ပြည်တွင်းကုန်သွယ်မှုသတင်း

          စစ်ကိုင်းတိုင်းဒေသကြီး၊ ကန့်ဘလူခရိုင်တွင် ကွမ်းသီးပင်များကို နေအိမ်ခြံဝင်းများ၌ မိသားစုဝင်ငွေရရှိသည့်အတွက် တစ်နိုင်တစ်ပိုင်စိုက်ပျိုးကြကြောင်း ၊ ကွမ်းသီးများကို ကန့်ဘလူ ခရိုင်အတွင်းမှလည်းကောင်း၊ ဘိတ်ဒေသမှလည်းကောင်းဝယ်ယူပြီး ကွမ်းသီးစိတ်များပြုလုပ်၍ ဖြန့်ဖြူးရောင်းချလျက်ရှိကြောင်း သိရသည်။

          ၂၀၂၅ ခုနှစ် ၊ ဇန်နဝါရီလတတိယပတ်တွင် ကန့်ဘလူခရိုင်၏ ကွမ်းသီးစိတ်ဈေးနှုန်းများ မှာအရည်အသွေးပေါ်မူတည်၍ ကွမ်းသီးစိတ်လက်ကားဈေး(ရှယ်)တစ်ပိဿာလျှင် (၂၀၀၀၀)ကျပ်၊ လက်လီဈေး(ရှယ်)တစ်ပိဿာလျှင်(၂၀၅၀၀)ကျပ်၊ ကွမ်းသီးစိတ်(လတ်)တစ်ပိဿာလျှင် (၁၉၀၀၀) ကျပ်ဖြင့်အရောင်းအဝယ်ဖြစ်လျက်ရှိကြောင်း၊ ယခင်ပတ်ဈေးနှုန်းများနှင့်နှိုင်းယှဉ်ပါက ကွမ်းသီးစိတ် (ရှယ်)လက်လီ/လက္ကားဈေးမှာ (၂၀၀၀)ကျပ်၊ ကွမ်းသီးစိတ်(လတ်)တစ်ပိဿာလျှင် (၅၀၀၀)ကျပ် မြင့်တက်လာကြောင်း၊ ဈေးကွက်အနေဖြင့် ကန့်ဘလူမြို့ပေါ်ရှိဆိုင်များနှင့် ကျေးရွာများ၊ ကျွန်းလှမြို့နယ်များသို့ လက်လီ/လက္ကားဖြန့်ဖြူးလျက်ရှိကြောင်း  ကန့်ဘလူမြို့၊ အမှတ်(၃)ရပ် ကွက်ရှိ ကွမ်းသီးစိတ်ရောင်းဝယ်ရေး လုပ်ငန်းရှင်၏ပြောပြချက်အရ သိရသည်။

DOCA(စစ်ကိုင်း)

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံး အနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ ဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် အသင်း၊ အစုအဖွဲ့နှင့် ကုန်စည်ဒိုင်များ ဖွဲ့စည်းခြင်း၊ ဖွဲ့စည်းပြီးအသင်းအဖွဲ့များ၊ ကုန်စည်ဒိုင်များ ပိုမိုခိုင်မာအားကောင်းလာစေရေး ပူးပေါင်း ဆောင်ရွက်လျက်ရှိသည့်အပြင် ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှု တင်း/တန် စာရင်းတို့ကို အပတ်စဉ်၊ လစဉ်တင်ပြလျက်ရှိပါသည်။

ရွှေဘိုဈေးကွက်သို့ စက်တင်ဘာလ၊ တတိယအပတ်မှစတင်၍ နှမ်းနက်များ ဝင်ရောက်ခဲ့ပြီး ဇန်နဝါရီလ၊ တတိယအပတ်တွင်အရောင်းအဝယ်ဖြစ်သည့်ဈေးနှုန်းမှာ နှမ်းနက်တစ်တင်းလျှင်(၂၁၅၀၀ဝိ/) ကျပ်ပေါက်ဈေးရှိကြောင်း၊ အရောင်းအဝယ်ဖြစ်မှုမှာ (၉၀၀)တင်း/(၂၂)တန်ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်အပတ်၌ နှမ်းနက်တစ်တင်း လျှင်(၂၁၃၀၀ဝိ/-)ကျပ် ပေါက်ဈေးရှိခဲ့သဖြင့် ယခုအပတ်တွင်ယခင်အပတ်ထက် နှမ်းနက်တစ်တင်းလျှင် (၂၀၀ဝိ/-)ကျပ်ဈေးပိုမိုရရှိခဲ့ကြောင်း၊ ယခုအပတ်တွင် နှမ်းနက်အရောင်းအဝယ်ဖြစ်သည့်ဈေး အနည်းငယ် တက်လာပြီး   ဝင်ရောက်သမျှအရောင်းအဝယ်ဖြစ်လျက်ရှိကြောင်း ရွှေဘိုမြို့ ပဲ၊ နှမ်းကုန်စည်ဒိုင်ရှိ တာဝန် ရှိသူများနှင့် ဆက်သွယ်မေးမြန်းမှုအရ သတင်းရရှိပါသည်။ 

DOCA(စစ်ကိုင်း)

          ရွှေဘိုမြို့ရှိ ဈေးများတွင် လယ်ကြွက်များကို ရောင်းချလျက်ရှိကြောင်း၊  လယ်ကြွက်များမှာ  စပါးခင်းများတွင် ခိုအောင်းနေသည့်အတွက်  မိုးစပါးများ စတင်ရိတ်သိမ်းသည့်  ဒီဇင်ဘာလ လဆန်းပိုင်းတွင် စတင်ပေါ်ပြီး  ဇန်နဝါရီလကုန်စပါးများ ကွင်းပိတ်ရိတ်သိမ်းပြီးသည့်အချိန်တွင် လယ်ကြွက်များ လှိုင်လှိုင်ပေါ်ကြောင်း၊ ရာသီစာဖြစ်သည့် လယ်ကြွက်များကို စပါးခင်းများတွင် ထောင်ဖမ်းခြင်းများပြုလုပ်ကြပြီး အညှီနံ့သက်သာစေရန်၊ ခြောက်သွေ့စေရန်နှင့် ရောင်းပန်း လှစေရန်အတွက် မရောင်းချခင် ကြွက်များကိုအရေခွံချွတ်၍ ဆီဖြင့်အိုးကင်ပူတိုက်ပြီး ရောင်းချကြကြောင်း သိရှိရပါသည်။

          ရွှေဘိုမြို့တွင် ရောင်းချလျက်ရှိသည့် ပေါ်ဉီးပေါ်ဖျားလယ်ကြွက်ဈေးနှုန်းများမှာ အရွယ်အစား အကောင်အကြီးအသေးပေါ်မူတည်၍ (၁)ကောင်လျှင် (၂၀၀ဝိ/-)ကျပ်၊ (၂၅၀ဝိ/-)ကျပ်နှင့် (၃၀၀ဝိ/-) ကျပ်ဖြင့် အရောင်းအဝယ်ဖြစ်လျက်ရှိပြီး လယ်ကြွက်များလှိုင်လှိုင်ပေါ်သည့် ဇန်နဝါရီလ (တတိယ) ပတ်တွင် ရောင်းချသည့် ဈေးနှုန်းများမှာ (၁)ကောင်လျှင် (၁၂၀ဝိ/-)ကျပ်၊ (၁၅၀ဝိ/-)ကျပ်၊ နှင့်(၂၀၀ဝိ/-) ကျပ်ဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(စစ်ကိုင်း)

            ဇီးသီးပင်များကို မြန်မာနိုင်ငံအနှံ့အပြားတွင် စိုက်ပျိုးကြသော်လည်း အပူပိုင်းဒေသ မန္တလေး၊ စစ်ကိုင်းနှင့်မကွေးနယ်ပယ်တွင်အများဆုံး စိုက်ပျိုးဖြစ်ထွန်းကြောင်းသိရှိရပါသည်။ ဇီးသီးပင်များ     သည် ပူပြင်းခြောက်သွေ့သောရာသီဥတုကို နှစ်သက်သည်။ ဇီးသီးအများဆုံးထွက်ရှိသောရာသီမှာ ဆောင်းရာသီဖြစ်သည်။

            ဇီးသီးတွင် ရေဓာတ်များစွာပါဝင်ပြီး ချိုအေးသောအရသာရှိသည်။ ဇီးသီးအမျိုးပေါင်းများစွာရှိ ပြီး ဇီးချိုသီး၊ ဇီးချဉ်သီး၊ ဇီးပဲလှော်၊ ဇီးကြက်ဥ ဟူ၍အမျိုးအစားများစွာရှိပါသည်။ ဇီးသီးတွင် ဗီတာမင်နှင့်သတ္တုဓာတ်များစွာပါရှိသည့်အတွက် ဘေးဥပါဒ်ဖြစ်စေသော ကိုလက်စထရောလုံးဝမပါ ဝင်သောကြောင့် စိတ်ဖိစီးမှုကိုလျော့ကျစေပြီး စိတ်ကိုတည်ငြိမ်စေသည့်အပြင် အခြားကျန်းမာရေး ကောင်းကျိုးများလည်းရှိနေကြောင်းသိရသည်။

            သံဓာတ်နှင့်အမျှင်ဓာတ်ပါဝင်သောကြောင့် အာရုံကြောစနစ်တွေကိုပြေလျော့စေပြီး ကောင်းမွန် စွာ အိပ်ပျော်စေဖို့ အထောက်အကူပေးနိုင်ပါသည်။ ဇီးသီးကိုအစိမ်းလိုက်စားလို့ရသလို ဖျော်ရည်လုပ် ပြီး သောက်လို့ရသလို ဆား၊ ငရုတ်သီးမှုန့်လေးနဲ့အရသာမှုန့်ပြုလုပ်ပြီးလည်း စားလို့ရပါသည်။ အစာခြေစနစ်ကိုလည်း ကျန်းမာစေပြီး ဝမ်းချုပ်ခြင်းဝေဒနာ မဖြစ်စေဖို့ကိုလည်း ကာကွယ်ပေးပါ သည်။

        သားဥအိမ်ကင်ဆာ၊ အူမကြီးကင်ဆာနှင့်အရေးပြားကင်ဆာတွေ မဖြစ်စေဖို့အထောက်အကူ ပေးကြောင်းသိရသည်။ ပိုတက်ဆီယမ် ကြွယ်ဝစွာပါဝင်သောကြောင့် နှလုံးကျန်းမာရေးကိုကောင်းမွန် စေပြီး နှလုံးသွေးကြောကျဉ်းရောဂါကိုလည်း ကာကွယ်ပေးပါသည်။

            ဗီတာမင်အေနှင့်စီ ပါဝင်သောကြောင့်ကိုယ်တွင်းအဆိပ်အတောက်ဖြစ်စေသောအရာများကို လည်း ဖယ်ရှားပေးပါသည်။ ဇီးသီးတွင် ကျန်းမာရေးအတွက် အကျိုးများတာမှန်ပေမယ့် အလွန်အကျွံ မစားသုံးသင့်ကြောင်းကိုလည်း သိရှိရပါသည်။

             နေရာအနှံ့အပြားမှ ဇီးသီးများဈေးကွက်အတွင်းသို့ဝင်ရောက်လျက်ရှိပြီး ဇီးသီးအရွယ်အစား အလိုက်ရောင်းချလျက်ရှိရာ လက်ရှိဈေးနှုန်းများမှာ ဇီးသီးအသေးကော်ခြင်းတစ်ခြင်းလျှင် (၂၀၀၀ )ကျပ်၊ ဇီးသီးအကြီး (၁၀)လုံးလျှင် (၃၀၀၀ မှ ၅၀၀၀)ကျပ်ဈေးဖြင့်ရောင်းချလျက်ရှိကြောင်းသိရှိရပါသည်။

DOCA(ရှမ်း)

           ထားဝယ်မြို့၏ စျေးကွက်အတွင်း ကြံရည်စျေးကွက်မှာလည်း စျေးကောင်းလျှက် ရှိကြောင်း သိရှိရပါသည်။ ကြံကို ထားဝယ်မြို့အနီးတစ်ဝိုက် ကျေးရွာများတွင် တစ်နိုင်တပိုင် စိုက်ပျိုးကြသည့် အပြင် စီးပွားဖြစ်လည်း စိုက်ပျိုးကြသည်။

          ဆောင်းတွင်းကာလဖြစ်သော်လည်း သဘာဝပျော်ရည်တစ်မျိုးဖြစ်သည့် ကြံရည်ဆိုင်များ လည်းတွေ့ရပါသည်။ ကြံရည်ကို သံပုရာသီး၊ ဂျင်း၊ မြင်းခွာရွက်၊ တို့နှင့်လည်းသောက်သုံး၍ရပါသည်။ အခြားသောက်စရာတွေနဲ့မတူဘဲ သကြားစစ်စစ်မှရ‌သော အချိုရည်တစ်မျိုးဖြစ်သောကြောင့် ခန္ဓာ ကိုယ်ရေဓာတ်ကို လည်းဖြည့်ပေးနိုင်ပါသည်။ ထားဝယ်မြို့ရှိ ဒေသထွက် ကြံစျေးနှုန်းများမှာ (၁၀) ချောင်းပါ တစ်စည်းစျေးနှုန်း (၂၀၀၀၀)ကျပ်၊ ကြံရည်တစ်ခွက်စျေးနှုန်းမှာ (၁၅၀၀)ကျပ်နှုန်းတို့ဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(တနင်္သာရီ)