ပြည်တွင်းကုန်သွယ်မှုသတင်း

    မကွေးတိုင်းဒေသကြီး၊ မကွေးမြို့၌ စပါးအဓိကစိုက်ပျိုးထွက်ရှိရာ ဧရာဝတီတိုင်း၊ ရန်ကုန်တိုင်း၊ ပဲခူးတိုင်း၊ စစ်ကိုင်းတိုင်းနှင့် မန္တလေးတိုင်းဒေသကြီးတို့မှ ဆန်များဝင်ရောက်လျက်ရှိပြီး စားဖိုဆောင်သုံးသီးနှံများကို မင်းဘူး(စကု)မြို့နယ်၊ ပွင့်ဖြူမြို့နယ်၊ ဆင်ဖြူကျွန်းမြို့နှင့် ဆိပ်ဖြူမြို့တို့မှ မှာယူရောင်းချလျက်ရှိကြောင်းသိရသည်။

     (၂၈-၉-၂၀၂၃)ရက်နေ့မှ (၄-၁၀-၂၀၂၃)ရက်နေ့အတွင်း မကွေးမြို့ပေါ်ရှိ စည်ပင်သာယာဈေးများတွင်ရောင်းချနေသော ဆန်ဈေးနှုန်းမှာ ပေါ်ဆန်းဆန် (ဖျာပုံ) (၁)အိတ်လျှင် ကျပ်(၁၂၀၀၀၀)၊  ပေါ်ဆန်းဆန် (ရွှေဘို)(၁)အိတ်လျှင် ကျပ်(၁၅၇၅၀၀)၊ ဧရာပဒေသာ(ကုန်းဇောင်း)(၁)အိတ်လျှင် ကျပ်(၁၃၉၀၀၀)၊ ဧည့်မထ(၁)အိတ်လျှင် ကျပ်(၉၈၀၀၀)၊ စားသုံးဆီဈေးနှုန်းမှာ ပဲဆီ(၁)ပိဿာလျှင် ကျပ်(၁၄၅၀၀)၊ နှမ်းဆီ(၁)ပိဿာလျှင် ကျပ်(၁၄၅၀၀)၊ နေကြာဆီ(ရိုးရိုး)(၁)ပိဿာလျှင် ကျပ်(၁၃၀၀၀)၊ စားအုန်းဆီ(၁) ပိဿာလျှင် ကျပ်(၅၂၀၀)၊ အသားငါးဈေးနှုန်းများမှာ ကြက်သား(မွေးမြူရေး)(၁)ပိဿာလျှင် ကျပ် (၁၂၀၀၀)၊ ကြက်သား(ဗမာ)(၁)ပိဿာလျှင် ကျပ်(၁၇၀၀၀)၊ ငါးမြစ်ချင်း(အလတ်)(၁)ပိဿာလျှင် ကျပ် (၁၄၀၀၀)၊ ဝက်(အသား)(၁)ပိဿာလျှင် ကျပ်(၁၄၀၀၀)၊ အမဲ(အသား)(၁)ပိဿာလျှင် ကျပ်(၁၄၀၀၀)၊ ဆိတ်(အသား)(၁)ပိဿာလျှင် ကျပ်(၁၆၀၀၀)၊ ကြက်ဥ(၁)လုံးလျှင် ကျပ်(၂၅၀)၊ ဘဲဥ(၁)လုံးလျှင် ကျပ် (၃၇၀)ဖြစ်ကြောင်းသိရသည်။

   စားဖိုဆောင်အခြေခံစားကုန်များမှာ ငရုတ်သီးခြောက်(အရှည်)(၁)ပိဿာလျှင် ကျပ်(၁၄၀၀၀)၊ ငရုတ်သီးခြောက်(အပု)(၁)ပိဿာလျှင် ကျပ်(၁၇၀၀၀)၊ ကြက်သွန်နီ(၁)ပိဿာလျှင် ကျပ်(၃၃၀၀)၊ ကြက်သွန်ဖြူ(ရှမ်း)(၁)ပိဿာလျှင် ကျပ်(၈၅၀၀)၊ ကြက်သွန်ဖြူ(ကြူကုတ်)(၁)ပိဿာလျှင် ကျပ်(၁၀၀၀၀)၊ နနွင်း(၁)ပိဿာလျှင် ကျပ်(၇၀၀၀)၊ ချင်း(၁)ပိဿာလျှင် ကျပ်(၉၀၀၀)၊ ဆား(၁)ပိဿာလျှင် ကျပ်(၈၀၀)၊ မန်ကျည်းသီးမှည့်(၁)ပိဿာလျှင် ကျပ်(၃၅၀၀)၊ မြေပဲဆံ(၁)ပိဿာလျှင် ကျပ်(၈၀၀၀)၊ ကုလားပဲခြမ်း(၁) ပိဿာလျှင် ကျပ်(၈၀၀၀)၊ အာလူး(၁)ပိဿာလျှင် ကျပ်(၂၆၀၀)၊ သကြား(၁)ပိဿာလျှင် ကျပ်(၃၆၀၀)ဖြင့်အရောင်းအဝယ်ဖြစ်လျက်ရှိပြီး ၎င်းဈေးနှုန်းများကို အလတ်စနှုန်းထားများဖြင့်ကောက်ယူထားကာ ယခင်အပတ်ဈေးနှုန်းများနှင့်နှိုင်းယှဉ်လျှင် စားအုန်းဆီ၊ ငရုတ်သီးခြောက်၊ ကြက်သွန်နီ၊ ကြက်သွန်ဖြူ၊ မန်ကျည်းသီးမှည့်၊ မြေပဲဆံ၊ ကုလားပဲခြမ်းတို့မှာ ဈေးနှုန်းအနည်းငယ်ကျဆင်းကာ ကျန်အခြေခံစားသောက်ကုန်များမှာ သိသိသာသာပြောင်းလဲမှုမရှိဘဲ ဈေးနှုန်းတည်ငြိမ်နေကြောင်းသိရပါသည်။

DOCA(မကွေး)

     မုံရွာမြို့၊ သီရိရတနာစျေးရှိ သစ်သီးဝလံများမှာ ရှမ်းပြည်နယ်၊ တောင်ကြီး၊ မြစ်ကြီးနား၊ သီပေါ၊  စစ်ကိုင်း၊ ပြင်ဦးလွင်နှင့် ဒေသတွင်းတို့မှ အသီးသီးဝင်ရောက်လျက်ရှိကြောင်းသိရပါသည်။

  ၂၀၂၃ခုနှစ်၊ စက်တင်ဘာလ၊ စတုတ္ထအပတ်တွင်ဖြစ်ပေါ်ခဲ့သော သစ်သီးဝလံဈေးနှုန်းများမှာ ရွှေလိမ္မော်(၁)ပိဿာလျှင် ကျပ်(၇၀၀၀-၈၀၀၀)၊ ပျားလိမ္မော်(၁)ပိဿာလျှင် ကျပ်(၇၀၀၀-၉၀၀၀)၊ လိမ္မော်(ရိုးရိုး) (၁)ပိဿာလျှင် ကျပ်(၅၀၀၀-၇၀၀၀)၊ စတော်ဘယ်ရီ(၁)ပိဿာလျှင် ကျပ်(၇၅၀၀- ၈၅၀၀)၊  ပန်းသစ်တော် (၁)လုံး လျှင် ကျပ်(၁၀၀၀-၁၅၀၀)၊ ပန်းသီး (၁)လုံးလျှင် ကျပ်(၇၀၀- ၁၅၀၀)၊ ထောပတ်သီး (၁)လုံးလျှင် ကျပ်(၇၀၀-၁၅၀၀)၊ ကျွဲကောသီး (၁)လုံးလျှင် ကျပ်(၁၀၀၀-၁၅၀၀)ကြား၊ တည်သီး (၁)လုံးလျှင် ကျပ်(၈၀၀-၁၀၀၀)ကြား၊ သခွားမွှေး (၁)လုံးလျှင် ကျပ်(၁၅၀၀- ၃၅၀၀)ကြား၊ ဖရဲသီး(ကြီး) (၁)လုံးလျှင် ကျပ်(၁၅၀၀-၂၀၀၀)ကြား၊ ဖရဲသီး(သေး) (၁)လုံးလျှင် ကျပ်(၈၀၀-၁၅၀၀)ကြား၊ နာနတ်သီး (၁)လုံးလျှင် ကျပ်(၇၀၀-၁၅၀၀)၊ နှင်းသီး(၁)ပိဿာလျှင် ကျပ်(၅၀၀၀-၇၀၀၀)၊ နဂါးမောက်သီး (၁)လုံးလျှင် ကျပ်(၈၀၀-၁၅၀၀)၊ မင်းဂွတ်သီး(၁)လုံးလျှင် ကျပ်(၁၅၀-၃၀၀)၊ ငှက်ပျောသီးဖီးကြမ်းတစ်ဖီးလျှင် ကျပ်(၁၅၀၀-၂၅၀၀)၊ ငှက်ပျောသီးမွှေးတစ်ဖီးလျှင် ကျပ်(၁၅၀၀-၂၀၀၀)၊ စပျစ်သီး (၁)ပိဿာလျှင် ကျပ်(၈၀၀၀-၁၂၀၀၀)ဈေးနှုန်းများဖြင့် အရောင်းအဝယ်ဖြစ်လျက်ရှိကြောင်းသိရှိရပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ မုံရွာမြို့နယ်အတွင်း အခြေခံစားကုန်စားဖိုဆောင်သီးနှံတစ်မျိုးဖြစ်သည့် ကြက်သွန်နီများမှာ ၂၀၂၃ခုနှစ်၊ အောက်တိုဘာလ ပထမအပတ်အတွင်း ဈေးနှုန်းအနည်းငယ်ကျဆင်းလျက်ရှိကာ အရောင်းအဝယ်ဖြစ်လျက်ရှိကြောင်းသိရသည်။ ယခုလက်ရှိအချိန်တွင် ကြက်သွန်နီပွဲရုံလက်ကားဈေး(ကြီး/လတ်/သေး)တစ်ပိဿာလျှင် ကျပ် (၂၅၀၀-၂၀၀၀-၁၅၀၀) နှုန်းတို့ရှိပြီး လက်လီဈေးမှာ ကြီး/လတ်/သေးတစ်ပိဿာလျှင် ကျပ် (၂၈၀၀-၂၂၀၀-၁၈၀၀) နှုန်းတို့ဖြင့် အရောင်းအဝယ်ဖြစ်လျက်ရှိကြောင်းသိရသည်။ ကြက်သွန်နီကို မုံရွာမြို့နယ်အတွင်းရှိ ကျွဲရဲ၊ မြေနဲ၊ ရွာတုံ၊ တောင်ပလူကျေးရွာများတွင် အများဆုံးစိုက်ပျိုးကြပြီး မုံရွာမြို့နယ်အနေဖြင့် တစ်နှစ်လျှင် ပျမ်းမျှဧက (၁၂၀၀၀)ခန့်စိုက်ပျိုးလျက်ရှိကြောင်း၊ ထွက်ရှိသောကြက်သွန်နီများကို မန္တလေး၊ ရန်ကုန်မြို့များနှင့် မြို့တွင်းပွဲရုံများသို့တင်ပို့ရောင်းချကြကြောင်းသိရှိရပါသည်။

DOCA(စစ်ကိုင်း)

  စစ်ကိုင်းတိုင်းဒေသကြီး၊ မုံရွာခရိုင်အတွင်းရှိ စားသုံးသူပြည်သူများ စားသုံးဆီပြတ်လပ်မှုမရှိစေရေး၊ ဈေးနှုန်းချိုသာ၍ အရေအတွက်အလေးချိန်နှင့်အရည်အသွေး ပြည့်ဝမှန်ကန်စွာရရှိနိုင်ရေးအတွက် စားသုံးသူရေးရာဦးစီးဌာန၊ မြန်မာနိုင်ငံဆီကုန်သည်များနှင့်ဆီလုပ်ငန်းရှင်များအသင်း၊  မုံရွာခရိုင်စားသုံးဆီကုန်သည်များနှင့် စားသုံးဆီလုပ်ငန်းရှင်များအသင်းတို့ပူးပေါင်း၍ စားအုန်းဆီများဖြန့်ဖြူးရောင်းချပေးလျက်ရှိကြောင်းသိရသည်၊၊

    စားအုန်းဆီများရောင်းချရာတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှထုတ်ပြန်ပေးလျက်ရှိသော စားအုန်းဆီတစ်ပိဿာရည်ညွှန်းဈေးအပေါ်အခြေခံ၍ သယ်ယူပို့ဆောင်ခအပါ ကုန်ကျစရိတ်တွင် အမြတ်၂ရာခိုင်နှုန်းတွက်ချက်၍ ရောင်းချပေးခြင်းဖြစ်ပြီး လူတစ်ဦးလျှင် ၁ပိဿာနှုန်းဖြင့် ရောင်းချပေးကြောင်းသိရှိရသည်။

    မုံရွာခရိုင်အတွင်း (၁-၉-၂၀၂၃) ရက်နေ့မှ (၈-၉-၂၀၂၃) ရက်နေ့ထိ စားအုန်းဆီပိဿာချိန် (၂၁၄၅၀) ပိဿာခန့်ကို တစ်ပိဿာလျှင် ၄၆၀၀ကျပ်ဖြင့်လည်းကောင်း (၁၁-၉-၂၀၂၃) ရက်နေ့မှ (၁၅-၉-၂၀၂၃) ရက်နေ့ထိ စားအုန်းဆီပိဿာချိန် (၁၉၂၅၀) ပိဿာခန့်ကို တစ်ပိဿာလျှင် ၅၀၀၀ကျပ်ဖြင့်လည်းကောင်း၊ (၁၈-၉-၂၀၂၃) ရက်နေ့မှ (၂၂-၉-၂၀၂၃) ရက်နေ့ထိ စားအုန်းဆီပိဿာချိန် (၁၉၂၅၀) ပိဿာခန့်ကို တစ်ပိဿာလျှင် ၄၉၀၀ကျပ်ဖြင့်လည်းကောင်း၊ (၂၅-၉-၂၀၂၃) ရက်နေ့မှ (၃၀-၉-၂၀၂၃) ရက်နေ့ထိ စားအုန်းဆီပိဿာချိန် (၁၉၂၅၀) ပိဿာခန့်ကို တစ်ပိဿာလျှင် ၄၈၀၀ကျပ်ဖြင့်လည်းကောင်း၊   စုစုပေါင်းပိဿာချိန် (၇၉၂၀၀) ပိဿာခန့်အား လူစည်ကားရာရပ်ကွက်များ၊ ဈေးများအပြင် ဌာနဆိုင်ရာများ၊ တပ်ရင်းတပ်ဖွဲ့များ၊ မြို့စွန်ရပ်ကွက်များသို့ပါ ဈေးကားများဖြင့် လှည့်လည်ရောင်းချလျက်ရှိကြောင်း မုံရွာခရိုင်စားသုံးဆီကုန်သည်များနှင့်စားသုံးဆီလုပ်ငန်းရှင်များထံမှ သတင်းရရှိပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီးအစိုးရအဖွဲ့မှ ခွဲဝေချထားသည့် စားအုန်းဆီများအား ကသာခရိုင်စီမံအုပ်ချုပ်ရေးအဖွဲ့၏လမ်းညွှန်မှုဖြင့် ခရိုင်ကုန်ဈေးနှုန်းတည်ငြိမ်ရေးလုပ်ငန်းအဖွဲ့ကကြီးကြပ်၍ သတ်မှတ်ရည်ညွှန်းဈေးဖြင့် စားအုန်းဆီများရောင်းချပေးခြင်းကို  စားအုန်းဆီကုန်သည်များနှင့်ပူးပေါင်း၍ နိုင်ငံ့ဝန်ထမ်းများနှင့် ပြည်သူများသို့ ရောင်းချပေးလျက်ရှိရာ ၂၀၂၃ခုနှစ်၊ အောက်တိုဘာလ(၃)ရက်နေ့၊ နံနက်(၇:၃၀)နာရီအချိန်မှစ၍ ကသာမြို့၊ မြို့တော်ခန်းမတွင် သက်သာသောနှုန်းထားဖြင့် ပြည်သူများအား တစ်ပိဿာလျှင် (၅၆၃၉)ကျပ်နှုန်းဖြင့် လူတစ်ဦးကို (၅၀)ကျပ်သားဖြင့် (၅၅၀)ပိဿာ၊ နေ့လယ် (၁၄:၀၀) နာရီအချိန်တွင် ကသာခရိုင်အထွေထွေအုပ်ချုပ်ရေးရုံးအတွင်း နိုင်ငံ့ဝန်ထမ်းများနှင့် စာသင်တိုက်၊ သီလရှင်ကျောင်းများအား (၃၃၀)ပိဿာရောင်းချပေးနိုင်ခဲ့ပါသည်။

     ကသာခရိုင်အတွင်း ၂၀၂၃ခုနှစ်၊ စက်တင်ဘာလ၊ နောက်ဆုံးအပတ်မှစ၍ ခွဲတမ်းရရှိသောစားအုန်းဆီများကို သက်သာသောနှုန်းထားဖြင့် နိုင်ငံ့ဝန်ထမ်းများနှင့် ပြည်သူများအား ရောင်းချပေးခဲ့ရာ စုစုပေါင်း (၅၀၆၀)ပိဿာရောင်းချပေးနိုင်ခဲ့ပြီး ဆက်လက်၍လည်း စားအုန်းဆီခွဲတမ်းရရှိမှုအပေါ်မူတည်၍ ခရိုင်အတွင်းရှိ ပြည်သူများနှင့် နိုင်ငံ့ဝန်ထမ်းများအား ထပ်မံရောင်းချပေးသွားရန် အစီအစဉ်များရှိကြောင်းသိရှိရပါသည်။

DOCA(စစ်ကိုင်း)