ပြည်တွင်းကုန်သွယ်မှုသတင်း

  မန္တလေးတိုင်းဒေသကြီး၊ကျောက်ဆည်ခရိုင်၊ကျောက်ဆည်မြို့ရှိ အေးမြကြည်လင်စျေးနှင့် မြို့မစျေးတို့တွင် ရောင်းချလျှက်ရှိသည့် ကြက်ဥ၊ဘဲဥနှင့်ငုံးဥများကို ဒေသတွင်းရှိ ကြက်ခြံ၊ ဘဲခြံနှင့်ငုံးခြံများမှ ဝယ်ယူရောင်းချလျှက်ရှိပြီး လိုအပ်ချက်အရ မန္တလေးမြို့နှင့်ပြင်ဦးလွင်မြို့ များမှလည်း ဝယ်ယူရောင်းချလျှက်ရှိကြောင်းသိရှိရပါသည်။ယခင်လတွင် ကြက်ဥ(၁)ပိဿာ လျှင် လက်ကားစျေး(၉၈၅၀/-)ကျပ် ၊ လက်လီစျေး(၁၀၁၅၀/-)ကျပ်ဖြစ်ပြီး ကြက်ဥတစ်လုံး လျှင် အကြီး(၄၅၀/-)ကျပ်၊ အလတ်(၄၃၀/-)ကျပ်၊အသေး(၄၀၀/-)ကျပ်၊ ဘဲဥတစ်လုံးလျှင် အကြီး(၆၀၀/-)ကျပ်၊အလတ်(၅၅၀/-)ကျပ်၊ ငုံဥ(၂၅)လုံးလျှင်(၂၀၀၀/-)ကျပ်၊ငုံးဥအလုံး (၁၀၀) လျှင်(၈၇၀၀/-)ကျပ်စျေးနှုန်းများရှိခဲ့ပြီး ယခုလတွင် ကြက်ဥ(၁)ပိဿာလျှင် လက်ကားစျေး (၉၆၅၀/-)ကျပ် ၊ လက်လီစျေး(၉၉၀၀/-)ကျပ်ဖြစ်ပြီး ကြက်ဥတစ်လုံးလျှင် အကြီး(၄၀၀/-) ကျပ်၊ အလတ်(၃၅၀/-)ကျပ်၊ အသေး(၃၀၀/-)ကျပ်၊ ဘဲဥတစ်လုံးလျှင် အကြီး(၆၀၀/-)ကျပ်၊ အလတ်(၅၅၀/-)ကျပ်၊ ငုံဥ(၂၅)လုံးလျှင်(၂၂၀၀/-)ကျပ်၊ငုံးဥအလုံး (၁၀၀) လျှင်(၈၅၀၀/-)ကျပ် စျေးနှုန်းများများဖြင့် အရောင်းအဝယ်ဖြစ်လျှက်ရှိပြီး ကြက်ဥစျေးနှုန်းမှာ ယခင်လနှင့် နှိုင်းယှဉ်လျှင်အနည်းငယ် ကျဆင်းလျှက်ရှိကြောင်း၊ ဘဲဥစျေးနှုန်းများတည်ငြိမ်လျှက်ရှိပြီး ငုံးဥ စျေးနှုန်းမှာ အနည်းငယ် မြင့်တက်လျှက်ရှိကြောင်း၊ ကြက်ဥ၊ဘဲဥနှင့်ငုံးဥ ရောင်းချသည့်ဆိုင် များမှ သိရှိရပါသည်။

DOCA(မန္တလေး)

      ကရင်ပြည်နယ် ဘားအံမြို့၏ ဈေးကွက်တွင် ရာသီပေါ်သံပုရာသီးများ ဈေးကောင်းရလျက်ရှိကြောင်း သိရပါသည်။ သံပုရာသီးကို ဘားအံမြို့အနီးတဝိုက်ကျေးရွာများတွင် တစ်နိုင်တစ်ပိုင် စိုက် ပျိုးကြသည့်အပြင် စီးပွားဖြစ်လည်း စိုက်ပျိုးကြပါသည်။ ဘားအံမြို့ ဈေးကွက်အတွင်းသို့ ဝင်ရောက် လာသော သံပုရာသီးများမှာ ဘားအံမြို့အနီးရှိ ကျေးရွာများနှင့် ကြာအင်းဆိပ်ကြီး၊မော်လမြိုင် ရေး မြို့တို့ဘက်မှ ဖြစ်သည်။ မြန်မာ သံပရာသီးအိတ်ကြီး တစ်အိတ်လျှင်(၁၈၀၀၀၀)ကျပ် ဖြစ်ပြီး တစ် အိတ်တွင် အလုံးရေ(၁၆၀၀)လုံးမှ(၁၇၀၀)လုံးထိ ပါရှိသည်။သံပုရာသီး အလုံးချော(အကြီး) တစ်လုံး လျှင်(၂၀၀)ကျပ်၊ အနေတော်တစ်လုံးလျှင်(၇၀၊၁၀၀)ကျပ်နှင့်ယိုးဒယားမျိုးစပ်သံပုရာသီး အလုံးချော (အကြီး) တစ်လုံးလျှင် (၂၅၀) ကျပ်၊အနေတော်တစ်လုံးလျှင် (၁၀၀၊၁၅၀)ကျပ်နှင့် သံပုရာသီးအလုံး ချော(ငယ်) တစ်လုံးလျှင် (၇၀)ကျပ်နှင့် (၁၀)လုံးလျှင် (၅၀၀)ကျပ်တို့ဖြင့် အရောင်းအဝယ်လျက် ရှိပြီး သံပုရာသီးနှင့်ရှောက်သီးကို ကရင်ပြည်နယ် ကြာအင်းဆိပ်ကြီးမြို့နယ်တွင် အများဆုံး စိုက်ပျိုးကြောင်း သိရသည်။

DOCA(ကရင်)

             စစ်ကိုင်းတိုင်းဒေသကြီး၊ မုံရွာမြို့နယ်ရှိ ကျေးရွာများတွင် ရာသီပေါ်ခြံထွက်သီးနှံများနှင့် စားသောက်ကုန်များ အများအပြား စိုက်ပျိုးရောင်းဝယ်လျက်ရှိသည်။ ယခုအခါ မိုးရာသီတွင် အများအပြားထွက်ရှိသော သင်္ဘောသီးများလည်း အရောင်းအဝယ် ကောင်းလျက်ရှိကြောင်း သိရပါသည်။  သင်္ဘောသီးအစိမ်းမှာ သွေးကျဲစေသော ဓာတ်တစ်မျိုးပါရှိပြီး အမှည့်မှာ မျက်စိအမြင်အာရုံအား ကောင်းစေပါသည်။ သင်္ဘောသီသည် သင်္ဘောသီးဖျော်ရည်၊ သင်္ဘောသီးသုပ်နှင့် အိမ်ရှင်မများ အကြိုက်ဟင်းလျာများတွင် အများအပြားထည့်သွင်းအသုံးပြုကြသော အဖိုးတန်သစ်သီး တစ်မျိုးဖြစ်ပါသည်။ စိုက်ပျိုးရရှိသော သင်္ဘောသီးများကို မုံရွာမြို့ပေါ်ရှိ မန်ကျည်းပင်ဈေးနှင့် သာစည်ဈေးတို့တွင် လာရောက်ရောင်းချကြပြီး    ဇူလိုင်လ ပထမပတ် တွင် သင်္ဘောသီး အစိမ်းတစ်လုံး (၁၀၀၀) ကျပ်နှင့် အမှည့်တစ်လုံးလျှင် (၄၂၀၀) ကျပ်ဖြင့် ရောင်းချလျက်ရှိကြောင်း သိရှိရပါသည်။

DOCA(စစ်ကိုင်း)

         ကျွန်းလှမြို့၊ သစ်ရာမြိုင်ဈေးတွင် ငရုပ်သီးခြောက်၊ အာလူး၊ ကြက်သွန်နီနှင့် ကြက်သွန်ဖြူ တို့ကို ကန့်ဘလူဒေသထွက်နှင့် ရှမ်းပြည်နယ် အောင်ပန်းမြို့၊ မန္တလေးတိုင်းဒေသကြီးတို့မှ အများဆုံးမှာယူ ရောင်းချလျက်ရှိကြောင်း သိရှိရပါသည်။

           ၂၀၂၅ ခုနှစ်၊ ဇူလိုင်လ ပထမပတ်၌ ကျွန်းလှမြို့၊ သစ်ရာမြိုင်ရပ်ကွက်အတွင်း ရောင်းချနေသော ငရုပ်သီးခြောက်ဈေးနှုန်း အနေဖြင့် ငရုပ်သီးခြောက်(အရှည်)လက္ကား တစ်ပိဿာလျှင်(၁၅၀၀၀)ကျပ်၊ လက်လီ တစ်ပိဿာလျှင်(၁၆၀၀၀)ကျပ်၊ (၅၀)ကျပ်သားလျှင်(၈၀၀၀)ကျပ်၊ (၂၅) ကျပ်သားလျှင် (၄၀၀၀)ကျပ်နှင့်(၁၀)ကျပ်သားလျှင်(၁၆၀၀)ကျပ်နှင့် ငရုပ်သီးလှော်ကြော် (၁၀)ကျပ်သား လျှင်(၂၀၀၀)ကျပ် ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း သစ်ရာမြိုင်ဈေးတွင် ငရုပ်သီးခြောက်၊ ကြက်သွန်ဖြူ/နီနှင့် အာလူး အရောင်းအဝယ်လုပ်နေသည့် လုပ်ငန်းရှင်များထံမှ သိရှိရပါသည်။

DOCA(စစ်ကိုင်း)

          ကျွန်းလှမြို့၊ သစ်ရာမြိုင်ဈေးတွင် ကုန်စိမ်းသီးနှံအစုံဖြစ်သည် ပန်းဂေါ်ဖီ၊ ‌ဂေါ်ဖီထုတ်၊ ‌ရွှေပဲသီး၊ မုံညှင်းထုတ်၊ ပန်းငရုပ်ပွသီး၊ တိုင်ထောင်ဘို စားပဲသီး၊ ဂေါ်ရခါးသီး နှင့် ခါကြက်ဥတို့ကို ရောင်းချလျက် ရှိရာ မုံညှင်းထုတ်ကို မန္တလေးမြို့ နှင့် ရှမ်းပြည်နယ်တို့မှ မှာယူရောင်းချကြောင်း သိရသည်။

            ၂၀၂၅ ခုနှစ်၊ ယခင် ဇွန်လ စတုထ္ထပတ်တွင် သစ်ရာမြိုင်ဈေးအတွင်းရောင်းချလျက်ရှိသော  မုံညှင်းထုတ် ဈေးနှုန်းမှာ မုံညှင်းထုတ် လက္ကား တစ်ပိဿာလျှင်(၅၅၀၀)ကျပ်၊ လက်လီ တစ်ပိဿာလျှင်(၆၀၀၀)ကျပ်၊ ၅၀ကျပ်သားလျှင်(၃၀၀၀)ကျပ်နှင့် ၂၅ကျပ်သားလျှင် (၁၅၀၀)ကျပ် ဈေးနှုန်းများဖြင့် ရောင်းချခဲ့ပြီး   ယခု ဇူလိုင်လ ပထမပတ်တွင် မုံညှင်းထုတ် ဈေးနှုန်းမှာ လက္ကား တစ်ပိဿာလျှင်(၉၀၀၀)ကျပ်၊ လက်လီ တစ်ပိဿာလျှင်(၁၀၀၀၀)ကျပ်၊ ၅၀ကျပ်သားလျှင် (၅၀၀၀)ကျပ်နှင့် ၂၅ကျပ်သားလျှင်(၂၅၀၀)ကျပ် ဈေး နှုန်းများဖြင့်ရောင်းချလျက်ရှိသောကြောင့် ယခင်အပတ်ဖြင့် နှိုင်းယှဉ်ကြည့်မည်ဆိုပါက မုံညှင်းထုတ် တစ်ပိဿာလျှင်(၃၀၀၀)ကျပ် မြင့်တက်လာပြီး အရောင်းအဝယ်ဖြစ်လျက်ရှိကြောင်း ကုန်စိမ်းသီးနှံအစုံ ရောင်းချသူများထံမှ သိရပါသည်။

DOCA(စစ်ကိုင်း)