ပြည်တွင်းကုန်သွယ်မှုသတင်း

          စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ ၂၂-၈-၂၀၂၅ရက်နေ့တွင် ထုတ်ပြန်ထားသည့် စက်သုံးဆီတစ်လီတာ၏ သတ်မှတ်ရည်ညွှန်းဈေးများမှာ 92Octance (၃၀၃၀)ကျပ်၊ 95 Octance(၃၁၀၅)ကျပ်၊ ရိုးရိုးဒီဇယ်(၂၆၅၀)ကျပ်၊ ပရီမီယမ်ဒီဇယ် (၃၂၅၅)ကျပ် ဖြစ်ကြောင်း  သိရှိရသည်။

           မြင်းခြံမြို့တွင် စက်သုံးဆီအရောင်းဆိုင်(၂၈)ဆိုင်မှ စက်သုံးဆီများကို နေ့စဉ်ပုံမှန်ဖွင့်လှစ်ရောင်းချလျက်ရှိရာ ၂၀၂၅ခုနှစ်၊ဩဂုတ်လ(၂၂)ရက်နေ့ စက်သုံးဆီတစ်လီတာ အရောင်းဈေးနှုန်းများအနေဖြင့် 92 Octance(၃၀၇၀)ကျပ်၊ 95 Octance(၃၁၄၅)ကျပ်၊ ရိုးရိုးဒီဇယ်(၂၆၉၀)ကျပ်၊ ပရီမီယမ် ဒီဇယ်(၃၂၉၅)ကျပ်ဖြင့် ရောင်းချလျက်ရှိကြောင်း သိရှိရသည်။ သတ်မှတ်ရည်ညွှန်းဈေးများသည် ယခင်အပတ်ထက် တစ်လီတာလျှင် 92 Octanceတွင်(၂၀)ကျပ် များတက်ခဲ့ပြီး 95 Octanceတွင်(၃၅)ကျပ်၊ ရိုးရိုး ဒီဇယ်တွင်(၇၅)ကျပ်နှင့် ပရီမီယမ်ဒီဇယ်တွင်(၉၅)ကျပ် ဈေးနှုန်းကျဆင်းခဲ့ကြောင်း သိရှိရပါသည်။

DOCA(မန္တလေး)

    တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့နယ်တွင် ဆိပ်ငယ်ဈေးကြီးနှင့် ရှမ်းချောင်း ကုန်စိမ်းဈေးအတွင်း သံပရာသီးနှင့် သံပယိုသီးများမှာ ယခုပတ်တွင် ပိုမိုဝင်ရောက်၍ အ‌ရောင်း သွက်နေကြောင်း သိရှိရပါသည်။ သံပရာသီးနှင့် သံပယိုသီးသည် မိုးရာသီတွင် ပိုမိုထွက်ရှိ၍ ဆောင်းရာသီတွင် ထွက်ရှိမှုနည်းပါးသောကြောင့် ဈေးနှုန်းများအနည်းငယ်မြှင့်တက်ကြောင်း ကုန်စိမ်းရောင်းသူတစ်ဦးထံမှ သိရှိရပါသည်။ သံပရာသီးနှင့် သံပယိုသီးများကို သံပရာဖျော်ရည်၊ သံပရာယို၊ အသုပ်မျိုးစုံနှင့် သရေစာတို့တွင် ထည့်သွင်းစားသုံးပြီး လူသုံးကုန်နှင့် ကျန်းမာရေး အတွက်လည်းသုံးစွဲခြင်းကြောင့် သံပုရာသီးကို သုံးစွဲသူများ များပြားကြကြောင်းလည်း သိရှိရပါ သည်။

    ၂၀၂၅ခုနှစ် ယခင်သြဂုတ်လတတိယပတ်တွင် သံပရာသီးတစ်လုံးလျှင် (၈၀)ကျပ်ရှိပြီး ယခုသြဂုတ်လစတုတ္ထပတ်တွင် တစ်လုံးလျှင် (၁၀၀)ကျပ်ထိရှိကြောင်း ကုန်စိမ်းရောင်းသူတစ်ဦးထံမှ သိရှိရပါသည်။

DOCA(တနင်္သာရီ)

          ၂၀၂၅ ခုနှစ်၊ ဩဂုတ်လ နောက်ဆုံးပတ် တွင် မြင်းခြံမြို့၊ အေးမြသီတာဈေးအတွင်း ရောင်းချနေသော မုန်ညင်းထုတ် ၂၅ ကျပ်သားလျှင် (၁၀၀၀) ကျပ်၊ (၅၀)ကျပ်သားလျှင် (၁၈၀၀) ကျပ်၊ တစ်ပိဿာလျှင် (၃၅၀၀) ကျပ် ပေါက်ဈေးများဖြင့် အရောင်းအဝယ်ဖြစ်လျက်ရှိကြောင်း၊ ဇူလိုင်လနောက်ဆုံးပတ်တွင် မုန်ညင်းထုပ်၂၅ ကျပ်သားလျှင် (၆၀၀) ကျပ်၊ ၅၀ ကျပ်သားလျှင် (၁၂၀၀) ကျပ်၊ တစ်ပိဿာလျှင် (၂၅၀၀) ကျပ် ပေါက်ဈေးများဖြင့် အရောင်းအဝယ်ဖြစ်ခဲ့ကြောင်း သိရှိရသည်။ ကာလတူနှိုင်းယှဉ်ပါက ယခုလတွင် မုန်ညင်းဖြူ ၂၅ ကျပ်သားလျှင် (၄၀၀) ကျပ်၊ ၅၀ ကျပ်သားလျှင် (၂၀၀) ကျပ်၊  တစ်ပိဿာလျှင် (၁၀၀၀) ကျပ်ခန့်ဈေးနှုန်းများ မြင့်တက်ခဲ့ကြောင်း၊ ထိုသို့မြင့်တက်ခဲ့ခြင်းမှာ သယ်ယူစရိတ်နှင့် ဒေသထွက် မုန်ညင်းထုပ်များထွက်ပေါ်သော ရာသီချိန်ကုန်ဆုံးပြီဖြစ်သောကြောင့် ဈေးနှုန်းများမြင့်တက်ခဲ့ကြောင်း၊  လိုအပ်သော မုန်ညင်းထုတ် များကို ရှမ်းပြည်နယ်၊ အောင်ပန်းမြို့နှင့် မန္တလေးမြို့ရှိကုန်စိမ်းပွဲရုံများမှ တင်သွင်း၍  ဒေသတွင်းရောင်းချကြောင်း၊ သုံးစွဲမှုအနေဖြင့် စားသောက်ဆိုင်၊ ပင်လယ်စာဆိုင်၊ လက်ဖက် ရည်ဆိုင်နှင့် အသုပ်စုံဆိုင်များမှ အများဆုံးဝယ်ယူသုံးစွဲကြောင်း ကုန်စိမ်းရောင်းချသူ တစ်ဦး၏ ပြောပြချက်အရကြောင်း သိရှိရပါသည်။

DOCA(မန္တလေး)

    ဟင်းနုနွယ်သည် စိုက်ပျိုးရန်လွယ်ကူပြီး အကြမ်းခံသောဟင်းရွက်ဖြစ်သည့်အပြင် ဗီ‌တာမင်-အေနှင့်သံဓါတ်ကြွယ်ဝသည့် ဟင်းရွက်ဖြစ်သည်။ ပူနွေးသော ရာသီဥတုကို ကြိုက်နှစ်သက်သောကြောင့် တနင်္သာရီတိုင်းဒေသကြီးနှင့် မြန်မာနိုင်ငံအလယ်ပိုင်းတို့တွင် အများအပြား အောင်မြင် စိုက်ပျိုးဖြစ်ထွန်းပါသည်။

          ဟင်းနုနွယ်စိုက်ပျိုးအောင်မြင်ဖြစ်ထွန်းလျက်ရှိသော ယခုကာလတွင် ထားဝယ်မြို့နယ်ရှိကျေး ရွာများတွင် ဟင်းနုနွယ်များ အများအပြားစိုက်ပျိုးလျက်ရှိပြီး စျေးကွက်ရောင်းတန်းဝင် အရွယ်အစား ဖြစ်လာလျှင် ထားဝယ်မြို့ပေါ်ရှိစျေးများတွင် အစီးသေးတစ်စီးလျှင် ၄၀၀/၅၀၀ ကျပ်နှုန်းဖြင့် ရောင်းချလျက်ရှိကာ ရာသီပေါ်စားသောက်ကုန်သီးနှံတစ်ခုအဖြစ် ဒေသခံ ဟင်းသီးဟင်းရွက်စိုက်သူများ ဝင်ငွေရရှိလျက်ရှိကြောင်း သိရှိရပါသည်။

DOCA(တနင်္သာရီ)

           မြင်းခြံမြို့နယ်သည် လယ်ယာစိုက်ပျိုး‌ရေးလုပ်ငန်းဖြစ်သော ပဲမျိုးစုံ၊ ဆီထွက်သီးနှံ၊ ပြောင်းနှင့် ကြက်သွန်နီသီးနှံများစိုက်ပျိုးလျက်ရှိရာ ပဲတီစိမ်းနှင့် မတ်ပဲသီးနှံကို လည်းစိုက်ပျိုးလျက်ရှိကြောင်း၊ ၂၀၂၅ ခုနှစ်၊ ဩဂုတ်နောက်ဆုံးပတ်တွင် ပဲတီစိမ်းတစ်တင်းလျှင် (၉၃၀၀၀)ကျပ်၊ မတ်ပဲ တစ်တင်းလျှင် (၆၂၀၀၀-၇၇၀၀၀) ကျပ် ပေါက်ဈေးများဖြင့် အရောင်းအဝယ် ဖြစ်လျက်ရှိကြောင်း၊  ယခင်ဇူလိုင်နောက်ဆုံးပတ်တွင် ပဲတီစိမ်းတစ်တင်းလျှင် (၉၆၀၀၀)ကျပ်၊ မတ်ပဲတစ်တင်းလျှင် (၆၄၀၀၀- ၈၀၀၀၀ ) ကျပ် ပေါက်ဈေးများဖြင့်အရောင်းအဝယ်ဖြစ်ခဲ့ကြောင်း၊ ကာလတူနှိုင်းယှဉ်ပါက ယခုဩဂုတ်လနောက်ဆုံးပတ်တွင် ပဲတီစိမ်းတစ်တင်းလျှင် (၃၀၀၀)ကျပ်၊ မတ်ပဲတစ် တင်းလျှင် (၂၀၀၀-၃၀၀၀) ကျပ်ခန့်ဈေးနှုန်းများ ကျဆင်းခဲ့ကြောင်း ဒေသတွင်းပွဲရုံ လုပ်ငန်းရှင်များထံ မှသိရှိရသည်။ စိုက်ပျိုးထွက်ရှိသော ပဲတီစိမ်းနှင့် မတ်ပဲများကို ဒေသတွင်းစားသုံးကြကြောင်း၊ ၎င်း တို့ကို အပတ်စဉ်  (၁၅၀-၂၀၀) အိတ်ခန့် အရောင်းအဝယ်ဖြစ်ကြောင်း၊ ပဲအသစ်ထွက်ပေါ်ချိန် မရှိသေးသောကြောင့် ပဲလက်ကျန်အိတ်များလည်း နည်းနေပြီဖြစ်ကြောင်း၊ တင်ပို့မှုအနေဖြင့် မန္တလေးမြို့၊ ရန်ကုန်ဘုရင့်နောင်၊ လှိုင်သာယာမြို့နှင့် ရွှေပြည်သာမြို့များသို့တင်ပို့ကြောင်း ပွဲရုံလုပ်ငန်းလုပ်ကိုင်သူ၏ ပြောပြချက်အရသိရှိရပါသည်။

DOCA(မန္တလေး)