ပြည်တွင်းကုန်သွယ်မှုသတင်း

  မွန်ပြည်နယ်၊ စားသုံးသူရေးရာဦးစီးဌာန၊ ချောင်းဆုံမြို့နယ်တာဝန်ခံသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့်ပူးပေါင်း၍ (၂၆-၇-၂၀၂၃) ရက်နေ့တွင် ချောင်းဆုံမြို့နယ်၊ ချောင်းဆုံအနောက်ရပ်ကွက်၊ မဟာကန်တော်ကြီး၏အရှေ့  ပျံကျဈေးဝင်းအတွင်း အခြေခံစားသောက်ကုန်များကို သက်သာသောဈေးနှုန်းဖြင့် ရောင်းချပေးခဲ့ကြောင်းသိရှိရပါသည်။

     ထိုသို့ရောင်းချပေးရာတွင် ဆန်တစ်ပြည်လျှင် (၂၆၀၀) ကျပ်၊ ဝက်သားတစ်ပိဿာလျှင် (၁၃၅၀၀) ကျပ်၊ အမဲသားတစ်ပိဿာလျှင် (၁၅၀၀၀) ကျပ်၊ ကြက်သားတစ်ပိဿာလျှင် (၉၀၀၀) ကျပ်၊ ဆီတစ်ပိဿာလျှင် (၅၀၀၀) ကျပ်၊ ကြက်ဥတစ်လုံးလျှင် (၂၆၀) ကျပ်၊ ပိန်းဥတစ်ပိဿာလျှင် (၄၀၀၀) ကျပ်၊ မုန်လာဥတစ်ပိဿာလျှင် (၁၀၀၀) ကျပ်၊ ပဲတောင့်တစ်ပိဿာလျှင် (၂၀၀၀) ကျပ်၊ ကန်စွန်းရွက်တစ်ပိဿာလျှင် (၅၀၀) ကျပ်၊ ခဝဲသီးတစ်ပိဿာလျှင် (၁၀၀၀) ကျပ်တို့ဖြင့်ရောင်းချပေးခဲ့ကြောင်း သိရှိရပါသည်။

DOCA(မွန်)

    မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်၊ မြို့မဈေးအတွင်း၌ ဒေသထွက်ကုန်ပစ္စည်းများနှင့် စားဖိုဆောင်သီးနှံများဝင်ရောက်ရာ ရှမ်းပြည်၊ တောင်ကြီး၊ အောင်ပန်း၊ စလင်း၊ ဆင်ဖြူကျွန်း၊ မကွေး၊ ရေနံချောင်း၊ မန္တလေး၊ မင်းဘူး၊ နေပြည်တော်တို့မှ ဟင်းသီးဟင်းရွက်နှင့် သစ်သီးဝလံပန်းမံများ အများဆုံးဝင်ရောက်ရောင်းချလျက်ရှိကြောင်းသိရသည်။

   ထိုသို့ဝင်ရောက်ရာတွင် ၂၀၂၃ခုနှစ်၊ ဇူလိုင်လ (စတုတ္တပတ်) အတွင်း၌ရောင်းချနေသော ကုန်ဈေးနှုန်းများမှာ ကြက်ဥတစ်လုံးလျှင် ကျပ် (၂၂၀)၊ဘဲဥတစ်လုံးလျှင် ကျပ် (၃၀၀)၊ ကြက်သွန်နီ (၁) ပိဿာလျှင် ကျပ် (၂၄၀၀)၊ ကြက်သွန်ဖြူ (ကြူကုတ်) (၁) ပိဿာလျှင် ကျပ် (၉၀၀၀)၊ ကြက်သွန်ဖြူ (ဗမာ) (၁) ပိဿာလျှင် ကျပ် (၈၀၀၀)၊ ချင်း (၁) ပိဿာလျှင် ကျပ် (၁၀၀၀၀)၊ ခရမ်းချဉ်သီး (၁) ပိဿာလျှင် ကျပ် (၂၄၀၀)၊ ပဲသီး (၁) ပိဿာလျှင် ကျပ် (၁၆၀၀)၊ ဘူးသီး (၁) လုံးလျှင် ကျပ် (၁၂၀၀)၊ အာလူး (၁) ပိဿာလျှင် ကျပ် (၃၅၀၀)၊ ဖရုံသီး (၁) လုံးလျှင် ကျပ် (၅၀၀)၊ ငရုတ်သီးစိမ်း (၁) ပိဿာလျှင် ကျပ် (၁၀၀၀၀)၊ ချဉ်ပေါင်ရွက် (၁) စည်းလျှင် ကျပ် (၁၀၀)၊ ကန်စွန်းရွက် (၁) စည်းလျှင် ကျပ် (၁၀၀)၊ မုန့်ညှင်းထုပ် (၁) ပိဿာလျှင် ကျပ် (၄၀၀၀)၊ ဂေါ်ဖီထုပ် (၁) ထုပ်လျှင် ကျပ် (၁၅၀၀)၊  ပန်းမုန်လာ (၁) ပွင့်လျှင် ကျပ် (၁၀၀၀)၊ ခရမ်းသီး (၁) ပိဿာလျှင် ကျပ်(၂၄၀၀)၊ ခဝဲသီး (၁) တောင့်လျှင် ကျပ် (၅၀၀)၊ ပဲရှည်သီး (၁) တောင့်လျှင် ကျပ် (၇၀၀)၊ သခွားသီး (၁) လုံးလျှင် ကျပ် (၄၀၀)၊ မုန်လာဥနီ (၁) ပိဿာလျှင် ကျပ် (၄၈၀၀)၊ အမဲသား (၁) ပိဿာလျှင် ကျပ် (၁၃၀၀၀)၊ ကြက်သား (ဗမာ) (၁) ပိဿာလျှင် ကျပ် (၁၅၀၀၀)၊ ကြက်သား (စီပီ) (၁) ပိဿာလျှင် ကျပ် (၁၀၀၀၀)၊ ဝက်သား (၁) ပိဿာလျှင် ကျပ် (၁၃၀၀၀)၊ ဆိတ်သား (၁) ပိဿာလျှင် ကျပ် (၁၈၀၀၀) တို့ဖြင့် အရောင်းအဝယ်ဖြစ်လျက်ရှိကြောင်းသိရှိရပါသည်။

DOCA(မကွေး)

   ဧရာဝတီတိုင်းဒေသကြီး၏ ပြည်ပပို့ကုန်များတွင်ပါဝင်လျက်ရှိသော ဆံပင်ဈေးကွက်မှာ ယခင်မူဆယ်မှတစ်ဆင့် တရုတ်နိုင်ငံသို့ အများဆုံးတင်ပို့ရောင်းချလျက်ရှိသော်လည်း ကိုဗစ်ကာလတွင် ဆံပင်အရောင်းအဝယ်အေးသွား၍ ကိုဗစ်ကာလအလွန်၌ ရန်ကုန်မြို့တွင် တရုတ်၊ ဗီယက်နမ်နှင့် ထိုင်းနိုင်ငံသားများက လာရောက်ဝယ်ယူလျက်ရှိပြီး အင်တာနက်ဖြင့် ပစ္စည်းနမူနာပြသ၍ ရောင်းဝယ် လျက်ရှိသည့်အတွက် ဆံပင်ဈေးကွက်ပြောင်းလဲသွားကြောင်း လုပ်ငန်းရှင်ထံမှသိရသည်၊၊

    မြို့ပေါ်ဆံပင်အဝယ်ဒိုင်သို့ မြို့တွင်းနှင့်ကျေးရွာများ၊ အနီးဝန်းကျင်ရှိ မြို့နယ်များမှ လာရောက်ရောင်းချမှုရှိပြီး ဆံပင်ဝယ်ယူရာတွင် အတို/အရှည်၊ ဖြတ်စနှင့်ဆံပင်ကျွတ်စ (အပွအရိုင်း) တစ်ပိဿာလျှင် ကျပ်၅၀၀၀ဝိ/-ဈေးနှင့် (၈) လက်မမှ လက်မ (၄၀) ခန့်အထိဝယ်ယူလျက်ရှိပြီး ဆံပင်ဈေးနှုန်းမှာ တစ်ပိဿာလျှင် ကျပ်၃/၄သိန်းမှ ကျပ်၇/၉သိန်းနှင့် ကျပ်သိန်း၂၀ခန့်အထိဈေးနှုန်းရှိပြီး ကာလာဆေးဆိုးထားသောဆံပင်၊ သဘာဝအဖြူရောင်ဆံပင်နှင့် ဆေးဆိုးထားသောအမဲရောင်ဆံပင်မှာ ဈေးကောင်းမရဘဲ ဆံပင်အရင်းအဖျားဖြောင့်စင်းနေသောဆံပင်မှာ ဈေးကောင်းရပြီး ဆံပင်အရှည်ဆိုဒ်နှင့် ဆံပင်အရည်အသွေးပေါ်မူတည်၍ ဈေးနှုန်းကွာခြားမှုရှိကြောင်း၊ ပုသိမ်မြို့ပေါ်တွင် ယခင်၌ ဆံပင်အဝယ်ဒိုင် ၂/၃ဒိုင်သာရှိသော်လည်း ယခုအခါတွင် အဝယ်ဒိုင်အသစ်များထပ်မံဖွင့်လှစ်၍ ၆/၇ဒိုင်အထိရှိကြောင်း တစ်နေ့လျှင် ငွေကျပ် ၁သိန်းမှ ၅သိန်းနှင့် တစ်ခါတရံတွင် ကျပ်၁၄/၁၅သိန်းအထိ ဆံပင်ဝယ်ယူရရှိကြောင်း ပုသိမ်မြို့၊ မင်းကြီးလမ်းရှိ  “စိတ်တိုင်းကျ” ဆံပင်ရောင်းဝယ်ရေးလုပ်ငန်းရှင် ဦးရဲသီဟထံမှသိရသည်၊၊

   မြန်မာနိုင်ငံမှဝယ်ယူရရှိသောဆံပင်များကို ဥရောပတိုက်အတွင်းရှိ နာမည်ကြီးပြင်သစ် ကိန်းရုပ်ရှင်ပွဲတော်၊ နာတာလူးပွဲတော်၊ ဖက်ရှင်ပွဲတော်၊ ခရစ်စမတ်ပွဲတော်များနှင့် အခြားထင်ရှားသော ပွဲတော်များအတွက် ဆံပင်အတုပြုလုပ်လျက်ရှိပြီး အသားအုပ်ပလာစတာပေါ်တွင် ဆံပင်အတုပြုလုပ်၍ ထိပ်ပြောင်သူများအတွက်အသုံးပြုခြင်း၊ မုတ်ဆိတ်မွေး၊ ပါးသိုင်းမွေးများအသုံးပြုခြင်း၊ တရုတ် ရုပ်ရှင်ကားများတွင် ဆံပင်တု၊ ဆံထုံးအတွက် အသုံးပြုခြင်း၊ ဂီတရုပ်ရှင်နယ်ပယ်နှင့် ပျော်ပွဲရွှင်ပွဲများတွင် အလှကုန်ပစ္စည်းအဖြစ် ဆံပင်တုကို အမျိုးမျိုးတွင်ကျယ်စွာအသုံးပြုလျက်ရှိကြောင်း၊ မြန်မာနိုင်ငံရှိ မိတ်ကပ်ပညာရှင်များမှာ ပြည်ပမှဆံပင်အတုများကိုလည်းဝယ်ယူအသုံးပြုကြကြောင်း သိရပါသည်၊၊

DOCA(ဧရာဝတီ)

    မြင်းခြံခရိုင်သည် အရှေ့ဘက်တွင် မန္တလေးတိုင်းဒေသကြီး၊ ကျောက်ဆည်ခရိုင်၊ မြစ်သားမြို့ နယ်၊ တံတားဦးမြို့နယ်၊ တောင်ဘက်တွင် မိတ္ထီလာခရိုင်၊ မလှိုင်မြို့နယ်နှင့် ညောင်ဦးခရိုင်၊ ကျောက်ပန်းတောင်းမြို့နယ်၊ အနောက်ဘက်တွင် ဧရာဝတီမြစ်ခြား၍ မကွေးတိုင်းဒေသကြီး၊ ပခုက္ကူခရိုင်၊ ရေစကြိုမြို့နယ်၊ မြောက်ဘက်တွင် စစ်ကိုင်းဒေသကြီး၊ မြောင်မြို့နယ်တို့နှင့် နယ်နိမိတ်ချင်းထိစပ်လျက်ရှိပါသည်။

    မြင်းခြံခရိုင်သည် (၂၀၂၃-၂၀၂၄) ခုနှစ်တွင် နွေနှမ်းစိုက်ပျိုးထားရှိမှု (၁၄၉၄) ဧကရှိပြီး လက်ရှိရိတ်သိမ်းပြီးစီးမှုအနေဖြင့် (၁၀၀၀) ဧကရိတ်သိမ်းပြီးစီးပြီဖြစ်ရာ တစ်ဧကပျမ်းမျှအထွက်နှုန်းမှာ (၁၂.၈၆) တင်းနှုန်းခန့်ဖြင့် တင်းပေါင်း (၁၂၈၆၃) တင်းထွက်ရှိပြီဖြစ်ပါသည်။ ကျန်ရှိသောစိုက်ဧကများကိုလည်း ဆက်လက်ရိတ်သိမ်းလျက်ရှိပါသည်။ ယခင်နှစ်စိုက်ပျိုးထားရှိမှုမှာ လျာထားဧက (၁၄၀၈) ဧကဖြစ်ပြီး စိုက်ပျိုးမှုမှာလည်း လျာထားချက်အတိုင်းစိုက်ပျိုးနိုင်ခဲ့ကြောင်းနှင့် တစ်ဧကပျမ်းမျှအထွက်နှုန်းမှာ (၁၂.၉၆) တင်းနှုန်းဖြင့် တင်းပေါင်း (၁၈၂၄၇) တင်းထွက်ရှိခဲ့ကြောင်းသိရှိရပါသည်။ ယခုနှစ်နွေနှမ်းစိုက်ပျိုးမှုမှာ ယခင်နှစ်ထက် (၈၆) ဧကပိုမိုစိုက်ပျိုးနိုင်ခဲ့ပြီး စိုက်ပျိုးမှုအနေဖြင့် ဖေဖော်ဝါရီလနှင့်မတ်လတို့တွင် စတင်စိုက်ပျိုးကြကြောင်းနှင့် ဇွန်လ၊ ဇူလိုင်လ၊ ဩဂုတ်လဆန်းပိုင်းအထိ ရိတ်သိမ်းထွက်ပေါ်လေ့ရှိကြောင်းသိရှိရပါသည်။ နွေနှမ်းမှာ နှမ်းစိုက်ချိန်ကာလသုံးပါးတွင် ရေရာသေချာ၍ အထွက်နှုန်းကောင်းပြီး နွေနှမ်းအား ရေသွင်းနှမ်းဟူ၍လည်းကောင်း၊ မိုးကြိုနှမ်းဟူ၍လည်းကောင်း ဒေသတွင်းခေါ်ဆိုကြကြောင်းသိရှိရပါသည်။

     ယခုနှစ်မြို့နယ်အလိုက်စိုက်ပျိုးမှုအနေဖြင့် မြင်းခြံမြို့နယ်တွင် လျာထားဧက (၁၀၆၀) ဧက၊ စိုက်ပျိုးဧကမှာလည်း (၁၀၆၀) ဧကဖြစ်ပြီး ရိတ်သိမ်းပြီးစီးမှုမှာ (၁၀၀၀) ဧကရိတ်သိမ်းပြီးဖြစ်ပါသည်။ တောင်သာမြို့နယ်တွင် လျာထားဧက (၂၈၄) ဧက၊ စိုက်ပျိုးဧကမှာလည်း (၂၈၄) ဧက၊ နွားထိုးကြီးမြို့ နယ်တွင် လျာထားဧက (၁၅၀) ဧက၊ စိုက်ပျိုးမှုမှာလည်း (၁၅၀) ဧကတို့ဖြစ်ပြီး ရိတ်သိမ်းမှုမရှိသေး ကြောင်းသိရှိရပါသည်။ ယခင်နှစ်မြင်းခြံမြို့နယ်၏ ကာလတူနွေနှမ်းဈေးအနေဖြင့် တစ်ပိဿာလျှင် (၄၀၀၀) ကျပ်မှ (၄၅၀၀) ကျပ်နှုန်းများရှိခဲ့ပြီး ယခုနှစ်ကာလတူတွင် တစ်ပိဿာလျှင် (၇၄၀၀၊ ၇၅၀၀) ကျပ်ဝန်းခန့်ဖြင့် မြင်းခြံကုန်စည်ဒိုင်များတွင် အရောင်းအဝယ်ဖြစ်ပေါ်လျက်ရှိကြောင်းသိရှိရပါသည်။

DOCA(မန္တလေး)

    နတ်တလင်းခရိုင် ၊ သဲကုန်းမြို့နယ်တွင် ဇူလိုင်လစတုတ္ထပတ်အတွင်း၌ ဖြစ်ပေါ်နေသော အခြေခံစားသောက်ကုန်များမှာ တောင်ပျံမွေး ဆန်တစ်အိတ်(၉၅၀၀၀)ကျပ်၊ ဧည့်မထဆန်တစ်အိတ် (၇၅၀၀၀)  ကျပ်၊ စားအုံးဆီ တစ်ပိဿာ(၈၀၀၀)ကျပ်၊ မြေပဲဆီ တစ်ပိဿာ(၁၄၀၀၀)ကျပ်၊ နှမ်းဆီ တစ်ပိဿာ (၁၃၀၀၀) ကျပ်၊ ကြက်သွန်နီ တစ်ပိဿာ(၂၃၀၀) ကျပ်၊ ကြက်သွန်ဖြူတစ်ပိဿာ(၆၀၀၀)ကျပ်၊ ကြက်သွန်ဖြူ  (ကြူကုတ် ) တစ်ပိဿာ(၈၀၀၀)ကျပ်၊ ငရုတ်ခြောက် တစ်ပိဿာ(၁၈၀၀၀)ကျပ်၊ ကုလားပဲ ခွဲခြမ်းတစ်ပိဿာ ၆၂၀၀ ကျပ်၊ မွေးမြူရေးကြက် တစ်ပိဿာ(၁၅၀၀၀)ကျပ်၊ ဝက်သားတစ်ပိဿာ (၁၅၀၀၀)ကျပ်၊ ဆိတ်သား တစ်ပိဿာ(၂၂၀၀၀)ကျပ် ၊ အမဲသား တစ်ပိဿာ(၁၅၀၀၀)ကျပ်၊ ငါးကြင်း တစ်ပိဿာ (၁၃၀၀၀)  ငါးမြစ်ချင်း တစ်ပိဿာ(၁၀၀၀၀)ကျပ်၊ ဘဲဥ တစ်လုံး(၂၃၀)ကျပ်၊ ကြက်ဥ တစ်လုံး (၂၈၀)ကျပ်တို့ဖြစ်ပြီး ဇွန်လဈေးနှုန်းများနှင့် နှိုင်းယှဉ်ပါက ဆန်နှင့်ဆီဈေးနှုန်းတို့မှာ အနည်းငယ်ဈေးနှုန်း မြင့်တက်သွားကြောင်း သိရှိရပါသည်။

DOCA(ပဲခူး)