ပြည်တွင်းကုန်သွယ်မှုသတင်း

   မကွေးတိုင်းဒေသကြီး၊ မင်းဘူးခရိုင်တွင် ၂၀၂၃-၂၀၂၄ဘဏ္ဍာနှစ် မိုးရာသီကာလ၌ ပဲစဉ်းငုံသီးနှံ အထွက်နှုန်းကောင်းရရှိရေးအတွက် (၁)ဧကလျှင်(၂၅)တင်းဖြင့် စိုက်ဧက(၁၆၀၀)ကျော်ကို မင်းဘူး (စကု)မြို့နယ်၊ ပွင့်ဖြူမြို့နယ်၊ စလင်းမြို့နယ်၊ ငဖဲမြို့နယ်၊ စေတုတ္တရာမြို့နယ်တို့တွင် စိုက်ပျိုး ပြီးဖြစ်ကြောင်း သိရသည်။

   ပဲစဉ်းငုံသီးနှံကို မင်းဘူး(စကု)မြို့နယ်တွင် ကျေးရွာ(၃)အုပ်စုရှိ တောင်သူပေါင်း(၅၁)ဦးမှ စိုက်ဧက (၉၉)ဧက၊ ပွင့်ဖြူမြို့နယ်တွင် ကျေးရွာ(၄)အုပ်စုရှိ တောင်သူပေါင်း(၂၄)ဦးမှ စိုက်ဧက(၇၁)ဧက၊ စလင်းမြို့ နယ်တွင် ကျေးရွာ(၃)အုပ်စုရှိ တောင်သူပေါင်း(၃၆၆)ဦးမှ စိုက်ဧက(၁၀၉၉)ဧက၊ စေတုတ္တရာမြို့နယ်တွင် ကျေးရွာ(၅)အုပ်စုရှိ တောင်သူပေါင်း(၉၄)ဦးမှ စိုက်ဧက(၂၈၂)ဧက၊ ငဖဲမြို့နယ်တွင် ကျေးရွာ(၃)အုပ်စုရှိ တောင်သူပေါင်း(၂၈)ဦးမှ စိုက်ဧက(၈၅)ဧက၊ စုစုပေါင်းကျေးရွာအုပ်စု(၁၈)အုပ်စုရှိ တောင်သူပေါင်း (၅၆၃) ဦးမှ စိုက်ဧက(၁၆၃၆)ဧကအား စက်တင်ဘာလအတွင်းစိုက်ပျိုးပြီးဖြစ်ကြောင်းနှင့် တောင်သူများ၏စိုက်ပျိုး သီးနှံများ အထွက်နှုန်းကောင်းများရရှိရေးအတွက် စပါး၊ နှမ်း၊ မြေပဲ၊ နေကြာ၊ ပဲတီစိမ်း၊ ပဲစဉ်းငုံ၊ ချည်မျှင် ရှည်ဝါစသည့်သီးနှံများကိုလည်း စိုက်ပျိုးရေးဦးစီးဌာနနှင့် ပူးပေါင်း၍စိုက်ပျိုးခဲ့ကြောင်း သိရသည်။

DOCA(မကွေး)

     မကွေးတိုင်းဒေသကြီး၊ ပခုက္ကူဒေသတွင်  ငွေကြယ်ဦး၊ စိန်ငါးပွင့်၊ စိန်ပန်းခိုင်၊ ရွှေနဂါး၊ တခြားချည်ထည်အရောင်းဆိုင်များနှင့် ဂဠုန်မင်းချည်ထည်ဆိုင်များစွာရှိပါသည်။ ဂဠုန်မင်းချည်ထည်စောင်များမှာ ပြည်တွင်း/ ပြည်ပသို့ ကျယ်ပြန့်စွာရောင်းဝယ်ဖောက်ကားလျက်ရှိပါသည်။

      ဂဠုန်မင်းချည်ထည်ဆိုင်မှရရှိနိုင်သောချည်ထည်များမှာ ဝါဒစောင်၊ ရွတ်ကျစ်ခေါက်ချိုးစောင်၊ လွှာချင်းစောင်အမျိုးမျိုး၊ ချင်းစောင်၊ လက်သုတ်ပဝါအမျိုးမျိုး၊ မျက်နာသုတ်ပဝါအမျိုးမျိုး၊ မဝတ်လုံချည်၊ ကျားဝတ်လုံချည်အမျိုးမျိုး ရောင်းဝယ်ဖောက်ကားလျက်ရှိကြောင်းသိရှိရပါသည်။ ဝါဒစောင်၊ ရွတ်ကျစ်ခေါက်ချိုးချည်ထည်စောင်များမှာ အိမ်တွင် ရက်လုပ်လျက်ရှိကြောင်း၊  ရွတ်ကျစ်ခေါက်ချိုးစောင်နှင့် ဝါဒစောင်များကိုအသုံးပြုသည့် တိုင်ချည်အမျိုးအစားများမှာ ချည်ချော(၁/၂၀) ချည်နှင့် ချည်ချော(၁/၁၀) ချည်များကိုအသုံးပြုပြီး ဖောက်ချည်အနေဖြင့် (၁/၇)ချည်နှင့်(၁/၅) ဗမာချည်များဖြင့်ရက်လုပ်ထားကြောင်း၊ ကုန်ကြမ်းများကို မန္တလေးတိုင်းဒေသကြီးမှ ဝယ်ယူအသုံးပြုကြောင်းသိရှိရပါသည်။ တိုင်ချည် ချည်ချော(၁/၂၀)ချည်တစ်ထုပ်လျှင် ကျပ်(၄၀၀၀၀)၊ ချည်ချော(၁/၁၀)ချည်တစ်ထုပ်လျှင် ကျပ်(၄၀၀၀၀)၊ ဖောက်ချည်(၁/၇) ချည်တစ်ထုပ်လျှင် ကျပ်(၃၄၀၀၀)၊ (၁/၅) ချည်တစ်ထုပ်လျှင် ကျပ်(၃၃၉၀၀)ဖြင့်ဝယ်ယူရကြောင်း၊ ဝါဒစောင်နှင့် ရွတ်ကျစ်စောင်များအတွက် စက်ယက်ကန်းနှင့် လက်ယက်ကန်များတွင် တိုင်ချည်ကို(၁၀)ထုပ်အသုံးပြုပြီး ဖောက်ချည် (၆) ထုပ်သုံးစွဲရကြောင်းသိရှိရပါသည်။ လုပ်သားခဈေးမှာ ဝါဒစောင်လက်ယက်ကန်းတစ်ထည်ခတ်ခမှာ ကျပ်(၃၅၀၀)ပေးရပြီး တစ်ရက်လျှင်(၁)ထည်ရရှိကြောင်း စက်ယက်ကန်းတစ်ထည်ခတ်ခမှာ ကျပ်(၃၀၀၀)ဖြစ်ပြီး တစ်ရက်လျှင် (၂)ထည်ရရှိကြောင်းသိရှိရပါသည်။

      “ဂဠုန်မင်း”အထည်ဆိုင်မှ ချည်ထည်ဈေးနှုန်းများမှာ ဝါဒစောင် ပထမတန်းစားတစ်ထည်လျှင် ကျပ်(၃၈၀၀၀)၊ ဒုတိယတန်းစားတစ်ထည်လျှင် ကျပ်(၂၅၀၀၀)၊ ရွတ်ကျစ်ခေါက်ချိုးစောင် ပထမတန်းစားတစ်ထည်လျှင် ကျပ်(၃၀၀၀၀)၊ ဒုတိယတန်းစားတစ်ထည်လျှင် ကျပ်(၁၄၀၀၀)၊ လက်သုတ် ပဝါအကြမ်း(၅)ထည်ပါ တစ်ထုပ်လျှင် ကျပ်(၃၀၀၀)၊ လက်သုပ်ပဝါအချော(၅)ထည်ပါ တစ်ထုပ်လျှင် ကျပ်(၃၅၀၀)၊  မျက်နာသုတ်ပဝါ ပထမတန်းစားတစ်ထည်လျှင် ကျပ်(၁၂၀၀၀)၊ မဝတ်လုံးကွင်းမှာ ချည်အမျိုးအစားပေါ်မူတည်၍ တစ်ထည်လျှင် ကျပ်(၆၅၀၀)မှ ကျပ်(၈၀၀၀)ခန့်၊ ကျားဝတ်လုံချည်တစ်ထည်လျှင် ကျပ်(၈၀၀၀)မှ ကျပ်(၁၀၀၀၀)ခန့်ဖြင့်ရောင်းချလျက်ရှိကြောင်း “ဂဠုန်မင်း” ချည်ထည်ရောင်းဝယ်ရေးမှသိရှိရပြီး မန္တလေးနှင့် ရန်ကုန်မြို့ကြီးများတွင် ဆိုင်ခွဲများတိုးချဲ့ဖွင့်လှစ်နိုင်ရန်အတွက် စီစဉ်လျက်ရှိကြောင်းသိရှိရပါသည်။

DOCA(မကွေး)         

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှု တင်း/တန်စာရင်းတို့ကို အပတ်စဉ်၊ လစဉ်တင်ပြလျက်ရာ အောက်တိုဘာလ၊ ပထမပတ်အတွင်း အရောင်းအဝယ်ဖြစ်သည့် သီးနှံနှင့် ဈေးနှုန်းအခြေအနေများကို ရွှေဘိုမြို့ ပဲ၊ နှမ်းကုန်စည်ဒိုင်ရှိ တာဝန်ရှိသူများနှင့် ဆက်သွယ်မေးမြန်းခဲ့ပါ သည်။ မြေပဲလုံးဆံ(နီ၊ဖြူ)များ စက်တင်ဘာလ၊ တတိယပတ်မှစတင်၍ ရွှေဘိုဈေးကွက်သို့ စတင်ဝင်ရောက်ခဲ့ကြောင်း၊ အောက်တိုဘာလ၊ ပထမပတ်တွင် အရောင်းအဝယ်ဖြစ်သည့် ဈေးနှုန်းမှာ မြေပဲလုံးဆံ(နီ)တစ်တင်းလျှင် (၁၀၈၈၀ဝိ/-)ပေါက်ဈေးရှိပြီး တစ်ပတ်အတွင်း အရောင်းအဝယ်ဖြစ်မှုမှာ (၃၆၀၀)တင်း/(၈၂)တန်ဖြစ်ကြောင်း၊ မြေပဲလုံးဆံ(ဖြူ)တစ်တင်းလျှင် (၁၀၀၈၀ဝိ/-)ပေါက်ဈေးရှိပြီး တစ်ပတ်အတွင်းအရောင်းအဝယ်ဖြစ်မှုမှာ (၁၈၀၀)တင်း/(၄၁)တန်ဖြစ်ကြောင်း၊ ယခင်အပတ်နှင့်  ယခုအပတ် အရောင်းအဝယ်ဖြစ်သည့်ဈေးနှုန်း နှိုင်းယှဉ်ပါက ယခင်အပတ်၌ မြေပဲလုံးဆံ(နီ) တစ်တင်းလျှင် (၁၀၈၀၀ဝိ)ပေါက်ဈေးရှိခဲ့သဖြင့် ယခင်အပတ်နှင့်ယခုအပတ် မြေပဲလုံးဆံ(နီ)တစ်တင်းပေါက်ဈေးတူညီပြီး ယခင်အပတ်၌ မြေပဲလုံးဆံ(ဖြူ)တစ်တင်းလျှင် (၁၀၈၈၀ဝိ/-)ပေါက်ဈေးရှိခဲ့သဖြင့် ယခုအပတ်တွင် ယခင်အပတ်အောက် မြေပဲလုံးဆံ(ဖြူ)တစ်တင်းလျှင်(၈၀၀ဝိ/-) ဈေးလျော့နည်းခဲ့ကြောင်း၊  ယခင်နှစ် ကာလတူနှင့် အရောင်းအဝယ်ဖြစ်သည့်ဈေးနှုန်း နှိုင်းယှဉ်ပါက ယခင်နှစ်ကာလတူတွင် မြေပဲလုံးဆံ(ဖြူ) တစ်မျိုးတည်းသာ အရောင်းအဝယ်ဖြစ်ခဲ့ပြီး တစ်တင်းလျှင်(၈၁၆၀ဝိ/-) ပေါက်ဈေးရှိခဲ့သဖြင့် ယခုနှစ်တွင် ယခင်နှစ်ထက် မြေပဲလုံးဆံ(ဖြူ)တစ်တင်းလျှင်(၁၉၂၀ဝိ/-) ဈေးပိုခဲ့ကြောင်း သတင်းရရှိပါသည်။

DOCA(စစ်ကိုင်း)

    “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေး ဖွံ့ဖြိုးတိုးတက်စေရန်” ဆိုသည့် မျှော်မှန်းချက်နှင့်အညီ အကောင်အထည်ဖော်ဆောင်ရွက်လျက်ရှိရာ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးအနေဖြင့် သီးနှံဈေးနှုန်း၊ ဈေးကွက်နှင့် စီးဝင်/စီးထွက်မှုအခြေအနေများကို စာရင်းကောက်ယူလျက်ရှိရာ ကန့်ဘလူခရိုင်အတွင်း  ဆန်စီးဝင် စီးထွက်အခြေအနေများကို ဖော်ပြလိုက်ရပါသည်။

          ကန့်ဘလူခရိုင်အနေဖြင့် ၂၀၂၃ ခုနှစ်၊ အောက်တိုဘာလ ပထမပတ်အတွင်းဖြစ်ပေါ်ခဲ့သော စပါး၊ ဆန် ဈေးနှုန်းများမှာ ရွှေဘိုပေါ်ဆန်း စပါးတင်း(၁၀၀)လျှင် ကျပ် ၃၄၀၀၀၀၀၊ ဧရာမင်း စပါးတင်း (၁၀၀)လျှင် ကျပ် ၃၀၀၀၀၀၀ နှင့် နွေစပါးရွှေဝါထွန်း စပါးတင်း(၁၀၀)လျှင် ကျပ် ၁၇၀၀၀၀၀၊ ရွှေဘိုပေါ်ဆန်း ဆန်(၂၄)ပြည်တစ်အိတ်လျှင် ကျပ် ၁၂၂၀၀၀၊ ဧရာမင်းဆန်(၂၄)ပြည် တစ်အိတ်လျှင် ကျပ် ၁၂၈၀၀၀ နှင့် ရွှေဝါထွန်းဆန်(၂၄)ပြည်တစ်အိတ်လျှင် ကျပ် ၇၀၀၀၀ ဖြစ်ပြီး  ကန့်ဘလူခရိုင်မှ အခြားတိုင်းဒေသကြီးနှင့်ပြည်နယ်များသို့ ဆန်စီးထွက်မှုမှာ  မန္တလေးတိုင်းသို့ အိတ်ရေ ၅၀၀ အိတ်၊ ကချင်ပြည်နယ်သို့ အိတ်ရေ ၅၀၀ အိတ် စုစုပေါင်းအိတ်ရေ ၁၀၀၀ အိတ်၊ တန်အားဖြင့် (၅၀)တန် စီးထွက်ခဲ့ကြောင်း ဒေသခံဆန်စက်လုပ်ငန်းရှင်နှင့် ချိတ်ဆက်မေးမြန်းမှုအရ သတင်းရရှိပါသည်။ 

DOCA(စစ်ကိုင်း)       

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဝန်ကြီးရုံး၏ ရည်ညွှန်းပါစာလမ်းညွှန်ချက်အရ ဆန်စပါးဆိုင်ရာ အပတ်စဉ်လေ့လာသုံးသပ်ချက်(အကျဉ်းချုပ်) ၃၆/၂၀၂၃ အား သိရှိလမ်းညွှန်မှုပြုနိုင်ပါရန် တင်ပြအပ်ပါသည်။