ပြည်တွင်းကုန်သွယ်မှုသတင်း

          မြန်မာနိုင်ငံစက်သုံးဆီ တင်သွင်း/သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ တိုင်းဒေသကြီး၊ ပြည်နယ်အလိုက် မြို့ကြီးများ၏ စက်သုံးဆီ ရည်ညွှန်းလက်ကားဈေးနှုန်းများအား နေ့စဉ်ထုတ်ပြန်ပေးလျက်ရှိပါသည်။

          မော်လမြိုင်မြို့ စက်သုံးဆီဆိုင်များတွင် ပုံမှန်ဖွင့်လှစ်ရောင်းချလျက်ရှိပြီး ယခု ဖေဖော်ဝါရီလ ဒုတိယအပတ်တွင် စက်သုံးဆီဈေးနှုန်းများမှာ ဒီဇယ် (ရိုးရိုး) တစ်လီတာလျှင် (၂၈၂၅) ကျပ်၊ ဒီဇယ် (ပရီမီယံ) တစ်လီတာလျှင် (၃၄၆၀) ကျပ်၊ ဓါတ်ဆီ(92) တစ်လီတာလျှင် (၃၂၄၅) ကျပ်၊ ဓါတ်ဆီ(95) တစ်လီတာလျှင် (၃၃၁၀) ကျပ်ဖြင့် ရောင်းချလျက်ရှိကြောင်း သိရသည်။

          ယခင် ဇန်နဝါရီလ စတုတ္ထအပတ်တွင် စက်သုံးဆီဈေးနှုန်းများမှာ ဒီဇယ် (ရိုးရိုး) တစ်လီတာလျှင် (၂၉၀၅) ကျပ်၊ ဒီဇယ် (ပရီမီယံ) တစ်လီတာလျှင် (၃၅၇၅) ကျပ်၊ ဓါတ်ဆီ(92) တစ်လီတာလျှင် (၃၂၇၀) ကျပ်၊ ဓါတ်ဆီ(95) တစ်လီတာလျှင် (၃၃၅၀) ကျပ်ဖြင့် ရောင်းချနေသောကြောင့် ယခင် ဇန်နဝါရီလ(စတုတ္ထပတ်)နှင့် နှိုင်းယှဉ်ကြည့်လျှင် ယခုဖေဖော်ဝါရီလ (ဒုတိယပတ်) တွင် ဒီဇယ် (ရိုးရိုး) တစ်လီတာလျှင် (၈၀) ကျပ်၊ ဒီဇယ် (ပရီမီယံ) တစ်လီတာလျှင် (၁၁၅) ကျပ်၊ ဓါတ်ဆီ(92) တစ်လီတာလျှင် (၂၅) ကျပ်၊ ဓါတ်ဆီ(95) တစ်လီတာလျှင် (၄၀) ကျပ် ဈေးနှုန်းအသီးသီး အနည်းငယ်ကျဆင်းလျက်ရှိကြောင်း စက်သုံးဆီဆိုင်များမှ သိရှိရပါသည်။

DOCA(မွန်)

          မြန်မာနိုင်ငံတွင် ဆီထွက်သီးနှံအမျိုးအစားပေါင်းများစွာရှိသည့်အနက် နှမ်းသီးနှံသည် လည်း တစ်မျိုးအပါအဝင်ဖြစ်ပါသည်။ နှမ်းကို ဟင်းများချက်ပြုတ်စားသောက်ရာတွင် လည်းကောင်း၊ သရေစာမုန့်များ၊ လက်ဖက်သုပ်များတွင် ထည့်သွင်း၍စားသုံးပါက အရသာထူးကဲကောင်းမွန်ကာ အနံ့အရသာနှင့်ပြည့်စုံစေပါသည်။ တနင်္သာရီတိုင်းဒေသကြီးအတွင်းရှိ မြို့နယ်များဖြစ်သည့် ဟိန္ဒား၊ ရှင်မုတ္ထီးမြို့များတွင် နှမ်းနက်စိုက်ပျိူးမှများရှိသော်လည်း  ထားဝယ်မြို့နှင့်ထားဝယ် အရှေ့တော ဒေသများတွင် နှမ်းနက်စိုက်ပျိုးမှုအနည်းငယ်သာရှိကြောင်း သိရှိရပါသည်။ ထားဝယ်မြို့ရှိ နှမ်းနက် စျေးနှုန်းများ   အနေဖြင့် တစ်ပိဿာလျှင် (၁၇၀၀၀) ကျုပ်ခန့် စျေးရရှိနေကြောင်း သိရှိရပါသည်။

DOCA(တနင်္သာရီ)

          တနင်္သာရီတိုင်းဒေသကြီးတွင် ထားဝယ်၊ မြိတ်၊ ဘုတ်ပြင်း၊ ကော့သောင်းခရိုင် (၄) ခုရှိရာ ခရိုင် (၄) ခုလုံး၏ တောင်စောင်းတစ်လျှောက်တွင် ကွမ်းသီးပင်နှင့် သီဟိုဠ်ပင်တို့ကို စီးပွားဖြစ်အများအပြား စိုက်ပျိုးလျက်ရှိပြီး ဒေသမှထွက်ရှိသော ကွမ်းသီးများမှာ ယခုနှစ်တွင် ကွမ်းသီးအမှည့်ထွက်ရှိမှု နည်း ပါးသဖြင့် စျေးနှုန်းများ တက်လျက်ရှိပြီး သီဟိုဠ်ဈေးနှုန်းများမှာ ဖေဖော်ဝါရီလ ဒုတိယအပတ်အတွင်း တည်ငြိမ်လျက်ရှိကြောင်း ထားဝယ်မြို့ပေါ်ရှိ ကွမ်းသီး၊ သီဟိုဠ်ရောင်းချသည့် လုပ်ငန်းရှင်တစ်ဦးထံမှ သိရှိရပါသည်။

ကွမ်းသီး

          တနင်္သာရီတိုင်းဒေသကြီး၏ဒေသတွင်းထွက်ရှိသော ကွမ်းသီးခြောက်ဈေးနှုန်းများမှာ ကွမ်းသီး အခြောက်အခြမ်းတစ်ပိဿာလျှင်(၁၅၀၀၀)ကျပ်၊ကွမ်းသီးအခြောက်အလုံးတစ်ပိဿာလျှင်(၁၃၀၀၀) ကျပ်နှင့်တနင်္သာရီတိုင်းဒေသကြီးမှ ထွက်ရှိသော ကွမ်းသီးအများစုကို မော်လမြိုင်၊ ရန်ကုန်၊ မုံရွာနှင့် ကလေးမြို့များသို့ အများဆုံးတင်ပို့ ရောင်းချလျက်ရှိပါသည်။

သီဟိုဠ်

          တနင်္သာရီတိုင်းဒေသကြီး၏ သီဟိုဠ်ဈေးနှုန်းအနေဖြင့် သီဟိုဠ်အခွံကြမ်း တစ်ပိဿာလျှင် (၈၀၀၀)ကျပ်ရှိပြီး သီဟိုဠ်ပုံချောအသန့် တစ်ပိဿာလျှင်(၅၅၀၀၀)ကျပ်ရှိပြီး သီဟိုဠ်ပုံချောများအား မော်လမြိုင်၊ ရန်ကုန်သို့ တင်ပို့လျက်ရှိကြောင်း သိရှိရပါသည်။

DOCA(တနင်္သာရီ)

            မအူပင်အနေဖြင့် ဟင်းသီးဟင်းရွက်စိုက်ဧက ၁၄၃၆၅ ဧက စိုက်ပျိုးကြပြီး ရာသီပေါ်သီးနှံ မုန်လာဥကို စီးပွားဖြစ် နှစ်စဉ် စိုက်ပျိုးလျှက်ရှိကြောင်း အရှေ့ဘက်ကမ်း ရွာလယ်ပိုင်းမှ မုန်လာစိုက်ပျိုးသူ ဒေါ်အေးခင်ထံမှ သိရသည်။

            မုန်လာဥကို ၁၀လန် ၄ခွက် စိုက်ပျိုးထားပြီး မုန်လာ၍ မျိုးကို နှင်းဆီတံဆိပ် မျိုးကို ၁ထုတ် လျှင် ၂၃၀၀၀ကျပ်ဖြင့် ဝယ်ယူရပြီး ၁၀လန် ၄ခွက်တွင် အထုတ်ရေ ၄ထုတ် ပတ်ကျဲ စိုက်ပျိုးထားသည်။ ၂၀၂၄ခုနှစ် ၁၂လပိုင်းက စတင်စိုက်ပျိုးပြီး ၂၀၂၅ခုနှစ် ဇန်နဝါရီ လကုန်တွင် ထွက်ရှိကြောင်း သိရသည်။ စိုက်ပျိုးမှု ကုန်ကျစရိတ်အနေဖြင့်  ၁၀လန် ၄ခွက်ကို ၂သိန်းခွဲ ကျပ် ကုန်ကျ ကြောင်းသိရသည်။

              ထွက်ရှိမှု အနေဖြင့် စတင်ထွက်ရှိစဉ်က မုန်လာဥ ၁၀၀အိတ် ၄အိတ်ရရှိပြီး စတင်ပေါ်ထွက်ချိန်က ၁အိတ် ၃၀၀၀၀ကျပ်ဖြင့် ရောင်းချရသည်။ ဒုတိယအကြိမ်တွင် မုန်လာဥ ၁၀၀ ပါ (၈) အိတ်ရရှိပြီး၊ ဈေးနှုန်းအနေဖြင့် ၁၅၀၀၀ကျပ် ကျဆင်းခဲ့သည်။  ယခု ဇန်နဝါရီလကုန်နှင့် ဖေဖော်ဝါရီ လဆန်းပိုင်က ထွက်ရှိမှု ၁၀ ထွက်ရှိပြီး ဈေးနှုန်း အနေဖြင့် မုန်လာဥ ၁၀၀ပါ ၁အိတ်ကို ၉၀၀၀ကျပ်သာရရှိကြောင်း စိုက်ပျိုးသူဒေါ်အေးခင်မှ ပြောပြသည်။ အကျိုးအမြတ်အနေဖြင့် ၃၃၀၀၀၀ကျပ်ရရှိပြီး ၈၀၀၀၀ကျပ် အကျိုးအမြတ်ကျန်ရှိသည်။ စိုက်ပျိုးသူ ဒေါ်အေးခင် ထံတွင် ၁၀လန် ၄ခွက်၊ ၃ခွက်ရှိပြီး လယ်မြေအနေအရ ၁ဧက စာရှိပြီး တစ်ခင်းစိုက်တခင်းထွက် နောက်တခင်းထပ်စိုက်ဖြင့် မုန်လာဥ ပင်သက်တမ်း ၂လအတွင်း ထွက်ရှိသောကြောင့် မိုးအကုန်၊ နွေအထိ စိုက်ပျိုးလျက်ရှိကြောင်း သိရှိရပါသည်။

DOCA(ဧရာဝတီ)

         စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ အမှတ်(၂)ရပ်ကွက်နေပြည်သူများ သည် လယ်ယာစိုက်ပျိုးရေးလုပ်ငန်းများအပြင် အပိုဝင်ငွေရရှိရန် ဂန္ဓမာပန်းများကို တစ်နိုင်တစ်ပိုင် စိုက်ပျိုးရောင်းချလျက်ရှိရာ မိသားစု စားဝတ်နေရေးအတွက် အထောက်အကူရရှိ၍ အဆင်ပြေလျက် ရှိကြောင်း ဂန္ဓမာပန်း စိုက်ပျိုးရောင်းချသူ ဒေါ်မိုးမိုးထံမှ သိရသည်။

ဂန္ဓမာပန်းများကို နှစ်စဉ်စိုက်ပျိုးရောင်းချလျက်ရှိကြောင်း၊ ပန်းမျိုးအနေဖြင့် စံပယ်ဖြူနှင့် ရွှေဝါဝင်းမျိုးများ စိုက်ပျိုးကြောင်း၊ ဂန္ဓမာပန်းစိုက်ပျိုးရာတွင် မျိုး၊ သွင်းအားစု၊ လုပ်အားခအပါအဝင် စုစုပေါင်းကုန်ကျစရိတ် ၃၀၀၀၀၀ကျပ်ခန့်ကုန်ကျပြီး အပင်ရေ ၂၅၀၀ခန့်စိုက်ပျိုးထားကြောင်း၊ စိုက်ပျိုးပြီး(၄)လခန့်အကြာတွင် ဈေးကွက်သို့စတင်ရောင်းချကြောင်း ပန်းပွင့်ကြီးပြီး အခက်ကြီး(၃) ခက်ကို ၂၀၀၀ကျပ်၊ ပန်းပွင့်သေးလျှင်(၃)ခက်ပါ(၃)စည်းကို ၅၀၀၀ကျပ်ဖြင့် နေ့စဉ်ကန့်ဘလူမြို့မ ဈေးသို့ သွားရောက်ရောင်းချကြောင်း သိရသည်။

ဂန္ဓမာပန်းများကို ဘုရားကပ်လှူရန် အများဆုံးဝယ်ယူကြကြောင်း၊ နေအိမ်အတွင်း မြေကွက် လပ်များတွင် ဂန္ဓမာပန်းများအပြင် အခြားသီးပင်စားပင်များကိုလည်း စိုက်ပျိုးရောင်းချသည့်အတွက် အပိုဝင်ငွေရရှိကာ မိသားစုစားဝတ်နေရေး အဆင်ပြေလျက်ရှိကြောင်း သိရသည်။

DOCA(စစ်ကိုင်း)