ပြည်တွင်းကုန်သွယ်မှုသတင်း

          အသားမှာ ဝက် အသီးမှာ သရက် ဆိုသကဲ့သို့ပင် ယခုအချိန်ခါ၌ ရနံ့မွှေး၍ အရသာကောင်းမွန်သော စိန်တစ်လုံးသရက်များ လှိုင်လှိုင်ထွက်ပေါ်လာပြီဖြစ်ရာလူကြိုက်များသောကြောင့်ဈေးကွက်အတွင်း အရောင်းအဝယ်သွက်လျက်ရှိပါသည်။ ပေါ်ဦးပေါ်ဖျားကာလတုန်းကဆိုလျှင် စိန်တစ်လုံးသရက် တစ်လုံးလျှင် (၁၅၀၀- ၂၀၀၀ကျပ်) အထိဈေးကောင်းရရှိခဲ့ပြီး ယခုဇွန်လဆန်းပိုင်းတွင် ဈေးနှုန်းများလည်း အနည်းငယ်ကျဆင်းလာပြီ ဖြစ်ပါသည်။ ယခုအခါ စိန်တစ်လုံးသရက် တစ်လုံးလျှင် အရွယ်အစား ပေါ်မူတည်၍ (၅၀၀ -၇၀၀- ၁၀၀၀ကျပ်)ခန့်သာ ရှိတော့ကြောင်း သတင်းရရှိပါသည်။

DOCA(ရှမ်း)                                                                                                           

      မွန်ပြည်နယ်၊ သထုံခရိုင်၊ ပေါင်မြို့နယ်သည် သဘာဝမြေဩဇာကောင်းမွန်ပြီး စပါးစိုက်ဧကအများဆုံးနှင့် မျိုးကောင်းမျိုးသန့် စပါးများဖြစ်ထွန်းရာဒေသဖြစ်ပါသည်။ (၁၂.၆.၂၀၂၄) ရက်နေ့တွင် စားသုံးသူရေးရာဦးစီးဌာန၊ ပေါင်မြို့နယ်တာဝန်ခံသည် ပေါင်မြို့ပေါ်ရှိ ပေါင်ဆန်စပါးကုန်သည်တစ်ဦးနှင့် တွေ့ဆုံ၍စပါး၊ ဆန်ဈေးနှုန်းအခြေအနေအားမေးမြန်းခဲ့ရာ ပေါ်ဆန်း(ဒေသ) စပါးတင်း(၁၀၀) လျှင် ယခင် လမ်းပန်းဆက်သွယ်ရေးပြတ်တောက်သည့် အချိန်၌ (၄၂) သိန်းထိ ဈေးတက်ခဲ့ရာမှ ယခု လမ်းပန်းဆက်သွယ်ရေး ကောင်းမွန်ချိန်၌  (၃၈/၃၉) သိန်းထိကျဆင်းလာခဲ့ကြောင်း၊ ဧည့်မထစပါး တင်း (၁၀၀) လျှင်လည်း (၂၅) သိန်းထိရှိခဲ့ရာမှ ယခု (၂၃/၂၄) သိန်း ထိရှိကျဆင်းလာကြောင်း၊ ဆန်ဈေးကွက်တွင်လည်း  ပေါ်ဆန်း (ဒေသ) (၂၄ပြည်ပါ) (၁) အိတ်လျှင် (၁၃၀၀၀၀) ကျပ်ကျော် သိရှိခဲ့ရာမှ ယခု (၁၃၀၀၀၀) အောက်လျော့နည်းလာနေပြီဖြစ်ကြောင်း၊ ဧည့်မထဆန် (၂၄ ပြည်ပါ) ၁ အိတ်လျှင် ယခင်(၇၇၀၀၀) ကျပ်ရှိရာမှ ယခု (၇၆၀၀၀) ထိကျဆင်းလာနေပြီး တစ်ဖြည်းဖြည်းအကျဘက်သို့ ဦးတည်လာနိုင်ကြောင်း ဆန်စက်ကုန်သည်၏ ပြောကြားချက်အရ သိရှိရပါသည်။

DOCA(မွန်)

     ၂၀၂၄ခုနှစ် ဇွန်လ ဒုတိယအပတ်တွင် ရှမ်းတောင်သီးနှံ ဈေးနှုန်းများအတက်ဖက်တွင် များနေပါသည်။တောင်သူများ မိမိသီးနှံဈေးအတက်နှင့် မိ၍အကျိုးအမြတ် ရရှိသလို ရာသီဥတုဒဏ်ကြောင့် ပျက်စီးဆုံးရှုံးမှုများဖြစ်ပေါ်နေကြောင်း ကြားသိရပါသည်။ ယခုတပတ် ပြောင်းသီးနှံမှာ  မြနဒီ အခြောက်ခံစက်နှင့် တောင်လေးလုံးတဝိုက်တွင် ၁၁၅၀ ကျပ်ခန့် ဈေးဖွင့်ထားပြီး ရန်ကုန်နှင့်    မန္တလေးဖက်အဓိကစီးဆင်းလျှက်ရှိပါသည်။ရှမ်းတောင်ကြက်သွန်ဖြူမှာ ဇွန်လပထမပတ်နှင့်ဒုတိယပတ်ကွာခြားချက်မှာ-

   ဒေါင်းဥတလုံးအကြီး၂၀၀၀၀ကျပ်နှင့်အလတ်စ၁၈၀၀၀ကျပ်ဖြစ်ပါသည်။ ဈေးနှုန်းကွာခြားချက်မှာ တစ်ပိဿာလျှင်(၂၀၀မှ၅၀၀)ကျပ် ဈေးကျလာပြီး ထူး၅နှင့်ထူးလွန်မှာ ဈေးနှုန်းမာနေဆဲဖြစ်ပါသည်။ပြည်တွင်းစားသုံးမှုနှင့် ကုန်စည်ဝင်ရောက်မှုမှာ မမျှတသဖြင့် ဈေးနှုန်းမာနေဦးမည် ဖြစ်ပါသည်။ရှမ်းမြောက်မှခရမ်းစ(အပွ)တစ်ပိဿာ၉၀၀၀ကျပ်၊၁၀၀၀၀ကျပ်ခန့်နှင့် အနည်းငယ်ဝင်ရောက်လာပြီး တရုတ်ကြက်သွန်ဖြူ(ကျူကုတ်)အဝင်မများသဖြင့်‌ ဈေးမာနေမည်ဖြစ်ပါသည်။

    အာလူးသီးနှံမှာ ဈေးနှုန်းမပြောင်းဘဲအဝင်ပါးပါးနှင့် ပြည်တွင်းသုံးမျှသာရှိနေပြီး၊အကြော်သီး (မားကစ်)မှာအဆွဲများနေပါသည်။ အမြင့်ဈေးဖြင့်ဈေးကွက်တည်ငြိမ်နေပြီး တရုတ်အာလူးအဝင် မများသရွေ့ဈေးမာနေဦးမည်ဖြစ်ပါသည်။

    ချင်းသီးနှံမှာ ဝယ်လိုအားနည်းပြီးဈေးငြိမ်နေပါသည်။မကြာခင် ချင်းဥ မပေါ်တော့မည်ဖြစ်ရာ ကုန်စည်နှင့် ဝယ်လိုအားမျှတနေသဖြင့်ချင်းအတက်ကြီး ဈေးတည်ငြိမ်နေဦးမည် ဖြစ်ပါသည်။ လမ်းပန်းဆက်သွယ် ရေးကောင်းလျှင်ဖြင့် ဈေးမာလာနိုင်ပါသည်။ယခုအပတ်ပေါက်ဈေးမှာ(၈၀၀၀-၈၅၀၀)ဖြစ်ပါသည်။ နနွင်းသီးနှံမှာလည်း ဈေးမပြောင်းလည်းဘဲ အရောင်းအဝယ်အေးနေပါသည်။

      ယခု ဇွန်လဒုတိယအပတ်တွင် ခရမ်းချဉ်ဈေးမြင့်တက်လာပါသည်။ပထမပတ်နှင့်ဒုတိယပတ် ကွာခြားချက်မှာ-

          ဇွန်လပထမပတ်နှင့် ဒုတိယပတ်အတွင်း တစ်ပိဿာလျှင်၅၀၀ခန့်ထိဈေးမြင့်လာခဲ့ ပါသည်။ ဈေးမြင့်လာရခြင်းမှာ အင်းသီးပေါ်သော်လည်း စိုက်ခင်းအချို့ ရေနစ်သဖြင့် ၎င်းသွင်းအားစု ဈေးကြီးမြင့်လာသဖြင့် ဈေးနှုန်းမတည်ငြိမ်လျှင်အရှုံးပေါ်မည်စိုး၍ မစိုက်ကြရာအထွက်လျော့ကျလာပါသည်။ဂေါ်ဖီသီးနှံမှာလည်း ပထမပတ် ၃၀၀၀/၃၂၀၀ကျပ်ပေါက်ရာမှ ချိန်းထုပ် နှစ်ပိဿာခန့်၃၈၀၀နှင့်အလတ်၃၆၀၀ခန့်ဈေးပေါက်နေပါသည်။တစ်ပိဿာလျှင် ၆၀၀ခန့် ဈေးမြင့်လာပါသည်။ပန်းမုန်လာမှာလည်း ၁၈၀၀/၂၀၀၀ကျပ် ယခုတပတ် ဈေးမပြောင်းဘဲ ရှိနေပါသည်။ဘိုစားပဲ(လုံး)ကြီး နှင့်အလတ်လည်း၄၀၀၀/၄၅၀၀ကျပ်နှင့် ဈေးမပြောင်းလဲပါ၊ ရွှေပဲသီးမှာ ၂၀၀၀၀/၂၅၀၀၀ကျပ်မှ၁၂၀၀၀/၁၅၀၀၀ကျပ်ခန့်သာ ဈေးဖွင့်ထားပါသည်။ ခရမ်းသီး (ကုန်းသီး) ၂၀၀၀/၂၂၀၀ကျပ်ဈေးပေါက်နေပါသည်။ငြုပ်ပွမှာ၁၂၀၀နှင့်၁၅၀၀ကြားဈေးဖွင့်ထားပြီးရှယ်သွယ်ခြောက်မှာ ၁၀၀၀၀ကျပ်နှင့် ရှယ်ပွခြောက်မှာ၉၀၀၀ကျပ်ခန့် ဈေးရှိပါသည်။

   သီးနှံများ၏ဈေးနှုန်းဈေးကွက် မတည်ငြိမ်မှုကြောင့် ဈေးနှုန်းများမြင့်တက်လာပြီး စိုက်ပျိုးသူ တောင်သူရော/ရောင်းဝယ်ဖောက်ကားသူ ကုန်သည်ပွဲစားများ အရှုံး/အမြတ်ကြီးမားနိုင်သဖြင့် ဈေးကွက်ကို ချိန်ဆသုံးသပ်လှုပ်ရှားသင့်ပါကြောင်းနှင့် အခြေခံစားကုန်ဟင်းသီးဟင်းရွက်များ ဈေးမြင့်လာလျှင် အစားထိုးသုံးစွဲဖို့နည်းလမ်းရှာကြံသင့်ပါသည်။ ဥပမာ - ခရမ်းချဉ်ဈေးကြီးလျှင် မန်ကျည်းသီးနှင့် ဟင်းချက်နိုင်သလိုမျိုး အစားထိုးသုံးစွဲဖို့ နည်းလမ်းရှာသင့်ပါကြောင်းရေးသား တင်ပြအပ်ပါသည်။

DOCA(ရှမ်း)

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဝန်ကြီးရုံး၏ ရည်ညွှန်းပါစာလမ်းညွှန်ချက်အရ ဆန်စပါးဆိုင်ရာ အပတ်စဉ်လေ့လာသုံးသပ်ချက်(အကျဉ်းချုပ်) ၂၄/၂၀၂၄ အား သိရှိလမ်းညွှန်မှုပြုနိုင်ပါရန် တင်ပြအပ်ပါသည်။

    ၁၉.၆.၂၀၂၄ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-