ပြည်တွင်းကုန်သွယ်မှုသတင်း

      စစ်ကိုင်းတိုင်းဒေသကြီးအတွင်းရှိ  ဆန်ပိုဒေသများဖြစ်သော ကလေး၊ ကသာ၊ ကန့်ဘလူ၊ ရွှေဘို၊ ရေဦးနှင့် မုံရွာခရိုင်များ၌ စပါး၊ ဆန်ဈေးနှုန်းများမှာ ယခင်အပတ်များအတိုင်း ဈေးအေးနေသော်လည်း ကသာခရိုင်(အင်းတော်မြို့နယ်)၌ ဧရာမင်း(စပါး)(သစ်)  တင်း၁၀၀ဈေးနှုန်းမှာ ယခင် မေလ စတုတ္ထပတ်နှင့်နှိုင်းယှဉ်ပါက ဈေးနှုန်းအနည်းငယ်မြင့်တက်နေကြောင်းသိရှိရပါသည်။

     ဇွန်လ  (ပထမပတ်) တွင် ဖြစ်ပေါ်နေသော စပါး/ ဆန်ဈေးနှုန်းများမှာ ရွှေဘိုခရိုင်၊ ရွှေဘိုမြို့နယ်မှ ရွှေဘိုပေါ်ဆန်း (စပါး)(သစ်)  တင်း၁၀၀လျှင် ကျပ်၄၃၀၀၀၀၀၊ ပေါ်ဆန်း (ဆန်) (သစ်)၂၄ပြည်ပါ တစ်အိတ်လျှင် ၁၅၅၀၀၀ကျပ်၊ ရွှေဘိုဧရာမင်း(စပါး)(သစ်)  တင်း၁၀၀လျှင် ကျပ်၃၃၀၀၀၀၀၊ ဧရာမင်း (ဆန်)(သစ်) ၂၄ပြည်ပါ တစ်အိတ်လျှင် ၁၄၀၀၀၀ကျပ်ဖြင့် အရောင်းအဝယ်ဖြစ်နေကြောင်းသိရပါသည်။

     ရေဦးခရိုင်၊ ရေဦးမြို့နယ်မှ ပေါ်ဆန်း (စပါး)(သစ်)  တင်း၁၀၀လျှင် ကျပ်၄၃၀၀၀၀၀၊ ပေါ်ဆန်း (ဆန်) (သစ်)၂၄ပြည်ပါ တစ်အိတ်လျှင် ၁၅၅၀၀၀ကျပ်၊ ရွှေဘိုဧရာမင်း(စပါး)(သစ်)  တင်း၁၀၀လျှင် ကျပ်၃၃၀၀၀၀၀၊ ဧရာမင်း (ဆန်)(သစ်) ၂၄ပြည်ပါ တစ်အိတ်လျှင် ၁၄၀၀၀၀ ကျပ်ဖြင့် အရောင်းအဝယ်ဖြစ်နေကြောင်းသိရပါသည်။

      ကလေးခရိုင်၊ ကလေးမြို့နယ်မှ ဧည့်မထ(စပါး) (သစ်) တင်း၁၀၀လျှင် ကျပ်၂,၆၅၀,၀၀၀၊ ဧည့်မထ (ဆန်) (သစ်)‌၂၄ပြည်ပါ တစ်အိတ်မှာ ကျပ်၈၅,၀၀၀၊ ငစိန်(စပါး)(သစ်) တင်း၁၀၀လျှင် ကျပ်၂၄၅၀,၀၀၀၊ ငစိန် (ဆန်)(သစ်)၂၄ပြည်ပါ တစ်အိတ်မှာ ကျပ်၇၀,၀၀၀၊ ဧရာမင်း(စပါး)(သစ်) တင်း၁၀၀လျှင် ကျပ်၂,၇၀၀,၀၀၀၊ ဧရာမင်း(ဆန်)(သစ်)၂၄ပြည်ပါ တစ်အိတ်မှာ ကျပ်၉၅,၀၀၀ဖြင့် အရောင်းအဝယ်ဖြစ်နေကြောင်းသိရပါသည်။

      ကသာခရိုင်၊ အင်းတော်မြို့နယ်မှ ဆင်းဧကရီ(၃)(စပါး) (သစ်) တင်း၁၀၀လျှင် ကျပ်၁,၆၀၀,၀၀၀၊ ဆင်းဧကရီ-၃ ဆန် (သစ်) ၂၄ပြည်ပါ တစ်အိတ်မှာ ကျပ်၇၅,၀၀၀၊ ဧရာမင်း(စပါး)(သစ်)  တင်း၁၀၀လျှင် ကျပ်၃၁၅၀၀၀၀၊ ဧရာမင်း (ဆန်)(သစ်) ၂၄ပြည်ပါ တစ်အိတ်လျှင် ၁၂၀၀၀၀ ကျပ်  ဖြင့် အရောင်းအဝယ်ဖြစ် နေကြောင်းသိရပါသည်။

     မုံရွာခရိုင်၊ မုံရွာမြို့တွင် ဧရာမင်း(စပါး)(သစ်) တင်း၁၀၀လျှင် ကျပ်၃,၀၀၀,၀၀၀၊  ဧရာမင်း (ဆန်)(သစ်) ၂၄ပြည်ပါ တစ်အိတ်မှာ ကျပ်၁၃၅၀၀၀၊ ရွှေဘိုပေါ်ဆန်း(စပါး) (သစ်) တင်း၁၀၀လျှင် ကျပ်၃၈၀၀၀၀၀၊ ရွှေဘိုပေါ်ဆန်း (ဆန်)(သစ်) ၂၄ပြည်ပါ တစ်အိတ်မှာ ကျပ်၁၅၀၀၀၀၊ မနောသုခ (စပါး)(သစ်) တင်း၁၀၀လျှင် ကျပ်၂၆၀၀,၀၀၀၊  မနောသုခ (ဆန်)(သစ်) ၂၄ပြည်ပါ တစ်အိတ်မှာ ကျပ်၈၈၀၀၀၊ ရွှေဝါထွန်း (စပါး)(သစ်) တင်း၁၀၀လျှင် ကျပ်၂၆၀၀,၀၀၀၊  ရွှေဝါထွန်း (ဆန်)(သစ်) ၂၄ပြည်ပါ တစ်အိတ်မှာ ကျပ်၈၅၀၀၀၊ ရွှေသွယ်ရင်  (စပါး)(သစ်) တင်း၁၀၀လျှင် ကျပ်၂၆၀၀,၀၀၀၊  ရွှေသွယ်ရင် (ဆန်)(သစ်) ၂၄ပြည်ပါ တစ်အိတ်မှာ ကျပ်၈၅၀၀၀၊ ငစိန်   (စပါး)(သစ်) တင်း၁၀၀လျှင် ကျပ်၂၂၀၀,၀၀၀၊  ငစိန်  (ဆန်)(သစ်) ၂၄ပြည်ပါ တစ်အိတ်မှာ ကျပ်၇၅၀၀၀ဖြင့် အရောင်းအဝယ်ဖြစ်နေကြောင်းသိရပါသည်။

DOCA(စစ်ကိုင်း)

     မကွေးတိုင်းဒေသကြီး၊ မကွေးခရိုင်၊ မြို့သစ်မြို့နယ်၊ ထနောင်းဇင်အုပ်စုရှိ သဲကန်ကျေးရွာတွင် ရာသီအလိုက် ကုလားပဲ၊ မြေပဲ၊ နှမ်းနှင့် စပါးတို့ကိုအဓိကထားစိုက်ပျိုးပြီး မိုးနှမ်းကို ၂၀၂၄ခုနှစ်၊ ဇွန်လ(ပထမပတ်)တွင် စတင်စိုက်ပျိုးထားပြီး နှမ်းနီနှင့်နှမ်းဖြူမျိုးကို အများဆုံးစိုက်ပျိုးကြောင်း သိရပါသည်။

     ထွန်ကြောင်းဆွဲအစေ့ချစနစ်ဖြင့် နှမ်းနီ(၂)ဧက၊ နှမ်းဖြူ(၃)ဧကစိုက်ပျိုးထားပြီး (၁)ဧကလျှင် မျိုး(၂)ပြည်ခန့် ကုန်ကျကြောင်း၊ ယခင်နှစ် လက်ကျန်မျိုးများကို ပြန်လည်အသုံးပြု၍စိုက်ပျိုးထားပြီး ရက်ပေါင်း(၈၀)ရက် အကြာတွင်ရိတ်သိမ်းရကြောင်း၊ ကုန်ကျစရိတ်အနေဖြင့် မြေပြုပြင်ခ၊ ပေါင်းနုတ်ခ၊ လုပ်အားခအပါအဝင် (၁)ဧကလျှင် ကျပ်(၁၀၀၀၀၀)ကုန်ကျကြောင်း၊ အထွက်နှုန်းအနေဖြင့် ယခင်နှစ်က နှမ်း(၁)ဧကလျှင် (၇)တင်းခန့်ထွက်ရှိပြီး ဈေးနှုန်းအနေဖြင့် နှမ်းဖြူ(၁)တင်းလျှင် ကျပ် (၁၂၇၀၀၀)၊ နှမ်းနီ ကျပ်(၁၁၀၀၀၀)ထိဈေးရရှိခဲ့ကြောင်း၊ နှမ်းဈေးကွက်အနေဖြင့် မကွေးမြို့သို့ တင်ပို့ ရောင်းချပါကြောင်း၊ ယခုဇွန်လ(ဒုတိယပတ်)တွင် နှမ်းနီ(၁)တင်းလျှင် ကျပ်(၁၂၂၀၀၀)၊ နှမ်းဖြူ(၁) တင်းလျှင် ကျပ်(၁၃၇၀၀၀)ဖြင့် အရောင်းအဝယ်ဖြစ်လျက်ရှိကြောင်း သဲကန်ကျေးရွာနေမိုးနှမ်းစိုက်တောင်သူ ဒေါ်ညွှန်ရီထံမှ သိရှိရပါသည်။

DOCA(မကွေး)

      စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ဒေသထွက်အရန်ဟင်းဖြစ်သည့် လက်လုပ်ချဉ်အမျိုးမျိုးကိုရောင်းချပြီး မိသားစုစားဝတ်နေရေးအတွက် ဝင်ငွေရှာသည့်လုပ်ငန်းများလုပ်ကိုင်လျက်ရှိသည့်အနက် ပဲတီစိမ်းပင်ပေါက်ချဉ်ကို အဓိကထားလုပ်ကိုင်လျက်ရှိကြောင်းသိရပါသည်။

     ကန့်ဘလူမြို့မစည်ပင်သာယာဈေးတွင် အချဉ်မျိုးစုံဖြစ်သည့် ပဲတီချဉ်၊ မုန့်ညှင်းချဉ်၊ သရက်ချဉ်၊ မုံလာချဉ်၊ သရက်သီးကုလားတည်ချဉ်၊ နှမ်းပတ်ချဉ်နှင့် သံပရာချဉ်တို့ရောင်းချလျက်ရှိပါသည်။ ပဲတီစိမ်းအပင်ပေါက်ပြုလုပ်ရာတွင် ကုန်ကြမ်းဖြစ်သည့် ပဲတီစိမ်းတစ်ပြည်ကို (၈၅၀၀)ကျပ်ဖြင့် ဝယ်ယူရပြီး ပဲကို တစ်ညရေစိမ်ကာ အပင်ဖောက်ရကြောင်း၊ အပင်ဖောက်ကို အမြစ်ဖြတ်ကာ ရေစင်အောင်ဆေးပြီး အချဉ်တည်ရကြောင်း၊ ပဲပင်ပေါက်အချဉ်ဖြစ်လာစေရန် အချိန်အားဖြင့် (၂)ရက်ကြာအောင်ထားရကြောင်း၊  ပဲတီစိမ်းတစ်ပြည်အချဉ်တည်လျှင် ပဲချဉ်(၄)ပိဿာခန့်ရရှိကြောင်း၊ ရရှိလာသော ပဲတီပင်ပေါက်ချဉ်‌ကိုရောင်းချရာ၌  တစ်ပိဿာလျှင် (၂၅၀၀)ကျပ်၊ လက်ဖက်ရည်သောက်ပန်းကန် တစ်ပန်းကန်ကို (၃၀၀)ကျပ်ဖြင့်ရောင်းချရကြောင်း၊ တစ်ရက်လျှင် ပဲတီစိမ်း ( ၂)ပြည်အချဉ်ဖောက်လျှင် အမြတ်ငွေ ကျပ်(၅၀၀၀)နှင့် ကျပ်(၁၀၀၀၀)ကြားရရှိကြောင်း မြို့မစည်ပင်သာယာဈေးတွင် လက်လုပ်ချဉ်ပြုလုပ်ရောင်းချနေသူ တစ်ဦးထံမှသိရှိရပါသည်။

DOCA(စစ်ကိုင်း)

    မာလာပွင့်သည် မိုးဦးကာလတွင်ပေါ်သော သဘာဝပေါက်သောမာလာပွင့် မာလာပင်မှ အပွင့်ထွက်လာပြီး အပွင့်၏အရသာမှာ  ပူရှိန်းရှိန်း၊ ရှတတ အာနိသင်ကြောင့် အစာချေဖျက်မှုကို အားပေးပြီး အစာခြေစနစ်ရဲ့ လုပ်ဆောင်ချက်ကို ကူညီထောက်ပံ့ပေးပါတယ်။ မာလာပွင့်သည်အတို့အမြုပ်အဖြစ်လည်း စားသုံးလို့ရသလို ဟင်းခါးချက်၍ သော်လည်းကောင်း၊ ဟင်းလှော်ထဲတွင် ထည့်၍လည်း စားသုံးလို့ရပါသည်။

    ထိုမာလာပွင့်သည်  ပုသိမ်မြို့တွင် တစ်စည်း (၅)ပွင့်၊ အပွင့်သေးလျှင် (၆)ပွင့် စည်း၍ တစ်စည်းလျှင် (၂၀၀/၂၅၀)ဈေးရရှိ အရင်းအနှီးမလိုပဲ အပိုဝင်ငွေရရှိကြောင်း သတင်းသိရပါသည်။

DOCA(ဧရာဝတီ)

   ၁၂.၆.၂၀၂၄ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။