ပြည်တွင်းကုန်သွယ်မှုသတင်း

       ထားဝယ်မြို့ရှိ စည်ပင်သာယာဈေးကြီး၊ ကမ်းနားဈေးနှင့် ညနေဈေးတို့ရှိ သစ်သီးဆိုင်များ၌ သစ်သီးမျိုးစုံရောင်းချလျက်ရှိရာ ပန်းသစ်တော်သီးမှာလည်း အ‌ရောင်းအဝယ်ဖြစ်လျက်ရှိပြီး လူကြိုက်များကြကြောင်း သိရှိရပါသည်။ ရန်ကုန်၊ မော်လမြိုင်ဘက်မှ ကားများဖြင့် ထားဝယ်မြို့ရှိ သစ်သီးဒိုင်များသို့ တင်ပို့ကြပြီး ထိုမှတဆင့် သစ်သီးဆိုင်များသို့ ပြန်လည်ဖြန့်ဖြူးလျက်ရှိကြောင်းလည်း သိရှိရပါသည်။

     ထားဝယ်ဈေးကွက်၌  ပန်းသစ်တော်သီး ဈေးကောင်းလျက်ရှိပြီး  တစ်လုံးလျှင် (၃၅၀၀)ကျပ်မှ(၄၀၀၀)ကျပ်အထိရှိကြောင်း သိရှိရပါသည်။

DOCA(တနင်္သာရီ)

      ထားဝယ်တွင် ဗုံလုံသီး (ပဲလင်းမြွေသီး)များ စတင်ပေါ်ထွက်လာပြီ ဖြစ်ပါသည်။ ဗုံလုံသီးသည် သခွား၊ ဗူး၊ ဖရုံတို့လို အနွယ်ပင်ဖြစ်၍ မိုးရာသီတွင်ထွက်ပေါ်လေ့ရှိပြီး ယခုအခါ ရေလောင်း၍ စိုက်ပျိုးကြသည်။ ထားဝယ်မြို့အနီးဝိုက်ရှိ ခြံများတွင်စိုက်ပျိုးကြပြီး နီးစပ်ရာ ဈေးများသို့ လာရောက်ရောင်းချကြပါသည်။ ထိုအသီးသည် အပေါ်ယံအလွှာကို ဓားနှင့်ခြစ်ပြီး အရွယ်တော်အတုံးလေးများတုံး၍ အလယ်အူတိုင်ကိုထုတ်ပြီး ကြက်သား (သို့) ပုစွန်ခြောက်ကို ထောင်းပြီး အစာသွပ်ချက်စားလျှင် အလွန်ကောင်းသည့် ဟင်းလျာတစ်မျိုး ဖြစ်ပါသည်။ ဗုံလုံသီးတွင် ဗီတာမင်နှင့် သတ္တုဓါတ်များပါသဖြင့် စားသုံးပေးသင့်သော သီးနှံတစ်မျိုးဖြစ်ပါသည်။ 

     ဗုံလုံသီး(ပဲလင်းမြွေသီး)ကို တစ်တောင့်လျှင် ၁၀၀၀ ကျပ်ဖြင့် ဈေးကွက်တွင် ရောင်းချလျက်ရှိပြီး ဈေးနှုန်းအနည်းငယ်ကျဆင်းလျက်ရှိကြောင်း သိရပါသည်။

DOCA(တနင်္သာရီ)

       စက်တင်ဘာလ ပထမပတ်တွင် သုံးခွမြို့နယ်ဈေးကွက်အတွင်း ရောင်းချနေသော အခြေခံ စားကုန် ကုန်ခြောက် ဈေးနှုန်းများအနေဖြင့် ကြက်သွန်နီ (ဆိုဒ်စုံ)တစ်ပိဿာလျှင် (၁၄၀၀မှ ၂၀၀၀)ကျပ်ထိ၊ ကြက်သွန်ဖြူ (ရှမ်းစ)တစ်ပိဿာလျှင် (၁၀၀၀၀မှ ၁၂၀၀၀)ကျပ်ထိ၊ ငရုပ်ရှည် တစ်ပိဿာလျှင် (၁၁၀၀မှ ၁၆၀၀၀)ကျပ်ထိ၊ ကုလားပဲခြမ်း တစ်ပိဿာလျှင် (၆၃၀၀)ကျပ်၊ မန်းကျည်းသီး တစ်ပိဿာလျှင် (၁၀၀၀၀မှ ၁၂၀၀၀)ကျပ်ထိ၊ အိုင်အိုဒင်းဆား တစ်ထုတ်လျှင် (၁၀၀၀)ကျပ်၊ အာလူးတစ်ပိဿာလျှင် (၆၅၀၀)ကျပ်၊ သကြားတစ်ပိဿာလျှင် (၅၀၀၀)ကျပ် ဈေးနှုန်းအသီးသီးတို့ဖြင့် သုံးခွမြို့နယ် စည်ပင်သာယာမြို့မဈေးအတွင်း အရောင်းအဝယ်ဖြစ် လျှက်ရှိကြောင်း သိရသည်။

    အခြေခံစားကုန် ကုန်ခြောက်ဈေးနှုန်းများအနေဖြင့် ယခုအပတ်တွင် ပစ္စည်းအမျိုးအစား အလိုက် သိသာထင်ရှားစွာ ပြောင်းလဲမှု မရှိကြောင်း ဝယ်ယူရရှိသည့် ပစ္စည်း အမျိုးအစားအလိုက် အနည်းအကျဉ်းသာ ဈေးနှုန်းပြောင်းလဲမှုရှိကြောင်း၊ ကုန်ခြောက်ပစ္စည်းများအား ရန်ကုန်ဘုရင့် နောင်ပွဲရုံမှ ဝယ်ယူရောင်းချခြင်းဖြစ်ပြီး သုံးခွမြို့နယ်အတွင်းသို့ တစ်ရက်ခြားတစ်ခါ ကုန်ပစ္စည်း များ ဝင်ရောက်လျက်ရှိကြောင်း သိရှိရပါသည်။

DOCA (ရန်ကုန်)

      ဘုရင့်နောင်ကုန်စည်ဒိုင်အတွင်းသို့ ဧရာဝတီတိုင်းဒေသကြီး၊ မန္တလေးတိုင်းဒေသကြီး၊ ရှမ်း ပြည်နယ်တို့မှ ငရုတ်သီးများဝင်ရောက်လျက်ရှိရာ ဧရာဝတီတိုင်းဒေသကြီးမှ အများဆုံးဝင်ရောက်ပြီး ငရုတ်သီးဈေးနှုန်းများမှာ ၁.၉.၂၀၂၅ ရက်နေ့ ကုန်စည်ဒိုင်တွင် ဖြစ်ပေါ်ခဲ့သော ငရုတ်သီး တစ်ပိဿာ ဈေးနှုန်းများမှာ ပန်းရဲ(ဟောင်း) အမြင့်ဆုံးဈေး ကျပ် ၇၅၀၀ မှ  အနိမ့်ဆုံးဈေး ကျပ် ၆၅၀၀၊ ပန်းရဲ(AC) အမြင့်ဆုံးဈေး ကျပ် ၁၁၀၀၀ မှ  အနိမ့်ဆုံးဈေး ကျပ် ၁၀၀၀၀၊ မြှားနီ(ဟောင်း) အမြင့်ဆုံးဈေး ကျပ် ၉၀၀၀ မှ  အနိမ့်ဆုံးဈေး ကျပ် ၈၀၀၀၊ မြှားနီ(AC) အမြင့်ဆုံးဈေး ကျပ် ၁၂၀၀၀ မှ အနိမ့်ဆုံး ကျပ် ၁၁၀၀၀၊ မြစ်ဝ မိုးထောင် အမြင့်ဆုံးဈေး ကျပ် ၁၂၀၀၀ မှ အနိမ့်ဆုံးဈေး ကျပ် ၁၁၀၀၀၊ ဆင်ဖြူကျွန်း(ပု) သစ် အမြင့်ဆုံးဈေး ကျပ် ၁၇၀၀၀ မှ အနိမ့်ဆုံးဈေး ကျပ် ၁၆၀၀၀၊ ဆင်ဖြူကျွန်း(ပု) (AC) ကျပ် ၂၁၀၀၀၊ မြစ်ဝ (ပု) (AC) အမြင့်ဆုံးဈေး ကျပ် ၁၉၀၀၀ မှ အနိမ့်ဆုံးဈေး ကျပ် ၂၀၀၀၀ တို့အသီးသီးဖြစ်ကြောင်း ကုန်စည်ဒိုင်မှ သတင်းရရှိပါသည်။ ငရုတ်သီးဈေးနှုန်းမှာ  ယခင်တစ်ပတ်နှင့် ယခုတစ်ပတ်တွင် ဈေးနှုန်းပြောင်းလဲမရှိကြောင်း သိရှိရပါသည်။

DOCA (ရန်ကုန်)

     ရန်ကုန်တိုင်းဒေသကြီး လှိုင်မြို့နယ်  သီရိမင်္ဂလာဈေးတွင် တိုင်း/ပြည်နယ်များမှ သစ်သီးများ အများဆုံးဝင်ရောက်ကြောင်း သိရှိရပြီး ဩဂုတ်လ (၂၇) ရက်နေ့ မှ စက်တင်ဘာလ (၁) ရက်နေ့အထိ ဖြစ်ပေါ်ခဲ့သော သစ်သီးအဝင်များမှာ ပုပ္ပါး၊ ပြည်မှ ဩဇာသီး တစ်သေတ္တာ(သေး) ကျပ် ၁၀၀၀၀၊ ခြင်း(သေး) ကျပ် ၂၂၀၀၀၊  မန္တလေးမှ သင်္ဘောသီး တစ်လုံး ကျပ် ၂၅၀၀/၅၀၀၀၊ သီပေါမှ နာနတ်သီး တစ်လုံး ကျပ် ၂၀၀၀/၃၀၀၀၊ ပြင်ဦးလွင်မှ နဂါးမောက်သီး ဂျပ်ဖာ ကျပ် ၂၅၀၀၀၊  ဘီးလင်း မှ ကျွဲကော သီး ကျပ် ၃၀၀၀/၅၀၀၀၊ အောင်ပန်းမှ လိမ္မော်သီးတစ်လုံး  ကျပ် ၈၀၀၊ ချောင်းဦး မှ ဖရဲသီး(211) အလုံးကြီး ကျပ် ၃၀၀၀/၅၀၀၀/၇၀၀၀၊  တိုက်ကြီးမှ မာလာကာသီး အိတ်ကြီးတစ်အိတ် ၃၅၀၀၀/ ၈၀၀၀၀ ကျပ်၊ ယိုးဒယားပန်းသီး တစ်သေတ္တာ ကျပ် ၈၀၀၀၀/၁၆၀၀၀၀၊ ရပ်စောက် မှ သရက်သီး တစ်သေတ္တာ ကျပ်  ၄၀၀၀၀/၅၀၀၀၀၊ တောင်ငူ မှ ဒူးရင်းသီး ကျပ် ၁၀၀၀၀/၂၀၀၀၀/၃၀၀၀၀ ရှိကြောင်း သစ်သီးဈေးနှုန်းများသည့် ဈေးနှုန်းမြင့်တက်မှုမရှိဘဲ ယခင်တစ်ပတ်နှင့် ယခုတစ်ပတ် ဈေးနှုန်းများ အနည်းငယ်သာပြောင်းလဲကြောင်း  သီရိမင်္ဂလာဈေးရှိ မြန်မာနိုင်ငံသစ်သီးဝလံ ပန်းမန် ဟင်းသီးဟင်းရွက်စိုက်ပျိုး ထုတ်လုပ်တင်ပို့ရောင်း ချသူများအသင်း (MFVP) မှ သိရှိရပါသည်။

DOCA (ရန်ကုန်)