်ငံကိန်း ( ၅-၈.၅ ) ရှိသော မည်သည့်မြေ အမျိုးအစားမဆို စိုက်ပျိုးနိုင်ပြီး နုံးမြေသည် အသင့်တော်ဆုံးဖြစ်ပါကြောင်း၊ မြေညံ့သည့် သဲဆန်သော ဒေသများတွင်လည်း အခြားသီးနှံများ စိုက်ပျိုးရန်မရနိုင်သော်လည်း ပိုက်ဆံလျှော် စိုက်ပျိုး နိုင်ကြောင်း၊ အစေ့စိုက်ပျိုး ၄၅ ရက်ကြာလျှင် သစ်စိမ်းမြေသြဇာအဖြစ် အသုံးပြုနိုင်ပြီး မိုးသီးနှံ စိုက်ပျိုးရန် ထယ်မှောက်ပြီး ၁၅ ရက်၊ ဆောင်းသီးနှံ ထယ်မှောက်ပြီး ၁ လ နေလျှင် ထွန်မွှေပြီး သီးနှံစိုက်ပျိုးနိုင်မည် ဖြစ်ပါကြောင်း၊ သစ်စိမ်းမြေသြဇာထည့်သွင်းခြင်းအားဖြင့် မြေဆီလွှာအတွင်းရှိ သီးနှံပင်များနှစ်သက်သော အာဟာရများတိုးပွားစေခြင်း၊ ဓာတ်မြေသြဇာသုံးစွဲမှု လျော့နည်းစေခြင်း၊ သဘာဝပတ်ဝန်းကျင် ထိခိုက်မှုကို လျော့နည်းစေခြင်း၊ ရောဂါပိုးမွှားနှိမ်နင်းရန်အတွက် အသုံးဝင်ခြင်းစတဲ့အကျိုး ကျေးဇူးများရရှိမှာဖြစ်ကြောင်း တမူးမြို့နယ် စိုက်ပျိုးရေးဦးစီးမှူး ဦးဆန်းဦးထံမှ သိရှိရပါသည်။

DOCA(စစ်ကိုင်း)